Tweet
السلام عليكم ورحمة الله وبركاته
لحد امتى نحصد خسائر المعاصي
أحد الشباب كان من شباب ستار أكاديمي المعروفين وكان بينافس على تصفيات ستار أكاديمي لغاية وقت قريب جدًا، وكان كل شوية يشوف إنه هو راكب عربية وبينزل تحت عربية وبيموت لدرجة إنه متسجله وهو بيحكي الحلم ده اللى اتكرر، سبحان الله ييجي وعلي الطريق الدائري يتحقق الحلم اللي شافه وهو كان بيصفي في تصفيات ستار أكاديمي ويموت وكل مواهبه اللي سخرها لستار أكاديمي مش لربنا تروح في لحظة، ممكن ربنا يأخذ كل حاجة في لحظة، كل مواهبك، جمالِك اللي بتفتيِ بيه، فصاحتك رزانتك، إنت وبتتكلم مع البنات وبتبهج قلوبهم برازنتك، كل دا ممكن يتاخد في لحظة، مواهبك فلوسك كل حاجة ممكن تروح في لحظة، خاف أحسن نعم ربنا اللي إنت بتعصي بيها تروح. خسائر في نعم الله، خسائر يا جماعة في علاقتك بالله دي مش خسائر في علاقتك بوزير كنت تتصل بيه مكالمة يخلصلك اللي إنت عايزه دي خسائر في علاقتك بملك الملوك، ازاي تحتمل؟ يا جماعة بيقولوا معرفة الناس كنوز أومال معرفة الله إيه؟ يا جماعة ازاى علاقتك بالله هتنتهي بالمعاصي اللي إنت بتعملها، عادت علاقتك بالله مش العلاقة الطبيعية بين العبد وربه، العلاقة العظيمة الرهيبة الجليلة، العلاقة دي معدتش علاقتك بربنا إنت بتفتكر ربنا، إنتِ بتفتكري ربنا؟ أحد الإخوان كان قاعد مع واحد يعني بيشرب خمر يعني ربنا يعافيه ويعافينا جميعًا، فالراجل بيقوله إنت بتنام ازاى للأخ، فبيقوله أنا بفضل أذكر ربنا لحد ما أنام، قاله الراجل -استغرب جدًا- الراجل ييجي بنام كل المعاصي تركب عليه والألم النفسي بتاعه يتحطم نفسيًا ليه سبحان الله يا جماعة. خسائر المعصية مش في علاقتك بالله، خسائر المعصية كمان بعلاقتك بالناس، وعلاقتك بالناس ازاى؟ المعصية ربنا بيلقي فيها بغض في قلوب الناس، طب يعني دا إيه، دا يعني إنت ممكن أهم ناس تتمنى في حياتك إنهم يحبوك يكرهوك بسبب معاصيك، مدير الشغل ربنا يجيبه عليك، ودكتور المادة ربي يقلبه عليكِ، جوزك ربنا يقلبه عليكِ بمعاصيك، مراتك ربنا يكرهها فيك بسبب معاصيك، أولادك ربنا يقلبهم عليك بمعاصيك، سبحان الله يبقي أكثر ناس تتمني في حياتك في الدنيا أنهم يحبوك يكرهوك، أصحابك يسلموا عليك و أما تمشي يتريقوا عليك بمعاصيك وأنت عارف ومتعذب ليه؟ لأنك أنت ما أصلحتش ما بينك وبين ربنا ففسد ما بينك وما بينه المخلوق. يا جماعة خسائر المعصية في الآخرة الموضوع خطير ورهيب، موضوع فظيع، يا جماعة خسائر المعصية تشديد لألم خروج الروح، المعصية تشديد لظلمة القبر، المعصية فزع عند البعث، المعصية ظلمات علي الصراط، المعصية خزي ساعة العرض علي الله، المعصية أهوال وحسرات وزفرات في جهنم، المعصية سقوط من على الصراط، المعصية رهب وهلع ساعة وزن الأعمال لما توضع السيئات في الكفة الشمال، العصية يا جماعة أنا عايز أجيبلكم من القرآن الآيات اللي بتصور اللي ماتوا وهما بيعصوا ربنا، اللي الموت جالهم وهما على معصية ربنا بيقولك: "وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ" الأنعام:93، غمرات ده منظر واحد مغموس جوه أعماق المية وهو فجأة بيموت يلاقي نفسه بيلاقي ألم الغرق، أنا مبغرقش في بحر لأ إنت كنت غرقان في دوامة المعاصي بس كنت متخدر مكنتش داري، النهاردة هتدوق ألم الغرق اللي إنت عايش فيه بس مكنتش داري بيه. شوف ربنا بيوصف واحد المعصية جاتله عند الموت، الموت جاله وهو بيعصي ربنا، ربنا بيقول إيه: "وَلَوْ تَرَى إِذْ فَزِعُوا فَلَا فَوْتَ" سبأ:51، مفيش واحد هيتفات، مفيش واحد هيتفات ولا دقيقة واحدة ويتأجل، مفيش معصية واحدة مش هتسجل ولا تتفات "إِذْ فَزِعُوا"، ليه عارفين يا جماعة لما يكون واحد مجموعة بتشرب مخدارت في شقة وفجأة يسمعوا سارينة البوليس يتفزعوا، كل واحد يجري من جهة أو واحد راكب العربية بتاعته ومعاه شلة سوء ومعاه بنت ولا بنات ومعاه مخدرات مجهزها وممكن معاه خمور ومشغل أغاني وهو ماشي بيمني نفسه بليلة سعيدة فجأة ييجي ملك الموت فزعوا، مفيش فزع بعد كدة، ده اتقبض عليه للآخرة، مفيش فزع بعد كدة. شوف ربنا يصورلك مشهد واحد مات علي معصية يقولك: "وَالْتَفَّتِ السَّاقُ بِالسَّاقِ" القيامة:29، يعني آدي ساق وآدي ساق ييجوا في بعض كدة. ده مشهد إيه؟ ده مشهد واحد ماشي في طريق معصية فجأة لقى حملة هتقبض عليه، عايز يلف ويرجع هيرجع إزاى "وَالْتَفَّتِ السَّاقُ بِالسَّاقِ"، الساق عايزة تلف معدش ينفع تلف لا عاد ينفع يطلع قدام ولا يطلع ولا يرجع ورا، في الآية اللي بعدها "إِلَى رَبِّكَ يَوْمَئِذٍ الْمَسَاقُ" القيامة:30، المشهد الأولاني هو بيحاول يلف وهو يرجع ويصلح، المشهد الثاني وهو متساق ومقبوض عليه ومعدش بإيده أي شئ. يا جماعة خسائر الآخرة خسائر مادية، خسائر نفسية، خسائر في نعم ربنا، خسائر أُخروية، خسائر في صلتك بالله، خسائر في صلتلك بالمخلوق، خسائر ممكن عدم حجابِك اللي إنتِ بتسترضي بها زوجِك هو السبب في كره زوجك ليك وبصه لغيرِك، لو لبستِ الحجاب والنقاب ممكن ربنا يرضيه عنك وربنا يحببه فيكِ. سبحان الله العظيم مفيش في المعصية منافع، خسائر عامة، المجتمع كله بيدمر بسببها
للسماع
https://archive.org/download/eqbalni-yarb/5.rmvb
لحد امتى نحصد خسائر المعاصي
أحد الشباب كان من شباب ستار أكاديمي المعروفين وكان بينافس على تصفيات ستار أكاديمي لغاية وقت قريب جدًا، وكان كل شوية يشوف إنه هو راكب عربية وبينزل تحت عربية وبيموت لدرجة إنه متسجله وهو بيحكي الحلم ده اللى اتكرر، سبحان الله ييجي وعلي الطريق الدائري يتحقق الحلم اللي شافه وهو كان بيصفي في تصفيات ستار أكاديمي ويموت وكل مواهبه اللي سخرها لستار أكاديمي مش لربنا تروح في لحظة، ممكن ربنا يأخذ كل حاجة في لحظة، كل مواهبك، جمالِك اللي بتفتيِ بيه، فصاحتك رزانتك، إنت وبتتكلم مع البنات وبتبهج قلوبهم برازنتك، كل دا ممكن يتاخد في لحظة، مواهبك فلوسك كل حاجة ممكن تروح في لحظة، خاف أحسن نعم ربنا اللي إنت بتعصي بيها تروح. خسائر في نعم الله، خسائر يا جماعة في علاقتك بالله دي مش خسائر في علاقتك بوزير كنت تتصل بيه مكالمة يخلصلك اللي إنت عايزه دي خسائر في علاقتك بملك الملوك، ازاي تحتمل؟ يا جماعة بيقولوا معرفة الناس كنوز أومال معرفة الله إيه؟ يا جماعة ازاى علاقتك بالله هتنتهي بالمعاصي اللي إنت بتعملها، عادت علاقتك بالله مش العلاقة الطبيعية بين العبد وربه، العلاقة العظيمة الرهيبة الجليلة، العلاقة دي معدتش علاقتك بربنا إنت بتفتكر ربنا، إنتِ بتفتكري ربنا؟ أحد الإخوان كان قاعد مع واحد يعني بيشرب خمر يعني ربنا يعافيه ويعافينا جميعًا، فالراجل بيقوله إنت بتنام ازاى للأخ، فبيقوله أنا بفضل أذكر ربنا لحد ما أنام، قاله الراجل -استغرب جدًا- الراجل ييجي بنام كل المعاصي تركب عليه والألم النفسي بتاعه يتحطم نفسيًا ليه سبحان الله يا جماعة. خسائر المعصية مش في علاقتك بالله، خسائر المعصية كمان بعلاقتك بالناس، وعلاقتك بالناس ازاى؟ المعصية ربنا بيلقي فيها بغض في قلوب الناس، طب يعني دا إيه، دا يعني إنت ممكن أهم ناس تتمنى في حياتك إنهم يحبوك يكرهوك بسبب معاصيك، مدير الشغل ربنا يجيبه عليك، ودكتور المادة ربي يقلبه عليكِ، جوزك ربنا يقلبه عليكِ بمعاصيك، مراتك ربنا يكرهها فيك بسبب معاصيك، أولادك ربنا يقلبهم عليك بمعاصيك، سبحان الله يبقي أكثر ناس تتمني في حياتك في الدنيا أنهم يحبوك يكرهوك، أصحابك يسلموا عليك و أما تمشي يتريقوا عليك بمعاصيك وأنت عارف ومتعذب ليه؟ لأنك أنت ما أصلحتش ما بينك وبين ربنا ففسد ما بينك وما بينه المخلوق. يا جماعة خسائر المعصية في الآخرة الموضوع خطير ورهيب، موضوع فظيع، يا جماعة خسائر المعصية تشديد لألم خروج الروح، المعصية تشديد لظلمة القبر، المعصية فزع عند البعث، المعصية ظلمات علي الصراط، المعصية خزي ساعة العرض علي الله، المعصية أهوال وحسرات وزفرات في جهنم، المعصية سقوط من على الصراط، المعصية رهب وهلع ساعة وزن الأعمال لما توضع السيئات في الكفة الشمال، العصية يا جماعة أنا عايز أجيبلكم من القرآن الآيات اللي بتصور اللي ماتوا وهما بيعصوا ربنا، اللي الموت جالهم وهما على معصية ربنا بيقولك: "وَلَوْ تَرَى إِذِ الظَّالِمُونَ فِي غَمَرَاتِ الْمَوْتِ" الأنعام:93، غمرات ده منظر واحد مغموس جوه أعماق المية وهو فجأة بيموت يلاقي نفسه بيلاقي ألم الغرق، أنا مبغرقش في بحر لأ إنت كنت غرقان في دوامة المعاصي بس كنت متخدر مكنتش داري، النهاردة هتدوق ألم الغرق اللي إنت عايش فيه بس مكنتش داري بيه. شوف ربنا بيوصف واحد المعصية جاتله عند الموت، الموت جاله وهو بيعصي ربنا، ربنا بيقول إيه: "وَلَوْ تَرَى إِذْ فَزِعُوا فَلَا فَوْتَ" سبأ:51، مفيش واحد هيتفات، مفيش واحد هيتفات ولا دقيقة واحدة ويتأجل، مفيش معصية واحدة مش هتسجل ولا تتفات "إِذْ فَزِعُوا"، ليه عارفين يا جماعة لما يكون واحد مجموعة بتشرب مخدارت في شقة وفجأة يسمعوا سارينة البوليس يتفزعوا، كل واحد يجري من جهة أو واحد راكب العربية بتاعته ومعاه شلة سوء ومعاه بنت ولا بنات ومعاه مخدرات مجهزها وممكن معاه خمور ومشغل أغاني وهو ماشي بيمني نفسه بليلة سعيدة فجأة ييجي ملك الموت فزعوا، مفيش فزع بعد كدة، ده اتقبض عليه للآخرة، مفيش فزع بعد كدة. شوف ربنا يصورلك مشهد واحد مات علي معصية يقولك: "وَالْتَفَّتِ السَّاقُ بِالسَّاقِ" القيامة:29، يعني آدي ساق وآدي ساق ييجوا في بعض كدة. ده مشهد إيه؟ ده مشهد واحد ماشي في طريق معصية فجأة لقى حملة هتقبض عليه، عايز يلف ويرجع هيرجع إزاى "وَالْتَفَّتِ السَّاقُ بِالسَّاقِ"، الساق عايزة تلف معدش ينفع تلف لا عاد ينفع يطلع قدام ولا يطلع ولا يرجع ورا، في الآية اللي بعدها "إِلَى رَبِّكَ يَوْمَئِذٍ الْمَسَاقُ" القيامة:30، المشهد الأولاني هو بيحاول يلف وهو يرجع ويصلح، المشهد الثاني وهو متساق ومقبوض عليه ومعدش بإيده أي شئ. يا جماعة خسائر الآخرة خسائر مادية، خسائر نفسية، خسائر في نعم ربنا، خسائر أُخروية، خسائر في صلتك بالله، خسائر في صلتلك بالمخلوق، خسائر ممكن عدم حجابِك اللي إنتِ بتسترضي بها زوجِك هو السبب في كره زوجك ليك وبصه لغيرِك، لو لبستِ الحجاب والنقاب ممكن ربنا يرضيه عنك وربنا يحببه فيكِ. سبحان الله العظيم مفيش في المعصية منافع، خسائر عامة، المجتمع كله بيدمر بسببها
للسماع
https://archive.org/download/eqbalni-yarb/5.rmvb
تعليق