Tweet
الحمد لله رب العالمين
وأشهد أن لا إله إلا الله وحده لا شريك له وأشهد أن محمداً عبده ورسوله صلى الله وسلم
وبارك عليه وعلى آله وأصحابه والتابعين لهم بإحسان إلى يوم الدين.
أما بعد
نحن الان فى بيت نديم
التليفون بيرن
-
-
-
بترفع السما عة
زوجة نديم السلام عليكم ورحمة الله وبركاته
زوجة محمود وعليكم السلام ورحمة الله وبركاته
كيف حالك اختى؟
زوجة نديم الحمد لله فى نعمة
زوجة محمودهتخرجوا معانا يوم الاثنين الجاى ؟
علشان نأخدوكم معانا فى السيارة ؟
زوجة نديم واشمعنى الأثنين الجاى بالزات؟
زوجة محمود علشان ده عيد شم النسيم
كل سنة وانت طيبة
زوجة نديم بس يا اختى ده مش عيدنا
ده عيد المشركين وما ينفعش نحن المسلمين نحتفل بيه
زوجة محمود والله يا أُختى أنا سمعت الكلام ده من مشايخ قبل كده
بس زوجى مصمم اننا نخرج فى اليوم ده وجهز الفسيخ كمان
وجاب البيض علشان نلونه ونعطيه للأولاد
وانا كنت شبه مقتنعه أنه حرام والان اقتنعت بكلامك
زوجة نديم طيب الحمد لله يعنى مش هتخرجوا فى اليوم ده؟
زوجة محمودوالله مش عارفه أقولك ايه .. أصلوا زوجى شرانى ومش هقدر أكلمه فى الموضوع ده
علشان هو متمسك بالعادات والتقاليد ( ولو كلمته ممكن يتخرب البيت)
زوجة نديم ربنا ما يجيب خراب يا اختى
تأمرى بحاجة علشان جرس الباب بيرن
زوجة محمود لا يا اختى شكرك لك
السلام عليكم
زوجة نديم وعليكم السلام ورحمة الله وبركاته
نديم السلام عليكم ورحمة الله وبركاته
زوجة نديم وعليكم السلام ورحمة الله وبركاته
-
-
-
بعد الغداء أخبرت زوجة نديم زوجها بما دار بينها وبين زوجة محمود
وقالت له ما رأيك أن تذهب الى محمود وتنصحة
نديم ان شاء الله أذهب اليه
راح نديم الى محمود وجلسا يتحدثا مع بعض
وفى وسط الكلام قال نديم
هنتكلم عن عيد شم النسيم وللاسف ليس بعيييد فانه بدعــــــــــــه
محمود -- انت بتقولي ايه بدعه ؟!؟
نديم ايوه بدعه ...
محمود -- طب بدعه ازاي احنا بنعمل ايه يعني
احنا بننتظره من السنه للسنه عشان اللمه واكل الفسيخ ونلون البيض
وخلي الاولاد ينبسطو ويفرحوا ونرفه عن نفسنا شويه
احنا مش بنعمل حاجه حرام
يبقه بدعه ازاي ؟ فهميني.....
نديم انا هقولك الحكاية
سمعينا صلاتك على محمد عليه الصلاه والسلام
محمود -- صلى الله عليه وسلم
نديم -- فعلا عيد شم النسيم من البدع الكتير اللي بقت منتشره دلوقتي
والناس بتحتفل بيها من غير ماتهتم تعرف اصلها وحكمها
شم النسيم يا محمود دا عيد الفراعين مش عيد المسلمين
الفراعين دول مش مسلمين دول كانو كفااااار
ومش انا اللي بقول ده ربنا اللي اخبرنا بكده في القران
اسمع قول الله تعالي
فِي تِسْعِ آيَاتٍ إِلَى فِرْعَوْنَ وَقَوْمِهِ إِنَّهُمْ كَانُوا قَوْماً فَاسِقِينَ
النمل :12
فَاسْتَخَفَّ قَوْمَهُ فَأَطَاعُوهُ إِنَّهُمْ كَانُوا قَوْماً فَاسِقِينَ
الزخرف:54
و بعد الكلام ده انت تحب تتشبه بيهم وتحتفل باعيادهم...
محمود-- طب ازاااااااااااااااى !!!
نديم -- مش النبي قال :"من تشبه بقوم فهو منهم" رواه أحمد (3/50) وأبو داود (5021).
محمود-- احنا مش منهم
نديم -- انتو بتحتفلوا بمين ؟؟
هو مش انت مسلم ؟
محمود-- - ايوا طبعًا طبعًا الحمد الله مسلم
نديم --إذن اعتز بدينك وافتخر باسلامك
واقتصر على ما شرعه الله عز وجل
خد الدين كما أنزله الله على رسوله صلى الله عليه وسلم بلازيادة ولا نقصان
انت لازم تعبد ربنا بمقتدى شريعته اللي وضحها لينا قدوتنا
وحبيبنا النبي صلى الله عليه وسلم
مش كل بدعه أو عيد ملوش اصل ف الاسلام نسير علي نهج اللي كانو قبلنا
ونحتفل بيه ونقول ما كل الناس كده
بلاش نكون زي اللي ربنا قال عنهم :
{وَإِذَا قِيلَ لَهُمُ اتَّبِعُوا مَا أَنزَلَ اللّهُ قَالُواْ بَلْ نَتَّبِعُ مَا أَلْفَيْنَا عَلَيْهِ آبَاءنَا أَوَلَوْ كَانَ آبَاؤُهُمْ لاَ يَعْقِلُونَ شَيْئاً وَلاَ يَهْتَدُونَ} (البقرة:170).
لا يا حبيبي كده مينفعش
انت مسؤل عن نفسك وحتتحاسب على عملك
يعني احتفال كل اللي حواليك مش حجة ليك
قال تعالى :
{ كُلُّ نَفسٍ بِمَا كَسَبَت رَهِينَةٌ }
محمود--طيب انا مش بعمل بدعة ولا حاجة نحن بنخرج نتفسح ونأكل فسيخ وكدا....
نديم --لو كان الاحتفال باليوم ده وتخصيص الحاجات اللي بتتعمل فيه خير
كان النبي صلى الله عليه وسلم احتفل بيه وأمرنا بكده
لكن شوف رسولك وحبيبك علمنا ايه :
قدم رسول الله صلى الله عليه وسلم المدينة ولهم يومان يلعبون فيهما فقال ما هذان اليومان؟ قالوا كنا نلعب فيهما في الجاهلية فقال صلى الله عليه وسلم إن الله قد أبدلكما بهما خيرا منهما يوم الأضحى والفطر
الراوي:أنس بن مالك المحدث:ابن الملقن - المصدر:شرح البخاري لابن الملقن - الصفحة أو الرقم: 8/52
خلاصة حكم المحدث: إسناده صحيحو الله سبحانه وتعالى اختار لنا الإسلام ديناً و أتمه علينا كما قال تعالى :
{الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الْإِسْلَامَ دِينًا }
[المائدة:3]
و عن النبي صلى الله عليه وسلم أنه قال:
"لتتبعن سنن من كان قبلكم شبراً بشبر وذراعاً بذراع حتى
لو دخلوا جحر ضب تبعتموهمقلنا: يا رسول الله اليهود والنصارى، قال: فمن؟"
أخرجه البخاري (732) ومسلم (2669)
محمود-- خلاص يا عم نديم بعد الكلام ده
أنا مش هحتفل بشم النسيم
تعليق