Tweet
ملحوظة ((القصة نقلتها من احد المنتديات الاسلامية))
هقص عليكم حكاية بنت أعرفها جيداً , كانت مترددة فى انها تخلينى اكتب
قصتها لكنها وافقت الحمد لله .. لعل قصتها تكون سبب فى هداية أى حد
يقرأها !
بتقول انها كانت بنت عادية جداً .. كانت الصلاة تقيييلة على قلبها جداً ,
بتفرط فى صلواتها عادى وممكن تقعد بالشهور متصليش فرض واحد ولو
صلت يبقى علشان والدتها بتزعقلها فبتقوم حتى مش بتكمل وضوء تبل بس
كده ظاهرياً علشان يبان انها توضت ... تركع وتسجد مجرد حركات
" مفيش تسبيح " علشان تخلص من كلام والدتها !! ..
لبسها كان عادى , ممكن تلبس بنطلونات مفيش مشاكل بالنسبة لها .. عاشت ييجى 3 سنين على الحال ده ...
وبعد الـ 3 سنين دول واظبت على الصلاة أخيـراً ..
وفى يوم صديقتها اتصلت بيها وقالتها ان اخواتها الكبار عملوا منتدى وقالتلها
تسجل فيه وتشارك والكلام ده ..
سمعت الكلام ودخلت المنتدى وشاركت ومكنتش بتقوم من عليه !!
وطبعاً مفيش اى قوانين ع البحـرى يعنى !
يوم بيوم بدأت تتعلق بأخو صاحبتها ده وحست انه هو كمان بيبادلها نفس
الإحساس !! ولا حول ولا قوة إلا بالله
وفى يوم بعت ليها رسالة على المنتدى وقال ليها انه بيحبها ... هى بتقولى انها
كانت لا تعرف الموضوع ده حلال ولا حرام او ممكن تكون عارفة انه
" غلــط " مكنش فى بالها حكاية حرام ولا حلال !!
المهم كان الموضوع ما بينهم عبارة عن رسايل مش اكتر ..
بتقولى انها مكنتش تتوقع أبداً انها فى يوم تكلمه على التليفون وفى مخيلتها ان
الموضوع مش ممكن يتطور نهائى عن مجرد رسايل وبس !!
لكن كان الأخ ده فى يوم بيفتش فى البروفايل بتاعها على الفيس وشاف
فى الفريندز انها كانت ضايفة ابن خالتها تقريباً وابن خالها .. بعت ليها رساله
على المنتدى قالها تكلمه على الرقم ده ....... لأن الأمر ضروورى !
طبعاً متكلمتش لأنها تخاف ان الموضوع يتطور !!
لكنه قالها تدخل الشات بتاع المنتدى ده واتحايل كتيير عليها .. واخيراً وافقت
ودخلت واتكلموا مع بعض .. واتفاهموا والمشكلة اتحلت !
يوم عن يوم اخد ايميلها وضافها والكلام بقى اكتر واكتر ...
>> شايفين الحكاية بتكون بالتدرييج ازاى ؟؟
بتقولى ان والدتها
كانت بتبقى قاعدة جمبها ومستأمناها وهى فاتحة وبتكمله على الياهو !!
سبحان الله ربنا كان بيسترها عن أعينهم !!
ومرة تانية كانت فاتحة المنتدى ووالدها جه وشاااف بتكلم مين لكن كان اسمه
لا يدل على انه ولد او بنت .. سبحان الله كان ربنا بيمهلهـا علشان تتوب !
بتقولى مكنتش خايفة غير من ان حد من أهلى يشوفنى !! مكنتش خايفة من
عقـاب ربنا وخليت ربنا هو أهــون الناظرين ليا !
المهم .. اخو صاحبتها ده فى يوم قالها انه عايز الباسوورد بتاع الفيس لزوم الثقة يعنى !
وكانت عملاه رقم موبايلها .. اديتله الباسوورد وفى نفس الوقت رقم موبايلها !!
واتفق معاها على معاد علشان يكلمها ...
وكان المعاد ده هو فى الامتحانات بعد اما تخلص الامتحان ترن وهو يتصل !!
بتقولى " كنت فرحانة وفى نفس الوقت خايفة لحد من أصحابها يشوفها !! "
وفعلاً اتصلت وكلمها مجرد دقيقتين تقريباً وخلاص على كده !
بتقولى انها فى أول يوم امتحانات كان الامتحان صعــب جداً .. وكانت
مش عارفة تحل أى حاجة وده كان بالنسبة لها صدمـة لأنها مذاكرة المادة دى
ومرجعاها كتييير وكانت واثقة من نفسها لكن متعرفش إيه اللى حصلها وقت الامتحان؟؟
نسيـت فجأة كل حاااجة ... حاولت تفتكر اى حاجة تنجحها مفيش فايدة ؟!!
سبحان الله .. وبعد اما رجعت من الامتحان فضلت تدعى ربنا كتييييير
وصلت وطولت فى السجود دعت ان ربنا ينجحها ويوفقها !
فى جزئية خاصة بنتيجة الامتحانات هقولها فى آخر القصة ان شاء الله ..
وفى الامتحانات حصلت مشكلة كبيييرة ما بينهم ودى كانت أول رسايل من
ربنا ليها بعد الامتحان اللى معرفتش تحل فيه !
بعتلها رساله على الموبايل وقالها كلام مش كويس .. ردت عليه برساله برضو
وقالتله " تنسى انك عرفتنى "
وسابت الموبايل على الترابيزة بتقولى
" ازاااى انا سبته وقتها معرفش ؟! وكمان مكنتش عملاه صامت لأنها كانت
علطوول بتعمله صامت ..وامها كانت قاعدة فى الصالة والكـل كان موجود
واحتمال كبير يبعت ليها رسالة تانية !!
سابت الموبايل وراحت تفتح المنتدى علشان تحاول تقفل حسابها فيه وتقطع أى
حاجة تربط ما بينهم !
وفى الوقت ده بعتلها رساله على الموباايل ووالدتها شافتها ووالدها واختها
وكلــه !!
امها ندهت عليها قلبها وقع فى رجلها وعرفت انها اتكشفت !!!!
الرسالة مكنش ذاكر فيها اسمها " فى الوقت ده " وده من تدبير ربنا ليها عشان
تطلع من الموضوع ده على خير ..
لكن والدتها قلبت فى الموبايل وشافت الرساايل اللى كان بيبعتهلها لكن برضو
سبحان الله مكنش فيها حاجة تدل على انه ولــد !!
وسبحان الله موبايلها كان تلقائى بيمسح الرسايل المرسلة !! فوالدتها مشافتش
ولا رسااله من اللى كانت بتبعتهم ليه !!
كانت مسجلاه بإسم بنت ... لكن الرسالة وقتها كانت غريبة وبالنسبة
لوالدتها الكلام مش مفهـوم لكن هى فاهمة الكلام !
وحصلت وقتها مشكلة كبيييييييرة اووووى فى البيت بسبب الرسالة دى
وماماتها كانت شكااكة جداً ..
فقالت لها ( ده ولـد وانتى تعرفيه !! )
بتقولى ( انكرت انكاار شدييد وكنت بعيط بحرقة وحلفت حلفانااااات كتييرة
اوى كذب وبرضو مكنتش خايفة من انتقام ربنا ) !!
مكنتش عارفة تتصرف ازاى فى موقف زى ده ولا عارفة تتكلم .. مامتها
راحت اتصلت بالموبايل بتاعها على الولد ده
رد عليـها علطول ولما لقى الصوت مختلف قفل السكـة !!
وحاولوا يتصلوا كتيير لكنه مردش تانى ..
وفى الوقت ده صاحبتى عرفت هى هتقول إيه لأمها عشان تخرج من الموضوع ده .
قالتلها ان الرقم ده كان بتاع واحدة صاحبتها والرسايل اللى قبل كده
>> اللى مكنش فيها حاجة تدل على ان المرسل
ولد ... وصاحبتها موبايلها ضاع منها والخط اتسرق وان ده اكييد الولد اللى سرق الموبايل !
وفضلت تحــلف حلفانات كتييرة كذب برضو ان الرقم ده بتاع صاحبتها !!
لكن لازاالت أمها شاكة فييها ومش راضية تصدقها ابدااا !!
بتقولى من كتر الحلفانات الكذب كنت حاسة ان ربنا هيخسف بيا الأرض من جبروتى !!
يتبــع ان شاء الله
هنشوف والدتها هتعمل إيه ؟ وهل هترجع للولد ده تانى
؟؟ وهل ربنا هيبعت لها رسايل تانية ؟؟ وهتتوب ازاى ؟ وامتى ؟
يتبع...
تعليق