Tweet
أنا كنت محـــــــــروم منك أوي
جائني أحد الناس وسبحان الله قصته قصة عجيبة
قالي بص يا شيخ:
أنا عملت كل شي في الحياة من منكرات وفواحش كل اللي تتصوره وكل اللي متتصورهوش ، أنا كنت إنسان سيء إلى أبلغ ما تتصور ، مائي كأس الخمر ... بيتي بيت المفضل للأسف بيوت الدعارة
فمكنتش باصص خالص لموضوع الدين ده ، لغاية ما حصل إن أنا كنت في مرة من المرات في أحد البيوت دي فأتعرفت على واحدة ووجدتها مختلفة غير كل البنات اللي أنا كنت أعرفهم قبل كده ،
بدأت اتكلم معها وبدأت تفضفض معاية اكتشفت إنها قصة مأساوية!!
انا بقولكم زي ما هو بيقول بالظبط انا كنت مستشعر إن هو بيحكيلي فيلم لولا والله إني أنا سمعتها بأذني!!
فبيقولي أتعرفت عليها قالتلي إن هي كانت ((إنسانة)) بتقول يعني إنها كانت تعرف طريق ربنا في يوم من الأيام وكانت متزوجة وبعدين حصل بينها وبين زوجها خلاف المهم طلقت ومعاها بنت و بعد شوية أتعرفت على رجل فلسطيني وتزوجت منه وقعدت معه حوالي ثلاث سنوات وأنجبت منه بنت اخرى ،
بتقول في يوم من الأيام صحيت من النوم ما لقيتهوش ولا تعرف عنه أي شيء ، وأصبحت هكذا امرأة في الشارع ، طافت شمال طافت يمين وما كان معاها أي مال يكفيها قضيت شهر, اتنين ,ثلاثة , ومكنش لها حد يصرف عليها المهم وصل بيها الأمر في النهاية إنها....
اتعرفت على أحد صاحبات السوء قالتلها يعني إنتِ مش لاقيه حد يصرف عليكِ فيها إيه أما تتعرفي على واحد يصرف بس عليكِ مش لازم يعني يقع في أي شيء منكرات أو أي حاجة يعني تستغليه يصرف عليكِ
طبعا دي كانت أول الطريق في النهاية وصل بها الأمر والعياذ بالله إلى إنها بقيت هكذا .
بيقول إنه هو حس إنها صادقة في الكلام راح هو عمل إيه بقى راح جاب لها شقة وراح عمل عقد عرفي وأرّخه قبل الموعد بخمس سنين عشان البنتين دول ينسبوا ليه قدام الناس!!!
وراح رايح مأجر شقة وبدأ خلاص يعني يعيش معاها قدام الناس كلها إنهم أزواج!!!
هي مشكلتها ايه؟ إنها مش مطلقة فهي مش عارفة تتزوج، وهو من ناحية تانية هو مفيش في دماغه إلا إنه بدل ما كل يوم يتنطط من واحدة لتانية خلاص ياخد واحدة كده يستمتع بها والسلام!!!
بيقول بعد ثلاث شهور حملت وهي في موضوع الحمل ده ما بتحب حد يقرب من ناحية ولادها ولا بتحب تجهض نفسها ولا الكلام ده، بيقول مشي الأمر واستمر معها لغاية لحد ما خلفت .....
بعد شوية رجع الرجل الفلسطيني بيقول أنا بقى اللي إتعمل فيّ المقلب بصيت في يوم من الأيام ملقيتهاش لاقيتها إتصلت بيّ على التليفون بتقولي أنا في الحته الفلانية وعرفت منها هنا إنها رجعت للراجل التاني!!
القصة كده من أولها لأخرها ماشي...أنا عايز أوصل لفين ...بص المشهد ده والمشهد ده؟؟؟
بيقولي أنا من طغياني أنا كنت وصلت إني كان معايا عربية مفيش حد في مصر ركبها وكنت واخدها جنبي ومعايا البنتين فعملت حادثة في الطريق
وطلعت منها صاغ سليم
بصلته وقولتله أنت بتاخدها مني والله هجيب أحسن منها
بيقــــــــول لربنـــــــــــــــــا!!!!!!!!!!
بيقولي انا وصلت لدرجة والعياذ بالله متتصورهاش ، وفعلا بعديها بكام شهر كنت جايب عربية أحسن من اللى كانت معايا مقعدتش معايا ثلاث شهورعملت حادثة تانية العربية لفت ست مرات!!!
وطلعت منها برضو صاغ سليم!!!
بيقول
الخبطة التانية دي بقى بدأت تفوقني شويه ولما حسيت إني إتهنت في كرامتي بدأت أقف مع نفسي.... ده في بنت جت من حرام هيبقى مصيرها زي أمها هي كمان كده هتعيش العيشة دي وأنا السبب!!!
بيقول سبحان الله مرة واحدة لقيت نفسي بدأت أفوق ، كل حاجة بدأت تضيع من حوليّ....
كنت باخد مرتب ما بحلمش بيه لغاية ما ضاع...
شغلي بقه أسوء من كده مفيش...
الرزق مبقاش مبارك
عربياتي اللي إتكسرت...
الناس بقيت خلاص مش طايقني...
حسيت إن الدنيا كلها ضاقت عليّ في اللحظة دي فوقت!!!
اللي كان بيقوله إنت هتاخدها مني بقى يقول ايه؟؟؟ والله لو أوصفلكم كان بيتكلم ازاي كلام طالع فعلا من قلبه ظاهر تماما علامات الصدق فيه...
بيقولي :
انا دلوقتي أصحى من النوم كده أقعد ابكي وأقوله أنا كنت محـــــــــروم منك أوي
يااااااااااااااه
أنا قلتله أنا قدام مولود ولد من جديد شخصية تانية 180 درجة ، كل الكلام ده ثلاث أو أربع شهور ، عشر سنين ولا خمسة عشر سنة ضاايع ، وفي لحظة يقال هو ممكن يبقى كده يا جماعة؟؟؟
هو ممكن إحنا نتغير كده يا جماعة؟؟؟
ممكن قلوبنا تبقى بالمعاني الجميلة دي ؟؟؟؟؟
أه والله هو ده أثر الايمان
للشيخ هاني حلمي
تعليق