حياة شاب على حائط مصرى (قصة)

[اسماء مصرية]

رد: حياة شاب على حائط مصرى (قصة)

معذرة اخانا الفاضل والله انا مهتمة بهذا المسلسل
لكن ظروف الدراسة ..
اعتذر للجميع
سأحاول الاسراع
بارك الله فيكم جميعاً

[اسماء مصرية]

رد: حياة شاب على حائط مصرى (قصة)

وفى صباح اليوم التالى ..استيقظ احمد على نداء والدته ..ولكنه لم يتناول الفطور ..فأسرع ليلحق بسلمى ..فقد كان يشعر ..فى طيات نفسه بشيء سيحدث .ولكنه لم يعرف ما هو ..دخل الى الجامعة فلمح سلمى تقف مع احد الشباب ..تبدو عليه علامات الثراء ..اقترب اكثر ليعرف
احمد::ازيك يا سلمى مش تعرفينا
سلمى ::امممممم ده خطيبى
هنا نزل الخبر كصاعقة على احمد ..لم يشعر بنفسه الا وهو مغشياً عليه .. اجتمع حوله الشباب لأفاقته ..أفاق وهو يبحث بعينيه عن سلمى وسط
الجموع ..لكن محاولاته باءت بلفشل ..
وهنا جاءت صديقتها لتحدثه
الصديقة ::ايه يا احمد مالك ؟

احمد::فين سلمى ؟

الصديقة ::سلمى روحت مع خطيبها

احمد::طب وانا وانااااااااااااااااا

الصديقة ::انساها

احمد::ازاااااااااااااااااااى انا بحبها

الصديقة ::بس هى مش بتحبك !!

احمد::لا لأ اكيد اهلها ضغطوا عليها عشان توافق

الصديقة ::تحب تسمع بنفسك انا حفتح الاسبيكر واسمع

وهنا قامت صديقتها بعمل مكيدة ..فأتصلت على سلمى وحدثتها

الصديقة ::ايوة يا سلمى فينك يا بنتى سبتى احمد ليه ؟

سلمى ::اسكتى خطيبى معاى وبعدان متجبيش سيرته كل شىء أنتهى

خارت قوى احمد ..والدموع تنسكب من عينيه .. وعندما تجمع حوله اصدقائه اسرع بلجرى ..لتأتى أمامه عربة فتصدمه ..ليقع مغشياً عليه من جديد ..

تابعونا

[اسماء مصرية]

رد: حياة شاب على حائط مصرى (قصة)

بعتذر عن التأخير لكنى اقوم بتحضير للحلقات الباقية انتظرونا ان شاء الله

[اسماء مصرية]

رد: حياة شاب على حائط مصرى (قصة)

أسرع الجميع يهرول نحو أحمد ..الاصدقاء وحتى المارة فى الطريق ..ونزل قائد السيارة ..ليقوم بنقل أحمد ..حمله الجميع وادخلوه سيارة الرجل ..لم يفق أحمد الا ويجد نفسه فى المشفى ..حوله أبيه وامه وحتى عنتر وماجد وكل زملائه ..يلتفون حوله .
ولكنه كان يتوقع حضور شخص أخر ولكن عبثاً باءت محاولته فى البحث بعينيه عنها فشلاً..
الأم ::يا حبيبى يا بنى
الاب::حمدلله عسلامة كده تخضنا عليك يا احمد
احمد::الحمدلله وصمت
عنتر ::تعيش وتاخد غيرها وبعدان يلا يا عم صحصح كده عشان تحضر فرحى
احمد::مبروك
ماجد::لا حول ولاقوة الا بالله الحمدلله انك بخير الحمدلله
احمد::هاااااااااا
وهنا أستأذن احمد من الجميع ان يظل بمفرده ..انصرف الجميع وهم يشعرون ..ان احمد يمر بتجربة حب فاشلة ..ظل احمد يردد بينه وبين نفسه
بقى كده يا سلمى اموت ومتجيش تشوفينى
انا غلطان انى حبيتك انا غلطان
وهنا أنخرط فى بكاء شديد ..وعلا شهيقه ..مرت ثلاث اشهر على احمد حتى استعاد عافيته من جديد ..ولكنه لم يعد أحمد ..صاحب القلب الابيض ..صاحب الابتسامة التى تعلو الثغر ..ولد أحمد من جديد ولكنه ميلاد من نوع أخر ..
وفى اول يوم له فى الجامعة بعد الحادثة ..ارتدى احمد ابهى ملابسه ..وحتى قصة شعره قام بتغييرها ..ويرتدى نظارة شمس كبيرة ..تشد الأنظار اليه ..يمشى وكأن الأرض له وحده ..يوزع الابتسامات على كل فتاة يراها فى طريقه ..
وعندما دخل من بوابة الجامعة واتجه نحو اصحابه ..لوح لهم بيديه ..ولم يعرهم أهتماماً ..قائلاً فى نفسه
انا عاوز اغير اى حاجة تفكرينى بيها اما نشوف شلة جديدة
واخذ يمشى فى الجامعة ..ينظر حوله كأنه يبحث عن شيء ..فوجد مجموعة من الفتيات تقف ..وقعت من احداهن حقيبتها فأسرع ..واحضرها اليها ..قائلاً
وقعيها تانى
وهنا ضحكت الفتيات ..واتى شاب يحمل السجائر ,,ويشرب احداها ..مقتربا منهم
الشاب ::مش تعرفونا يا بنات
الفتيات ::امممممممم ده اللى جاب الشنطة
الشاب ::ههههههههههه
احمد::انا يا عمونا اسمى احمد
الشاب ::فرصة تعيسة جدا
احمد ::انا اتعس
الشاب ::وانت يا باشا فى اى كلية
احمد::اقتصاد وعلوم سياسية
الشاب ::وانا سياحة وفنادق حظبط رحلات بس ايه اوعى وشك ..
احمد ::وده اللى بدور عليه
الشاب ::نعم
احمد ::ولا حاجة المهم اسمك ايه
الشاب ::هشام
احمد ::طب يا مان انا يشرفنى نبقى صحاب
هشام ::واحنا نطول يا عمونا
واتفق الجميع على لقاء قريب ..بعد انقضاء فترة الامتحانات تابعونا

[*التائبة الي الله*]

رد: حياة شاب على حائط مصرى (قصة)

بالتوفيق اختى
بس احمد شكله اتغير تمااااااااااااااااااااااااماً الله المستعان
فى انتظار الباقي ان شاء الرحمن

[اسماء مصرية]

رد: حياة شاب على حائط مصرى (قصة)

فعلاً هو سيحدث له تغيرات وليس تغيير
ربنا يبارك فيكى اخية
تابعونا ستجدوا مفا جأت ودروس وعبر

[*التائبة الي الله*]

رد: حياة شاب على حائط مصرى (قصة)

بالتوفيق ان شاء الله

[اسماء مصرية]

رد: حياة شاب على حائط مصرى (قصة)

اللهم آمين
ربنا يبارك فيكى اخية

[*التائبة الي الله*]

رد: حياة شاب على حائط مصرى (قصة)

وفيكِ اختى فى انتظار البقية ان شاء الله

[اسماء مصرية]

رد: حياة شاب على حائط مصرى (قصة)

السلام عليكم ورحمة الله وبركاته ..
انا بعتذر عن التاخير لظروف الامتحانات فى اقرب وقت
سيتم انهاء الرواية

[*التائبة الي الله*]

رد: حياة شاب على حائط مصرى (قصة)

ربنا معاكى ويوفق الجيمع ان شاء الله

[اسماء مصرية]

رد: حياة شاب على حائط مصرى (قصة)

مرت الأحداث سريعاً ..وتوطدت علاقة احمد بهشام ..واصبح صديق الحفلات والرحالات ..وايضا كان كل يوم له علاقة بفتاة ..وسرعان ما تنتهى بنهاية الاسبوع ..ولكنها لم تكن
وصلت الى حد الفاحشة ..وفى احد المرات قابل احمد عنتر قدراً كما نطلق نحن صدفة !!.

عنتر ::بلحضن يا كبييييير فينك وحشنى
احمد::انت اوحش يا عمونا مشاغل بقى
عنتر ::اممممممممم مشاغل برضو انا دائما أسأل عليك الرجالة ومش عارف اراضيك
احمد::ههههههههههه يا بنى انا غيرت الشلة القديمة
عنتر ::خير التزمت زى ماجد
احمد::لا لا ربنا يهدينى
عنتر ::وفيه حد ربنا بيهديه من غير ما ياخد خطوة لقدام
احمد::ان شاء الله ان شاء الله
عنتر ::وحشتنى اعدتنا على القهوة وعلى ايام الضياع لما كنت باجى عندك ونسمع دروس مع بعض كاااااانت ايام بجد
احمد::تعالى معاى واسمعك درس حلو اوى
عنتر ::بجد فين وامتى ؟
احمد::حفلة للاستاذ الفلانى حيعلمنا اصول المزيكا
عنتر ::لا حول ولاقوة الا بالله
احمد::مالك كده وشك اتغير
عنتر ::انت اتغيرت اوى يا احمد
احمد::لا عادى لزوم الحياة الدنيا عاوزة كده الطيب بيتاخد فى الرجلان
عنتر ::تعرف بقى ان الغلبان الحقيقى اللى جه الدنيا وانشغل بيها وساب احلى ما فيها
احمد::ايه بقى
عنتر ::طاعة ربنا سبحانه وتعالى
احمد ::بس دائما بننجرح ودائما بتحصل حجات عكس اللى احنا عوزنها
عنتر ::امممممممم بص يا حمادة اى انسان بيتعرض لفترة تمحيص واختبار
احمد::مش فاهم ؟!!
عنتر ::يعنى الدهب لما بيجوا يصنعوه بيتحط فى درجة سخونة معينة عشان يخرجوا الدهب الخالص
والشوائب منه الانسان كده بظبط
احمد::فهمت فهمت المهم اسيبك دلوقتى عشان الجو وصل
عنتر ::انت مش يا بنى سبت سلمى
احمد::سلمى مين والناس نايمين
يتبع

[*التائبة الي الله*]

رد: حياة شاب على حائط مصرى (قصة)

فى انتظار المزيد ان شاء الله
وفقكِ الله وربنا يهدى

[اسماء مصرية]

رد: حياة شاب على حائط مصرى (قصة)

اللهم آمين يارب
بوركتى اخية :)

[اسماء مصرية]

رد: حياة شاب على حائط مصرى (قصة)

انا بحضر للحلقات اعذرونى للتأخير قرب الانتهاء من المسلسل