اولا احبائي فانا ساترك المنتدي لفترة قصيرة
ولكن الموضوع ده كان لازم اوصله ليكم حتي تكون موعظة وعبرة ليكم
الكلام اللي انا هكتبه ده انا كتبته وضيعت جزء من وقتي مع ان عليا امتحان بكرة والوقت علي الحدود
ولكن هكتبه باذن الله
انا فضلت 15 سنة بعيد تماااااااااااما عن ربنا ولكن لما بقي عندي 16سنة ونصف جيت في يوم وقعدت مع نفسي وقعدت افكر ايه الهدف من حياتي دي ؟؟انا عايش ليه؟؟بعمل ايه في حياتي؟؟طب انا اتخلقت عشان اعصي ربنا وعشان آكل وانام واصحي وهكذا....الي اخر هذه التفاهات؟؟؟؟
وانا بفكر في الموضوع ده سمعت الميكروفون بيذيع عن واحدة توفت ,قالوا الدفنة بعد المغرب,المهم رحت الدفنة وعرفت انها بنت عندها 17سنة (قدي) ولما كنت واقف جنب المقبرة وهما بيطلعوها من النعش...
ولقيت الكفن والله كانه نور ابيض قوي وريحة طيبة جدااا وحسيت بشعور محسيتوش قبل كدا وكانت البنت دي بسم الله ما شاء الله محجبة وكانت محترمة جدا جدا وها هي قد توفت ولكن ستلقي ربها بما يرضيه
طيب واناااااااا؟
عملت ايه يرضي ربنا ؟؟
لقيت نفسي ببكي بكاء شديد قوي وانا واقف وعيني ما بترمش لكن الدموع نازلة كأنها سيول
وروحت البيت وصليت ركعتين وقعدت ابكي بين ايدين ربنا وادعيه
وبعدها والله يا اخوة شوفت رؤي جميلة قوي بعد ما كنت كل يوم بحلم بكابوس
كنت بشوف شيوخ كتير وشوفت اني بتوضي وبصلي وكنت ساعات باذن
واخر رؤية كنت شوفتها هي اني كنت قاعد مع الشيخ محمود المصري علي المكتب وكنت عمال اكلمه وكان بيضحك معايا وقالي خليك متصل بيا علي طول واوعه تسيبنا
ومن ساعتها حسيت فعلا اني عايش حياة صح في كل حاجة
وربنا جعلني سبب في هداية ناس كتيرة
وعلي راس هؤلاء(الحلاق) محدش يضحك :هو ده اللي حصل والله وبقي الحلاق ده انسان تاني خالص واحسن مني كمان
الكلام اللي انا قلته ده مش عشان تقروه وبس لا عشان كمان تستفادوا منه وتعرفوا حقيقتي اللي ماتت ومش هتصحي تاني
ان شاء الله والشيخ محمد الصاوي كان ليه دور في ثباتي علي توبتي وهو عارف اني بحبه في الله قوي قوي قوي
دي كانت قصتي باختصار ....ارجو ان اكون عضو خفيف عليكم
و
تعليق