تفريغ شريط " عاوز بس مش قادر " // مفهرس

[محبة الرحمن]

الحمد لله وكفى وصلاة وسلاما على عباده الذين اصطفى


فيا جماعه يعنى لما الواحد يجى يكلم شاب من الشباب يقوله احنا هنفوق امتى ؟ هنفوق امتى من الغيبوبه اللى احنا فيها ؟ هنستعد امتى لأول ليله من ليالى القبر ؟ حد فكر فى الموضوع ده قبل كده ؟ هنفوق امتى هنفرح ربنا بتوبتنا الصادقه امتى ؟ هنشيل اشواك المعاصى اللى غارزه فى قلوبنا امتى؟ تلاقى الشاب ممكن عينيه تدمع وتلاقى وشه يحمر وتلاقيه يقولك ياااااااااااه ده انا دا انا كل ما شوف واح صاحبى التزم كل ما اسمع عن الجنه والنار كل ما اسمع شريط او درس بيفوقنى و بيذكرنى بربنا ولقاء ربنا بحس ان انا مخنوق بحس ان انا بعيد اوى عن ربنا سبحانه وتعالى بحس ان انا حياتى لسه ملهاش معنى انا نفسى والله نفسى بحس ان انا عايز اتوب عايز اسيب عايز اقرب من ربنا عايز بس مش قادر عايز وحاولت قبل كده بس كل اما اجى احاول نفسى تغلبنى كل اما اجى احاول انهزم قدام شهواتى حاولت قبل كده وقلت خلاص هسيب السجاير مش هرجعلها تانى يوم اتنين تلاته اسبوع اتنين خلاص يارب رجعتلك يارب نزلت ركبت مع اصحابى تانى فى العربيه اللى على يمينى مسك سيجاره واللى على شمالى مسك سيجاره قعدت نص ساعه بينهم مخنوق بقاوم بكل قوتى فى الاخر لاقيت نفسى بمد ايدى بخطف سيجاره من ايد واحد منهم ورجعت للسجاير تانى
قلت هسيب البنات خلاص خلاص نزلت النادى انا هقعد لوحدى مش هكلم حد مش هقع ابدا تانى شويه لاقيت نفسى زهقت قلت طب انزل طب اتمشى كده فى المشايه بتمشى لقيتهم انا بنفسى اللى رحت كلمتهم تانى يااااااااه دا انا عايز ربنا اوى والله العظيم بس مش قادر عايز بس مش قادر دا احنا يا جماعه دا احنا معظمنا بينتمى للنوع ده اللى نفسه يقرب من ربنا اللى عايش معذب لانه بيعصى ربنا بس مهوش قادر وخايف لو رجع لربنا ما يثبتش على طريق ربنا سبحانه وتعالى انت عارف النوع ده ربنا سبحانه وتعالى نزله سورة كامله فى القرآن سورة من السور اللى بنقراها كتير جدا بنقراها مرارا فى صلاة المغرب والعشا والفجر تتصور ربنا سماه ايه عارف ربنا سمانى وسماك ايه ( النفس اللوامه ) فى سورة القيامه يا جماعه الناس اللى عايشه فى غيبوبه لسه وعايزه صدمات كهربائيه تفوقها من الغيبوبه اللى هى فيها اربع صدمات كهربائيه فى سورة القيامه
قال تعالى : "لَا أُقْسِمُ بِيَوْمِ الْقِيَامَةِ " القيامة2"لا أقسم دا قسم مش قسم بس لا دى لان ربنا غضبان, غضبان ليه يارب ايه اللى غضب ربنا يا جماعه؟ معاصينا؟ ولا غفلتنا ؟ ولا مكابرتنا ,ولا ادعائنا ان احنا ما بنعصيهوش واحنا بنعصيه ليل نهار ؟ لا أقسم بيوم القيامه اول كلمه كده يارب يوم القيامه يوم القيامه اللى الرسول قال عليه عليه الصلاة والسلام " انه ما من صاحب ذهب ولا فضه " مفيش واحد ربنا اداله دهب و فضه مخرجش حقها . " الا ويأتى يوم القيامه فتصفح له صفائح من نار ويحمى عليها فى نار جهنم ثم يكوى به جبينه وجبهته وجنبه "
اسمع يا أخى بالله عليك اسمعى يا اختى بالله عليكى " كلما بردت احمى عليها فى نار جهنم خمسين الف سنه " اله انا بقول الحديث ده ليه انا بقوله علشان نصدق ان فى ناس هتاخد الخمسين الف سنه عذاب الرسول بيقولك ايه " لا يأتينى الناس بالاعمال وتأتونى بالدنيا " ميجيش شاب زيه زيك بدروس وشرايط ودعوه وقيام تهجد وقرآن وصحبه صالحه وتيجى انت بأيه تيجى بالمعاصى والشهوات والذنوب على كتفك لا يأتينى الناس بالاعمال وتأتونى بالشهوات .
" وَلَا أُقْسِمُ بِالنَّفْسِ اللَّوَّامَةِ " النفس المذبذبه اللى سطر ابيض وسطر اسود اللى مره تعصى ومره تطيع اللى شويه هنا وشويه هنا النفس اللوامه اللى عايزه ترجع لربنا بس مش قادره تسيب المعصيه مشهد لا انساه ابد ( احد الشباب الله يرحمه كان توفى فنزلت الكليه بتاعته علشان اعرف المكان بتاع الدفنه فين لاقيت الاعلان متعلق فى الكليه ولاقيت اصحابه تحت الاعلان قاعدين البنات والولاد يجروا ويلعبوا مع بعض انا قعدت ابص كده مذهول ياربى هما مش زعلانين لا زعلانين يا جماعه امال ايه مش قادرين يسيبوا المعصيه بقت عبوديه بقوا مستعبدين مش عارفين يسيبوها )النفس اللوامه النفس المعذبه اللى جواها خير وجواها شهوه يجى يعمل الطاعه مش قادر انا عايز ارجع للدنيا تانى يجى يروح للمعصيه مش قادر انا نفسى ارجع لربنا تانى معذب وهو بيطيع ومعذب وهو مذنب معذب وهو بيصلى التراويح ومعذب وهو قاعد على القهوه ليه لانه مهوش كله لربنا النفس اللوامه النفس العاجزه يا جماعه مش قادر اه مش قادر طب تقدر على عذاب النار؟ لا مقدرش. طب تقدر على مقامع الملائكه ؟ لا مقدرش . طب تقدر على عذاب القبر اللى لو سمعنا صوته الوقتى الانس والجن هيموتوا من صوت استغاثات اللى بيعذبوا بس ؟ لا مقدرش . طب سيب مش قادر اذا كنت مش قادر على نفسك هتقدر على عذاب يوم القيامه ازاى ولا اقسم بالنفس اللوامه .
" أَيَحْسَبُ الْإِنسَانُ أَلَّن نَجْمَعَ عِظَامَهُ "القيامة3" انتوا فاكرين ايه ساعة البعث وانت طالع لحظه جمع العظام ممكن واحد اتقطع مليون حته فى الارض كل حته بتطير وبتتلم من الحته التانيه انت هتتلم حته حته ايد على رجل على ايد على رجل لغاية ما تبقى كامل اول ما تصحى هتلاقى اجزاء الناس بتتطاير كل حته بتروح للجسم بتاعها والناس بتتطلع من تحت الارض والاكفان بتتقطع " أَيَحْسَبُ الْإِنسَانُ أَلَّن نَجْمَعَ عِظَامَهُ " " بَلَى قَادِرِينَ عَلَى أَن نُّسَوِّيَ بَنَانَهُ "القيامة4" السته مليار بنى ادم كل واحد هيطلع وهيرجعله بصمة الصابع بتاعته تانى والسته مليار بنى ادم كل واحد هيجيله الصحيفه بتاعته تانى مفيش واحد هياخد صحيفة غيره ابدا . " أَيَحْسَبُ الْإِنسَانُ أَلَّن نَجْمَعَ عِظَامَهُ{3} بَلَى قَادِرِينَ عَلَى أَن نُّسَوِّيَ بَنَانَهُ{4} بَلْ يُرِيدُ الْإِنسَانُ... "القيامة"5"
عايز ايه الانسان البنى ادم عايز ايه انتوا عايزين ايه "لِيَفْجُرَ أَمَامَهُ" يعنى ايه ليفجر امامه يا جماعه فى شهوه احنا مسمعناش عنها كتير كتير منا مسمعش عنها قبل كده مش شهوة النساء ولا المال اسمها ( شهوة الفجور) يعنى ايه شهوة الفجور دى ركبت مع سواق ميكروباص قبل كده مشغل كاسيت يسمع عشر شوارع ؟ ده لو كان شهوة الكاسيت كان شغل على قده شوفت واحد صحبك قبل كده ماشى مع 150 بنت لو كانت شهوة نساء كان مشى مع واحده
سمعت عن واحد قبل كده مراته جميله سابها وراح مارس الزنا مع واحده خادمه معندهاش اى حظ من الجمال لو كانت شهوة نساء كانت مراته اولى اذا دا دى شهوة فجور شهوة معصيه عايز يحس ان مفيش حاجه مقيداه "لِيَفْجُرَ أَمَامَهُ" مفيش حاجه واقفه قدامى تلاقى الشاب بيشرب السيجاره بيشفط الهوا بتاعها وبينفخه اوى لبره عايز يحس ان هو بيتنفخ تلاقى البنت عايزه تبقى بت ستايل ومتحرره واكتر بنت متحرره فى الجامعه ليه؟ ليفجر امامه مفيش اى حاجه واقفه قدامى ربنا بيقولك " أًمْ حَسِبَ الَّذِينَ اجْتَرَحُوا السَّيِّئَاتِ "العنكبوت"2" نهشوها زى الكلب اللى بيلاقى جيفه وينهشها طب ليه نبقى كده يا جماعه ؟ليه نبقى كده ؟ ليه ؟
" أَيَحْسَبُ الْإِنسَانُ أَلَّن نَجْمَعَ عِظَامَهُ{3} بَلَى قَادِرِينَ عَلَى أَن نُّسَوِّيَ بَنَانَهُ{4} بَلْ يُرِيدُ الْإِنسَانُ لِيَفْجُرَ أَمَامَهُ " اول صاعقه نزله على عايز بس مش قادر .

1- " فَإِذَا بَرِقَ الْبَصَرُ{7} وَخَسَفَ الْقَمَرُ{8} وَجُمِعَ الشَّمْسُ وَالْقَمَرُ " القيامة "9"
برق البصر الانفجارات الكونيه اللى بتحصل
خسوف القمر بيحصل لما الارض تبقى محطوطه ما بين الشمس والقمر فلما ربنا يقول بعدها جمع الشمس والقمر كأنهم يجمعوا يتطبقوا عليها يااااااااه الزلزال ده بيحصل ما هو ده زلزال الساعه الرهيب الزلزال الهائل اللى ربنا ذكره مش هتضحك عليه يوم القيامه
" إِلَى رَبِّكَ يَوْمَئِذٍ الْمُسْتَقَرُّ "القيامة 13" راجع راجع خد بالك انك راجع راجع " يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ "القيامة 14" كلمه كلمه زى الطالب اللى بيتصححله الامتحان بيتصححله كلمه كلمه ذنب ذنب فى يوم يوم وفساعه ساعه بما قدم واخر بعد ما الشاب عاش حياته فى الشتى فى الجامعه وبص لدى ووقف مع دى وكلم دى بيقولك لئن عشت حتى يأتى الصيف ليرين شباب رأس البر والساحل الشمالى ما اصنع مات قبل ما الصيف يجى ربنا ينبأه باللى عمله و اللى كان ناوى يعمله مين اللى كان ناوى فى العيد يرجع يعصى ربنا تانى مين اللى ناوى بعد رمضان يرجع يعصى ربنا تانى لو مت هتنبأ باللى عملته قبل كده وباللى كنت ناوى تعمله " يُنَبَّأُ الْإِنسَانُ يَوْمَئِذٍ بِمَا قَدَّمَ وَأَخَّرَ{13} بَلِ الْإِنسَانُ عَلَى نَفْسِهِ بَصِيرَةٌ "القيامة 14" انت عارف وانا عارف انت عارف عينك عملت ايه عارف ودنك سمعت ايه عارف لسانك اتكلم مع مين واقلها ايه عارف ايدك اتصلت بمين فى شاب كان بيقولى انا مفيش حته فى جسمى معصتش ربنا انا معنتش طايق نفسى انت عارف فاكر فاكر كل مره وقفت فيها فى الجامعه عنيك جايبه اللى جايه واللى رايحه من فوقها لتحتها فاكر كل مره قعدت فيها من 8 بليل ل6 الصبح تكلمها فى التليفون فاكر كل مره ركبت فيها عربيه مع اصحابك وعصيت فيها ربنا قد ايه فاكره فاكره شعرك عصيتى بيه ربنا قد ايه فاكره لبسك عصيتى بيه ربنا قد ايه فاكره عنيكى كحلتيها وعصيتى بيها ربنا قد ايه فاكره ولو منتوش فاكرين فيه الشهود شهود الاثبات يا جماعه ليه ليه بصيت لها ؟ اصلها كانت حلوه اوى يارب والله هتقول كده لربنا يوم القيامه وده ليه سمعت الشريط ده ؟ اصل كان صوته حلو اوى يارب والله هتقول كده لربنا يوم القيامه ؟ وكان مالك بشاكيره وبسكال واغانى شاكيره وبسكال كان مالك بيهم كان شكلهم حلو ولا ايه الشاب اللى اتفرج على اغنيه لشاكيره وبص من البلكونه لقى جارته فى وشه شهوته ثارت والعياذ بالله صمم انه يروح لها خبط وعمل انه محصل نور دخل عليها الباب اتهجم عليها قاومته قتلها بقى قاتل بسبب الشهوه بسبب شاكيره هتنفعه لما يولع عليه قبر نار شاكيره بأيه بقه ساعتها يا جماعه هتنفعه بأيه ؟ "َ بَلِ الْإِنسَانُ عَلَى نَفْسِهِ بَصِيرَةٌ{14} وَلَوْ أَلْقَى مَعَاذِيرَهُ "القيامة 15" هتقول ايه ؟ هتقول ايه ؟ انت عارف انك كنت تقدر عارف انك كنت تقدر انك تثبت عارف ان اجمل يومين عشتهم فى حياتهم اليومين اللى دخلت فيهم بيت ربنا عارف ان حياتك وانت بعيد عن ربنا كان كلها اكتأب وضيق انت عارف هتقول لربنا ايه ؟ " وَلَوْ أَلْقَى مَعَاذِيرَهُ " طب يارب طب ارجع ازاى يارب طب انا عارف ان انا هرجع بس بنسى والله يارب دايما بنسى عايز تفضل فاكر " لَا تُحَرِّكْ بِهِ لِسَانَكَ لِتَعْجَلَ بِهِ " القيامة 16"القرآن القرآن والدروس اللى بتتكلم على القرآن والدروس والشرايط اللى بتكلمك عن القرآن عايز تفضل فاكر ربنا عايز تفضل فايق من الغيبوبه عايز تاخد حقن يقظه قلبيه تفوقك من الغيبوبه كل ما تيجى عليك خليك دايما بتسمع قر آن و بتقرأ القرآن ومع الشرايط ومع الدروس خليك دايما مع الاماكن اللى بتفكرك بربنا سبحانه وتعالى الصاعقه التالته الصدمه الكهربائيه التالته .

2-" كَلَّا بَلْ تُحِبُّونَ الْعَاجِلَةَ " العاجله الدنيا ما هو ادى شاب و ادى شاب الاتنين اههما ده راح سهر طول الليل فى القهوه وده سهر طول الليل يصلى لربنا والاتنين ناموا ده صحى نشيط اللى سهر طول الليل يصلى وفرحاااان وده صحى مكتأب وقرفااااان واللى صحى نشيط وفرحان عبى شنطة حسنات وده عبى شنطة سيئات وفى الاخر لا ده فاكر تعبه ولا ده فاكر لذته حد منكوا فاكر العطش اللى عطشه انهارده بالنهار؟ انا مش فاكر يبقى محدش مننا فاكر يا جماعه كل حاجه بتروح وبيبقى الثواب او العقاب و " كَلَّا بَلْ تُحِبُّونَ الْعَاجِلَةَ{20} وَتَذَرُونَ الْآخِرَةَ " سيبك منها " وُجُوهٌ يَوْمَئِذٍ نَّاضِرَةٌ{22} إِلَى رَبِّهَا نَاظِرَةٌ "القيامة 23" الله يارب هنبقى منهم استنى متفرحش شوف النوع التانى
" وَوُجُوهٌ يَوْمَئِذٍ بَاسِرَةٌ"القيامة24" مخسوف بيها وشه مخسوف من كتر الرعب اللى هو فيه " تَظُنُّ أَن يُفْعَلَ بِهَا فَاقِرَةٌ "القيامة 25 فاقره عارفين يعنى ايه يا جماعه عارفين لما تيجى خبطه فى العمود الفقرى تشل الانسان ؟ اهو كده معتقد انه هيتشل, هيتقيد, هيتسلسل ,هيتغلغل هيحصل فيه اى حاجه هيتشل مش هيقدر يعمل حاجه طب ليه جب الظن ده منين ماهو شاف قدام عينه شاف قدام عينه اللى عملوا نفس المعاصى اللى هو عملها قبل كده شاف واحد بيتجرجر على وشه لجهنم شاف واحد مقبوض عليه بالملايكه ورايح يعرض على الله على وشه رعب لو اتوزع على وجه الكره الارضيه كلها يفيض وشاف لسان من جهنم طلع خطف واحد ودخله تانى وشاف واحد على الصراط قاعد يتعلق وهو بيقع فى النار ويحاول يتعلق وفى الاخر وقع واتكوى فى النار وشاف واحد العرق بتاعه لجمه معدش عارف ينطق من الذنوب وشاف واحد بيلف على واحد واحد فى ارض المحشر قاعد يتوسل اليه يديله حسنه واحده ومفيش حد راضى يديله حسنه " تَظُنُّ أَن يُفْعَلَ بِهَا فَاقِرَةٌ " الصدمه الكهربائيه التالته .

3- " كَلَّا إِذَا بَلَغَتْ التَّرَاقِيَ " مشهد الاحتضار ياااااااااه كان الواحد زمان اول ما التزم المشهد ده بالذات هو اللى كان بيزلزل الواحد كان الواحديقعد يفكر كده يا ترى لما هاجى اموت هقدر اقول ( لا اله الا الله ) ولا لأ ولما اجى اموت هندم عن عمرى اللى فات ده ولا هبقى راضى عن عمرى اللى فات واللى عملته فيه ولما اجى اموت اللى هينزلولى ملايكه بيض الوجوه بيض الثياب ولا سود الوجوه سود الثياب ولما اجى اموت ملك الموت هينزع روحى زى ما ينزع السّفوت من الصوف المبلول ولا روحى هتخرج تسيل كالقطره ولما اجى اموت مين اللى هيصلى عليه ؟ واحده ميتمكيجه المكياج بتاعها هيسيح من الحر ونص اصحابى مش هيصلوا عليه لانهم مبيصلوش اصلا ولا ناس ملتزمه وعارفه ربنا والدعوه بتاعتها مستجابه لما تدعيلى بالرحمه ولما اجى اموت ولما اجى اموت بعد 3 ساعات بس من موتى هيبقى الحفره اللى اترميت فيها قبر هيبقى الحفره اللى اترميت فيها حفره من حفر النار تابوت جمر ولا هتبقى روضه من رياض الجنه يا ترى يا جماعه لو فكرنا بالطريقه دى هنفضل زى ما احنا كده " كَلَّا إِذَا بَلَغَتْ التَّرَاقِيَ "القيامة26" ربنا بيجبلك مشهد الموت فى الاخر ليه ؟ ان امر هذا اخره لحرى بأن يزهد فيه دا اخر الدنيا دا اخر القهوه دا اخر الجامعه دا اخر الاختلاط دا اخر المعاصى دا اخر الشهوات هى دى اخرتها هى دى اخرتها وما بقى كان اعظم مشهد الصراط والبعث والقنطره والعرض على الله والطرد من على حوض النبى كل المشاهد دى لسه موجوده يوم القيامه " كَلَّا إِذَا بَلَغَتْ التَّرَاقِيَ{26} وَقِيلَ مَنْ رَاقٍ " القيامة 27"مين اللى هيطلع بروحك للسما مين ؟ ملايكة الرحمه ولا ملايكة العذاب
" وَظَنَّ أَنَّهُ الْفِرَاقُ " خلاص هافارق كل حاجه هافارق الفلوس اللى عشت حياتى عشانها هافارق الشهوات هافارق اصحابى هافارق اللى اديت ضهرى لربنا عشانها و انتى هاتفارقى اللى انتى بعدتى عن ربنا عشانه
هافارق اصحابى معقوله سيييب سيب من الوقتى اللى بيَسولك المعصيه انك تعصى ربنا سيب من الوقتى اللى ملالك الهارد ديسك بتاعك كليبات سيب من الوقتى اللى بيديك اخر شريط نزل عشان تسمعه سيب من الوقتى اللى بيبعدك عن ربنا و يبعدك عن طريق ربنا علشان ساعة الموت اللمه دى كلها كل واحد هيروح لربنا لوحده ونتقابل تانى ونتجمع تانى يوم القيامه بس ساعتها ( الأخلاء بعضهم لبعض يومئذ عدو )الزخرف67" عدو يعنى ايه ؟ يعنى الشله بتاعة الجامعه اللى كنت معاها فى الجامعه الصبح وبليل فى القهوه وبكره فى الرحله وفى الصيف فى المصيف وفى لجنة الامتحانات قاعدين تغشوا من بعض تبقوا اعداء طب ولوا توبنا وعرفنا ربنا تبقوا حبايب وتشفعوا لبعض وتاخدوا ايديكوا فى ايدين بعض وانتوا داخلين الجنه يااااااه يارب " وَظَنَّ أَنَّهُ الْفِرَاقُ{28} وَالْتَفَّتِ السَّاقُ بِالسَّاقِ{29} إِلَى رَبِّكَ يَوْمَئِذٍ الْمَسَاقُ{30} فَلَا صَدَّقَ وَلَا صَلَّى "القيامة31" جايلك يارب وانا الرصيد بتاعى فاضى جايلك يارب وانا مشطب حسانات جايلك يارب وانا ذنوبى جباااال والحسنات بتاعتى حتة كومه صغيره جنبها
" فَلَا صَدَّقَ وَلَا صَلَّى "القيامة يا جماعه يا شباب " أَيَحْسَبُ الْإِنسَانُ أَن يُتْرَكَ سُدًى "القيامة32" ايحسب الشباب ان يتركوا سدى ؟ايحسب البنات ان يتركن سدى ؟ ايحسب الآباء والامهات ان يتركوا سدى ؟ انتوا فاكرينها ايه؟ فاكرينا نازلين من الجنة علشان رحله مختلطه زى رحلات يوم الجمعه الصبح نيجى نتقابل مع بعض ونضحك مع بعض ونرجع الجنه تانى ؟ فاكرينها فسحه ؟ فاكرينها نزهه ؟ دا احنا نازلين هنا عشان مقصد عشان هدف ربنا منزلنا هنا عليه " أَلَمْ يَكُ نُطْفَةً مِّن مَّنِيٍّ يُمْنَى{37} ثُمَّ كَانَ عَلَقَةً ...." انا وانت وانتى كنا علقه اتنين ملى كان كل واحد مننا اتنين ملى وجايين دلوقتى بنتنطط وبنتكبر على الارض دا انتوا كنتوا اتنين ملى يا جماعه هنّتكبر على ايه ؟ وهنفرح بأيه " ثُمَّ كَانَ عَلَقَةً فَخَلَقَ فَسَوَّى{38} فَجَعَلَ مِنْهُ الزَّوْجَيْنِ الذَّكَرَ وَالْأُنثَى{39} أَلَيْسَ ذَلِكَ بِقَادِرٍ ....." مهوش قادر ؟ مهوش قادر انه يعاقبك لو اغضبته مهوش قادر انه يعقبك لو عذبته ؟
بلى قادر هنفوق امتى يا جماعه هنفوق امتى هنفوق من الغيبوبه اللى احنا فيها امتى هنستعد لاول ليله فى القبر امتى ؟ هنستعد لاهوال يوم القيامه امتى يا جماعه ؟ هنشيل اشواك المعاصى من قلوبنا امتى يا جماعه ؟ هنفرح ربنا بالتوبه الصادقه اليه امتى يا جماعه ؟ هنبقى محناش من النفس اللوامه ونبقى النفس المطمئنه بالطاعه امتى يا جماعه ؟ امتى ؟ امتى يا شباب ؟ والله يا جماعه الواحد بيستغرب اللى مستنيه كل الاهوال دى ازاى يعيش حياته مطمن كده ازاى ؟ ازاى ميعملش حساب الكلام ده كله ؟ انت عايز مننا ايه الليله ؟ انا عايز منكوا ايه الليله ؟ انا عايز يا جماعه سورة القيامه السوره بتاعة ( عايز بس مش قادر ) سورة القيامه بتاعة كل واحد عايز ومش قادر سورة القيامه السورة بتاعته يروح الليله ينام او ماينمش يجى كده بعد شويه يقوم يصلى ركعتين بسورة القيامه ويبكى لله ويتضرع لله والواحد يفتكر زمان كان الشاب من شباب الجامعه مننا ايام ما كنا فى الجامعه كان الواحد والله يا جماعه يقوله توب كلمتين بس تلاقى نفسك توبت على طول الوقتى القلوب تقيله ليه القلوب غليظه ليه الواحد بيقعد يتكلم عن النار ويلاقى القلوب لسه غليظه ليه ؟ او يتكلم عن الجنه او يتكلم عن حب الله معدش حاجه بتأثر فينا ليه ؟ خلاص شاكيره نستنا ربنا ؟ خلاص عجرم نستنا ربنا؟ ربنا خلاص الكليبات والدش نسونا ربنا ؟ خلاص استغنينا عن سكتك يارب لاقينا الدش لاقينا الجنه بتاعتنا هى دى الجنه اللى عايزنها ؟ خلاص اصحابنا وشلل الجامعه والقهوه والنادى نسونا ربنا يا جماعه ؟ خلاص ولا ايه يا جماعه ؟ ولا لسه فينا امل ؟ ولا لسه عايزين بس مش قادرين ؟ خلاص عرض قلبك زى القلب اللى بيموت فى العنايه المركزه الدكتور يدخل يعمله شحنه كهربيه يفوقه علشان يقوم تانى سورة القيامه بتفوق قلبك بأربع شحنات كهربائيه ربانيه من عند الله عشان قلبك يحي تانى الليله ان شاء الله كل واحد مننا يصلى ركعتين بسورة القيامه ويبكى لله ويتضرع ليه ويقوله يارب انا عايز بس مش قادر ومفيش امل غير فيك يارب.

اقول قولى هذا واستغفر الله لى ولكم.

[سعد بن معاذ]

عايز بس مش قادر ...... الجزء الاول ؟!!

للشيخ حازم شومان

يعنى ياجماعه لما الواحد يجى يكلم شاب من الشباب يقله هنفوق امته من الغيبوبه الى احنا فيها هنستعد امته لاول ليله من ليالى القبر هنفوق امته هنفرح ربنا بتوبتنا الصادقه امته هنشيلاشوال المعاصى الى غارزه فى قلوبنا امته تلاقى الشاب ممكن عينيه تدمع وتلاقى وشه يحمر وتلاقيه يقولك ياااااااه دنا كل مشوف واحد صاحبى التزم او واحده صاحبتى التزمت كل مسمع عن الجنه والنار كل مسمع درس بيفوقنى ويفكرنى بلقاء ربنا بحس اننا مخنوق بحس اننا بعيد اوى عن ربنا سبحانه وتعالى بحس اننا حياتى ملهاش معنى انا نفسى والله عايز اشوف عايز اسيب عايز ققرب من ربنا عايز بس مش قادر عايز وحاولت قبل كده بس كل ماجى احاول نفسى تغلبنى كل ماجى احاول انهزم قدام شهواتى حاولت قبل كده وقلت خلاص هسيب السجاير مش هرجعلها تانى يوم اتنين تلاته اسبوع اتنين خلاص يارب انا رجعتلك يارب نزلت ركبت مع اصحابى تانى فى العربيه الى على يمينى ماسك سيجاره والى على شمالى ماسك سيجاره قعدت نص ساعه ولا ساعه بينهم مخنوق بقاوم بكل قوتى فى الاخر ببص لقيت نفسى بمد ايدى بخطف سيجاره من واحد منهم ورجعت للسجاير تانى قلت هسيب البنات نزلت النادى قلت خلاص خلاص مش هكلم حد هعد لوحدى مش هقع ابدا تانى شويه لقيت نفسى زهقت قلت طب انزل طب اتمشى كده لقيتهم انا بنفسى رحت كلمتهم ياه دنا عايز ربنا اوى والله العظيم بس مش قادر عايز بس مش قادر دول احنا يا جماعه معظمنا بنتمى للنوع ده الى نفسه يقرب من ربنا الى عايش معذب لانه بيعصى ربنا بس مهوش قادر وخايف لو رجع لربنا ميثبتش على طريق ربنا سبحانه وتعالى انته عارف النوع ده ربنا نزله سوره كالمه فى القرآن سوره من السور الى بنقراها كتير جدا بنقراها مرارا وتكرارا فى صلاة المغرب والعشا والفجر تتصور ربنا سماه ايه عارف ربنا سماه ايه سمانا ايه ’’ النفس اللوامه ‘‘ فى سورة القيامه ياجماعه النفس الى عايشه فى غيبوبه لسه وعايزه صدمات كهربائيه تفوقها من الغيبوبه الى هيه فيها اربع صدمات كهربائيه فى سورة القيامه قال تعالى ’’ لا اقسم بيوم القيامه ‘‘ ده قسم عشان ربنا غضبان غضبان ليه يارب ايه الى غضب ربنا يجماعه معاصينا ولا غفلتنا ولا مكابرتنا ولا ادعائنا ان احنا مبنعصيهوش واحنا بنعصيه ليل نهار لا اقسم بيوم القيامه اول كلمه كده يارب يوم القيامه يوم القيامه الى قال عليه النبى عليه الصلاه والسلام" انه ما من صاحب ذهب ولا فضه مفيش واحد ربنا اداله ذهب ولا فضه الا ويأتى يوم القيامه فتصفح له صفائح من نار ويحمى عليها فى نار جهنم ثم يكوى بها جبينه وجبهته وجنبه اسمع اسمع يا اخى بالله عليك اسمعى يا اختى بالله عليكى كلما بردت احمى عليها فى نار جهنم خمسين الف سنه" طيب انا بقول الحديث ده ليه انا بقوله عشان ناس تصدق ان فى ناس هتاخد خمسين الف سنه الى هوه مقدار يوم القيامه عذاب الرسول بيقولك ايه لاياتينى الناس بالاعمال وتأتونى بالدنيا ميجيش شاب زيى وزيك بدروس وشرايط ودعوه وقيام وتهجد وقرآن وصحبه صالحه وتيجى انته بئيه بمعاصى وشهوات والذنوب على كتفك ’’ ولا اقسم بالنفس اللوامه ‘‘ النفس المذبذبه الى سطر ابيض وسطر اسود الى مره تعصى ومره تطيع الى شويه هنا وشويه هنا الى عايزه ترجع لربنا بس مش قادره تسيب المعصيه مشهد لا نساه ابدا الله يرحمه فنزل واحد اخ ملتزم صاحبنا يعرف مكان الدفنه فين لقى الاعلان متعلق فى الكليه ولقي اصحابه قاعدين البنات والاولاد يجروا ويلعبوا مع بعض بيقول قعد يبص كده مذهول يارب همه مش زعلانين لا بس مش قادرين يسيبوا المعصيه بقتعبوديه بقوا مستعبدين مش قادرين يسيبوها النفس اللوامه النفس المعذبه الى جواها خير وجواها شهوه يجى يعمل الطاعه مش قادر انا عايز اروح للدنيا تانى يجى يعمل المعصيه مش قادر نا نفسى ارجع لربنا تانى معذب وهو بيطيع ومعذب وهوه بيعصى معذب وهوه بيصلى التراويح معذب وهوه قاعد على القهوه ليه لانه مهوش كله لربنا النفس اللوامه النفس العاجزه يا جماعه مش قادر اه مش قادر طب تقدر على عذاب النار لا مقدرش طب تقدر على مقامع الملائكه لا مقدرش طب تقدر على عذاب القبر لا مقدرش الى لو سمعنا صوته الوقتى الجن والانس هيموتوا من استغاثات الى بيعذبوا بس لا مقدرش طب سيب مش قادر اذا كنت مش قادر على نفسك هتقدر على عذاب يوم القيامه ازاى ’’ ولا اقسم بالنفس اللوامه ايحسب الانسان ان لن نجمع عظامه ‘‘ انتوا فاكرين ايه ساعة البعث وانته طالع ممكن واحد اتقطع مليون حته فى الارض كل حته بتطير وبتتلم من الحته التانيه انته هتتلم حته حته ايد على ايد على رجل لغاية متبقى كامل اول متصحى هتشوف اجزاء الناس بتتطاير كل حته بتروح للجسم بتاعها والناس بتطلع من تحت الارض والاكفان بتتقطع ’’ ايحسب الانسان ان لن نجمع عظامه . بلى قادرين على ان نسوى بنانه ‘‘ السته مليار بنى ادم كل واحد هيطلع وهيرجعله حتى بصمة الصابع بتاعته تانى السته مليار بنى ادم كل واحد هيجيله الصحيف بتاعته تانى مفيش واحد هياخد صحيفة حد غيره ’’ بل يريد الانسان ‘‘ عيز ايه الانسان انتوا عايزين ايه ’’ ليفجر امامه ‘‘ يعنى ايه يفجر امامه يا جماعه فى شهوه احنا مسمعناش عنها ياجماعه اسمها شهوة الفجور مركبتش مع سواق ميكروباص قبل كده او ’’ مشروع ‘‘ مشغل كاسيت صوته يسمع ست شوارع ده لو كان شهوة كاسيت كان شغله على قده شفت واحد صاحبك قبل كده ماشى مع ميه وخمسين بنت لو كانت شهوة نساء كانمشى مع بنت واحده بس اذن ددى شهوة فجور شهوة معصيه عايز يحس ان مفيش حاجه مقيداه تلاقى الشاب بياخد نفس سيجاره وينفخه قدامه اوى عايز يحس انه هوه بيتنفى تلاقى البنت عايزه تبقى بت ستايل ومتحررهو اكتر بنت متحرره فى الجامعه ليه ’’ ليفجر امامه ‘‘ مفيش اى حاجه واقفه قدامى ربنا بيقولك ’’ ام حسب اللذين اجترحوا السيئات ‘‘ نهشوها نهش زى الكلب الى بيلاقى جيفه وينهشها طب ليه نبقى كده ياجماعه خد بقى عندك اول صعقه نازله على عايز بس مش قادر ’’ فاذا برق البصر وخسف القمر وجمع الشمس والقمر ‘‘ برق البصر من الانفجارات الكونيه وخسف القمر خسوف القمر بيحصل لما الارض تبقى محطوطه بين الشمس والقمر فلما ربنا يقول جمع الشمس والقمر كأن ربنا بيقول اتجمعوا واتطبقوا على الارض ياااااااه ’’ الى ربك يوم اذن المسقر ‘‘ خد بالك انك راجع راجع ينبأ الانسان يوم اذن بما قدم واخركلمه كلمه زى الطالب الى بتصحح له الامتحان كده ذنب ذنب وفى يوم يوم وساعه ساعه ’’ بل الانسان على نفسه بصيره ‘‘ انته عارف وانا عارف انته عارف عينك عملت ايه عارف ودنك سمعت ايه عارف لسانك اتكلم مع مين وقال ايه انته فاكر لما نزلت الجامعه عينك مسبتش واحده رايحده وواحده جايه فاكرهوشك الى مكيجتيهوعصيتى ربنا بيه قد ايه فاكره شعرك عصيتى بيه ربنا قد ايه فاكره لبسك عصيتى بيه ربنا قد ايه ولو منتوش فاكرين فيه شهود شهود الاثبات ياجماعه ليه ليه بصتلها اصله كانت حلوه اوى يارب والله هتقول كدهةلربنا يوم القيامه وده ليه سمعت الشريط ده اصلكان صوته حلو اوى يارب والله هتقول كده ربنا يوم القيامه فى شاب يا جماعه اتفرج على اغنيه لشاكيرا وبص من البلكونه لقى جارته فى وشه صمم انه يروحلها خبط وعمل انه محصل النور دخل اتهجم عليها قاومته قتلها بقى قاتل بسبب الشهوه والمعصيه بسبب شاكيرا هتنفعه شاكيرا يوم القيامه ولا لما يولع عليه قبر نار بأيه بقى ساعتها ياجماعه ’ بل الانسان على نفسه بصيره . ولو القى معاذيره ‘‘ هتقول ايه انته عارف انك كنت تقدر قارد انكتثبت عارف انك كان اجمل يومين فى حياتك اليومين الى انته دخلت فيهم بيت ربنا عارف ان حياتك وانته بعيد عن ربنا كانكلها اكتئاب وضيق انته عارف هتقول لربنا ايه ’’ ولو القى معاذيره ‘‘ طب يارب طب ارجع ازاى بس بنسى عايز تفضل فاكر ’’لاتحرك به لسانك لتعجل به ‘‘ القرآن والدروس الى بتكلم عن القرآن والشرايط الى بتكلمك عن القرآن عايز تفضل فاكر ربنا عايز تفضل فايق من الغيبوبه عايز تاخد حقن يقظه قلبيه تفوقك من الغيبوبه كل متجى عليك خليك دايما بتسمع قرآن وبتضر دروس ومع الشرايط خليك دايما مع الاماكن الى بتفكرك بربنا سبحانه وتعالى

يتبع بالجزء الثانى من عايز بس مش قادر ان شاء الله تعالى

اللهم اهدنا واهد بنا واجعلنا يبب لمن اهتدى

اللهم اجعل عملى خالصا لوجهك الكريم يارب

تفريغ محاضره للشيخ حازم شومان .....!!

[المشتاقة للجنة]

جزاك الله خيرا وجعله الله فى ميزان حسناتك
ومستنين الجزء التانى

[dr_Muslim]

جزاك الله خيرا أخي الحبيب ونفع بك

بس هذا الموضوع أخي يتبع قسم زاد الداعية وتفريغ المحاضرات

اللهم اجعلنا من عبادك المخلصين

[ahmed attia]

رااااااااااااااااااااااااائع ومنتظرين الجزء الثانى

[سعد بن معاذ]

عايز بس مش قادر .... الجزء الثانى

عايز بس مش قادر .... الجزء الثانى

هنخش مع بعض ياجماعه فى بداية الجزء التانى من عايز بس مش قادر كنا ذكرنا صعقه لو تفتكروا فى بداية سورة القيامه سورة ’’ عايز بس مش قادر ‘‘ هنكمل مع بعض التلت صعقات التانيين للى عايز بس مش قادر عايز يروح لربنا بس الشهوات مغلفه قلبه بتشده من ظهره ترميه فى الوحل والطين والملذات الصعقه التالته ’’ كَلَّا بَلْ تُحِبُّونَ الْعَاجِلَةَ {20} ‘‘سورة القيامة العاجله الدنيا ادى شاب وادى شاب الاتنين اهم ده راح سهر طول الليل فى القهوه وده سهر طول الليل يصلى لربنا والاتنين ناموا ده صحى نشيط الى سهر يصلى وفرحان وده صحى مكتئب وقرفان من نفسه والى صحى نشيط وفرحان عبى شنطة حسنات وده عبى شنطة سيئات وفى الاخر لده فاكر تعبه ولا ده فاكر لذته حد منكوا فاكر العطش الى عطشناه فى نهار رمضان انا مش فاكر يبقى محدش مننا فاكر ياجماعه كل حاجه بتروح وبيبقى الثواب او العقاب ’’ كَلَّا بَلْ تُحِبُّونَ الْعَاجِلَةَ {20} وَتَذَرُونَ الْآخِرَةَ {21} ‘‘ سيبك منها الآخره دى ’’ وُجُوهٌ يَوْمَئِذٍ نَّاضِرَةٌ {22} إِلَى رَبِّهَا نَاظِرَةٌ {23} ‘‘ الله يارب هنبقى منهم استنى متفرحش شوف النوع التانى ’’ وَوُجُوهٌ يَوْمَئِذٍ بَاسِرَةٌ {24} تَظُنُّ أَن يُفْعَلَ بِهَا فَاقِرَةٌ {25} ‘‘ مخسوف بيها وشه مخسوف من كتر الرعب الى هوه فيه ’’ تَظُنُّ أَن يُفْعَلَ بِهَا فَاقِرَةٌ {25} ‘‘ فاقره عارفين يعنى ايه ياجماعه عارفين لما تيجى خبطه فى العمود الفقرى تشل الانسان اهوه كده معتقد انه هيتشل هيتقيد هيتسلسل هيتغلغل هيحصل فيه اى حاجه هيتشل مش هيقدر يعمل اى حاجه طب ليه جاب الظن ده منين مهو شاف قدام عينه الى عملوا معاصى زى بتاعته بيتعمل فيهم ايه شاف واحد بتجرجر على وشه لجهنم وشاف واحد مقبوض عليه من الملايكه ورايح يعرض على الله على وشه رعب لو اتوزع على وجه الكره الارضيه كلها يفيض وشاف لسان من جهنم طلع خطف واحد ودخله تانى وشاف واحد على الصراط قاعد يتعلق وهوه بيقع فى النار بيحاول يتعلق وفى الآخر وقع واترمى فى النار وشاف واحد العرق بتاعه لجمه معدش عارف ينطق من الذنوب وشاف واحد بيلف على واحد واحد فى ارض المحشر قاعد يتوسل اليه يديله حسنه واحده ومفيش حد راضى يديله حسنه ’’ تَظُنُّ أَن يُفْعَلَ بِهَا فَاقِرَةٌ {25} ‘‘ الصدمه الكهربائيه التالته ’’ كَلَّا إِذَا بَلَغَتْ التَّرَاقِيَ {26} ‘‘ مشهد الاحتضار ياااااااااااااااااااااااه كان الواحد من فتره اول ملتزم المشهد ده بالذات اهوه الى كان بيزلزل الواحد كان الواحد يعد يفكر كده يا ترى لما هاجى اموت قدر ققول ’’ لا اله الا الله ‘‘ ولا لأ ولما اجى اموت هندم على عمرى الى فات ده ولا هبقى راضى عن عمرى الى فات والى عملته فيه ولما اجى اموت الى هينزلولى ملايكه بيض الوجوه بيض الثياب ولا سود الوجوه سود الثياب ولما اجى اموت ملك الموت هينزع روحى زى مينزع السفود زى الصوف المبلول يعنى فى قمة الصعوبه ولا روحى هتسيل زى القطره ولما اجى اموت مين الى هيصلى عليه واحده متمكيجه المكياج بتاعها هيسيح من الحر ونص اصحابى مش هيصلوا عليه لانهم مبيصلوش اصلا ولا ناس ملتزمه وعارفه ربنا والدعوه بتاعتها مستجابه لما تدعيلى بالرحمه ولما اجى اموووووت بعد تلت ساعات بس من موتى هيبقى الحفره الى اترميت فيها حفره من حفر النار ولا روضه من رياض الجنه ياترى يا جماعه لو فكرنا بالطريقه دى هنفضل زى محنا كده ’’ كَلَّا إِذَا بَلَغَتْ التَّرَاقِيَ {26} ‘‘ ربنا بيجيبلك مشهد الموت فى الآخر ليه لان امرا هذا آخره حرى بأن يزهد فيه ده اخر الدنيا ده آخر القهوه ده اخر الجامعه ده اخر الاختلاط ده اخر الحب الحرام ده اخر المعاصى ده اخر الشهوات هيه دى اخرتها هيه دى اخرتها فعلا وما بقى كان اعظم مشهد الصراط والبعث والقنطره والعرض على الله والطرد من على حوض النبى صلى الله عليه وسلم كل المشاهد دى لسه مستنياك يوم القيامه ’’ كَلَّا إِذَا بَلَغَتْ التَّرَاقِيَ {26} وَقِيلَ مَنْ رَاقٍ {27} ‘‘ مين الى هيطلع بروحك للسما مين ملايكة الرحمه ولا ملايكة العذاب ’’ وَظَنَّ أَنَّهُ الْفِرَاقُ {28} ‘‘ خلاص هفارق كل حاجه هفارق الفلوس هفارق اصحابى هفارق البنات والبنت دى الى اديت ظهرى لربنا عشانها هفارق السجاير الى كنت بسيب الصلاه واطلع اشربها على السطح وانا سامع الاذان فى ودنى وانتى هتفارقى الى انتى بعدتى عن ربنا عشانه هفارق اصحابى معقوله سيب من الوقتى الى بيسولك المعصيه انك تعصى ربنا سيب من الوقتى الى بيملالك الهارد ديسك بتاعك كليبات وافلام اباحيه سيب من الوقتى الى بيديك اخر شريط تسمعه سيب من الوقتى الى بيبعدك عن ربنا شفت اللمه دى كلها كل واحد هيروح لربنا لوحده ونتقبل تانى ونتجمع تانى يوم القيامه بس ساعتها "الأَخِلاَّءُ يَوْمَئِذٍ بَعْضُهُمْ لِبَعْضٍ عَدُوٌّ إِلاَّ المُتَّقِينَ"الزخرف آية(67), عدو يعنى ايه يعنى الشله بتاعت الجامعه الى كنت معاه فى الجامعه الصبح وبالليل فى القهوه ويم الجمعه الصبح مع بعض فى الرحله وفى الصيف فى المصيف وفى لجنة الامتحانات قاعدين تغشوا من بعض تبقوا اعداء طيب لو كنتوا بطيعوا ربنا تبقوا حبايب وتشفعوا لبعض وتاخدوا ايديكوا فى ايد بعض وانتوا داخلين الجنه يااااااااه يارب ’’ وَظَنَّ أَنَّهُ الْفِرَاقُ {28} وَالْتَفَّتِ السَّاقُ بِالسَّاقِ {29} إِلَى رَبِّكَ يَوْمَئِذٍ الْمَسَاقُ {30} فَلَا صَدَّقَ وَلَا صَلَّى{31} ‘‘ جايلك يارب وانا الرصيد بتاعى فاضى جايلك يارب وانا مشطب حسنات جايلك يارب وانا ذنوبى جبال والحسنات بتاعتى حتة كومه صغيره جنبها ’’ فَلَا صَدَّقَ وَلَا صَلَّى{31} ‘‘ ياجماعه ياشباب ’’ أَيَحْسَبُ الْإِنسَانُ أَن يُتْرَكَ سُدًى {36} ‘‘ ايحسب الشباب ان يتركوا سدى ايحسب البنات ان يتركن سدى ايحسب الاباء والامهات ان يتركوا سدى انتوا فاكرينها ايه فاكرينا نازلين من الجنه عشان رحله مختلطه زى رحلات يوم الجمعه الصبح عشان نهزر مع بعض ونضحك مع بعض ونرجع الجنه تانى فاكرينها فسحه فاكرينها نزهه دحنا عشام مقصد عشان هدف ربنا منزلنا هنا عليه ’’ أَلَمْ يَكُ نُطْفَةً مِّن مَّنِيٍّ يُمْنَى {37} ‘‘ انا وانته وانتى كنا علقه كنا كل واحد مننا 2 مل وجايين الوقتى بنطنطط على الارض هتكبروا على ايه وهتفرح بأيه ’’ ثُمَّ كَانَ عَلَقَةً فَخَلَقَ فَسَوَّى {38} فَجَعَلَ مِنْهُ الزَّوْجَيْنِ الذَّكَرَ وَالْأُنثَى {39} أَلَيْسَ ذَلِكَ بِقَادِرٍ عَلَى أَن يُحْيِيَ الْمَوْتَى {40} ‘‘ مهوش قارد يعاقبك لو اغضبته مهوش قادر بلى قارد سبحانه وتعالى هنفوق امته ياجماعه هنفوق امته من الغيبوبه الى احنا فيها دى هنستعد لاول ليله فى القبر امته هنستعد لاهوال يوم القيامه امته هنشيل اشواك المعاصى من قلوبنا امته ياجماعه هنفرح ربنا بالتوبه الصادقه اليه امته ياجماعه هنبقى محناش النفس اللوامه ونبقى النفس المطمئنه امته يا جمااااااااااعه امته ياشباب والله الواحد مستغرب الى مستنيه كل الاهوال دى ازاى يعيش حياته مطمن كده ازاى ميعملش حساب الكلام ده كله انا عايزمنكوا ايه ياجماعه عايزين درس عملى على الكلام ده عايز السوره بتاعت القيامه السوره بتاعت عايز بس مش قادر سورة كل واحد عايز ومش قادر السوره دى بتاعته قوم الوقتى ققولك لا لما تقوم قبل متنام بالله عليك بالله عليكى صلى ركعتين بسورة القيامه قوله يارب انا بصليلك بيها عشان ترحمنى يوم القيامه وتبعد عنى نفسى اللوامه عيطله ابكيله زى الطفل الصغير انا مش عارف القلوب بقت غليظه كده ليه فى ناس ممكن تسمع كل الكلام ده وتقول الله كلام حلو وبعدين ولا اى حاجه ونعيش ايامنا فى الطبيعى زى كل يوم ليه بنعد نتكلم عن النار ونلاقى القلوب لسه غليظه ليه او نتكلم عن الجنه او عن حب الله معدش حاجه بتأثر فينا لييييييييييييييه ؟؟؟؟؟؟؟؟؟؟؟ خلاص شاكيرا نستنا ربنا والبنت الفلانيه فى الجامعه بقه اهتمامك بيها اكتر من ربنا واهتمامك بشكلك ومكياجك اهم من ربنا خلاص استغنينا عن سكتك يارب خلاص جنتنا فى الدنيا بقى الدش والكليبات والافلام خلاص الشلل واصحابنا والقهوه والكوفى شوبات والجامعه نسونا ربنا ياجماعه ولا لسه فينا امل ولا لسه عايزين بس مش قادرين عرض قلبك زى القلب الى فى العنايه المركزه الدكتور يدخل يعمله صدمات كهربائيه يفوقه عشان يقوم تانى سورة القيامه بتفوق قلبك باربع شحنات كهربائيه ربانيه من عند الله عشان قلبك يحى تانى الليله ان شاء الله كل واحد فينا وكل واحده فينا كل واحد يصلى ركعتين لله بسورة القيامه ويقوله يارب انا عايز بس مش قادر ومفيش امل غير فيك يارب لسه برضه مش قااااااااااااااااااااااااااااادر ؟؟؟؟؟؟؟؟؟؟؟؟؟

[أبويحيى]

جزاك الله خيرا أخى الحبيب

[Yamen]

رد: عايز بس مش قادر .... الجزء الثانى

جزاكم الله خيراً

[Yamen]

رد: عايز بس مش قادر ...... الجزء الاول ؟!!

جزاكم الله خيراً

[خزيمة بن ثابت]

رد: تفريغ شريط " عاوز بس مش قادر "

جزاكم الله كل خير وأعانكم علي فعل الخير

[العمده سيف]

رد: تفريغ شريط " عاوز بس مش قادر "

جزاك الله عنا خيرا فى تفريغ المحاضرة القيمة اسال الله ان يعم النفع بها

[Mostafa Sultan]

رد: تفريغ شريط " عاوز بس مش قادر "

ماشاء الله

جزاكم الله خيرا

نفع الله بكم

[م/أبو عمرو]

رد: تفريغ شريط " عاوز بس مش قادر "

ماشاء الله
جزاكم الله كل خير

[رحيق العفة]

رد: تفريغ شريط " عاوز بس مش قادر "

جزاكم الله خيرا

[أم _ البراء]

رد: تفريغ شريط " عاوز بس مش قادر "

جزاكم الله خيرا