إعـــــــلان

تقليص
لا يوجد إعلان حتى الآن.

تفريغ شريط " أركب معنا " // مفهرس

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تفريغ شريط " أركب معنا " // مفهرس



    السلام عليكم ورحمة الله وبركاته
    بسم الله والصلاة والسلام على رسول الله
    الحمد لله وكفى وصلاة وسلاما على عباده الذين اصطفى
    ثم اما بعد
    ياشباب الليله اخر فرصه لأخد القرار خدو بالكواللى مش هياخد القرار الليله مضمنش انه هيلحق ياخد القرار بعد كده الليله اخر فرصه انك تستجيب لنداء الله اللى بتسمعه من اول رمضان اركب معنا ابن سيدنا نوح سيدنا نوح اللى خدم فى الدعوة 950 سنة ابنه ملحقش فى الاخر هتلحق ولا مش هتلحق الليله يا شباب الطوفان لسه بينا وبينه ساعات معدوده طوفان المعاصى فى اول ليله فى العيد طوفان هيكتسح قلب اى انسان لسه قلبه متغسلش فى رمضان لسه بينه وبين الطوفان ساعات معدوده هتعمل ايه انت دلوقتى بيترمالك طوق النجاه هتمسك فيه وهتكلبش فيه ولا لأ طوق النجاه اللى بينقذنا فى هذه الأيام اللى بينقذنا اننا نودى نفسنا فى نار الله سبحانه وتعالى يا جماعه انا جاى الليه احظركوا من شبكة العنكبوت عارفين سورة العنكبوت عارفين لما ربنا وصف أهل الباطل فيها أنهم زى العنكبوت عارفين ليه ؟ لأن هما بينسجولنا شبكه انت الفريسه بتاعتها وانتى الفريسه بتاعتها احنا الفريسه بتاعه شبكة العنكبوت عايزين يوقعونافيها شبكة الشهوات اللى عملنهالنا فى الدنيا كلها دريم عنكبوت روتانا عنكبوت الدش عنكبوت كل قهوه عنكبوت النادى عنكبوت كل بنت متبرجه فى الشارع عنكبوت شبكه كبيره عارفين اللى بيقع فى الشبكه بيحصله ايه اللى بيقع فى شبكة العنكبوت بيتلف النسيج حواليه وبيتحبس فيه وبيتحقن حقن السم فى قلبه الشاب اللى تيجى تكلمه فى الدين ابسط بديهيات الدين مهوش قادر يتقبلها ده واخد حقنة سم الشاب اللى بعد 30 يوم تراويح وتهجد تيجى فى اول شهوه تقابله فى اول يوم العيد يقع فيها ده واخد حقنة سم لازم ننقذ نفسنا من شبكة العنكبوت اللى وقعنا فيها لازم يا جماعه طيب العنكبوت ده موجود فين فين؟ فى الأماكن المهجوره الشاب اللى بقاله سنين مدخلش حضر درس فى الجامع الشاب اللى بقاله سنين ما بيسمعش شرايط الشاب اللى بقاله سنين مهوش متعود انه كل يوم يقرأ قرآن ولا يسمع قرآن ولا يحفظ قرآن دا قلبه مهجور معشش فيه العنكبوت ازاى الشاب بيقع فى شبكة العنكبوت شوف رسول الله صلى الله عليه وسلم بيقول ايه " تعرض الفتن على القلوب عوداعودا " يعنى ايه يعنى واحده واحده من غير ما تحس ياااااه وايه يعنى لما انزل النازله دى وايه يعنى لما اتفرج على البرنامج ده وايه يعنى لما اعمل المعصيه دى خيط ورا خيط من خيوط العنكبوت يفضل يلف حوالين قلوبنا الرسول بيقول تعرض الفتن على القلوب العنكبوت بيفضل خيوطه تلف حوالين قلبك لحد ما يتمكن من قلبك "فأيما قلب يشربها نكتت فيه نكتة سوداء " يعنى ايه كل معصيه بتعملها بيدخل فى قلبك نقطه سوده بيها انا عايزك تسأل نفسك دلوقتى قلبك لو اتكشف قدامك هتلاقى فيه كام نقطه سودا فيه قلبك لما يتكشف قدام ربنا هيبقى اسود ولا ابيض ولا كروهات كام نقطه سودا دخلت فى قلبك من عينيك اللى بيبص فى اليوم عشر بصات بس فى الشهر 300 فى السنه 3500 بقاله 5 سنين بيبص لما حرم الله حوالى 20000 نقطه سودا فى قلبك من العين بس امال ودنك من السماع كام الف نقطه سودا ولسانك من الغيبه والتريقه والشتيمه ومن كلمة اوف للوالدين كام نقطه سودا دخلت قلوبنا ومن شفايفك السيجاره السيجاره علبة سجاير اللى حاططها فى جيبك كل سيجاره بعشر تنفاس بعشر نقط سودا لو حطيت مصحف كل حرف بعشر حسنات بعشر نقط بيضه معاصى السر الناس اللى بتيجى يوم القيامه معاها جبال حسنات ولكن بسبب انهم كانوا اذا خلو بمحارم الله انتهكوها يضيع كل ده لما بتبقى لوحدك فى البيت بتفتح انهى قناه فى الدش لما بتبقى لوحدك فى البيت بتتصل بأنهى رقم يا جماعه كل خصلة شعر بينتيها دخلت كام الف نقطه سودا فى قلبك انا عايزه اقولك ان القلب بعد كل النقط دى بيبقى فحمه والفحم ملوش مكان غير وقود للنار قلبك ده هيتعرض على 5 امتحانات 5 امتحانات قلبك ده هيتعرض عليهم يبقى لازم تحافظ عليه الإمتحان الاول فى العقيده فى القبر لما هتتسأل ما دينك؟ ومن ربك؟ وما قولك فى الرجل الذى قد بعث فيك ؟ الامتحان التانى فى القبر لما هتتسأل عن عمل عمل عملته طول حياتك التلت امتحانات الباقيين يوم القيامه امتحان عملى على الصراط على حسب استقامتك فى الدنيا على حسب ما هتعدى عليه وامتحان لحسناتك وسيئاتك على الميزان وامتحان لقلبك فى العرض على الله 5 امتحانات قلبك هيعدى عليها خدو بالكوا يا جماعه دا الرسول قال فأيما قلب اشربها لما قلب الشاب يشرب المعصيه اشربها عارف الاسفنج لما تشرب حاجه ساعة الموت اللى هيطلع على لسانك هو اللى قلبك شربه الشاب اللى ركب فى الطياره ولا الراجل اللى ركب فى الطياره ومعاه شنطه جاله الموت فجأه وهو فى الطياره قعد يقول الشنطه الشنطه اللى جنبه يقوله قول لا اله الا الله يقوله فين الشنطه ؟ يقوله قول لا اله الا الله قاله الكلمه اللى انت بتقولها دى مش قادر اقولها تقيله على لسانى ايما قلبا اشربها ميقدرش يقول لا اله الا الله عند الموت ليه مهياش فى قلبه لما قلبه يجى يتعصر عند الموت متطلعش عليه انا عايز اقولكوا ايه يا جماعه عايزه اقولكوا ان شبكة الشهوات دى فى الاخر هتؤدى الى ان الشاب يتحبس جواها لما يجى الطوفان ما يعرفش يخرج منها ازاى منظر من المناظر اللى الواحد ماينسهاش ابدا شوفت فى مره كان منظر فى عالم الحيوانات كان منظر غزاله وقعت فى بركة طين ومعرفتش تطلع وقاعده تحاول انها تطلع بكل الطرق مهيش عارفه لغاية ما جه اسد فتح انيابه بلع راسها فى انيابه فى لحظه ليه لأنها فى بركة الطين مش عارفه تتطلع انا خايف ان الشيطان يلتهمنا فى لحظه واحنا فى بركة المعاصى مش عارفين نطلع اللأربعه الشباب اللى كانوا خارجين فى فسحه خارجين يتفسحوا وواحد نزل يدور العربيه بتاعته فى الجراش شويه واتأخر شويتين واتأخر وبينزلوا لاقوه مدور العربيه والكاسيت متعلي وميت جوه العربيه ملحقش ملحقش الشبكه احاطيت بيه ملحقش يرجع لربنا سبحانه وتعالى فى واحد ممكن يقول طب انا مقتنع بكلامك انا عاوز عاوز والله عاوز بس خايف انا عايز اجى لربنا عايز ابكى زى ده وعايز وشى ينور زى ده وعايز اشوف رؤيه حلوه زى ده بس خايف خايف من ايه يابنى خايف من حاجات كتير اوى خايف مقدرش خايف ان انا ارجع زى ما كل مره برجع ومعقوله هقدر اغض بصرى معقوله اقدر اسيب العاده السريه هقدر هتقدر والله العظيم هتقدر بس لو جيت لربنا بقلبك مش برجليك لو قريت المصحف بقلبك مش بلسانك لو صليت بقلبك مش بجسمك لو جيت لربنا بقلبك الواحد بيفتكر زمان زمان قبل ما ربنا يمن على الواحد بالالتزام كان الواحد يعنى جوه قلبه خير عايش معزب 100 مره يدخل الجامع ويخرج تانى ويائس انه فى يوم من الايام يبقى كويس ولما كان الامام يوم الجمعه يقف فى اخر الخطبه ويقول قولوا معايا توبنا الى الله رجعنا الى الله كان الواحد لسانه ميقدرش ينطقها ويبقى قلبه بيتقطع نفسه يقولها بس يقول مش هقدر انا عارف اننا مش هقدر عارف اننا مش هكمل لغاية ما ربنا من على الواحد رزقنى واحد يحفظنى قرآن الشيخ محمد حسان بقى بيدى دروس كل يوم حضور الدروس حفظ القرآن قلب كيان الواحد الواحد بعد عن صحبة السوء فتره صغيره بس فتره صغيره بدأ يرتبط بالصحبه الصالحه بدأ يحافظ على العبادات بفضل الله لله الحمد والشكر لغاية دلوقتى والواحد بفضل الله فى بيت ربنا يا جماعه هتقدر والله العظيم هتقدر بس لو جيت بقلبك مش برجليك طيب انتوا انتوا حرمتوا كل حاجه انا مش مقتنع ان اللى انتوا بتقولوا عليه ده حرام انتوا حرمتوا حاجات كتير اوى يعنى معدش فى القهوه امال اروح فين يعنى ادينى البديل البديل عارفين يا جماعه البديل هتلاقيه امتى عارفين جنة الالتزام هتعشوها امتى ؟ لما تلاقى جوه الالتزام صحبه صالحه يعنى انا الوقتى انا الوقتى عايز اروح شارع جيهان وقفت قدام مسجد السلاب لو سمحت حضرتك ممكن تيجى معايا شارع جيهان لا والله انا رايح الثانويه طب حضرتك والله رايح المستشفى العام طب حضرتك لا والله دا انا ساكن هنا امشى من هنا لغاية شارع جيهان هتلاقى هناك عند شارع جيهان الف واحد داخل ادخل معاهم يعنى ايه ؟ عايز صحبه صالحه ادخل الجامع عايز صحبه صالحه عيش فى بيت الايمان عايز صحبه صالحه احضر دروس الدين احفظ القرآن فى الجامع هتتعرف على ناس ملتزمين هتعيش جنة الدين فى الارض اول ما يبقى ليك اصحاب طب انا مش مقتنع باللى انتوا بتقولوه فى حاجات حرام انا مش مقتنع بيها يعنى الاختلاط والكلام انا مش مقتنع ان الحاجات دى حرام وفى ناس بتقول الحاجات دى مش حرام ياشباب هى عامله زى واحد واقف فى المسجد والمسجد ضالمه خالص فجه شوية نور خافتين اول حاجه هيشوفها ايه اكتر حاجه يجى الننور اكتر يشوف المنبر يجى النور اكتر يشوف السجاد يفضل النور يجى لغاية ما يشوف الدبانه الطايره فى الهوا انا عايز اقولك ايه مش عايزين نتشاكل الوقتى والمسجد لسه مضلم فى دبان ولا مفيش دبان احنا عايزين نتكى على الكبس النور يجي لو النور جه فى قلبك ساعتها مش هتحتاج حد يقولك ده حرام وده حلال ساعتها هتعرف لوحدك الاختلاط حرام ولا حلال ساعتها هتعرف لوحدك الأغانى المحرمه حلال ولا حرام ساعتها هتعرف لوحدك اطلاق البصر لدى ودى حرام ولا حلال ساعتها هتعرف لوحدك علاقات الحب اللى فى الجامعه حرام ولا حلال ساعتها هتعرف لوحدك البرامج اللى بتيجى على الدش حرام ولا حلال بس لو النور جه يبقى اذن متقوليش حرام ولا حلال ركز على ان النور يجى الاول طيب يعنى انا انا مش عايزابقى زيك كده يعنى ايه لا يعنى انا عايز اخد الدين يعنى كده برضه ايه بالوسط يعنى انا مش قادر اسيب الدنيا كلها انا مقدرش اسيب طب هو احنا سبنا هو احنا سبنا مفيش واحد
    طلع قدامكوا فى العشره الاواخر يكلمكوا فى الدين مهواش طبيب يا جماعه اهوه وناس بيتكلموا فى الدعوه اهوه الطب مشغلش واحد منهم عن الدين يبقى احنا مسبناهاش اهوه بفضل الله سبحانه وتعالى طيب هو انا ينفع اجمع يعنى ينفع اطلع رحله مثلا انزلاتفسح ينفع اجمع وابقى ملتزم برضه بشرط لو انت معاك صحبه صالحه والحاجات دى مفيهاش معاصى انت ساكت عليها معاك صحبه صالحه خلاص لو جيت تقع هتتسند عليها انما الوقتى وانت لوحدك هتتسند على ايه لو وقعت هتنزل مش هترجع طب انا عملت معاصى كتير وغضبت ربنا كتير لو انا تبت ربنا هيعقبنى على المعاصى لا والله خلاص خلصت طب انا مفيش مكان معصتش ربنا فيه"قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ "الزمر:53
    يا جماعه اقبلوا على الله اقبلوا ولا تخافوا اللى بيقولى عاوز بس خايف خايف من ايه خايف من ربنا خايف من طريق ربنا خايف ربنا يضحك عليك يكون بيقولك الدين فيه سعاده وتدخل تلاقى فيه تعاسه خايف من ايه خايفين من ايه يا جماعه خايفين نلتزم ليه خايفين نعيش مع ربنا ليه خايفين نعيش حياة الالتزام ليه اوعى تخاف من ربنا اقبل ولا تخف العيد لسه عليه ساعات ولو حتى رمضان بكره يعنى ليلة بكره ليلة 30 برضه لسه عليه ساعات
    انا عايز اقولك اوعى تبقى كده اوعى تبقى من النماذج اللى انا هقول عليها الوقتى .


    1- "وَلاَ تَكُونُواْ كَالَّتِي نَقَضَتْ غَزْلَهَا مِن بَعْدِ قُوَّةٍ أَنكَاثاً " اوعى بعد ما عليت بناء الدين فى قلبك فى رمضان تقتل كل حاجه فى العيد اوعى بعد ما الشوال بتاع الحسانات بتاعك يتملى حسانات فى رمضان تخرمه خرم كبير فى العيد يوقع كل حاجه بالمعاصى اللى هتعملها فيه
    الحاجه التانيه اللى عاوز اقولهالك وعاوز اقولهالكى :
    2- " بِئْسَ الاِسْمُ الْفُسُوقُ بَعْدَ الْإِيمَانِ " بعد ما تلاقى اسمك عند ربنا مؤمن عابد تروح فى العيد يبقى اسمك عند ربنا فاسق ازاى بعد ما ربنا اطلع على قلبك ليلة 27 وقال نعم العبد يطلع عليك فى العيد ويقول بئس العبد ازاى " قُلْ أَنَدْعُو مِن دُونِ اللّهِ مَا لاَ يَنفَعُنَا وَلاَ يَضُرُّنَا وَنُرَدُّ عَلَى أَعْقَابِنَا بَعْدَ إِذْ هَدَانَا اللّهُ كَالَّذِي اسْتَهْوَتْهُ الشَّيَاطِينُ فِي الأَرْضِ حَيْرَانَ " حيران تايه " لَهُ أَصْحَابٌ يَدْعُونَهُ إِلَى الْهُدَى ائْتِنَا " الى الهدى ائتنا يا شباب الى الهدى ائتنا يا بنات الى الهدى ائتونا يا جماعه الى الهدى ائتنا اوعى فى العيد تبقى حيران ما بين الشياطين اللى بتدعوك وما بين صحبة الدين اللى بتدعوك اوعى تدخل فى الحيره تانى اوعى وافتكر قول الله " {وَاتْلُ عَلَيْهِمْ نَبَأَ الَّذِيَ آتَيْنَاهُ آيَاتِنَا فَانسَلَخَ مِنْهَا فَأَتْبَعَهُ الشَّيْطَانُ فَكَانَ مِنَ الْغَاوِينَ }الأعراف:175 اوعى اوعى بعد ما ربنا كساك بثوب الدين فى رمضان اوعى تقلع الثوب ده عن جسمك بعد رمضان اوعى تتسلخ من جلدك اللى ربنا حفظك فيه فى رمضان بأنك تخلع جلد الدين عنك بعد رمضان اوعوا يا جماعه اوعوا تهدموا الدين اللى ربنا اقامه فى قلوبكوا فى رمضان فى العيد اوعوا يا جماعه بعد ما ربنا سماكوا مءمنين تسموا نفسكوا فاسقين اوعوا يا جماعه تنسوا ربنا وتحتاروا ما بين الشياطين والطاعه اوعوا اوعوا ترجعوا كده فى العيد
    انا اخر حاجه عايز اقولها لك زى ما بدأ تلك الليله اخر فرصه انك تاخد القرار الليله اخر فرصه انك انت تركب معانا فى سفينة الدين الليله اخر فرصه انك تحقق نداء ربنا ( أركب معنا ) وتقول معاك يارب اخر فرصه يا جماعه بعد كده الطوفن جاى فى العيد هيكنس كل اللى مهواش مستعصم بالله سبحانه وتعالى طوق النجاه لسه ممدود ولسه ربنا مدينا الفرصه وعايزين ناخد القرار علشان كده بقولك وبقوليك خد القرار الوقتى خد القرار ومتخفش خدوا القرار يا جماعه واقفلوا اى سكه بينكوا وبين المعصيه النمر اللى على المحمول باب ممكن يرجعك للمعصيه تانى امسحها الكليبات اللى على الهارد ديسك باب ممكن يرجعك للمعصيه تانى امسحها كل الشرايط اللى فى اوضتك باب ممكن يرجعك للمعصيه تانى انا مش بقولك امسحها بقولك إكسرها أكسرها ؟ ده الشريط ده ب 15 جنيه والشريط ده ب12 جنيه والشريط ده ب10 جنيه يا بنى إكسرها زى ما سيدنا إبراهيم حطم الاصنام حطمها حطمها علشان تتكسر فى قلبك كمان يبقى قلبك معدش فيه غير ربنا سبحانه وتعالى اوعوا تخافوا اقبل ولا تخف اوعوا تخافوا من طريق ربنا لو كانت ام موسى خافت ترمى ابنها فى البحر كان اتدبح قدام عينيها انما لانها سمعت كلام ربنا رمته فى البحر ربنا نجهولها ليه لانها مخفتش من امر ربنا مخفتش من توجيه ربنا اقبلوا ولا تخفوا
    الموقف اللى عايز اقولهولكوا قبل ما اسيبكوا الليله الموقف يا جماعه كان فى لاعيب كره مشهور قوى بس كان كبر خلاص عجز بقه بيودع الملاعب ولاعيب كره لسه طالع لسه صغير 17 سنه وطالع ايه هيكتسح فقريت حوار مع اللاعيب الكبير فهو بيتحسر على المجد اللى راح منه والشهره والمعجبات والفلوس وهو عارف ان التانى ده هو بقه هيخودها دلوقتى فقال كلمه شوفوا اهل الدنيا والدنيا بتتسحب منهم قال ( ينتظره اياما رائعه )الكلمه دى انا ختها قلت يا الهى هما الاتنين هيكنسوا عبر الطريق انما الانسان اللى عارف ربنا انتوا يا جماعه انتوا اللى هياخد قرار الالتزام منكوا انا بقوله الوقتى ( ينتظركم اياما رائعه ) والله العظيم اجمل ايام هتعشوها فى حياتكم مع ربنا اسعد ايام هتعشوها فى حياتكوا مع ربنا اجمل ايام هتعشها فى حياتك كلها فى الدنيا و الآخره وانت مع ربنا سبحانه وتعالى اوعى تضيع الجنه اللى فى الدنيا بمعاصيك واخر مره بقولهالك تانى خد القرار الليله لانها اخر فرصه انك تاخد القرار
    التعديل الأخير تم بواسطة جارة فاطمة; الساعة 16-02-2012, 02:28 PM.
    فلقولوا عن حجابي لا وربي لن أبالي
    فليقولوا عن حجابى أنه يفنى شبابى
    و ليغالوا فى عتابى إن للدين إنتسابى
    لا و ربى لن أبالى همتى مثل الجبال
    أى معنىً للجمال إن غدا سهل المنال

  • #2
    :LLL:

    :LLL:

    تمام ما شاء الله

    جزاكم الله خيرا

    سيتم مراجعة الدرس غدا بإذن الله وتجهيزة للنزول على الموقع قريبا

    ربنا يبارك فيكم ويجعلكم من رفقاء النبى صلى الله عليه وسلم فى الجنة
    سبحان الله وبحمده ::. . .:: سبحان الله العظيم
    الحمد لله عدد ما خلق . الحمد لله ملء ما خلق . الحمد لله عدد ما في السموات و ما في الأرض . الحمد لله عدد ما أحصى كتابه و الحمد لله ملء ما أحصى كتابه . و الحمد لله عدد كل شيئ والحمد لله ملء كل شيئ



    تعليق


    • #3
      رد: تفريغ شريط " أركب معنا "

      جزاكم الله خيرا
      والقائمين والمشاركين بهذا المنتدى
      اللهم اجمعنا جميعا في الآخرة بالفردوس الأعلى مع مصطفاك صلى الله عليه وسلم
      وجنبنا في الدنيا الزلل والفتن ماظهر منها ومابطن

      تعليق


      • #4
        رد: تفريغ شريط " أركب معنا "

        جزالكم الله خيرا
        ونفع الله بجهدكم
        أَنْتَ وَلِيِّي فِي الدُّنْيَا وَالْآَخِرَةِ تَوَفَّنِي مُسْلِمًا وَأَلْحِقْنِي بِالصَّالِحِينَ

        تعليق


        • #5
          رد: تفريغ شريط " أركب معنا "

          جزاكم الله خيرا

          اللهم ارزقنا الاخلاص فى القول والعمل
          بوركتم

          تعليق

          يعمل...
          X