[جديد] ..ღ وَلَا تَنِيَا فِي ذِكْرِي ღ.. // مفهرس

[آمــال الأقصى]

وَلَا تَنِيَا فِي ذِكْرِي
تفريغ الحلقة الخامسة_ أدركوا اللحظة الفارقة
لــ د/ حازم شومان



حبيب قلبنا الغالي،أختنا الحبيبة،كل سنة وانتوا طيبين،أدركوا اللحظة الفارقة.
أدركوا أخطر عشر أيام في حياتنا،ممكن يعملوا ترصيص لزوايا قلوبنا،وممكن نخرج بيهم بنور قول الله عز وجل ::
" وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا " الأنعام-79.
لو قِدرت قلوبنا تعيش مع أنوار ذِكر الله عز وجل.

عارفين انهارده هنتكلم عن إيه ؟
هنتكلم عن عطاءات الله عز وجل للذاكرين في حاجات تانية جديدة يا جماعة.
أول حاجة الكرامات ::
قد إيه ربنا بيملي حياة الذاكرين بالكرامات والعطاءات والنفحات،إزاي ؟
ربنا عز وجل بيقول " فَاذْكُرُونِي أَذْكُرْكُمْ " البقرة،152،ليس العَجَب من كلمه اذكروني مش حاجة عجيبة إن أنا أذكر مولاي،العَجَب من كلمة أذكركم،اذكروني بقلوبكم أذكركم بتحقيق مطلوبكم،اذكروني بالقلوب أذكركم بكشف الكروب،اذكروني بالثناء أذكركم بالعطاء،الله عز وجل بيقول " وَلَذِكْرُ اللَّهِ أَكْبَرُ " العكبوت،45.
اِنتِ عارفة يعني إيه ؟
ابن عباس رضي الله عنهما بيقول يعني ذِكر الله عز وجل لكم إذا ذكرتموه أكبر من ذِكركم له،يعني اللي ربنا هيدهولك لما تذكره أكتر مما تتخيل،اللي ربنا هيعمله في حياتِك لما تذكره أكبر مما تتصوره،قد إيه ربنا بيملي حياة الذاكرين بالعطاءات.
لما السيدة مريم عليها السلام عشان ذِكر الله انتبذت من أهلها مكانًا شرقيًا،ربنا اصطفاها على نساء العالمين .
لما سيدنا داود عليه السلام عشان يذكر الله عز وجل كان بيقعد علي رءوس الجبال من الفجر للمغرب الله عز وجل ألانَ له الحديد وخلاه مَلِك نبي وهو عنده 31 سنة.
لما سيدنا سليمان عليه السلام دبح 20 ألف فرس عشان ذِكر الله عز وجل،ربنا عز وجل سخر له الريح،الله عز وجل أعطاه مُلك لا ينبغي لأحدٍ من بعده،قد إيه رينا هيملي حياة الذاكرين بالكرامات،هيملي حياتك بالعطاءات.

قد إيه ذِكر الله عز وجل هيخلي فيه ارتباط بينك وبين الملايكة ::
بيني أنا وبين الملايكة ؟
الرسول عليه الصلاة والسلام بيقول لحنظلة الأُسيدي في صحيح مسلم : " يا حنظلة لو أنكم تدومون كما تكونون عندي وعلى الذِكر لصافحتكم الملائكة في الطرقات".
نص الحديث ::
وعن حنظلة بن الربيع الأسيدي - رضي الله عنه - ، قال : لقيني أبو بكر قال : كيف أنت يا حنظلة ؟ قلت : نافق حنظلة . قال : سبحان الله ما تقول ؟ ! قلت : نكون عند رسول الله - صلى الله عليه وسلم - يذكرنا بالنار والجنة كأنا رأي عين ، فإذا خرجنا من عند رسول الله - صلى الله عليه وسلم - عافسنا الأزواج والأولاد والضيعات ، نسينا كثيرا . قال أبو بكر : فوالله إنا لنلقى مثل هذا ، فانطلقت أنا وأبو بكر حتى دخلنا على رسول الله - صلى الله عليه وسلم - . فقلت : نافق حنظلة يا رسول الله ! قال رسول الله - صلى الله عليه وسلم - : ( وما ذاك ؟ ) قلت : يا رسول الله ! نكون عندك تذكرنا بالنار والجنة كأنا رأي عين ، فإذا خرجنا من عندك عافسنا الأزواج والأولاد والضيعات نسينا كثيرا . فقال رسول الله - صلى الله عليه وسلم - : " والذي نفسي بيده ، لو تدومون على ما تكونون عندي وفي الذكر لصافحتكم الملائكة على فرشكم وفي طرقكم ، ولكن يا حنظلة ! ساعة وساعة " ثلاث مرات ( رواه مسلم ) .
كانت الملايكة تمشي معانا في الشوارع.
النبي عليه الصلاة والسلام خرج على مجموعة من أصحابه فبيقولهم ::
" ما أجلسكم ؟ قالوا جلسنا نذكر الله ونحمده قال ءالله ما أجلسكم إلا هذا ؟ بالله عليكوا انتوا مقعدتوش غير عشان كده،قالوله " ءالله ما أجلسنا إلا هذا،فقال النبي صلى الله عليه وسلم أما إني لم أستحلفكم تهمة لكم ولكن جبريل أتاني فأخبرني أن الله يُباهي بكم الملائكة.
نص الحديث ::
عَنْ أَبِي سَعِيدٍ الْخُدْرِيِّ رَضِيَ اللَّهُ عَنْهُ قَالَ : خَرَجَ مُعَاوِيَةُ رَضِيَ اللَّهُ عَنْهُ عَلَى حَلْقَةٍ فِي الْمَسْجِدِ ، فَقَالَ : مَا أَجْلَسَكُمْ ؟ قَالُوا : جَلَسْنَا نَذْكُرُ اللَّهَ ، قَالَ : آللَّهُ ، مَا أَجْلَسَكُمْ إِلا ذَلِكَ ؟ قَالُوا : وَاللَّهِ مَا أَجْلَسَنَا إِلا ذَلِكَ ، قَالَ : أَمَا إِنِّي لَمْ أَسْتَحْلِفْكُمْ تُهْمَةً لَكُمْ ، وَمَا كَانَ أَحَدٌ بِمَنْزِلَتِي مِنْ رَسُولِ اللَّهِ صَلَّى اللَّهُ عَلَيْهِ وَسَلَّمَ أَقَلَّ عَنْهُ حَدِيثًا مِنِّي ، إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ خَرَجَ عَلَى حَلْقَةٍ مِنْ أَصْحَابِهِ ، فَقَالَ : " مَا أَجْلَسَكُمْ ؟ قَالُوا : جَلَسْنَا نَذْكُرُ اللَّهَ وَنَحْمَدُهُ عَلَى مَا هَدَانَا لِلإِسْلامِ ، وَمَنَّ عَلَيْنَا بِكَ ، قَالَ : آللَّهُ مَا أَجْلَسَكُمْ إِلا ذَلِكَ ؟ قَالُوا : وَاللَّهِ مَا أَجْلَسَنَا إِلا ذَلِكَ ، قَالَ : أَمَا إِنِّي لَمْ أَسْتَحْلِفْكُمْ تُهْمَةً لَكُمْ ، وَلَكِنَّهُ أَتَانِي جِبْرِيلُ عَلَيْهِ السَّلامُ فَأَخْبَرَنِي أَنَّ اللَّهَ يُبَاهِي بِكُمُ الْمَلائِكَةَ" ، رَوَاهُ مُسْلِمٌ.
يُباهي بيا أنا يا رب الملائكة ؟
أنا بباهي الناس بأجمل توب عندي،بأجمل عربية عندي،بأجمل حاجة عندي،الله بيباهي بيكي انتي الملائكة،يعني انتي أجمل حاجة في الكون،يعني انتَ لما تذكر ربنا أجمل حاجه عند ربنا سبحانه وتعالى.

الذِكر سبب لطرد الشياطين ::
الأيام اللي إحنا فيها دي الحسد انتشر والسِحر انتشر،النبي عليه الصلاة والسلام قالنا إن لما بنتامي الشطان بيعقد علي قافية الإنسان تلت عُقَد،يعني بيسحر للإنسان عشان ميصحاش من النوم ولا يصلي فجر ولا قيام ليل،فالنبي عليه الصلاة والسلام بيقول فإذا قام،أول ما تصحي من النوم،فَذَكرَ الله انحلت عُقدة،يعني ذِكر ربنا بيفك السِحر يعني ياللي عندِك سِحر ذِكر ربنا بيفك السِحر.

ذكر الله سبب للرِزق الواسع ::
سيدنا نوح عليه السلام بيوصي ابنه فقال عليك بسبحان الله وبحمده فإنها صلاة كل شيء وبها يُرزَق كل شيء،سبب رزق الكون كله سبحان الله وبحمده عشان كده أبو بكر الصديق رضي الله عنه بيقول ما قُطِعَت شجرة إلا بكفها عن الذِكر،كلمة عجيبة ولكن اللي يفهم المعني ده يفهم إن ذِكر ربنا ممكن يغير حياتنا قد إيه.

طب عايزين ناخد ذِكر نتوصي بيه يا جماعة.
الاستغفار
بدام بنتكلم عن الكرامات،أعلى ذِكر ممكن يغير حياتك كلها الاستغفار،الأخ جالي في الحرم وبيقول أنا قعدت أستغفر في الحرم أسبوعين بس بيقول أنا لقيت واحد جمبي معرفوش الأخ بيكلمني وعيونه بتسف دموع يا جماعة بيقول لقيته بيقولي أنا صاحب مجموعة فنادق حوالين الحرم تِقْبَل تشتغل مدير ليها وعندي بنت لو مش متجوز أنا ممكن أجوزهالك،بيقولي أسبوعين بس استغفار،واحد فاضل من الناس بنته كل ما يتقدملها عريس يراها بمنظر قبيح جدًا فحد قال له لعل معمولها سِحر،الراجل وزوجته قعدوا يوم كامل يستغفروا ربنا بيقولي أحد إخواني اليوم ده كل واحد مننا استغفر حوالي 75 ألف مرة بيقوله نمت حلِمت بمكان السِحر في بلاطة معينة ورا البيت بتاعنا صحيت رحت لنفس المكان اللي شفته لقيته وفي نفس الأسبوع بنتي اتخطبت،واحد صاحبي مرة بتكلم عن الاستغفار،حضر الدرس،حبيبي قوي ، اِتأثر بالكلام وعطاءات الله للمستغفرين بيقولي كان نفسي في عيل بيقولي رجعت قعدت استغفر استغفر استغفر،زوجته حملت بعدها سبحان الله،طبعًا هو دلوقتي معاه حازم،بيقولي أنا الطفل ده أنا جبته بالاستغفار، وحدة ست غلبانة في أسرة فقيرة بتقول أنا مصدر دخلي الوحيد هو الاستغفار،بتقولي أنا ربنا بيفتح عليا بالاستغفار.
كفاية قول الله عز وجل " وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا " هود،3.
هتمتعني يا رب لما استغفرك،هتمتعني هتعيشني المتعة كلها.
Not stressed.
Not depressed.
الاستغفار..." وَيَزِدْكُمْ قُوَّةً إِلَى قُوَّتِكُمْ " هود،52.

ربنا هيغير حياتَك بالاستغفار،الاستغفار جاي من المِغْفَر اللي بيحمي الرأس من ضربات السيوف.
اوعي تخلعي المِغْفَر،فيه استغفار إجرامي.
يا جماعة عارفين يعني إيه استغفار إجرامي ؟
يعني واحد قتل ابن واحد ورايح يقوله متزعلش مني سامحني المرادي،وإحنا بنستغفر لازم دموعنا تنزل لازم دموع الندم تنزل،وإحنا بنستغفر ربنا عشان كده السيدة عائشة رضي الله عنها بتقول إن استغفارنا يحتاج إلى استغفار.
وصلنا لنهاية الوقفة الصغيرة دي بس والله ما هي صغيرة،أدركوا اللحظة الفارقة،عيشي على الاستغفار من دلوقت لحد حلقة بكرة عيشوا مع ذِكر الله عز وجل.
العشر أيام دول يا جماعة،اِلحقوا الفرصة المهولة،اِلحقوا المفرَق الفاصل في حياتنا في عشر ذي الحِجة إن قلوبنا تتوضى في نور الذِكر ونعيش عشر أيام ليل نهار يا رب مابننساكش لحظة وألسنتنا وقلوبنا مبتغفلش عن ذِكرك لحظة،أدركوا اللحظة الفارقة.
جزاكم الله خيرًا.


تفريغ الحلقة الرابعة
.ღ. كمثل الحي والميت .ღ.


لسماع السلسلة وتحميلها من
هنــا

[الفردوس همتي]

رد: ..ღ وَلَا تَنِيَا فِي ذِكْرِي ღ..

ماشاء الله رائع
جزاكم الله خيرا

[*أمة الرحيم*]

رد: ..ღ وَلَا تَنِيَا فِي ذِكْرِي ღ..

جزاكم الله خيرًا