Tweet
فَاذْكُرُونِي أَذْكُرْكُمْ
تفريغ الحلقة الثالثة_ أدركوا اللحظة الفارقة
لــ د/ حازم شومان
حبيب قلبنا الغالي،أختنا الحبيبة، كل سنة وانتوا طيبين.
انهاردة مع حلقة جديدة من أدركوا اللحظة الفارقة.
اِلحقوا فرصة إن إحنا نعرف قد إيه ذِكر الله ممكن يغير حياتنا.
انهارده هنتكلم عن ذِكر الله وأثره في حب الله عز وجل.
الذِكر دا يا جماعة أصلًا رسالة حب ليك من ربنا.
انت بتقول لربنا كدا أنا يارب أنا مش بنساك أبدًا،كل الناس يارب ماشية تتكلم عن الدنيا،دي ماشية تتكلم عن اللي بتحبه،ودا ماشي يتكلم عن العمارة اللي بيبنيها،ودا ماشي يتكلم عن مشكلته،وأنا ماشي بذكرك انت يارب،علشان كدا يا جماعة ذِكر الله دا ثوابه كبير قوي قوي،رغم إنه عمل بسيط جدًا،لأن كل الناس بتتكلم في أي حاجة إلا عن ربنا،وأنا ماشي بذكرك انت يارب.
لما أب يبعتوا له يقولوا له ابنك اللي في الغربة دايمًا في سِيرتك،يفرح قد إيه ..؟
علشان كدا ذِكر الله،رسالة حب من الله ليكي،لأن مجرد إنك ذكرتي الله،شوفي ربنا بيديكي ثواب قد إيه ويقول للملأ الأعلى إنه يُذكرك أمامهم زي ما انتي بتذكريه في الدنيا...ليه ؟
دا هو أنا استاهل كل دا منك يارب،ذِكر الله بيعرفك قيمة كل دقيقه في حياتك،إنك الدقيقة تساوي قصور في الجنة،الدقيقة من عمرك تساوي أشجار وجناين في الجنة،عشان كدا العبادة الجميلة دي،مش اسمها التذكر اسمها الذكر،لأن التذكر يعني انا بنسى وافتكر ، الذكر يعني لا أنساك يارب ،لا أنساك ،بنام وأنا قلبي،عايش مع جلالك يارب.
تخيلوا يا إخوانا أثر ذِكر الله فيه أربع حاجات ودي أعظم أربع عطاءات من الله للذاكرين::
1- إن انتَ تحب ربنا.
إزاي ؟
إحنا قعدنا نتكلم عن الممثلين والممثلات لحد ما حبناهم،قعدنا نتكلم عن الكورة لحد ما حبناها طب ما تيجي نتكلم عن ربنا علشان نحب ربنا.
2- أثر الذِكر في إن ربنا اللي يحبِك.
لما الله يراكي مشغولة بيه،عايشة بقلبك مع جلاله،ربنا يحبك أكتر من البشر كلهم.
3- فَاذْكُرُونِي أَذْكُرْكُمْ.
يا جماعه قلب الإنسان بيشيب وبيرتجف لما يحس بمعني أذكركم.
أي أذكروني بالثناء أذكركم بالعطاء،يعني ربنا هيغيرلك حياتك بسبب ذِكر الله.
4- معية الله عز وجل.
أنا مع عبدي حين يذكرني،كلمة تزلزل القلب والله يا إخواني.
أنا يارب،أنا تبقي جليسي يارب،تبقى جليسي لمجرد إن أنا تحركت بذِكرك شفتاي يارب،أنا مع عبدي ما ذكرني وتحركت بي شفتاه،يعني معية الله حاجة تشيب القلب،إن ربنا يبقى جليسي ومعايا وصاحبي في الحياة،لأن أنا مداوم علي ذِكر الله،طب تخسري ربنا علشان إيه،تخسري ربنا علشان إيه ؟ تخسر مُجالسة ربنا ليك علشان إيه،عشان كدا عايزين انهارده ناخد أحب الذِكر إلى الله.
توصيتنا انهارده::
أحب الكلمات إلى الله أربع كلمات هناخدهم انهارده وتوصيتنا إن طول اليوم لحد ما نتقابل بكرة نفضل نهتف لله بيهم،قال رسول الله صلى الله عليه وسلم :-(أحب الكلام إلى الله أربع،سبحان الله والحمد لله ولا إله إلا الله والله أكبر).
نص الحديث::
قال رسول الله صلى الله عليه وسلم : أحب الكلام إلى الله أربع: سبحان الله، والحمد لله، ولا إله إلا الله، والله أكبر، لا يضرك بأيهن بدأت. رواه مسلم.
كل كلمة من الأربعة دول يا حبيب قلبي هناخدها في حلقة ولكن انهارده هناخد الأربعة على بعض في حلقة،الرسول عليه الصلاة والسلام في حديث صحيح بيقول (أنها خيرٌ مما طلعت عليه الشمس).
نص الحديث::
عَنْ أَبِي هُرَيْرَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " لأَنْ أَقُولَ : سُبْحَانَ اللَّهِ وَالْحَمْدُ لِلَّهِ وَلا إِلَهَ إِلا اللَّهُ وَاللَّهُ أَكْبَرُ أَحَبُّ إِلَيَّ مِمَّا طَلَعَتْ عَلَيْهِ الشَّمْسُ " .صحيح مسلم.
تخيل كدا كل الأبراج والعمارات والفلل والقرى السياحية والجُزر السياحية والمطارات والمليارات والبنوك اللي طلعت عليها الشمس،الأربع كلمات دول أحب إلى الله منهم،الرسول عليه الصلاة والسلام بيقول للصحابة رضي الله عنهم أيعجز أحدكم أن يكسب كل يوم مثل أُحد ،قالوا يارسول الله مين يقدر يشتغل مثل اُحد،فقال سبحان الله أعظم عند الله من جبل أُحد،والحمدلله أعظم عند الله من جبل أُحد،ولا إله الله أعظم عند الله من جبل أُحد،والله أكبر أعظم عند الله من جبل أُحد،إيه الثواب العظيم دا،الرسول عليه الصلاة والسلام بيقول للصحابة رضي الله عنهم خذوا جُنتكم من النار.
نص الحديث::
عَنْ أَبِي هُرَيْرَةَ رَضِيَ اللَّهُ عَنْهُ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " خُذُوا جُنَّتَكُمْ قُلْنَا : يَا رَسُولَ اللَّهِ مِنْ عَدُوٍّ قَدْ حَضَرَ قَالَ : لا جُنَّتَكُمْ مِنَ النَّارِ قُولُوا سُبْحَانَ اللَّهِ ، وَالْحَمْدُ لِلَّهِ ، وَلا إِلَهَ إِلا اللَّهُ ، وَاللَّهُ أَكْبَرُ ، يَأْتِينَ يَوْمَ الْقِيَامَةِ مُقَدِّمَاتٍ مُعَقِّبَاتٍ مُنَجِّيَاتٍ ، هُنَّ الْبَاقِيَاتُ الصَّالِحَاتُ.صححه الألباني رحمه الله.
خَلُّو بينكم وبين النار وقاية،قالوا له يا رسول الله إيه جُنتتنا من النار ؟؟ فقال سبحان الله والحمدلله ولا إلا الله والله أكبر.
سبحان الله حاجة جبارة يا جماعة،سبحان الله يعني يارب بنزهك عن كل نقص،الحمدلله يعني يارب بوصفك بكل كمال،لا إله إلا الله يعني يارب التنزيه عن كل نقص،والوصف بكل كمال دا ليك انت لوحدك مش لحد غيرك،والله أكبر يعني يارب بعد ما نزهتك عن كل نقص ووصفتك بكل كمال انت أكبر من كل ده وأعظم من كل ده.
عشان كدا النبي عليه الصلاة والسلام قال الكلمات دي أحب الكلمات إلى الله عز وجل انهارده بنقول إن ذِكر الله دا رسالة حب منك لربنا،ثوابه رسالة حب من ربنا ليكي اللي قدر الكلمة اللي خارجة من لسانك وقلبك دي،يبقي انهارده أخدنا أحب الكلمات إلى الله سبحانه وتعالي،الرسول عليه الصلاة والسلام يقول إن الأربع كلمات دول لما انت بتقولهم بيصعدوا ويتعاطفوا حول العرش بصوتك فتُذكر بهن عند الله،ألا يحب أحدكم أن يكون له ما يُذكر به عند الله،يعني انتي تقعدي طول اليوم تسبحي بالأربع كلمات دول فالملائكة تقول صوت مين دا ؟ يقولوا صوت فلانة،صوت فلان حول العرش بصوتك،تُذكَري بهذه الكلمات عند الله سبحانه وتعالي،سبحان الله والحمدلله ولا إله إلا الله والله أكبر،أدركوا اللحظه الفارقة،اللي هيعيش العشر أيام دول مع ذِكر الله حياته هتتغير،حياته هتتملي كرامات،هتتملي عطاءات،هتتملي أنوار،اللي قلبه هيستحمى في نهر الذِكر في العشر أيام دول،لن يترك الذِكر أبدًا ما حَيَا.
حبايب قلبنا في الله،حبيب قلبي الغالي،أختي الحبيبة،ربنا يوفقكم،شدوا حيلكم لحد ما نتقابل بكرة،إن شاء الله مع ذِكر جديد وعطاء جديد،من عطاءات الله للذاكرين في أدركوا اللحظة الفارقة.
تفريغ الحلقة الثانية
ღ★ ذِكر الله سبحانه تعالى _د/حازم شومان ★ღ
لسماع السلسلة وتحميلها من
هنــا
تعليق