Tweet
ღ★ ذِكر الله سبحانه تعالى _د/حازم شومان ★ღ // مفهرس
ذِكــر الله سبحانه وتعالى
تفريغ الحلقة الثانية_ أدركوا اللحظة الفارقة
لــ د/ حازم شومان
حبايب قلبنا في الله ، شبابنا الجميل..أدركوا اللحظة الفارقة.
وإحنا في ١٠ذي الحِجة في تاني ليلة من ليالي ١٠ ذي الحِجة بقولك وأنا بكلم نفسي أدركوا اللحظة الفارقة،آه لو قدرنا نعيش الـعشر أيام دول مع ذكر الله سبحانه وتعالى،لقاء القمة مش بين رئيس روسيا ورئيس أمريكا.
ما بين خليل الرحمن إبراهيم وخليل الرحمن محمد (صلى الله عليه وسلم) في السماء السابعة في المعراج.
تخيل موضوع لقاء القمة كان عن إيه ؟ عن "ذِكر الله عز وجل"،سيدنا إبراهيم عليه السلام بيقول لسيدنا محمد صلى الله عليه وسلم : أخبرهم،"قول لأمتك يا محمد إن غِراس الجنة "سبحان الله والحمدلله ولا إله إلا الله والله أكبر".
نص الحديث ::
فقد روى الترمذي وقال حسن عن ابن مسعود رضي الله عنه قال { قال رسول الله صلى الله عليه وسلم لقيت إبراهيم ليلة أسري بي فقال لي يامحمد أقرئ أمتك السلام ، وأخبرهم أن الجنة طيبة التربة عذبة الماء ، وأنها قيعان ، وأن غراسها سبحانالله ، والحمد لله ، ولا إله إلاالله ، والله أكبر.
قول لهم إن كل ما بيشتغلوا بالذِكر أكتر كل ما غِراس الجنة بيزيد أكتر.
ثلاث آيات يرعبوا أي إنسان من إنه يبطل ذِكر ::
الآية الأولانية،(١) :"وَمَن يَعْشُ عَن ذِكْرِ الرَّحْمَٰنِ نُقَيِّضْ لَهُ شَيْطَانًا فَهُوَ لَهُ قَرِينٌ"الزخرف،36.
الآية التانية،(٢):"وَمَن يُعْرِضْ عَن ذِكْرِ رَبِّهِ يَسْلُكْهُ عَذَابًا صَعَدًا"الجِن،17.
الآية التالتة،(٣):"وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ"طه،124.
يا جماعة ربنا جعل المقياس في الفرق بين المؤمن والمنافق في القرآن هو الذِكر.
فقال على المُنافقين"وَلَا يَذْكُرُونَ اللَّهَ إِلَّا قَلِيلًا"النساء،142.
أومال اللي مبيذكرش ربنا يارب هيبقى عندك ايه ؟
لما مريم عليها السلام حست بخطورة الذِكر وذاقت لذته،اِنتبذت من أهلها مكانًا شرقيًا.
لما داود عليه السلام حس بعظمة الذكر وداق جماله بقى يسبح ربنا علي رءوس الجبال من الفجر للمغرب.
ولما سُليمان عليه السلام حس بلذة الذِكر ذبح ٢٠ ألف فرس علشان عطَّلته عن ذِكر الله عز وجل ساعة.
إحنا كام ساعة،إحنا كام ساعة من عمرنا راحت من غير ذِكر الله ؟!
قال رسول الله (صلى الله عليه وسلم) :"الدنيا ملعونة ملعون ما فيها إلا ذكر الله تعالى وما والاه وعالم أو متعلم"سنن الترمذي رحمه الله.
اوعى تضيع عمرك في حاجة ملعونة،الرسول (صلى الله عليه وسلم) يقول :" ما من ساعة تمر بـابن آدم لا يذكر الله تعالى فيها إلا حَسِر عندها يوم القيامة" فوائد أبي عبدالله النعالي.
لما بيشوف ذِكر ربنا بيجيب إيه في الآخره هيتقهر على كل ساعة راحت من غير ذِكرك يارب.
الرسول (صلى الله عليه وسلم) يقول : ما جلس قومٌ مجلس لا يذكرون الله فيه إلا كان عليهم تِرة".
نص الحديث ::
ما من قوم جلسوا مجلسا وتفرقوا ولم يذكروا الله فيه إلا كأنما تفرقوا عن جيفة حمار ، وكان عليهم حسرة يوم القيامة ، وما مشى أحد ممشى لم يذكر الله فيه إلا كان عليه ترة ، وما أوى أحد إلى فراشه ولم يذكر الله فيه إلا كان عليه ترة.
رواه النسائي وابن حبان رحمهما الله.
يعنى حسرة،يعنى يا قهرة قلب اللي عايش من غير ذِكرك يارب،لما قعدت يا إخواني أجيب آيات من القرآن عن ذِكر الله أنا قلبي اتزلزل يا جماعة لقيت ربنا بيتكلم عن الذِكر في مواطن غريبة.
بص كدا في غزوة الأحزاب ١٠ آلاف كافر محاصرنا ،ربنا يقول " يَاأَيُّهَا الَّذِينَ آمَنُوا اذْكُرُوا اللَّهَ ذِكْرًا كَثِيرًا"الأحزاب،41،وفي غزوة حمراء الأسد وإحنا متقطعين بسكاكينهم وسيوفهم في اُحد ربنا يقول "وَقَالُوا حَسْبُنَا اللَّهُ وَنِعْمَ الْوَكِيلُ*فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ"ءال عمران،173 و 174.
بسبب ذِكر الله عز وجل،بسبب ذكر الله عز وجل،في وسط يا إخواني شِعب أبو طالب،ربنا ينزل قوله تعالى:"وَاذْكُر رَّبَّكَ فِي نَفْسِكَ تَضَرُّعًا وَخِيفَةً وَدُونَ الْجَهْرِ مِنَ الْقَوْلِ بِالْغُدُوِّ وَالْآصَالِ وَلَا تَكُن مِّنَ الْغَافِلِينَ"الأعراف،205.
يا إخواني في هجرة الحبشة الله عز وجل يقول "فَاصْبِرْ عَلَىٰ مَا يَقُولُونَ وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ"طه 130.
في الهجرة والنبى (صلى الله عليه وسلم) بيهاجر وكل الجزيرة العربية طالباه حيًا أو ميتًا،ربنا عز وجل يقول "وَلَذِكْرُ اللَّهِ أَكْبَرُ"العنكبوت،45.
إيه يارب العظمة دي يارب.
وإحنا منتصرين في بدر ربنا يقول:"الَّذِينَ إِذَا ذُكِر اللَّهُ وَجِلَتْ قُلُوبُهُم"الأنفال،4.
وإحنا مهزومين في أُحد ربنا يقول"الَّذِينَ يَذْكُرُونَ اللَّهَ قِيَامًا وَقُعُودًا وَعَلَىٰ جُنُوبِهِمْ"ءال عمران،191.
تخيلوا يا إخواني المواطِن اللي ربنا بيتكلم فيها عن الذِكر تزلزل القلب في القرآن.
عارفين هدف حلقة النهارده إيه ؟ إن أنا أقولِك انتي هتخسري في حياتك قد إيه لو بعدتي عن ذِكر الله عز وجل.
علشان أقولَك انتَ هتكسب في حياتك قد إيه لو صفقة الذِكر كسبتها في حياتَك.
أوصي نفسي وأوصيكم بذِكر مهم قوي يا جماعة وإحنا في بداية عشر ذي الحِجة.
(التكبير)
كلمة "الله أكبر" اللي كان أبو هريرة وابن عمر رضي الله عنهم، بيخرجوا في الأسواق بيهتفوا بيها في عشر ذي الحِجة،عارفة يعني إيه "الله اكبر" ؟
وانتي بتقوليها كدا من دلوقتي لحد بكرة عيشي بقلبك إن الله أكبر من كل مخلوق.
أنا قاعد دلوقتي يا جماعة في مكان من مصر بكلمكم من مكان من مصر،إيه المكان اللي أنا فيه بالنسبة لمصر ومصر إيه بالنسبة لقارة أفريقيا،وأفريقيا إيه بالنسبة للكرة الأرضية،والأرض إيه بالنسبة لمجرة التبانة،ومجرة التبانة إيه بالنسبة للسماء ١٦٠ مليار سنة ضوئية نجوم ومجرات. والسماء إيه بالنسبة للسماوات السبعة،والسماوات السبعة إيه بالنسبة لكرسيّ الرحمن،حلقة في فلاة وكرسيّ الرحمن حقلة في فلاة بالنسبة للعرش،والعرش مخلوق.
إذا كان دا عظمة مخلوق أومال عظمة الخالق ؟
(الله أكبر)
"الله أكبر" كلمة زلزلت قلب مين فينا وإحنا بنقولها إن الله أكبر من أي حد انتي خايفة منه.
"الله أكبر" من نفسي علشان تتكسري لربنا،علشان الفرعون اللي جواكَ والأنا اللي جواك تتكسر لربنا.
"الله أكبر" من أي شيء علشان وانت واقف تصلي متسرحش.
(الله أكبر)
دي الكلمة اللي لما رسول الله (صلى الله عليه وسلم) كان بيسمعها في الآذان،السيدة عائشة رضي الله عنها كانت تقول كأنه لا يعرفنا ولا نعرفه،الرسول (صلى الله عليه وسلم) بينفصل شعوريًا عن الدنيا كلها أول ما بيسمع كلمة "الله أكبر".
الكلمة دي هتعمل فينا إيه ؟!
إحنا صغيرين قوي يا جماعة نقطة دم واحدة تتجلط في جسم الإنسان تجيبله شلل مدى الحياة،ميكروب محتاج يتكبر ٣٠٠ ألف مرة تحت الميكروسكوب،يدخل جسمك يقضي على مستقبل إنسان،فيه أمراض لما بتيجي للإنسان بيبقى مستعد يبيع كل ما يملك علشان يتعالج منها.
(الله أكبر)
نتكسَر لربنا وإحنا بنقول الذِكر الجميل دا،يا إخواني،يا شباب أدركوا اللحظة الفارقة.
فرصة عمري وعمرك عشر أيام لو عشناهم مع ذِكر الله ربنا هيملى حياتنا عطاءات، وكرامات ،وفتوحات وسعادة وبركة،وقوة،ومدد،وحب من الله لينا وهيملى قلوبنا حب لله.
أدركوا اللحظة الفارقة.
نعيش مع التكبير لحد بكرة إن شاء الله.
جزاكم الله خيرًا.
تفريغ الحلقة الأولى
ღ. لبيك اللهمَّ لبيك .ღ
لسماع السلسلة وتحميلها من
هنــا
تعليق