Tweet
فريق التفريغ يقدم لكم
درس الحب عذاب من سلسلة شباب مشكلات وحلول
لفضيلة الشيخ " علي قاسم "
بدعة الإحتفال بعيد الفلانتين:
كلمة رنانة رائعة تقع في القلوب موقع عجيب جدًا, وتأثر الألباب حين تُذكر ولكن عن أي حب نتكلم؟ الحب عذاب، اللي النهاردة بيحتفل بالفلانتين دي, وجايب دبة حمرة تمشي في البلد, والله العظيم حاجة من أغرب ما نراه وكأن في حصبة في البلد,كل الناس لابسه أحمر في أي يا عم الحب عذاب، ياللي بتعصي الله وببتتجرأ على الله وقاعد تكلم بت وتقلها أنا عايز أرتبط بيك, وقاعد تسرح بيها وتقولها أنا بحبك وبعشقك وإنتي بالنسبالي النجوم, وإنتي بالنسبالي الأقمار, ولما بنام صورتك مبتفارقش خيالي، متبقاش عبد النظرة متبقاش عبد إسترتش متبقاش عبد بدي، متبقاش عبد جيبة ميبقاش قلبك بيروح وييجي علشان البت فولانه بس تحن عليك ببصه، متبقيش عبده لرنة موبايل، الحب عذاب، إنت بتغض بصرك عن اللي إنتَ بتحبه هه دا أنا بفليها يا عم, الحج أنت مبتلمسشي المحبوبة, إحنا ورانا غير اللمس دا أنا من كترت اللمس جالي لمس أكتاف.
إحذر من أن تمس امرأة لا تحل لك:
-صلّى الله عليه وسلم- يقول "لَأَنْ يُطعَنَ في رأسِ أحَدِكُمْ بِمَخْيَطٍ من حَدِيدٍ خَيرٌ له من أنْ يَمسَّ امْرأةً لا تَحِلُّ لَهُ "صححه الألباني، الحب عذاب, الحب عذاب, دي صداقة بريئة, والله دا أنا بصحيه وقت الفجر بس عشان يقوم يصلي، والله دا أنا بتصل بيه بقوله أخبارك ايه يا حبيب قلبي صحتك أخبارها ايه كويس يعني ماشاء الله وهو يقولي صحتك أخبارها ايه واخبار بشرتك إيه دلوقتي, ما شاء الله ما شاء الله، بتاخدي حمام الزبادي بتاعك ما شاء الله وبتحطي الكريمات كويس وفي مواعيدها الحب عذاب، عرفته عن طريق الشات قعدت شيت وعجبني الكلام بتاعه لقيته كلامه حلو وبيقولها يعني أنتي أنتي ماشاء الله أحلى من الأرنبيط, وأجمل من العدس, وحاجات غريبة كدا، فانا قولت إيه يعني خلاص بقي دا كلام جميل جدا أول مرة واحد يقولي أحلي من العدس فمصدقت يعني فأتعرفنا على بعض وحبيته بقي، وبعدين حضرتك مش مصدق أنا لو مجوزتوش ممكن يحصلي حاجة ممكن يجيلي أرتيكاريا الكلب وممكن يعني أقع مثلا من طولي ممكن أنتحر إيه ده في إيه أنتي عايشه الوهم ولا إيه يابنتي؟
إلى من نوجه عواطفنا الجياشة؟
ليه الناس مش عايزة تتوب لربنا سبحانه وتعالي, وتعود الي الملك سبحانه وتعالي بمجرد النصيحة أجمل ما في الحياة أن يحب العبد الله سبحانه وتعالي "وَالَّذِينَ آمَنُوا أَشَدُّ حُبًّا لِّلَّهِ" البقرة:165، أيها الإخوة الكرام وأيها الاخوات الفضليات الحب عذاب، النهاردة الدرس ده درس انا بكلم فيه نفسي لان حضرتك وحضرتك نفسي لان كل مسلم أخو المسلم زي ما ربنا قال في القران " إِنَّمَا الْمُؤْمِنُونَ إِخْوَةٌ "الحجرات:10، وسيدنا النبي صل الله عليه وسلم قال"المؤمِنُ مرآةُ أخيهِ، المؤمنُ أخو المؤمنِ يَكُفُّ عليهِ ضَيْعَتَه ويحوطُه مِن ورائِهِ"حسنة الالبانى فإنت أخويا وأنا أخوك أسال الله عز وجل أن يتقبل منا ومنكم صالح الأعمال ، النهاردة أنا أهدي الدرس الي كل واحد ربنا سبحانه وتعالي إداله عاطفة جياشة بس العاطفة ديه راميها علي الأرض الي كل واحد ربنا سبحانه وتعالي مديله رقه في المشاعر بس للأسف المشاعر بينساها كتير على النواصي والطرقات في المدارس والجامعات في اللف استريت وغيرها، النهاردة انا بكلم كل شاب وبنت البنت اللي بيتمسك إديها و بيتعمل معاها حاجات كتير بتشوفوها في الشوارع وبتستغل الأن أسوء إستغلال أنا بكلمها وبكلم كل المسلمين النهاردة.
من هم المخاطبون بموضوعنا اليوم ؟
يا جماعة أنا بوجه خطابي لثلاث قطاعات في الأمه, القطاع الأول اللي أنا بوجهله خطابي هو قطاع الشباب في المرحلة الثانوية والجامعية الشباب يعني القوة الشباب يعني الفتوة الشباب يعني جدار الإسلام، الشباب يعني العمود الفقري لهذا الدين، أنا بكلم الشباب دول النهاردة وبقولهم كونوا يدا لنصرة دينكم واياكم ثم اياكم أن تخذلوا نبيكم صل الله علي وعلي اله وصحبه وسلم، نعم نعم أيها الاخوة أنا بكلمكوم النهاردة وبكلم برضك إخواني وأخواتي والشباب اللي قاعدين في المدارس واللي قاعدين في الجامعات واللي قاعد علي الناصية واللي مرتبط ببنت واللي بيقابل بنت واللي هيقابل بنت واللي بيكلم بت في التلفيون، أنا بكلمهم برضوا النهاردة علشان نشوف حل للمسائل دي نشوف حل للكوارث اللي إحنا عدنا فيها نشوف حل للمصايب اللي انتشرت في مجتماعتنا ولا حول ولا قوة الا بالله العلي العظيم.
الوقاية خير من العلاج:
القطاع التالت اللي أنا بكلمه الشباب المسلم المتدين أو الشباب اللي بدأ إلتزامه اللي كان بعيد عن ربنا وربنا سبحانه وتعالي هداه وشرح صدره وفتح عينيه علي حقيقة الدنيا وعلي الأمال التي ينبغي أن يكون عليها في الدنيا، درس النهاردة يا جماعة درس مهم جدا لأنه بيخاطب المشاعر والقلوب قبل العقول ،درس النهاردة ينبغي علينا أن إحنا نحرص غاية الحرص علي إن إحنا نستوعبه والله اسال في هذا اليوم الكريم المبارك الأغر أن يوفقني لعرض هذا لعرض هذا الموضوع عرضا يوافي حق هذا الموضوع، وعرضا يرضي الله تبارك وتعالي أيها الإخوة الكرام أيها المسلمون في مشكلة عندنا كبيرة جدًا المشكله دي بتصادف كتير جداجدا جدا مننا لاسيما إذا جينا ننصح واحد وإذا جينا نقرب واحد من ربنا سبحانه وتعالي في كتير من البلاد اللي بيسموها بلاد ناميه أو بلاد متخلفة ايه المشكلة دي؟ إن كل واحد بتنصحه مبيقتنعش بنصيحتك إلا لما بيتلسع إلا لمابيتلسع إلا لما بتحصله مشكله، إلا لما بيقع تحت طائلة القانون أو تحت طائلة عاصفة الذنوب وبيرجع يقولك أنا عايز اتوب وأنا عايز أستغفر بعد مابيكون زنا وبعد ما بيكون عرف بنات وإرتبط بيهم وبعد ما بيكون شرب وبعد وبعد وبعد وبعد،بيجيلك بيجلك بعد طحطحة يا عيني بيجيلك بعد ما بيكون انتهي ولا حول ولا قوة الا بالله العلي العظيم.
لماذا الجميع يمشى وراء البدعة؟
طب ليه كدا ليه دايما الناس عايزة تعيش التجربة بنفسها ليه الناس مش عايزة تتوب لربنا سبحانة وتعالي وتعود الي الملك سبحانه وتعالي بمجرد النصيحة الم يقل الله عز وجل"وَذَكِّرْ فَإِنَّ الذِّكْرَى تَنْفَعُ المُؤْمِنِينَ"سورة الذاريات: 5، يا عباد الله المؤمنين ليه مبنسمعش الكلام ليه مبنسمعش النصيحة دي مشكلة يا جماعة مشكلة كبيرة جدا ،الولد اللي بيحب بنت من البنات حب جسدي حب جنسي ولا يتقي الله تبارك وتعالي فيها، الأخ اللي النهاردة بيحتفل بالفلنتين داي وراجل لا يتقي الله تبارك وتعالي وجايب دبه حمرا تمشي في البلد والله العظيم حاجة من أغرب ما نراه تمشي في البلد وكان في حصبة في البلد، كل الناس لابسه أحمر في ايه يا عم قالك عقبال أمالتك اصلى النهاردة الوقفة بتاعت العيد وبكرة هيصلوا العيد في الجامعة في شوارع الحب بعد صلاة الظهر انا لله وانا اليه راجعون، لمثل هذا يموت القلب من جمد أن كان في القلب إسلام وأيمان دي مشكلة كبيرة جدًا يا جماعة لازم ننتبه إليها يا جماعة علشان كدا النهاردة أنا عايز أتكلم بكل صراحة بكل صراحة وبكل حياء برضو ان شاء الله باذن الله تبارك وتعالي.
الحب الحرام:
أنا عايز أقول إن النهاردة إحنا نتكلم عن حاجة مظلومة عن معنى مظلوم ألا وهو معنى الحب الحب كلمة رنانة رائعة تقع في القلوب موقع عجيب جدا وتأثر الألباب حين تُذكر ولكن عن أي حب نتكلم عن حب العربيات الواد اللي بياخد بنت معاه في عربية بالليل علشان يقوموا الليل مع بعض، وهه وعلشان يهزر معاها وعشان يقبلها وعلشان يخطف منها حضن وعلشان يخطف منها ابوسة، وعشان مش عارف ايه ولا عن حب المدارس والجامعات والأرصفة تمشي تلاقي كل واحد واخد وحدة تحت باطه كانه ماسك حرامي في إيه يا عم في إيه طيب، ولا عن حب الشات والإميلات والإنترنت، ولا عن حب المواقع الجنسية ولا عن حب المكالمات الليلية عن أي حب بنتكلم هنتكلم عن حب العذري اللي كان فيه بقي قيس وليلي و كفير عزة وكفير عزة واخد بالك إنت هنكلم عن الناس دول، هنتكلم بقي عن مجنون ليلي اللي كان بيمشي ويقول ولقد ممررت علي الديار ديار ليلي أُقبل دا الجدار ودا الجدارا وما حب البلاد شغفن قلبي ولكن حب من سكن الديارا، هنتكلم عن ده ولا هنتكلم بقي عن المجنون عن المجنون قييس اللي كان بيقول قالوا جننت بمن تهوي فقلت لهم العشق أعظم مما بالمجانين العشق لا يستفيق الدهر صاحبه وان كان يصرع كالمجنون من حين.
رسالة لكل من يعيش في وهم الحب الحرام:
هنتكلم عن دول يا جماعة لا إحنا مش هنتكلم عن دول طيب هنتكلم عن حب مين يا جماعة هنتكلم عن الحب الموجود دلوقتي في كل حته الحب الواطي الحب السافل الحب الدني، دي مشكلة يا جماعة دي مشكلة لازم ننتبه لها يا جماعة هنتكلم عن أي نوع من أنواع الحب هنتكلم عن الحب العفيف هنتكلم عن أي مرحلة من مراحل الحب ، العلماء يا جماعة بيقسمو الحب وبيقولوا الحب مراحله ثلاثة المرحلة الاولي وهي المرحلة العليا وهي حب الإله الذي فطرك وخلقك سبحان الله ياللي بتعصي الله وبتتجرأ علي الله وقاعد تكلم بت وتقولها أنا عايز أرتبط بيكي وقاعد تسرح بيها وتقولها أنا بحبك وبعشقك وإنتي بالنسبالي النجوم وإنتي بالنسبالي الأقمار ولما بنام صورتك مبتفارقش خيالي سبحان الله، من الذي خلق لك عقلك؟ ومن الذي خلق لك لسانك الذي به تقول هذا الكلام، طب يا أخي ربنا سبحانه وتعالي الذي خلقك اليس هو أولي اليس هو أولي بالجميل سبحان الله رب العرش العظيم ،يا بني يا حبيبي يا أخي أعلي مراتب الحب أن تحب الله أجمل ما في الحياة ان يحب العبد الله سبحانه وتعالي الله اسم لصاحبه كل جلال الله اسم لصاحبه كل كمال الله ،الله ماذُكر هذا الاسم في قليل إلا كثره الله ما ذُكر هذا الاسم في متفرق إلا جمعه سبحان الله.
ما هي أعلى مراتب الحب ؟
يبقى أعلى مرتبة من مراتب الحب يا جماعة حب الله طيب مين اللي وصل الناس لحب الله اليس هو رسول الله صل الله عليه وسلم، يبقى أعلى مرتبة بعد مرتبة حب الله تبارك وتعالي هي مرتبة مين حب النبي عليه الصلاة والسلام ياااااااه شوف الحسن البصري بيقول ايه بيقول إدعي قوم حب الله فابتلاهم الله بهذه الاية" قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ "ال عمران:31 ،هسألِك سؤال وهسألك سؤال إنت يا بابني يا حبيبي يا خويا يا صديقي يا حبيب قلبي ياللي بتسمعني دلوقتي إنت ياللي مرتبط ببنت وبتكلمها وبتمسك إديها وإنت عارف الباقي أنت كدا بتحب النبي؟ طب أنت بتحب زي ما النبي حب صل الله عليه وسلم ديه مشكلة يا جماعه مشكله ادعي قوم حب الله فابتلاهم الله بهذه الآيه " قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ" إتباع سيدنا النبي هو اللي هيوصلنا إتباع سيدنا النبي هو اللي هيخلينا في أعلي مراحل الصف وفي أعلى مراحل الرقي الإيماني والبشري سبحان الله.
جهاد النفس من أعلى مراتب الجهاد:
طيب حب إيه كمان؟ حب الجهاد جهاد النفس، جهاد العدو، جهاد شياطين الإنس والجن، جهاد المواقع الإباحيه، جهاد البنت اللي كل شوية تتصل بيك الساعه 4 الفجر وبتقولك كلام وحش، جهاد البنت اللي بتلبسلك ميني جيب وميني ميني جيب ومفيش جيب، جهاد البنت اللي بتقفلك في البلكونه، جارتك الوحشه اللي نفسها ان هي ترتكب معاك الحرام، آه طاب لما يبقى ده الحب هيبقى ده عذاب ؟ لا مش هيبقى ده عذاب هيبقى طمأنينة دا هيبقى حياة ، وهيبقى نوع من أنواع الحب الراقي الجميييل ، اللي بتحيا به القلوب وبتحيا به العقووول، وبتخلي الإنسان بيحس أنه أنسان حقيقي.
وهم السعادة بحب محرم:
اه هو ده يا جماعه الحب اللي إحنا عايزين نتكلم عنه، الحب اللي ممكن يوصل الإنسان لأعلى الدرجات، إنما الحب التاني حب العذاب هو ده الحب اللي إحنا عايزين نبينه وعايزين نكرهه وعايزين نبغضه وعايزين نتوب منه وعايزين الناس تسمعنا وتتوب منه، الحب اللي يوصل للعذاب, عذاب النفس وعذاب البدن وعذاب في الدنيا وعذاب في القبر والبرزخ، وعذاب يوم القيامة وعذاب في النار وعياذ بالله تعالى، مشكلة يا جماعه مشكلة يا جماعه, الواد اللي بيستدرج بنت من البنات في مكان مهجور ويقول الكلام ده حب! الولد اللى عايز بيتعامل مع البنت عن طريق الجسد وبيظن أن ديه سعاده، بيزني معاها وبيقول إنه مبسوط دا ديه سعاده، دا ديه رجوله، آه عذاب، الولد اللي قاعد يلمس ايد بنت وبيكلمها وبيقولها كلام وحش، عذاب عذاب يا جماعه عذاب يا أخوانا، نسأل الله السلامة والعافيه، نسأل الله السلامة والعافيه .
نظرة سريعة على حال الممثلين:
والتلفزيونات والإعلام الموجه والفيلم الفلاني اللي بيبيح الشذوذ والفليم التاني اللي بيبيح السحاق بين البنات والفليم التالت اللي بيقولك ما تيجي نرقص، والفليم الرابع والخامس، بيقولك بتضحك عليك أن هي دي الحياه وهى دي الروشنه وهو ده الجمال ووالله العظيم لو تبص لهؤلاء تبص للممثلين المجرمين دول لتعرف أن أكتر الناس دي أكترهم عايش خنقه نفسيه لا يعلمها إلا الله سبحانه وتعالى، الحب ده عذاب يا جماعه، حب حملة الذنوب عذاب، حب الفاحشه عذاب، حب إرتكاب الموبقات عذاب، عذاب والله كما سأبين أن شاء الله، طيب في حب وسط؟ أه فيه حب وسط بينهما اللي بنسميه إحنا الحب الفطري المباح ؛حب الأهل ،حب الزوج لزوجته ، حب الأب لإبنه، حب الإبن لأبيه،اه ياجماعة ده أسمه الحب الوسط الحب الوسطي ياجماعة ، مين فينا يا جماعه بيحقق الحب ده ، إحنا عندنا يا جماعه مراحل، مراحل كتير جدا جدا جدا جدا عن الحب بس قبل بقى مانبدأ نتكلم بشيء من التوسع عن المراحل دي أنا عايز أكلمك دلوقت على كلام غريب جدا وعجيب خالص .
كيف نصل إلى الحب المباح ؟
أتنقلنا من جامعة عين شمس ومن نادي الشمس نادي عين شمس في القاهرة تحت عنوان دنيا الحب، واحد بيقول الحب هو أجمل إحساس فى الكون، الحب هو أن تخاف على من تحب، الحب هو أقوى دافع للنجاة في الحياة، الحب إن أنت تشعر بحياة غيرك، ده بعض ما يقال عن الحب، سبحان الله رب العرش العظيم سبحان الله، أيوه الحب شيء جميل ولكن إيه هي الطريقه الصحيحه اللي ممكن الناس تحب بيها وتصل بها الى الله تبارك وتعالى، هل الطريقه الصحيحه هي الحب الجسدي يا جماعه؟ الطريقه الصحيحه إني اخد بنت يا جماعه وأروح بقى حديقه أو أقعد في الشارع يا جماعه وحاطط إيدي على كتفها وأقعد ابوس واحضن فيها، وأقول للناس أنا ذكر انا راجل، هو ده الحب يا جماعه! هه مين يقول الكلام ده؟ مين قال ان ده حب؟ مين قال إن الكلام ده صح أصلًا؟
ما هو الحب الحقيقي؟
أمال الحب الحقيقى هو إيه؟ وديه تانى نقطه عايزين نتكلم فيها، الحب الحقيقي قاعدين نسمع ويقولولنا الحب الحقيقي الحب الحقيقي هو الحب القائم على مدى رفعة المحبوب فوق دناءة نفسه مبقاش أنا بحبك عشان بنتفع منك، عشان كده كان الحب في الله من أعظم العبادات، النبي عليه الصلاة والسلام بيقول " ثلاثٌ من كنَّ فيه وجد حلاوةَ الإيمانِ : "مين التلاته دول إيه؟" من أحب المرءَ لا يحبه إلا للهِ عز وجل، ومن كان اللهُ عز وجل ورسولُه أحبَّ إليه مما سواهما، ومن كان أن يقذفَ في النارِ أحبَّ إليه من أن يرجع إلى الكفر بعد أن أنقذه اللهُ منه وان يحب المرء لا يحبه الا لله" صححه الألباني، بتقولى ما أنا بحب البت بتاعتي في الله أمال ايه يا عم أنا بحبها جدا ، كذاب انت مبتحبهاش في الله إنت بتحبها عشان انت أناني، إنت بتحبها عشان إنت خاين لله ولرسوله بالطريقة ديه اقاله ، أنا عايزك يا اخى الحبيب إن إنت تفرق بين الحب الذي هو معنى شريف وبين الشهوه التى لا يقوم بها إلا من كان عنده نفس خسيسه "لَا يَرْقُبُوا فِيكُمْ إِلًّا وَلَا ذِمَّةً" التوبة :8، معايا يا جماعه؟ طيب ما كلامك ده مهم جدا، أمال بقى ايه الحب الحلال ؟ الحب الحقيقي؟
ما حكم الإسلام في الحب؟
وده هيجرنا للنقطة التالته يا جماعه ، هو إيه حكم الإسلام في الحب ؟هل الحب حرام؟ دا سؤال مهم جدا هل الحب حرام؟ هل الحب شيء مبغوض؟ هل الحب شيء مكروه في الاسلام؟ آه ديه مسأله مهمة جدا جدا جدا بس لازم أقولك الأول لازم تعرف إيه هى حقيقة الحب، الحب كما عرفه العلماء هو غض الطرف عن عيوب المحبوب ، فلازم تاخد بالك إن فيه حاجه إسمها عندنا غض، لازم تاخد بالك عندنا من حكاية إيه هى الحب الصحيح ايه هو الحب الحلال، إيه هو الحب اللي يرضى الله يرضي الملك سبحانه وتعالى، لا يرضي غيره سبحانه وتعالى ياجماعة يبقى لازم ننتبه للحكاية ديه و نفهم المسأله دي كويس جدا جدا جدا جدا جدا والإسلام يا جماعه لما جه راعى الحب راعى الحب، سبحان الله رب العرش العظيم ، عشان كده تجد أن الأمام ابن القيم رحمة الله تعالى عليه بيقول في كتابه "روضة المحبين ونزهة المشتاقين" أن الحب بيمر بالحالات الفقهية الخمسة, قد يكون مباح زي ما إدينا مثال بحب الولد لأمه ولأبوه ولزوجته ولإخوانه ولعشيرته وأهله ولوطنه ولأصدقائه وكل من أسدى إليه معروف ده حب مباح ،وممكن يؤجر عليه الانسان لو إستحضر نوايا صالحه.
الحب في الله و الإجتماع على طاعته:
طيب الحب التاني؟ الحب المستحب الحب المستحب كحب إخوانك في الله تبارك وتعالى لا لمصلحه، إنت بتحب زميلك إنت بتحب إخوانك اللي بتسمعهم دلوقت عشان مفيش مصلحه، أمال إنت بتعمل معاهم ايه؟دا أنت قاعد بتسمعهم عشان بتحب ربنا سبحانه وتعالى فاجتمعتم على محبة الله سبحانه وتعالى فده حب مستحب ممكن يدخلكم الجنة وسيدك النبي ماتصلى عليه صلي عليه صل الله عليه وسلم يقول" أوْثَقُ عُرَى الإيمانِ، الحَبُّ في اللهِ ، والبغضُ في اللهِ " حسنه الألباني .
ما هو الحب الواجب؟
طيب وممكن يكون الحب واجب زي حب الله وحب رسوله وحب الصحابه لازم تحب الصحابه لازم تحب أبو بكر وعمر وعثمان وعلي لأن فيه ناس وحشه خالص خالص خالص خالص بيشتموا الصحابه وبيلعنوا الصحابه وبيسبوا الصحابه ااااااااه خلي بالك خلي بالك، أه أكيد حب واجب طاب الحب الحرام؟اه إنت عارفه أكتر مني ، الحب الحرام لو نزلت الجامعه lov street ال هتلاقي ف هتلاقي ايه هتلاقى حاجات غريبه جدًا هتلاقى واحد ماسك إيد واحده هتلاقى واحد إيده سحبت غصب عنه، هتلاقى بنت فتحت صدرها، هتلاقى هتلاقى هتلاقى هتلاقى ،اسألك سؤال؟ اسألك سؤااال؟ سيدك النبى-صلّى الله عليه وسلم- قالك " البِرُّ حُسنُ الخُلُقِ ، والإِثْمُ ما حاكَ في صدْرِكَ ، وكرِهْتَ أنْ يَطلِعَ عليه الناسُ " صححه الألباني، هتقولى بقولك إيه كل الناس شايفانى وكل الناس راضيه ودى رجوله وكبر دماغك ومدخلش نفسك فى الى مالكش فيه وإطلع إنت منها و مدام أنا راضى وهيا راضيه مالك انت وملنا يا قاضى ، أنا مش قاضى يا حبيبى أنا اخوك انا مش قاضى، القاضى ده جلاد بيحكم علشان يجلدك لا أنا اخوك أنا احبك وأحب لك أن تكون لله عبدا ، متبقاش عبد النظرة، متبقاش عبد إسترتش، متبقاش عبد بدى ،متبقاش عبد جيبه ، ميبقاش قلبك بيروح وييجى عشان البنت فلانة بس تحن عليك ببصة، متبقيش عبده لرنة موبايل يا أختى يا أختى يافاضلة يا محترمة انتى بنت محترمة إزااااى تبقى عبدة لرنة موبايل مستنيها، هتموتى وتسمعى فلان بقى بيفكر فيكى وعايز يرتبط بيكى، ااااااه، أنا عايز أتوقف أمام النقطة دى يا جماعة .
لاتقول النظرة الأولى لك:
هل الحب حرام؟ دي مسألة مهمة جدا طاب هنسأل بقى بعض أسأله رقم 1- يالى بتحب أنت بتغض بصرك عن إللى إنت بتحبه؟ هههه هتقولى بغض بصرى! دا أنا بفليها يا عم الحج, وأنتى هتقوليلى هنغض بصر, أنت هتعيش في الدروشة ولا إيه؟ بصر إيه اللي هغضه, ده أنا ببصله بجيبه من فوقه لتحته, بجيبه من جوه الهدوم بتاعته, اااااااااااه ده كلام خطير, ده كلام خطير طب مش غض البصر ده فرض ربنا فرضه؟ اااه ربنا فرضه, هتقولى بس انتا مش شايف أنت مش عايش معانا ولا إيه؟ أنت مبتنزلش الشارع؟ لا بنزل الشارع، طب مبتنزلش ناحية كده كليات آداب و لا بتنزل ناحية كليات التجارة ولا ناحية الجامعة ولا المشاية ولا الكورنيش ولا الحاجات الحلوة دي، مبتشوفش الكائنات الحية الغريبه اللي ماشية، اااه بشوف طبعا بشوف، بتشوف؟ طب مانت بتبصبص أهو ! لا في فرق إنى أنا أتصدم وربنا يبتليني بواحدة ربنا يحفظك وميبتلكش يارب, وأن أنا أبص على الحرام وأنا متطلع لكده غصب عنك واخد بالك .النبى عليه الصلاة والسلام اللي قال لعلى ابن أبى طالب لما سأله عن نظرة الفجأة قاله ايه؟ قاله -إصرف بصرك- مقلوش أقعد والبصة الأولى ليك والتانية ليك والتالتة ليك والرابعة عليك مقلوش كده،متقولش الحديث غلط وخلى بالك أنى أنا رديت على الشبهات دى كلها فى الشريط بفضل الله أسمه " لماذا تطلق بصرك".
سلسلة الشباب مشكلات و حلول:
عندكو هنا على موقع " الطريق الى الله " وعلى منتدى " الحور العين" سلسله كده كبيره هما هيعملوها, أن شاء الله أسمها " الشباب مشكلات وحلول" سلسله "الشباب مشكلات وحلول" حفظتوا معايا الأسم ده؟ اه, تدخل تلاقى-"لماذا تطلق بصرك " أسمعه وأن شاء الله عز وجل ربنا سبحانه وتعالى يعنى يكون وفقني كده ويكون رديت على كل الشبهات الى بيقولها، ولسه برد النهارده على الشبهات بتاعت عيد الحب بقى النهارده والناس الفلانتاين داى و والحاجات الحلوة ilove you والناس اللي valantim بتاعتهم دي الشاهد الى أنا عايز أقوله هيقولك إنت مش عايش معانا؟ لا أنا عايش معاك، طيب إنت مانتش شايف البنات لابسة إيه؟ اه شايف .
لا يكلفنا إلا بقدر طاقتنا:
أسالك سؤال؟ قولي إتفضل هقولك ربنا سبحانة وتعالى ظالم؟ هتقولى أعوذ بالله استغفر الله عيب يا عم الشيخ ربنا ظالم !! طب لما ربنا عادل وإنت مؤمن انه عادل تؤمن ان ربنا سبحانة وتعالى يكلفك بما تطيق ولا بما لا تطيق .هه؟ بما تطيق ،للقاعده الأصوليه بتقول لا تكليف إلا بمقدور صح ولا لا؟ صح، جميل اسألك بقى السؤال التانى طب لما هو لا هناك تكليف الا بمقدور، إنت بتشتكيلى إزاى إن اللى البنات الى بتعمله ده فوق طاقتى، ويا عينى لما أقف مع أى شاب يقولى يا شيخ الشباب فى البلد تعبانين خلاص، يابنى إنت الى بتتعب نفسك، إنت الى بتبوظ نفسك، إنت الى بتأذى نفسك يبقى غض البصر ده ممكن ولا مستحيل ممكن بس ياعم الشيخ البنت اللى لبسة ولبسة ولبسة ومش لبسة وبتشغالنى وبتكلمنى اه خلى بالك العيب منك حضرتك بتقولى ما المشكلة مش فيها المشكلة في أنا دلوقتى أنا بمشى في أمان الله وممكن أبقى كويسة ومحترمة وكل حاجة والرجالة بيقربوا منى وبيتحرشوا بيه مانت عندك مشكلة بصى لنفسك شوفى المشكلة إيه، المشكلة أنك سايحة ونايحة خالى بالك بتمشى فى الشارع فاكل الناس بتبصلك ولاحول ولاقوة الا بالله واوعى يكون مبدأك الى يبان منى زكاة عنى اوعى يكون ده مبدأك؟ ده مبدأفاشل مبدأضال أوعى يأختى يكون بهذه الصورة.
أين أنت من غض البصر ؟
يبقى السؤال الأول يا اللي بتقول الحب ده مش حرام ؟ الحب تمسك إيد واحده وتعمل حاجات حرام كتير وبتزعم إن الحب مش حرام بسالك إنت بتغض بصرك عن اللى إنت بتحبه هتقولى لا، هقولك ودى أول غلطه و أول حرمه إنت بتقع فيها قال تعالى " قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَٰلِكَ أَزْكَىٰ لَهُمْ" النور: ,30 وإنتى يا أختى ربنا أمرك إنتى كمان زى كل نساء المؤمنين ربنا فقال لك " وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ " النور:,31 ذلكم أزكى لكم ، جميل يبقى دى قاعده ياجماعه يبقى ياشباب ويابنات لو إنتوا عايزين حب حلال لازم تغضوا بصركم عن بعض يبقى ديه رقم واحد ،رقم اتنين عايزك تاخذ بالك معايا من سوره النساء الآيه 25 وسوره المائده الآيه 5 ربنا بيقول ايه في سوره النساء " فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ "النساء: 25, يعنى إيه متخذات أخدان؟ يعنى واحده بتصاحب الرجاله اللى إحنا بنسميها دلوقتى الصداقه والحب الطاهر البرئ زى رابسوا والمعرفه إنتوا كمان حرمتوا الصداقه دا إنتو متشددين ووحشين .
مجرد صداقة بريئه:
ياخى هسألك ينفع يكون في صداقه بين الولد والبنت؟ دي صداقه بريئه والله انا بصحيه وقت الفجربس عشان يقوم يصلى والله دا أنا بتصل بيه أقوله أخبارك ايه ياحبيب قلبى؟ وصحتك أخبارها إيه؟ كويس يعنى ما شاء الله وهو يقولك إنتى صحتك أحوالها ايه ؟ وأخبار بشرتك ايه دلوقتى؟ ماشاءالله ماشاء الله بتاخذى حمام الزبادى بتاعك ماشاءالله وبتحطى الكريمات كويس وفي مواعدها دا يعنى دانتى ممتازة خالص ده غلط غلط يعنى ايه خذ بالك من كلمه غلط هتسمعها كتير معايا النهارده غلط يعنى حرام، غلط يعنى ايه يعنى حرام يعنى عيب يعنى ميجوزش جميل طيب.
الوهم الذي يعيشه كثير من أخواتنا:
رقم اتنين قال تعالى: في سوره المائده " مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ "المائدة:5, يعنى الرجاله مينفعش يتخذوا عشيقات وده المعروف دلوقتى أو كان معروف زمان بأسم الزواج العرفى العلماء مبيقولوش عليه أسم الزواج العرفى بيسموه زواج الخدن زواج السر، زواج الزوانى قال ابن عباس "نكاح الخدن نكاح البغايا " عياذَ بالله هسألك سؤال بقا البنت بتاعتك الى أنت بتحبها الى أنت مرتبط فيها اللي بتسميها جماعتك الى أنت مشعلق فيها وإنت يا أختى الزبون بتاعك اللي أنت بتقولى أن أنا بحبه هسألك بقى سؤال يعنى عرفتيه إزاى بقا مش عن طريق الصحوبيه برضوو الصداقه والكلام ده اه عرفته عن طريق ده، عرفته عن طريق الإميل, عرفته عن طريق الشات قعدت شيت وعجبنى الكلام بتاعه ولقيته كلامه حلو بيقولها يعنى أنت انت ماشاء الله أحلى من الكرنبيت وأجمل من العدس وحاجات غريبة كدة فأنا قولت إيه قولى قولت يعنى إيه خلاص بقى ده كلام جميل جدا أول مره حد يقولى أحلى من العدس هههه فمصدقت بقا فاتعرفنا على بعض بقى وبعدين حضرتك مش مصدق أنا لو ماااتجوزتوش ممكن يحصلى حاجه ممكن يجيلى ارتكاريا الكلب ممكن يعنى أقع مثلًا من طولى ممكن أنتحر ايه ده فيه إيه؟ انتى عايشه الوهم ولا إيه يابنتى!
الصاحب ساحب فإنتبه:
اه يبقى خلي بالك إن تانى حاجه من أسباب تحريم الحب الى بيسموه دلوقتى حب في الجامعه ده ايه الصداقه المنتشره بين البنات والصبيان ،هتقولى بس دى صداقه بريئه هققولك معلش الصداقه البريئه خليها مع إخواتك خليها مع صديقاتك المحترمات الملتزمات مش أى واحده وخد بالك متجبيش واحده راقصه وتقولى أنا بصادقها اصل هى وحده محترمه والله واخذه بالك، لامينفعش قال رسول الله صل الله عليه وسلم " المرءُ على دينِ خليلِه فلينظرْ أحدُكم مَن يُخاللُ "رواه أبو هريرة حديث صحيح جميل جميل جدا وإنت ياحبيب قلبى متصاحبش عربجيه ,متصحبش الى فاتح لى صدره،متصحبش الى مسقط الى بنطلونه، متصاحبش الى بياكل لبان ودماغه ضاربه متصاحبهمش متصاحبش الولد الى بيقولك أنت واد ذكر كده انت واد راجل انت كده ميه ميه أنت مفيش زيك أنت أنت مقطع كل أنواع السمك بكل الديول بتاعتها غلط ماتصحبش الى يعينك على المعصيه هتندم " الْأَخِلَّاءُ يَوْمَئِذٍ بَعْضُهُمْ لِبَعْضٍ عَدُوٌّ إِلَّا الْمُتَّقِينَ " الزخرف:67.
أبحث عن المتقين في الأماكن المناسبة:
هتلاقى المتقين دول فين؟ في المساجد مش في الحوارى مش في النيت كلب مش فى الكافيه مش فى القهاوى مش فى النوادى مش فى شوارع الحب مش واقف قدام مدرسه بنت قاعد يعاكس ،مش قاعد يسمع أغانى صب فعربيه ،صح ولالا يبقى دى نقطه مهمه ثالث سؤال ياجماعه هسالك سؤال ياأختى يااللى بتحبى وأصيبتى خلاص بالولع والعشق والحب وخلاص مش قادره يعينى هتفرقعى وهيحصلك حاجه هسالك سؤال ؟ أنتِ بتنفذى قول الله تعالى " وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا ۖ وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَىٰ عَوْرَاتِ النِّسَاءِ "النور:31 أنت بتنفذى الحكم ده يجوز مين الى يجوز إنه يشوفك، يابنتى يا اللي بتقعدى مع واحد فى عربيه وقعدة فى شارع ظلمه إزاى يابنتى تفرطى فى نفسك كده؟ هتقولى ماخلاص بقا ياعم الشيخ الزمن بتاعكم ده خلاص بقا فكك منه بقى خلاص إيه المشكله يعني بساعد على ترييح الشباب ياخى إيه المشكله! كلام عجيب كلام عجيب متقولش دى بنت مسلمه! عفيفه.
من الذين يجوز لهم رؤيتك بزينتك ؟
لالالا دا أنا عايزه أقولك أن اللي يشوفك بس بزينتك إما أنه جوزك أو أبوكى أو أبو زوجك أو لادك او ابن زوجك او اخواتك أو ولاد اخواتك أو ولاد اخواتك البنات أو نساء المؤمنين أو العبد المملوك عندك يشتغل يعنتى الى إنت بتجيبة بيشتغل بالأجرة يشتغل بااجره؟ لا العبد اللي أنتى بتشتريه من سوق العبيد واخذه بالك، والأطفال دول بس اللى يجوز لك أن أنتى تظهرى أمامهم زينتك العاديه زينتك العاديه الى هي إيه؟ وشك رقبتك إيدك اههههه كعبك، إنما مش تقعدى أدمهم بقميص نوم وقميص حمام وتقولى أصلى دا أخويا، اه ده فيه حاجه انتشرت اليومين دول اسمها زنا المحارم عشان كده والعياذ بالله عشان مخالفه الشرع فى كده لا عيب عيب خليك كده محترمه فى بيتك, يعنى أبقى مخنوقه بره وجوه ده إنت ايه ده ايه التشدد والرخامه الى إنت بتتكلم بيها دى ؟ أنا مبقولش كده أنا بقول لحضرتك دلوقتى حضرتك يا أختى يافاضله يامحترمه إنتى ممكن تقعدى فى بيتك برده بس بطريقه فيها نوع من أنواع الإحترام والإحتشام واخذه بالك .
نية الزواج ليست كافية لتبدي له زينتك أنتبهي:
طيب هسألك سؤال بقا ربنا قال في الآيه دى أو أحبابهن؟ يعني ينفع مثلًا الواحده الى بتحب واحد أن هي بقا تفتكر بقا أنه خلاص هيرتبط بيها خلاص بقا يبقى مادام عنده نيه إنه هيتجوزنى يبقى يجوز بقا إنى اظهر زينتى وإن اهزر معاه وأضحك معاه بقى كانه جوزى خلاص عشان أعيش بقا سنى كده وأفرح بقى بشبابى بقا الكلام ده ينفع ؟؟ لامينفعش يبقى انتى كده لايجوز لكِ ذلك، أمال بقا البنت اللي بتحط بقى كل أنواع المساحيق فى وشها وبتحط كل أنواع المانكير والبدكير وايه تانى إحنا عندنامنكير وبدكير وعندنا أنواع تانى وبتحط اهه باروكه وبتلبسله مينى مينى مينى وبتلبسله دا إنتى لما تتجوزى مش هتعملى كده، دا الله يكون فى عون الأزواج دا بيدخلوا يلاقوا أزواجهم زوجاتهم بالبصل وريحتهم تقرف وحاجات من دى، عشان كده عايز أقولك يا أختى يامتزوجه إتقى الله فى زوجك , إتقى الله فى زوجك لازم تتزينى له بما يرضى الله تبارك وتعالى عشان ميبصسش للبلاوي السودا المنتشره بره ، فيه كائنات حيه غريبه بتمشى فى الشوارع والعياذَ بالله بتفتن المتزوجين قبل غيرهم فلازم تتزينى لزوجك وإتقى الله عز وجل فيه فقط طيب جميل جميل .
المجتمع ليس هو مقياس الحلال و الحرام:
رقم أربعه ياجماعه هل أهلك يا أختى عارفين بالعلاقه دي؟ هتقوليلى اه دا بابى عارف أنى أنا مصاحبه توتو, ومامى بتاعه توتو عارفه أن بابى عارف إن توتو مصاحبنى، ماشاء الله، ماشاء الله حاجه جميله جدا توتو يعنى حاجة لذيذة خالص ماشاء الله لاقوة الابالله لا ياجماعه لا ياجماعه توتو ايه ياجماعه، ياخ توتو بعد اذن حضرتك وياااخت سوسو عايز أقول لحضرتك مينفعش الكلام ده ، ياجماعه ياجماعه مينفعش الكلام ده، هتقولي ماهو بابى عرف لا! ماهو مش لازم أنه لو بابى عرف أن أنتِ بتعرفى ده يبقى ده صح النبي - صلّى الله عليه وسلم -بيقول إيه؟
" لا طاعةَ لمخلوقٍ في معصيةِ الخالقِ " صححه الشوكاني, تعالى نسمع كمان مره " لا طاعةَ لمخلوقٍ في معصيةِ الخالقِ " اه خلى بالك ،هتقولى طيب بلاش بابى ومامى المجتمع إحنا قاعدين في الكليه كل الناس شايفانا وكل واحد واخذ واحده وعامل كده هي جت عليه أنا بقى حبكت خلاص قفلت عليه أنا يعنى جيت تنكر عليه أنا بس ؟!!!!!!!!!!! اه هتقولى ده عرف دلوقتى هقولك ده غلط هقولك إنتِ سمعت قول الله " خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ " الأعراف:199 .
حدود الخطبة الشرعية:
امال إيه الصح بقا الصح أن العرف نوعين فيه عرف صحيح وفيه عرف فاسد، العرف الصحيح اللي يوافق الشرع وأنا بسألك لما بتاخذ بنت من البنات وتقول أصل أنا بحبها بتاخذها في شقتك ولا بتاخذها في عربيتك ولا بتاخذها على الموتوسكيل وراك ولا ولا ولا ولاوقاعد ماسك أيدها الناس هتقول عليها إيه هتقول إيه دا راجل محترم هيقولوا البنت دى إيه محترمه، حرام عليك ياخى حرام عليكِ أتقى الله تعالى وسأل الله عزوجل أن يحفظنا واياك من كل سوء ومكروه، يبقى حتى لو الأهل عارفين لايجوز لك ذلك لأن معرفه الأهل بدون كتب الكتاب أو غير ذلك لايبيح لك ذلك، أنت عارف الخطبه الخطبه دى بيسميها العلماء وعد بالزواج يبقى الخطبه دى تبيح لك إنك تمشى معاها وتتمرجح معاها والحاجات دي, لا يجوز لك ذلك, ياااه حتى اللي خاطب اه اه لغايه لما يعقد لما يكتب كتابه لما يعقد نبدأ نحلها له بقى نقوله يباح لك منها كل شئ إلا الجماع وأن يُغلق عليكما باب، ودا سؤال برضو الناس بتساله دايما ايه حدود العلاقه بين العاقد والمعقود عليها؟ واخد بالك جميل وخلو بالكم ياجماعه من المساله دى جميل، والعلاقه الوحيده اللي إحنا عايزين نأكد عليها اللي بيقرها الإسلام هي الخطبه والزواج بموافقه الأهل غير كده حرام حتى لو الأهل قالوا إيه قالوا معندناش مانع وبعدين عايزين نقول كل شرط ليس فى كتاب الله فهو باطل وأن كان مائه شرط، بشرط أصل أهلها عارفين إيه يعنى حتى لو عارفين أنتوا بتعملوا حرام أنت وأهلها أبوها ديوث وأمها كذلك وحضرتك ربنا يهديك .
اليد تزني و العين و السمع فإنتبهوا :
خامسه ياللي بتقول أن الحب اللي أنا بعمله في اللاف أستريت حلال هسألك أنت مبتلمسش المحبوبه؟ هتقولى بلمسها ههههههه، إحنا ورانا غير اللمس دا إحنا مبعزقين عواطفنا دا أنا من كتر اللمس جالى لمس أكتاف، دا أنا خلاص هههههه، هقولك لاإله الا الله بس والله العظيم أنا بلمسها زى أختى والله أنا بعمل حاجه أنا بحطها تحت باطي بس دا عشان أحميها بس عشان أحميها من الميكروبات والحاجات دي دا غلط ولا صح؟ هسألك بالله ده صح؟ ياجماعه ياجماعة أنا بسألكم ياجماعة يا إخوانا دا يرضى ربنا إنتوا مسمعتوش حديث النبى عليه الصلاه والسلام " - كتب على ابن آدم حظُّه من الزنا أدرك ذلك لا محالةَ : فالعينان تزنيان وزناهُما النظرُ والأذنُ تزني وزناها السمعُ واللسانُ يزني وزناه المنطقُ واليدُ تزني وزناها البطشُ والرجلُ تزني وزناها المشيُ ، والقلبُ يتمنى ويشتهي والفرجُ يصدّقُ ذلك أو يكذبُه " صححه ابن تيمية .
أن تَضرب بحديدة في رأسك خير لك من أن تمس امرأة:
أنتوا مسمعتوش ياجماعه ياأخونا ياللي مقضينها لمسات ومسك أيدين وعايشين في دور هدى وأحمد والكلام ده، أنتوا مسمعتوش حديث النبى -صلّى الله عليه وسلم- أنتوا مبتصلوش على النبى ليه ياجماعه طاب دا إحنا بنتكلم عن الحب ياجماعة يعنى لازم نحب سيدنا النبى ولازم نصلى عليه اللهم على محمد، أنا حتى مش شايف الناس الى قاعدة قدامى بيصلوا على النبى صل الله عليه وسلم أنت عايزين الشيخ يعقوب علشان تفوقوا معاه ياجماعة صلوا على سيدكم النبى ياجماعة صل الله عليه وسلم سيدكم النبى صل الله عليه وسلم يقول "لَأَنْ يُطعَنَ في رأسِ أحَدِكُمْ بِمَخْيَطٍ من حَدِيدٍ خَيرٌ له من أنْ يَمسَّ امْرأةً لا تَحِلُّ لَهُ "صححه الألباني، ياه على الخطوره ياجماعه يعنى لو جبنا حديده وضربنا بيها واحد فى دماغه فشقنها نصفين دا أفضل له من إنه يسلم على واحده متحلش له متبقاش مراته، متبقاش أمه متبقاش خالته، متبقاش من المحارم، على التأبيد اه, اه أمال الناس اللى مقضيها ياجماعه وتسليم وحاجات غريبه وتحسيس وأشياء عجيبه، أنتوا عارفين ده كويس جدا أنا اسف لو كنت بتكلم بشئ من الصراحه بس والله العظيم الواقع سئ جدا ولا يجوز تأخير البيان عن وقت الحاجه لا اله إلا الله، لا إله إلا الله.
الفهم الخاطيء لحديث الأعمال بالنيات:
هسألك وأقولك بقا يأختى إنتى بتسلمي عليه؟ هتقولي اه بسلم عليه دا أنا لما بسلم عليه بدوووووب ببقى زى الغريبة، طيب وحضرتك هتقولي أنا بسلم بس دا أنا بسلم وببوس وبتوكل على الله ياعم سيبها لله، ياعم الأعمال بالنيات، أعمالك سودا يأخى أنت فاهم الحديث ده غلط، وهبين الحكايه دي أن شاء الله عزوجل ،هقولك إيه إنت أطهر قلبا ولا سيدك النبي -صلّى الله عليه وسلم-؟ هتقولى طبعا سيدنا النبي، هقولك سيدك النبى صل الله عليه وسلم ما مست يده يد إمرأه قط فى أثناء البيعه معروف إن من شروط البيعه عشان يتقال أنا بايعتك على الإسلام المصافحه ،فتيجى المرأه تقول للنبى عليه الصلاه والسلام أبايعك على أن لا أشرك بالله شئ ،ولا أسرق ولا أزنى ثم تمد يدها لرسول الله صل الله عليه وسلم فيقول لها رسول الله: إنى لاأصافح النساء ،حضرتك أطهر قلبا ولا سيدك النبي -صلّى الله عليه وسلم وعلى اله وصحبة وسلم- هسألك بقى سؤال وهسألك سؤال لوأنتم عايزين الحب الحلال مينفعش أن أنتم تلمسوا بعض ولا تسلموا على بعض قبل عقد العقد والدخله جميل.
مجهادة شهوات النفس:
رقم سته يلى أنت بتقول أن الحب اللي أنتوا عارفينه حلال أنت بتقابل البنت دي سرا ولا جهرا؟ بتقابلها يعنى فى حتتها وقدام الناس، ولا بتديها معاد في حته بعيده عشان محدش يشوفك، هتقولي يعنى بقى خلاص البجاحه وصلت أنى أجيلها لغايه بيتها صعبه بقى, أنا راجل برده عندي حياء، فأنا بقابلها بس مش في بيتها في بيتى هقولك اه، اه والله قال الله " وَلَا جُنَاحَ عَلَيْكُمْ فِيمَا عَرَّضْتُم بِهِ مِنْ خِطْبَةِ النِّسَاءِ أَوْ أَكْنَنتُمْ فِي أَنفُسِكُمْ ۚ عَلِمَ اللَّهُ أَنَّكُمْ سَتَذْكُرُونَهُنَّ وَلَٰكِن لَّا تُوَاعِدُوهُنَّ سِرًّا "البقرة:42، لاتواعدوهن سرا، طب ظاهرة الحب بقى والعلاقات غير المشروعه قائمه على إيه ياجماعه؟ قائمه على المواعده السرية طبعا أنا بقبلها في حديقه وبسرح بيها وباخذها فى أخر حته علشان محدش يشوفنا وأقدر أعمل اللى أنا عايزه، ينفع ياجماعه أنتوا عارفين سيدنا عبد الله ابن عباس قال إيه؟ كما قال ابن كثير في قول الله " لَّا تُوَاعِدُوهُنَّ سِرًّا " قال ابن عباس لاتقل لها انى عاشق وعاهدينى إلا تتزوجى غيري دا اللي بيحصل ولامبيحصلش ياجماعه مش هو ده اللي بيحصل، والله يعنى اللي بيحصل في زمنا هو اللى كان بيحصل في زمن عبد الله ابن عباس بس الصحابه كانوا رجاله وقفوا أمام نفوسهم فذبحوا شهواتهم على مائده التسليم لله، إنما إحنا للأسف! الله أعلم طيب.
إنتشار الحرام وإعتياد الناس عليه:
رقم سبعه ياجماعه حضرتك ياللى بتقول الحب حلال بتختلى بالأخت دي ولا بتقعدوا في مكان عام؟ لابختلي بيها طبعا أخذها في عربيه عشان نعرف نتكلم وناخذ وندي، عشان أقولها إن أنتى ليه لوحدي وأنا أما بشووفك بتبرجل والكلام ده ونقعد تسرح بيها حضرتك شويه تمام، بيسرح بيك بيسرح بيك والله وهقولك دلوقتى قصص تاكدلك القصه دي، طيب سؤال بقى الخلوه دي حرام ولا حلال؟ روح ياعم شوف حدائق المنتزه وروح مارينا وشوف النوادي وشوف كورنيش النيل، وشوف الحدائق هتلاقي كل واحد واخذ واحده وسارح بيها في خلوه طيب الخلوه دي حلال ولاحرام؟ أصدقك يا اللي بتقول أن أنا مبعملش حاجه غلط وأنا قاعد معها والله دا أنا قاعد معها كأنى قاعد فى الجامع والله، أنا محترم والله العظيم أصدقك ولا أصدق سيدك النبى -صلّى الله عليه وسلم- اللي قال كما في البخاري " فلا يخلوَنَّ بامرأةٍ ليسَ معها ذو مَحرَمٍ "وقال- صلّى الله عليه وسلم-" مَن كان يؤمنُ باللهِ واليومِ الآخرِ فلا يخلوَنَّ بامرأةٍ ليسَ معها ذو مَحرَمٍ منها ، فإنَّ ثالثَهما الشَّيطانُ" صححه الألباني .
لا تيأس من روح الله و إن كثرت خطاياك:
أمبارح الإخوه في جوله من الجولات أتعرضوا لشاب عمل علاقه غير مشروعه زنا عياذَ بالله ببنت، وقالو لي عايز يجيلك فجالي الساعه واحده بالليل أمبارح بالليل في يوم الخميس عيد ميلاد أبليس، كما يقولون، فجالي قال لي أنا أتعرفت أنا في سنه رابعه كليه تجاره أتعرفت على البنت دي من سنه أولى هي بنت جميله ومحترمه حضرتك مش عارف مدى أحترامها وبتاع ومش عارف إيه، قولتله إيه اللي حصل بقى بعد الأحترام؟ قالي قعدت معاها بس للاسف الشيطان غلب وعملت غلطه صغيره! غلطه صغيرة خلووه الكبائر غلطه صغيرة ولا حول ولاقوه الابالله العلي العظيم أن لله وأن إليه راجعون، فأنا مش عارف ياجماعة مش عارف والله أقول إيه فسبحان الله رب العرش العظيم سبحان الله رب العرش العظيم، أنا هصدق سيدنا النبي، مش هصدقك ياللي بتقول والله العظيم أنا قاعد معاها بأحترام أنا بقولك أنت كذاب لأن النبى قال "ثالثهما الشيطان " والشيطان ده بيلعب لعبه دنيئه زي مأنتوا بتقولوا بيفضل معاك بيفضل معاك بيفضل معاك لغايه لما يطرحك أرضا، الشيطان بطى ملحاح لا ييأس، أنت بس اللي بتيأس من روح الله، عشان كده عايزك متياسش أبدأ من ربنا ولازم ترجعله حتى لو ارتكبت خطايا كتير جميل.
هل تذكر الله مع محبوبتك؟
رقم ثمانيه هسألك سؤال أنت ياأستاذ يامحترم يافاضل يأخي ياللي بتقول أن الحب ده حلال، هل أنتوا بتتنصحوا في الخير وأنت قاعد معاها تقولي أصل إحنا بنتكلم بقى عن البر والتقوى وفي الدعوة الى الله ومصلحه الأمه وبنتكلم هل الكلام ده بيحصل؟ هتقولي الكلام ده بيحصل إحنا فاضيين للكلام ده أمال إيه اللي بيحصل، كذاب يأخي أنت كثير أنت كثير اوى بتكذب وتقول والله العظيم أنا قاعد كويس جدًا وقاعد بأحترامى إنت كذاب، انت كده بتكذب أتقى الله سبحانة وتعالى أتقى الله سبحانة وتعالى فأنا عايز أقولك ياااخى ياحبيبى ياخى ياصديقى انت بتقعد معاها والشيطان ثالثكم فهل هيسمح لكم أن أنتوا تتعاملوا بالخير او تقولوا كلام خير لا، دا المسيطر بقا على العلاقه فى الوقت ده هو النفس الأماره بالسوء والشيطان فخلى بالك خالى بالك لو إنت عايز الحب الحلال لازم تذكر الله، ولازم تقيم الصلاة، ولازم يكون كلامك كله فى مراد الله لا فى مساخط الله.
هل أنت صادق في الزواج بمن تحبها؟
رقم تسعه هل أنت راجل صادق؟ هل أنت صادق هل أنت راجل لما بيجى واحد يقولك البنت اللي معاك ديه اللي بتقول عنها هتبقى مراتك ولا هتقوله ديه حبيبتى، ياعم ديه واحده ياعم قاعد بلف معاها وبتسلى بيها ياعم أدينا بنعيش اللحظه ياعم أدينا بنفرفش عن نفسنا شويه، آه سبحان الله سبحان الله مشكله ياجماعه مشكله كبيره سبحان الله، حاجه خطيره جدًا خذوا بالكم منها أن إحنا بنكذب كتير من حيث لاندرى " يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ " التوبة:119، خليك صادق متكذبش عشان ربنا يكرمك لأن أي علاقه بتقوم على الكذب فلابد أن تفشل.
ما الدليل على حرمة هذا الحب ؟
رقم عشره هل أنت فعلًا متاكد أن أنت مبتسرحش بالبنت دي وأن أنت صادق في مشاعرك وأن أنت هتتجوزها؟ آه, هل إنت تقدر تتجوز؟ هل أنت عندك إستعداد لتحمل المسئوليه؟ ولا أنت عايز تقضيها زي مابيقولوا، ياجماعه دول عشر نقاط وبعد ماسوقت العشر نقاط دوول هسألك بقى سؤال يبقى الحب ده حلال ولا حرام؟ الحب اللي من النوعيه دي، الحب الجسدي، الحب القائم على مخالفه أمر الله, ده حلال ولا حرام؟ حرام طبعاً حرام بدلالة الكتاب ودلالة السنه، وبدلالة الفطرة، وبدلالة العقل، وبدلالة الواقع أيضا، ماشى ياجماعه, جميل النقطه ديه، طيب.
الفراغ سبب في أنشغال القلب بالحرام:
النقطة اللي بعدها هنسأل سؤال, وده سؤال مهم مهم جدًا جدًا جدًا جدًا جدًا, إيه الأسباب اللي بتدفع الشباب للوقوع في هذه الحمقه المسماه بالحب؟
1- الفراغ: أنت راجل فاضي والفاضي يعمل إيه؟ يعمل قاضي، عشان كده كانوا بيقولوا لما جه قيس وقال أتانى هواها قبل أن أعرف الهوى فصادف قلبا خاليا فتمكن مشكله، مشكله ياحبيبي إنت مفلس ياحبيبى، إنت عندك وقت فراغ كبير فعايز تبعزق الوقت ده فى أى حاجه ومع أي حد، في أي باذنجان وفي أي هاجس، المهم الوقت بيضيع زى ما أنت بتقول وأدينا بنسلي وقتنا لغايه لما ينتهى اليوم، ونشوف اليوم اللي بعده وهكذا عندك فراغ ومعندكش شغل، معندكش دراسه معندكش علم بتدرسه، معندكش حلقات في المساجد بتحضرها، معندكش معندكش قرآن عايز تحفظه تتمه، معندكش قيام لليل عايز تقم له، معندكش فجر عايز تصحى له، معندكش محاضرات في كليتك عايز تحضرها عايز تفضل بلطجى زي مابيقولوا وتفضل مضيع عمرك، عندك فراغ قلبى وفراغ إيمانى وفراغ عاطفى، آه نيجى على الفراغ العاطفى بقى! تقولي أنت جيت على الوجيعه والله! تقولي أنا عندي فراغ عاطفى كبير جدا جدا جدا، هقولك ياااخى ياحبيبى فى الله إنت لازم توزع طاقه المحبه الكبيره اللي ربنا سبحانه وتعالى أودعك إياها الإسلام عرف ياإخونا يعنى ايههه توظيف المشاعر سبحان الله، توظيف المشاعر في الإسلام ده أمر جميل جدًا جدًا جدًا.
للا تكن مجرد آله بلا روح:
الإسلام مش عايزنا مجرد الآلآت بتتحرك بالريموت كنترول، الإسلام عايزنا جسد وروح فمتغلبش جانب الجسد على جانب الروح ومتغلبش جانب الروح على جانب الجسد، وبكده هيحصل توازن بين الماديات و الروحانيات وبكده بتبقى أنت إنسان سوي، أنسان عاقل، أنسان بتحب ربنا وعايز توصل لربنا سبحانه وتعالى، يبقى لازم تملى الفراغ ده يأخى ياصديقي، لأزم تملىء الفراغ ده والله العظيم لو ما ملئت الفراغ ده والله العظيم هتبقى حياتك عذاب.
ضاعت القدوة عند كثير من الشباب:
2- ضياع القدوه في حياتنا: في أسبوع شباب الجامعات في المنصوره هنا أنا شوفت حاجات غريبه جدًا، شفت فعلا كائنات حيه غيرنا بيفكروا بطريقه غيرنا خالص، ناس كل همها إرضاء جسمها، إرضاء شهواتها ميسمعوش أن فيه حاجه أسمها ديانه، ولا في حاجة أسمها تعبد، ولا فيه حاجه أسمها تعظيم الملك سبحانه وتعالى ودي كارثه ياجماعه، لازم ياجماعه يبقى عندنا قدوة في حياتنا عشان نوصل لربنا، طب أغلى قدوة وأحلى قدوة وأعلى قدوة في حياتنا هي مين ياجماعه؟ هي سيدنا النبي-صلّى الله عليه وسلم- قال تعالى: " لَّقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا " الأحزاب:21، طيب سيدنا النبى -صلّى الله عليه وسلم- إيه موقفه من الحب وإزاى قدر أنه يطل المشاعر اللي ربنا خلقها ركبها فيه، إزاى قدر يوجهها للحلال، وازاى قدر يوصلها للحلال، وإزاى قدر يعلم أمته إزاى تستغل المشاعر في الحلال؟ سيدك النبى -صلّى الله عليه وعلى اله وصحبه وسلم- أحب حبا جما خديجه رضى الله عنها حتى قال كما عند الأمام البخارى حينما غارت عائشه فقالت كلما ذكرت ذكرت خديجه فقال لها -صلّى الله عليه وسلم- لقد رُزقت حبها، ماشاء الله أحبها وهي أكبر منه في السن، علشان كده إحنا عايزين نقول البيوت لاتبنى على الحب الجسدى وحده، ياللي بتتجوز وكل هدفك في حياتك أن البنت تطلع جميله , تطلع جامده كل أصحابك يشوفوك في الشارع يقولولك ياواد ياذكر دا أنت أخترت أجمد بنت في المنطقه غلط!
لا تُبنى البيوت على الحب فقط فإنتبهوا:
قال: عمر "أن البيوت لاتبنى على الحب وحده" مإحنا لسه قايلين أن الحب غض الطرف عن عيوب المحبوب أنت لو حبيت واحده عشان شكلها بعد فتره هتلاقى طباعها غير طباعك، وهتلاقى حاجات كتير أنت متعرفهاش مما يؤدى للطلاق، طيب بصوا بقى للبيت النبوي من جوه عائشه رضى الله عنها تحكي أن نبينا -صلّى الله عليه وسلم- بعدما ماتت خديجه كلما ذكرها بكى -صلّى الله عليه وسلم-، وكان بيعمل إيه كمان صلّى الله عليه وسلم- كان بيروح لكل أصدقاء خديجه وبيديهم هدايا شوفت الحب الحقيقى أدى إيه أدى للوفاء أدى للوفاء! مش الحب القائم على الخيانه الحب القائم على خطفه، الحب القائم على قبله، الحب القائم على تحسيسه ولمسه، لا مش ده الحب ده أسمه مصلحه دا أسمه كذب، طاب أنظر إلى النبى -صلّى الله عليه وسلم- يسأل من أحب الناس اليك فيقول عائشه فيقال له من الرجال فيقول أبوها لاإله الا الله، سيدك النبي بيعلمك إزاى تحب؟ إزاى تتعامل في بيتك قال رسول الله -صلّى الله عليه وسلم- " خيرُكم خيرُكم لأهلِه وأنا خيرُكم لأهلِي "صححه الشوكاني.
الإسلام يحافظ على المشاعر الرقيقة:
صفيه زوج النبي -صلّى الله عليه وسلم- رضى الله عنها تأتى لزيارة النبى -صلّى الله عليه وسلم- وهو في المُعتكف أنظر كده للمشاعر الجميلة فسيدنا النبي خرج ليصرفها وليوصلها إلى حجرتها مسبهاش، عشان تعرفوا أن الإسلام بيحترم المشاعر المرهفه طالما كانت هذهِ المشاعر مرتبطه بالدين مش بعيده عن الدين، لأن العرب جنس لايصلح إلابالدين، الله الله الله لو الناس طبقت الإسلام فيحياتها، لو طبقت الإسلام في مشاعرها هيبقى حب راقي وحب جميل وحب لذيذ وله سعاده وله طعم، فياريت كلنا نبقى بهذه الصوره ،إفتقاد القدوه فى حياتنا بقت القدوه فلان وفلان، عملوا مسابقه كبيرة جدًا في برنامج لواحد مجنون في القاهره اليوم، فبيقولوا له ياعم المجنون أنت عمراوى ولا تمراوى، فأنا الأخوه بتنقلى الكلام ده بقولهم يعنى إيه عمراوى ولا تمراوى قالولي يعنى من أتباع الإمام المجدد العلم عمر دياب، ولا من أتباع شيخ الاسلام والمسلمين تامر حسنى، من أتباع مين شفتوا الخيبه بقينا من أتباع الناس دي, مبقناش من أتباع سيدنا النبى صل الله عليه وسلم، اللهم إنى أسالك أن تهدى هؤلاء الإخوه وجميع أتباعهم يارب اللهم اهدهم وأتى بهم، اللهم إن هدايتك إنه لايقدر على ذلك غيرك فاللهم اهدهم واتى بهم وسائر اخوانهم وسائر من حذا حذوهم يارب العالمين، إحنا بنحب كل الناس ونفسنا كل الناس أنهم يهتدوا إلى ماوصلنا اليه من الحق اللهم انى اسالك أن تثبتنا على الحق حتى نلقاك،فإحنا ياجماعه مفتقدين للقدوه، مفتقدين للقدوه ياجماعه.
أتقي مواطن الفتن و لا تُعرض نفسك لها:
3- كذلك من أعظم الاسباب الدافعه لمثل هذا الأمر أنك تعرض طبعك ونفسك لما ينجذب به الإنسان، أنت عارف أن أنت مسكين، أنت عارف أن أنت مبتستحملش فتنه النساء بتروح نادى ليه؟ وبتروح نادي يوم الخميس في وسط الزحمه ليه؟ ليه ليه يأخى ليه ياحبيب قلبى ياصديقى يأخي ليه؟ ليه بتروح تقف في شوارع الحب فى الجامعه؟ خلصت محاضراتك ليه ليه بتقف هناك؟ ليه بتقعد جنب بنت؟ تقولى ياعم الشيخ أدينا بنريح شويه أدينا يعنى بنروق شويه أدينا بنمزمز شويه ،يااااخى يامسسسكين الم الفراق ولا ألم اللوعه المستمره التى تدفعك إلى الحرام، ولا ألم العاده السريه ولا ألم الزنا ألم البلاوي السوداء دى كلها! دي مشكله ياجماعه يأصدقائى يأخوانى ياخونا لازم نفوق متعرضوش الطبع لما ينجذب اليه، حضرتك بتقوليلى أنا مشكلتى أن أنا مفتونه بالرجاله لما بشوف الممثل الفلانى بفرفر، ولما بشوف الممثل الفلاني بقهقه ليه يابنتى كده؟ ليه بتشغلى الأغانى؟ أنت كمان مش عايزنا نشغل الأغانى دا إيه الحياه النكد دي أنت عايزنا قُرآن قُرآن قُرآن، أنا مقولتش كده أنا قولت نسمع اللي ربنا عايزنا نسمعه إنما بحبك ياحمار، وبحبك ياجحش وحنطر الحنطور وحاجات غريبه الناس بتقولها، ياجماعه يايجماعة صونوا أسماعكم عن ما يغضب ربكم، إن غضب المليك لايستحق منا ذلك نعم، نعم ياجماعة عشان كده ياجماعه أنا لازم أقول إننا منعرضش الطبع لما ينجذب اليه ،إنت راجل مفتون مترحش المصيف فى مارينا وتقولى والله أنا هغض بصرى هناك، هتغض بصرك إزاي ياعم هتغض بصرك إزاي يا أخى إتقى الله تبارك وتعالى إتقى الله عز وجل، والزم دين الله تبارك وتعالى ولا تُعرض نفسك لما يجذبك.
لا تكن مُقلد أعمى و تتخلى عن هويتك:
4- من الأسباب الدافعةكثره الزن على الودان تقعد تتفرج على فيلم يقولك شوف أحلى حاجه في الحياه أن أنت تعلق بنت أن أنت تمشى معاها، أن أنت يبقى ليك تجارب متبقاش مقفل كده متبقاش بقى واد خيبان وخام, لا إله إلا الله، مين الكذاب اللي قال كده، هؤلاء الكذابين الدجالين اللي عايزين يفسدوا أمتنا، أتباع هؤلاء العلمانين الأقذار اللي نفسهم أن ينتشر الشذوذ الجنسى، الفيلم الفلاني اللي أنت عرفينة مش هقول أسماء الفيلم الفلاني جه قالك الحرام حرام الزنا لكن الشذوذ مفيش فيه مشكله لاإله إلا الله ينفع ياجماعه الكلام ده, ينفع الكلام ده يتقال في أمة مسلمة وفي دوله مسلمه؟ لاإله إلا الله, لاإله إلا الله، علشان كده ياجماعة عايزه أقول عايز أقول اوعوا تصدقوا المجرمين دول، اوعوا تقولوا كلامهم دا الواد منهم يقول كلمه تلاقي كل الشباب ولا حول ولا قوه الا بالله بيقولوا نفس الكلمة بتاعتهم، الواد يقوم مسقط بنطلونه ومعري جسمه تلاقي كل الناس عملت كده ليه ياحبيبى ليه بتضيع هويتك, ليه بتضيع دينك ولقد صدق النبى -صلّى الله عليه وسلم- حين قال في وصف هذا الزمان.
" ستكونُ فتنٌ ، القاعدُ فيها خيرٌ من القائمِ ، والقائمُ خيرٌ من الماشي ، والماشي فيها خيرٌ من الساعي ، من تشرَّفَ لها تستشرفُه ، فمن وجد ملجأً ، أو معاذًا ، فليَعُذْ بهِ " صحيح البخاري.
صحبة السوء سبب في فتح باب الشيطان:
5- وأيضاً أن من أعظم الأسباب الدافعه لذلك صحبه السوء، تمشي مع الولد تلقيه يقعد يزن على دماغك ياعم خليك واد راجل بقى ياعم خليك, وأنتى البنت تقولك أنتى هتتجوزى إزاى أنتِ شايفه البنات كتير لو معرتيش نفسك وعملتي علاقات وخليتك كده بنت لحلوحه وفهلويه وبتاع أنسى، لالا ياجماعه اوعوا" المرءُ على دينِ خليلِه فلينظرْ أحدُكم مَن يُخاللُ "صحيح أبو هريرة، فإحنا محتاجين ياجماعه أن إحنا نتوب إلى الله عز وجل, علشان خاطري ياجماعه عايزين نتوب لربنا سبحانه وتعالى آه طيب ياجماعه فيه شبهات كتير جدًا جدًا جدًا جدًا جدًا, بتتقال حولين القضيه دي؟ بعض الناس بيقولوا أنا بحب البنت بتاعتي في حدود مشروعه، وأنا عايز أقول الحدود المشروعه دي مين الى بيحطها؟ ربنا والنبى ولا أنت! والعرف بتاعك!* وشلتك! ولا صحبك الأنتيم! ولا مين بالضبط! ياجماعه ياجماعة أتقوا الله يا إخوانا الذي يشرع للناس في هذهِ الأمه واحد وهو الله " مَنْ أَحْسَنُ مِنَ اللَّهِ حُكْمً " المائدة : 50،"أَلَا يَعْلَمُ مَنْ خَلَقَ وَهُوَ اللَّطِيفُ الْخَبِيرُ " الملك:14، يبقى أنت بتحبها في حدود مشروعه ياحبيبى، أنت عرفت المشروع من غير المشروع دلوقتى أتقى الله تبارك وتعالى.
الرجولة هي أن تمنع نفسك عن ما تهوى:
واحد تانى يقولى أصل دي ياعم الشيخ رجوله وده أمر عادىي، هقولك رقم واحد أنت قولت أن دي رجوله كذاب دى مش رجوله الرجل هو الذى يحبس نفسه عن الهوى، كما, قال الإمام أحمد رحمه الله تعالى "الفتوه ان تترك ما تهوى لاما تخشى " الراجل هو اللي بيحبس نفسه عنده كنترول على نفسه مش اللي بيقع في الحرام ياجماعه آه, طيب قولهم أن ده أمر عادي آه، خلي بالك يأخى من الحاجات اللي أعدائنا عايزين يوصلونا ليها ومن الحاجات اللي بيحاربونا بيها إشاعه الفاحشه بمسميات لطيفه مقبوله، أديك مثال الولد عياذَ بالله اللي بيقع في الشذوذ الجنسى بقوا بشيلوا كلمه الشذوذ الجنسى دلوقتى وبيقولوا إيه؟ بيقولوا المثليه عشان الناس متقرفش منه ولا من فعله، كذلك برده هما عايزين يوصلونا عن طريق الحب اللي هما بيحاربونا بيه عايزين يوصلونا إن إحنا نبقى مجتمع متفسخ مجتمع شهوانى لا يفكر إلا تحت الحزام فقط! عشان كده لما تيجى تكلم واحد يقولك يا عمى دا أمر عادي، ياعم دا أنا دا حاجه جميله خالص ياعم دا ياعم دا دا كويس إنى بمسك إيدها بس، ياعم كفايه إنى بكلمها فى التلفون بس دا غيرى بيعمل أكتر من كده ياعم سيبها لله ياعم بطلوا الكلام الى إنتوا بتقولوه ده بقا ياعم لا اله الا الله هو ده الى هما عايزينه عايزين يبقى المنكر معروف والمعروف يبقى منكر، المخدرات تبقى حاجه عاديه وتبقى حاجه بتعمل دماغ تبقى حاجه بتسلطن النفوخ يبقى إيه الحرام!
الزنى من الموبقات و ليس أمر هينًا:
أنا سمعت واحد بيقولي يعنى أنتوا بتحرموا الحاجه اللي بتخلى الناس في سعاده شوف الكذاب! شوف وصلوا الشباب أن المخدرات فيها السعاده! تلاقي واحد طالع يقولك مثل دماغ من غير كيف تستاهل حد السيف لا إله إلا الله سبحان الله، خلوا الحرام حلال والحلال حرام وبيقولوا إن ده أمر عادي وإن دي مجرد غلطه، مجرد غلطه واحد بيزنى مع امرأة ويرتكب كبيره من أكبر الكبائر من السبع الموبقات التي توبق صاحبها في النار عياذَ بالله عز وجل، ويقولك دي غلطه, دي غلطه غلطة ياعم! وتساله كده أنت غلطت كام غلطه؟ ياعم متعدش أنا غلطت كتير أوى ياعم ربك غفور رحيم, ياعم سيبها لله ياعم كبر دماغك، ياعم بقى نتسمعش ياعم بقى مشى نفوخك هو إحنا لينا رب؟ لينا رب! لا إله إلا الله, فده أمر عادي؟ لا مش أمر عادي دا ده كبيره من الكبائر دي مصيبه من المصائب فلأزم تاخذ بالك من الكلام ده ياجماعه.
من بداية سن البلوغ يكون التكليف:
أيضاً من الشبهات اللي الناس بتقولها حولين القضيه دى ياجماعه، يقولك أصل أنا بحب عشان أنا لسه صغير, وبعدين أنا عايز أعيش اللحظه، بقى علشان خاطري بقى سيبنى وأنا لما أخلص الكليه بتاعتي وأخلص المجموعه اللي باخذ فيها الدرس مع البنت اللي أنا بحبها وقاعد أبصبص لها، وأنتمت معاها خلاص وبقت الجماعه بتاعتي أوعدك والله العظيم وعد شرف وعد شرف، واخذ بالك شرف أخو محمد ها، وعد شرف وأن شاء الله عز وجل إنى أتوب بقى وهبقى كويس أن شاء الله, قبل مأوصل سن 80 هصلي وهبقى ي الفل يعنى أن شاء الله يعني يا اللي أنت عايزة,80 سنه قبل مأدخل قبرى هصلى، لاإله إلا الله لا إله إلا الله, مين يقول كده ياجماعه مين يقول كده ياجماعة، من يقول هذا ياجماعة من يقول ياعباد الله من يقول أن هذا يرضى الله سبحانه وتعالى! يقولك أصل أنا لسه صغير ! أنت لسه صغير! أمال هتكبر أمتى ياحبيبى! أنت ياحبيبى إحنا مشكلتنا في مجتمعنا أن إحنا قاعدين نبص لبعض أن إحنا صغيرين، إحنا مش صغيرين ياحبيبى إحنا مكلفين والنبي- صلّى الله عليه وسلم- قال
"رُفِعَ القلمُ عن ثلاثةٍ : عَن المَجنونِ المَغلوبِ على عَقْلِهِ حتى يَبْرَأَ ، و عن النائِمِ حتى يَستيقِظَ ، و عنِ الصبِيِّ حتى يَحْتَلِمَ " صححه الألباني
أحذر أن تكون ممن ينساهم الله يوم القيامة:
ياحبيب قلبي ياصديقي أنت هتفوق أمتى هتكبر أمتى، هتبقى راجل أمتى، هتقولى ياعم بس لما أبقى, أن شاء الله, أن شاء الله أن شاء الله دي إيه أنت بتقولها تعليقا ولا تحقيقا، أنت عايز تسكتني وخلاص ماتقول أن شاء الله هتوب دلوقتى يلا " فَإِذَا عَزَمْتَ فَتَوَكَّلْ عَلَى اللَّهِ "آل عمران:159, متقوليش بقة أنا عايز أعيش اللحظه، لحظه سوداء،كل لحظه إنت بتمسك فيها إيد البنت بتعتك دى لحظه هباب ، كل لحظه إنت بتجط إيدك على ظهرها أو بتقبلها، أو بتحسس عليها أوأوأو لحظه هباب وهتجنى ثمارها أسمع كلامي، الجزاء من جنس العمل "كما تدين تدان " والله العظيم كما تدين تدان أنت بتصدق ربنا بتصدق ربنا رد عليه أنت بتصدقه؟ سبحانه وتعالى يقول الله عز وجل " وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ * قَالَ رَبِّ لِمَ حَشَرْتَنِي أَعْمَىٰ "طه:125:124،دانا كانت عينى ردار" لِمَ حَشَرْتَنِي أَعْمَىٰ وَقَدْ كُنتُ بَصِيرًا * قَالَ كَذَٰلِكَ أَتَتْكَ آيَاتُنَا فَنَسِيتَهَا ۖ وَكَذَٰلِكَ الْيَوْمَ تُنسَىٰ "طه:125، ياخيبتك يومها ستترك وستنسي مع أقوام نسوا عن اللحاق بركب الفائزين فى الجنه، هتقول لربنا بقى أنا كنت لسه صغير أصلى أنا كنت عايز أعيش اللحظه، طيب و أنا هسالك بقا هى اللحظه دي بتدوم , دا أنتوا كنتوا الأول بتقولوا أنا عايز أعيش حياتي، بعد كده أختصروها وعايش أعيش فتره الدراسه الجامعية وبعد كده عايز أعيش شهري، وبعد كده عايز أعيش يومي، وبعد كده عايز أعيش ساعتي وبعد كده عايز أعيش اللحظه, لاإله إلا الله.
المتعة الحقيقية في رضا الله وطاعته:
اللحظات الممتعه مش اللحظات الشهوانيه اوعى تصدق اللي بيقولوهولك، يقولك يعني كمان حرموا علينا اللحظات الممتعه، يأخى ياكذاب مين قالك إن لحظة ممتعه، اللحظه الممتعه هي اللحظه اللي تقربك لربنا فى كل وقت، هو أنت مسلم في وقت وكافر في وقت! أنتو أنتو فكرتوني بالجماعه العالمانيين اللي بيقولوا إحنا عايزين الإسلام في الجوامع، يعني دلوقتي المفروض أننا الإسلام ده أجيب الجلبيه مثلا أقول مثلًا دا الإسلام البسة وأنا داخل الجامع أول ماجى أخرج من الجامع أعمل أيه في الجلبية؟ أقطعها وأرميها في الزباله يعنى، ده الصح ياجماعه, يا إخوانا ده الصح, ده يرضى ربنا ياجماعة مين يقول كده! أنت مسلم فىيكل وقت معنى مسلم يعنى أسلمت قيادك للملك بس مش للبنات، مش للحشيش، ومش ليه ومش للموبايلات، ومش للإتصالات، ومش للإميلات, ومش للمواقع الإباحيه لو أنت عملت كده أخشى عليك أن تكون عابد لغير الله, أو أن تشرك مع الله غيره " أَفَرَأَيْتَ مَنِ اتَّخَذَ إِلَٰهَهُ هَوَاهُ " الجاثية:23 ، أتقوا الله ياجماعه، أتقوا الله .
يتبع
تعليق