Tweet
تـــفريغ محاضـــره .. كأنـــُك تــَراه لـ د/ حــازم شــومان // مفهرس
السلام عليكم ورحمة الله تعالى وبركاته
الحمـد لله وحده نحمده و نشكره و نستعـينه و نستـغفره و نعـوذ بالله مـن شـرور أنـفسنا و من سيـئات أعمالنا ... من يـهده الله فلا مضل لـه و مـن يضـلل فلا هادي له
كأنك تراه ...
الحمد لله حمدا كثيرا كثيرا طيبا مبارك فيه كما تحب يا ربنا وترضى اللهم لك الحمد عدد قطر الامطار وعدد ورق الاشجار وعدد مكايل البحار وعدد ما اظلم عليه الليل واضاء عليه النهار، اللهم لك الحمد ملْ السموات والارض وملْ ما بينهما، اتيناك بالفقر يا ذا الغني وانت الذي ما تزال محسني ..
الليله بإذن الله يا جماعه حناخد ادينا فى ايد بعض وننطلق الى الجنه، حننطلق الى اعظم جنه ربنا خلقها فى الوجود.. الى جنه معرفه الله سبحانه وتعالى هدفنا الليله اننا نقرب بقلوبنا من ربنا ونقرب لغايه ما قلوبنا تعبد ربنا كانها تراه ..
هدفنا النهارده اننا نوصل لاعلى مقام فى الدين على الاطلاق مقام انك تعبد الله كانك تراه تخيل لو سجدت له وقلبك شايفه يبقى سجودك شكله ايه تخيل لو ركعت له وقلبك شايفه يبقى ركوعك شكله ايه تخيل لو صومت يوم من ايام الحر الطويله بتاعت الايام دى وقلبك شايفه حيبقى طعم الصيام شكله ايه
عاوزين الليله نتعلم ازاي تعبد الله فى الارض زى ما بتعبده الملائكه فى السماء حتقولولى يعنى نعبد ربنا كتير يعنى لا يا جماعه يعنى شوفو الملايكه فى السماء بتعبد ربنا بحب شكله ايه وبشوق شكله ايه وبتعظيم شكله ايه وبيقين شكله ايه عاوزين المعانى دى تيجي فى قلوبنا وحتيجي فى قلوبنا امته لما لما توصل لمكان كأنك تراه ...
عاوزين الليه ننبهر بالله عاوزين نحب لازم نعرف ربنا ... (عبد الله ابن حزافه السامي) واحد عرف ربنا جم يقتلوه الروم فبكى قالوله انت بتبكي خايف من الموت قالهم لا ابكي لانني نفسا واحده ستقتل فى سبيل الله .. كان نفسه يبقى ليه الف نفس مش علشان يعيش الف مره لا علشان يموت فى سبيل الله الف مره
بيقولك معرفة الناس كنوز ومعرفه فلان كنوز طيب ومعرفة الله تساوى ايه يا جماعه ؟؟ يا جماعه سيدنا زكريا راح لربنا وخبط وخبط يارب يارب انا مبخلفش وزوجتى عاقر وعجزت يا رب .. طب عايز ايه !! عايز ابن يا رب، عايز ولد لو جبنا ملف الاسرة دى لو جبناه ولفينا بيه على اكبر الدكاتره مش حيقوللك غير كلمة وحده بس (مستحيل) يخلفو ولاكن عند الله القادر المقتدر الخزاين كلها عنده مليانه فلوس واولاد الخزائن مليانه اه لو عرفنا ربنا
لما سيدنا ابراهيم عليه السلام عرف ربنا ساب الدنيا كلها وقال (إِنِّي ذَاهِبٌ إِلَى رَبِّي سَيَهْدِينِ) لما سيدنا لوط عرف ربنا ساب الدنيا كلها وقال (إِنِّي مُهَاجِرٌ إِلَىٰ رَبِّي ۖ) ولما سيدنا موسي عرف ربنا قال (وَعَجِلْتُ إِلَيْكَ رَبِّ لِتَرْضَى) اللى معرفش ربنا بقى حصله ايه !! ربنا بيقول ( وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا) ليه ضنكا يارب !! اللى ميعرفش ربنا دا لما تجيله مصيبه حيثتغيث بمين !! حيقف على باب مين !! حيروح لمين !! عيشته ضنك لانه ميعرفش ربنا
انما رسول الله صلى الله عليه وسلم بيقف بين ادين ربنا ويرفع اديه ويقوله (وَأَسْأَلُكَ لَذَّةَ النَّظَرِ إِلَى وَجْهِكَ ، وَأَسْأَلُكَ الشَّوْقَ إِلَى لِقَائِكَ) رسول الله سأل الله حاجتين احلى نعيم فى الدنيا الشوق اللى الله .. وحب الله واعلى نعيم فى الاخره النظر الى الله معرفه ربنا دى حتخليك تعبده ليل نهار وتتكلم عنه وتذكره ليل نهار حتصحي لقيام الليل وقلبك بيشع نور ونظرتك حتتغير فى الحياة وانت عارف ربنا مش حتبقى واحد رايح يصلى الفجر وراح لبيته لا حتقوله انا جايلك يا الله حنتكلم الليله عن صفات الله صفات كتييير ليه وشوف قلبك فى الاخر وصل لمقام كانك تراه ولا لا
اول صفه حنتكلم عنها لله سبحانه وتعالى صفه (اللطيف) : يعني ايه صفه اللطيف مثلا قصه سيدنا موسي حنجيب القصه من اولها ام سيدنا موسي اول ما علمت انها حامل جت تفرح وقالت ياه لو جه ولد حيقتلوه زى ما قتلو ابن فلانه وابن فلانه 9 شعور فى بطنها القائد الرباني المنتظر وهيا مرعوبه انه يطلع ولد فى بطنها مخلص الامه ومحررها وموحدها ورافع رايه الحق وهيا مش عارفه الطفل دا بيترتب ليه من فوق سبع سموات ازاى كل اللى بتفكر فيه لو طلع ولد حيقتلوه يارب ويجي المخاض وتيجي الولاده ويطلع ولد تخيلو ام موسي وهيا مسكاه فى حضنها وقلبها بيرتجف متخيلاهم فى اى لحظه وهما بيدخلو يهجمو عليها وياخدوه منها يقتلوه قدامها قدام عنيها تخيلو ربنا بيوحى ليها أن ارضعيه ..
هيا انا عاوزه اخبيه ؟ وهوا بيقولها رضعيه لحد ما يشبع وبعدها بيقولها لو خفتى عليه ارميه .. هيا ارميه فين ؟ ارميه فى البحر بس استنى اوعى تخافى او تزعلى .. هيا ليه يارب ؟ حد يخاف ومعاه ربنا انتى مش بترميه فى البحر انتى بترميه فى ايد ربنا
شايفين يا جماعه ربنا سبب الاسباب فى القصه وفى الاخر ام موسي فى قصر فرعون بترضع موسي وبتاخد اجلها من فرعون وفرعون بيبعتلها اكل علشان تاكل وترضع اللى بكرا حيهزم فرعون اهو دا لطف الله سبحانه وتعاله علشان تقول لنفسك طول ما انت معايا يارب مفيش اى حاجه تقدر تقف قدامك ابداا
حنتكلم عن صفه تانيه لله وهيا (الكريم) : انتو عارفين يعنى ايه كريم !! الكريم كرم الله كرم فوق خيالك وفوق تصورك ازاى انت واحد نايم راجع لربنا فاق وقال نفسه ايه المعاصى اللى انا عملتها دى وراجع لربنا مكسور يارب انا حدخل جهنم يارب ... اقصي حلم لواحد زى دا واحد زنا وسرق وقتل اقصي حلم ليه ايه ان ذنوبه تروح من عليه يدخل لربنا يقوله لا انا حبدلهالك كلها حسنات شوفو الكرم ..
شوفتو اخر واحد خرج من النار بيقولو ربنا انت عاوز ايه ؟ الراجل كان يرضيه شجره ونبع ميه تحتها فربنا قاله عايز اعظم ملك من ملوك الدنيا هوا باستغراب اعظم ملك !! يا رب انت بتسخر منى ولا ايه!! مش مصدق كرم ربنا مش قادر يستوعب كرم ربنا قاله طب كمان مثله ومثله ومثله قاله يارب رضيت يا رب .. يا جماعه انت بركعه لربنا بتدخل جنه فيها لا عين رأت دا علشان ربنا كريم
صفه تانيه لربنا اسم الله (الودود) : اللى بيتودد ليك بنعمه نعم ربنا سبحانه وتعاله لو سالت كل واحد فى المسجد كدا سؤال اخر مره قعدت بينك وبين نفسك حمدت ربنا على نعمه امته !! عارفين يا جماعه الاجابه على السؤال دا حتبقى مفاجأه ل 90% منكم .. عارفين امته !! من نصف ساعه .. بعد صلاة المغرب معظم اللى فى المسجد قالو اذكار بعد الصلاه وحمدو ربنا 33 مره .. امال انا مش فاكر ليه مفتكرتش ليه لما سألت ... لانك قولت بلسانك مش بقلبك
كان احد الدعاه مره ابتلى بابتلاء كان ربنا فرجه ليه قال انا عاوز بعد كل صلى اقعد اقول الحمدلله الحمدلله وقال انا فوجئت انى بعد كل صلى بقول الحمدلله 33 مره بس مكنش بيحس بيها لانه مكنش بيقولها من قلبي .. يا جامعه لو حد خلصلك مصلحه صغيره بتقولو انا عاجز على شكرك مفيش مره ربنا خلصلك حاجه قولتله انا عاجز عن الشكر عينيك دمعت وانت بتقولو بشكرك الحمدلله انت محبتوش محبتش ربنا على النعم اللى مديهالك ادخل مستشفيات السرطان ومستشفيات الكبد ومستشفيات الكلى حتقف تشكر ربنا وتعجز عن شكره وفعلا مش حتبطل تقول الحمدلله على نعمه الهدايه يارب .. شوف ربنا بيقولك ايه (عَبْدِي كُلٌّ يُرِيدُكَ لِنَفْسِهِ ، وَأَنَا أُرِيدُكَ لَي) ومش عايز تبقى لربنا بعد الكلام دا
حنتكلم عن اسم تانى اسم الله (البصير) : مثلا يعنى تخيل البنى ادم عاوز يشوف حاجه بعيده اوى لازم تيلسكوب طب علشان عاوز يشوف حاجه صغيره اوى لازم ميكريسكوب لاكن الله من فوق سمع سمووووات شايفنا كائن كائن دا شايف اللى جوا الكائن واللى بيحصل جوه خليه جسمه من فوق سبع سموااات (يا من يرى مد البعوض جناحها) يعنى بص لقدرته من فوق سبع سموات شايف البعوضه وهيا بتفرد جناحها كدا فى الصحرا لا ومش كدا بس (في ظلمة الليل البهيم الأليل) يعني مش زينا كدا محتاج نور علشان يشوف سبحانك ربى وهوا ربنا محتاج نور علشان يشوف الحاجه (ويرى مناط عروقها في نحرها) شايف الدم وهوا ماشي فى جسمها شايف الكرات الدم الحمراء والبيضاء وهيا ماشيه جوه جسمها (ويرى مناط عروقها في نحرها والمخّ من تلك العظام النحّل) النخاع بتاع العضم بتاع المفاصل بيشوفو انا عاوزاك تعيش ازاى باسم البصير .. عارف تعيش ازاى انت عارف لما تروح بيتك كدا انت عاوز تعصي ربنا هوا السقف اللى فوقك فى بيتك يخليه ميشوفكش انسي ان فى سقف تخيل لو بصيت كدا حتشوف ربنا بيبص عليك ساعتها حتعصيه ولا لا حتعيش ازاى شكل حياتك حيبقى شكلها ايه اهو دا التغير اللى حيحصل لو امنت باسم البصير
انا عاوزاكم معايا تفكرو فى اسماء الله اسم الله مثلا (الرحيم) : انا مقدرش اتكلم عن رحمه الله اكلمكم ازاى عن رحمه الله مينفعش انا حكلمكم على اثار رحمة الله يعني مثلا فى القطب الشمالى لو تعرفو الرحمه اللى ربنا حطها فى قلب الحيوان اثر من اثار رحمه الله فى الارض .. انت لو فهمت يعني ايه رحيم المديون / المظلوم / اللى حد افترى عليه / لو حسيت يعني ايه الرحيم عمرك ما حتقلق ابدا حتي لو الارض دى كلها وقفت فى وشك لاننك عارف يعني ايه الله الرحيم
نتكلم عن اسم ( الحفيظ) : يعني ايه الحفيظ البنى ادم ممكن يكسب الحاجه بسرعه اوى بس يعيش طول عمره يحافظ عليها طب انت حتحافظ على ايه ولا ايه حتحافظ على نفسك ولا كبدك ولا كليتك ولا ولادك ولا مراتك ممكن ام واب يحافظو على ابنهم 24 ساعه وهوا نازل ابوه يبصله من البلكونه يقع يموت يعني انت مهما عملت مش حتعرف تحافظ على حاجه انت عاوز تحافظ عليها طب الحل ايه !! الحفيظ سبحانه وتعالى اللى حافظ عليك وانت لسه حيوان منوى اللى حافظ عليك وانت فى بطن مامتك من الموت ميقدرش يحافظ عليك دلوقتى بس بشرط .. ايه هوا !! احفظ الله يحفظكم .. عاوز ربنا يتولاك بحفظه احفظه سبحانه وتعالى وهوا يحفظك
رسول الله صلى الله عليه وسلم كان بيقف كل طلعت نهار وكل دخلت ليل يقول لربنا اللهم ما احفظنى من امامى ومن خلفى وعن يميني وعن شمالى مهو كل دا حفظ يقدر يطلبه من حد تانى ميقدرش طبعا فى حد تانى يقدر يعملهالو ويحفظو اكيد لا كفايا ان ربنا يحفظك من نفسك ومن ذنوبك علشان ربنا بيشيل عنك كتير وهوا كدرع ليك بيشيل عنك الهلاك اللى بتحط فيه نفسك
اسم الله (الوكيل) : .. حسبي الله ونعم الوكيل دا الاسم اللى نجى منه ابراهيم من النار يا جماعه .. رسول الله قبل البعثه الصادق الامين جه الصادق الامين وصل وفجاءه الكداب المفترى دخل الكداب المفتري راح وبعد كدا الامر تطور تخيل لما يمشي على رجليه عليه افضل الصلاه والسلام 90 كيلووو فى الصحراء على ارض لومشيت عليها لابس درع فى رجيلك رجيلك تولع والصحراء مليانه وحوش ويمشي علشان يروح مسجد يكلمكم عن ربنا ويبعتو اطفالهم يمشو وراك يضربوك بالطوب وهوا راجع فى وسط الكرب دا بقى شوفو وهوا رافع ايده لربنا فى حديث اللى الالباني قال عنه انوار النبوه وبيقول لربنا : لَى مَنْ تَكِلُنِي يا رٌبُ ..
يارب مليش غيرك لو مفرجتش من عندك حتفرج منين يارب انت رب المستضعفين يارب انا ليا مين غيرك ورب المنكسرين ليهم مين غيرك والمظلوم اللى الدنيا جت عليه ليه مين غيرك انت رب المستضعفين وربي (إذا كنت في كل حالٍ معي فعن حمل زادي أنا في غنى) لو انت الصاحب فى السفر اشيل الزاد ازاى ابو بكر الخليفه لما راح الهجره مع الرسول عليه افضل الصلاه والسلام مسيبش لاهله حاجه يسيب ليهم ازاى ومعاهم ربنا وربنا وكيلهم سبحانه وتعالى
قول لربنا الى من تكلنى فى الدنيا تخيلو يا جماعه اللى يعامل ربنا كدااا سيدنا ابو بكر الصديق جاب للرسول عليه افضل الصلاه والسلام فلوسه كلها فى الهجره فالرسول عليه افضل الصلاه والسلام بيقوله : فماذا تركت لاهلك يا ابا بكر فقاله له : تركت لهم الله ... الكلمه دى تزلزل القلب لما انت تعيش علشان ربنا يبقى تركت لكل مرض فى جسمك لله وتركت كل مشكله فى حياتك لله وتركت كل عدو بيكيدلك لله لو قلبك بتاع ربنا يبقى تركته لله .. يا جماعه عاوزين ثقه فى الله علشان لما نعرف ربنا والله حياتنا حتنقلب حتتغير حتبقى انسان تانى اتكلمنا على اسماء الله ولسه فى اسماء جميله اوى
اسم الله (العفو) : يعني ايه العفو ..
يعني لو انت اتغفرلك بس وماخدتش مرسوم ملكى بالعفو يبقى الفرق ايه بين انك يعفو عنك ويغفر ليك يوم ما تيجي يوم القيامه والصحف كلها تتطاير حتجيلك صحفيتك فى ايدك لو انت بصيت ليها حتلاقى كل ذنوبك مكتوبه قدامك حتقول لنفسك انا عملت كل دا تترعب طب لو انت معفو عنك صحيفتك بيضه ساعة ما تروح تتوزن على الميزان ذنب ذنب حيتحط فى الكافه بتاعتك بتاعت الشمال وبعد كدا يتغفرلك لو انت من اهل العفو مش حيتحطلك حاجه اصلا ولا كأن فى حاجه ساعت ما تعرض على الله لو انت مغفور ليك بس يقولك عبدي الم تفعل كذا يوم كذا !! اه يارب .. وكذا يوم كذا !! اه يارب... لغايه ما تظن الهلاك يقولك فأنى سترتها عليك فى الدنيا وانا اغفرها لك اليوم .. طب لو انت معفو عنك ولا تتسأل عن حاجه ولا كانك عملت اى حاجه متخيلين يا جماعه يوم القيامه لما ينادى اللى زنو يقومو واللى سرقو يقومو وانت قاعد كدا مستني دورك ينادو على ذنوبك ولو مغفور ليك حينادو عليك لاكن لو معفو عنك حتبقى قاعد ولا كانك عملت اى حاجه .. انا عاوزه اقولكم ان العفو دا حلو انا عاوز كل واحد يقول من قلبه : اللهم انك عفو تحب العفو فاعفو عنى يا جماعه احنا محتاجين العفو المغفره لوحدها مش حتطلعك المقام لازم تكون معفى عنك
حنتكلم عن اسم (الله بديع السموات والارض): هوا ربنا بيقول بيدع ايه !! السموااات دا حنا بنتكلم عن سما واحده بنقول عليه بديع فيهاا تخيلو ال 6 سموات التانيه شوف الله سبحانه وتعالى بيتحدى الانسان بيقوله ايه : ( الَّذِي خَلَقَ سَبْعَ سَمَاوَاتٍ طِبَاقًا مَا تَرَى فِي خَلْقِ الرَّحْمَنِ مِنْ تَفَاوُتٍ فَارْجِعِ الْبَصَرَ هَلْ تَرَى مِنْ فُطُورٍ (3) ثُمَّ ارْجِعِ الْبَصَرَ كَرَّتَيْنِ يَنْقَلِبْ إِلَيْكَ الْبَصَرُ خَاسِئًا وَهُوَ حَسِيرٌ )شوف ربنا ابدع فى الكون ازاى فى اماكن احنا مشوفنهاش هوامبدع فيهااااا
لاسماء كتيير اى واحنا عاوزين نتراجع مثلا اسم الله ( القريب) : (وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ
ليه مقلش فقل انى قريب !! قال فأنى .. لان مفيش واسطه بين العبد وربه فقال ربنا انى قريب قبل ما اكون مجيب يعنى لو استشعرت قرب الله منك وحسيت يعني ايه قريب فعرفت انه اقرب ليك من اى حد اقرب من واحد صحبك قريب عارف مشاكلك .. انت لو قربت من ربنا حتندم على الايام اللى مقربتهاش منه وعيشت فيها وانت مش قريب منه فانى قريب اجيب الدعاء اللى انت بتدعى بيه ربنا كل يوم بينزل فى الثلث الاخير بيقولك اطلب ادعي واحنا مش بنفكر بنقف الصبح نطلب من الانسان وبنسيب ربنا اللى بيجيلنا بليل ويقولنا اطلب انت عاوز ايه انا قريب ومجيب يعني احنا من غير ربنا ولا حاجه اذا كان الطبيب هوا الله واذا كان القادر هوا الله والملك هوا الله والشافى هوا الله تقف على باب غيره !! ليه اذا كنا اتكلمنا دلوقتى قد ايه اللى بتعبده قدير اللى بتعبده بصير اللى بتعبده مجيب اوعى حاجه تأخركم عن ربكم ابدااا
انت لو عرفت ربنا كل حاجه حتتغير جواك معاملتك حتتغير حياتك حتتغير كل ما حتعامل ربنا فى مراتك فى اخوك فى كل انسان تعالمو بما يرضى الله الحياة حتبقى جنه والناس كويسه
التوصيه لله :
_حفظ الاسماء الله الحسني بمعانيها والثني عليه بأسماءه فى كل وقت وفى كل مكان فى الشارع فى الصلاه
_ قيام الليل نقف بين ادين الملك
_ النوافل
_ صلاة الوتر صلى الله عليه وسلم قال : إن الله زادكم صلاة وهى الوتر فصلوها فيما بين صلاة العشاء إلى صلاة الفجر
تعليق