نعيم المراة فى الجنة للشيخ حازم شومان // مفهرس

[جنة الرحـمـن]

بسم الله الرحمن الرحيم



درس نعيم المراة فى الجنة
للشيخ حازم شومان
{لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو
اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا}
بسم الله والصلاة والسلام على رسول الله الحمد لله وكفى وصلاة وسلام على عبادة الذين اصطفى
ثم أما بعد،

لو سألتى أي بنت من البنات في نادي من النوادي أو أي بنت في أي ساحة جامعة من الجامعات أو أي بنت أو أي شابة سألتيها أو انت سالتها إيه أحلامك في الحياة هتقولك أول حلم إن أنا نفسي افضل جميلة على طول حياتى كل اللى يشوفونى يفضلوا وقفين على رجل واحدة واول ما ادخل اى شارع الناس كلها تبهر واو - بج واو والناس كلها تبصلى لحد ما يبقى عندى 60 سنة وافضل جميلة والناس كلها تبصلى على طول وافضل جميلة جمال لا ينطفى ابدا وبعد كدة نفسى افضل صغيرة على طول ودلوعة على طول ومرحة على طول وجميلة على طول والناس كلها تجنن على طول وبعد كدة نفسى لما اتجوز اخلف عيال شبه عيال اللى فى اعلانات البامبرز عنين ملونة وعيال اقطاط افضل اتنعم بيهم على طول واخلف عيال كتير ويفضلوا جمال فى عينيا على طول وبعد كدة اللى بعد كده مهم جدا نفسى اتزوج واحد جميل جدا وقوى جدا وروش طحن اخر حاجة وتنين وحاجة تملى العين وظريف جدا وبادى بلدنج وجامد ووسيم وكمان يكون معاه فلوس كتير جدا علشان اعمل شوبينج فى اى مول وفى اى وقت واشترى كل اللى انا عايزة دى حاجة جميل جدا جدا جدا
دى يا جماعة احلام كتير جدا من البنات
ودى تصوراتهم عن السعادة فى الدنيا يا جماعة
احنا النهاردة عايزين نتكلم عن نعيم المراة فى الجنة
عايزين نتكلم عن اصناف تتوه العقل وتطير العقل عايزين نقول للستات
يا بختكم لو دخلتوا الجنة




1- نعيم الجمال الربانى
عايزين نتكلم عن كل واحدة لو عرفت النعيم اللى مستنيها فى الجنة لو اطاعت ربنا سبحانه وتعالى هتنسى الدنيا وهتنسى متاع الدنيا وهتنسى انها تخلف عيال شبه العيال بتاع اعلانات بامبرز وهتنسى ان هى يكون قضيتها تحط عدسات ملونة وتغير الونها ، وانها تروح مراكز التجميل وتخرب بيت زوجها انها تصرف على مراكز التجميل وتقوله ياحبيبى عايزنى اكون زى جريتا جاربوا دفع وكلف يا حبيبى عايزينى اكون بالكاتشب والمايونيز ادفع وكلف يا حبيبى ومراكز التجميل خربت بيوت الرجالة علشان الستات يفضلوا حلوين على طول
فى حين انت لو سالت اى رجل نفسك فى اية سوء كان ملتزم او غير ملتزم يقولك انا نفسى فى الحور العين طبعا يا عم ستات دنيا ايه
حور عين
الحور العين هما الحاجة الجميلة الحور العين مش الحور الطين احنا عايزين ندخل الجنة ونتجوز الحور العين
طيب انت تعرف ان زوجتك هتكون معك فى الجنة
مراتى انتو مش بتقولوا ان مفيش فى الجنة نكد
مراتى اية هى مراتى هتكون على نفسى فى الدنيا وفى الاخرة
الحور العين يا اخى يعنى روى احد الدعاة ان واحد سافر من جنوب شرق اسيا الى السعودية وهو بيطوف حولين الكعبة وطبعا انتو عرفين الناس دى بتكون مروحنة اوى وبيبقوا هيتجننوا وبيعقدوا يطوفوا طول اليوم وده قعد يطوف ويقول يا رب حور عين يا رب ادخل الجنة يارب حور عين وناسى ان الشمس فوقية لغاية ما جالوا ضربة شمس واتنقل الى المستشفى اللى جانب الحرم ودخلوه غرفة كل اللى فيها ابيض فى ابيض الحيطان بيضة والمليات بيضة والستاير بيضة شوية وبيدا يفوق من الغيبوبة فالممرضات بداوا يدخلوا علشان يشوفوة ويطمنوا علية فهو لقي نفسة فى اوضة ابيض فى ابيض ولقى الممرضات لبسين ابيض فقال الحور العين كلهم لا واحد واحد انا اقعد اعبد ربنا واطوف حولين الكعبة علشان الحور العين ياتوا كلهم لا مرة واحدة لا واحدة واحدة
خلاص يا جماعة بردو انا عايز اقول للرجالة انتو عندكم تصورات وهمية شوية
يا جماعة انتو لو عرفتوا جمال نسائكم فى الجنةهتنسى اى حاجة غير ان يا رب دى تبقة زوجتى فى الجنة لو انتو عرفتوا جمال نساء الدنيا فى الجنة هتقولوا يارب جوزنا من نساء الدنيا فى الجنة جوزنا من دول يا رب اصلا انتى هتتقارنى بالحور العين ازاى فى الجنة
ازاى دا دى نوع نعيم ربنا خلقه فى الجنة زى كراسى الجنة زى تفاح الجنة زى انهار
نوع نعيم ربنا خلقة فى الجنة لكن انتى لا انتى هتكونى ملكة متوجة بحق وحقيقى انتى اللى فى الدنيا تعبتى انتى اللى فى الدنيا لبستى حجاب امهات المومنين انتى اللى مشيتى فى الحر واستحملتى حجابك وصومتى وريقك نشف على نقطة ماء ازاى هتتساوا ببعض بوحده متعبتش ولا صامت ولا صلت انتى اللى فى عز الثلج صحيتى علشان تقومى الليل انتى اللى فى عز الثلج اتوضتى علشان تصلى الفجر وكنتى مثلجة من المية بس علشان رضا الله انتى المتوضئة انتى اللى استحملتى علشان رضا ربنا سبحانه وتعالى
يبقى اذن كيف يقارن هذا بهذا يا جماعة كيف يقارن هذا بهذا
يبقى عايزين نتكلم النهاردة عن نعيم نساء الجنةوعن نعيم نساء الدنيا فى الجنة يا ترى هتخدى اية النهاردة ان شاء اللة باذن الله هنتكلم عن 15 نوع من انواع النعيم اللى مستنيكى انتى لو دخلتى الجنة احنا قعدين دلوقتى نقول يا بخت الستات دى احنا عايزين حد يدينا درس عن نعيم الرجل فى الجنة لما الستات واخدين كل ده فى الجنة
يا ترى اكلمك عن ايه عن نعيم الجمال جمالك فى الجنة والجمال نفسه انواع
ولا عن تزايد الجمال باستمرار ان انتى على طول جمالك اوبر شوت قاعد يطلع يطلع زى السهم الطالع لا ينزل ولا يقف
ولا اكلمك عن نعيم الجمال الربانى يعنى ايه الفرق بين جمالك وبين الجمال الربانى لالا مينفعش انتو بالذات الستات مينفعش ان انتو لا تعرفوا الفرق بين الجمال و الجمال الربانى يعنى ايه الجمال الربانى الجمال اللى جاية من غير بهدلة الجمال اللى جاية من غير فرد الشعر ومكوة رجل اللى ثلاث مرات فى الاسبوع علشان الشعر يفضل مفرود والتخسيس والرجيم واقبل ما تكلى بكو بسكوت شوفولى يا جماعة دة فية كم سعر حرارى والطخن وتقعدى يا عينى لحد ما تطلع روحك علشان تخسى نصف كيلو وتحرمى نفسك من الاكل وبعد التخسيس تخافى تاكلى احسن تتخنى تانى وتروحى الجيم وتعملى تمارين وتحرمى نفسك من الاكل علشان تخسىي وعايزة فرض
الجمال الربانى دا ان انتى جميلة من غير تعب ان انتى جميلة من غير عدسات ملونة ان انتى جميلة من غير كوى ان انتى جميلة من غير ما تنزلى تدورى على الموديلات ومن غير الازياء ومرة معاكى فلوس ومرة معكيش فلوس ان انتى جميلة من غير تعب الجمال الربانى ده كما قال النبى صلى الله علية وسلم لو اطلعت امراة من نساء اهل الجنة الى الارض لملات ما بينهما ريحا عندها غدد عطرية المراة فى الدنيا عندها غدد عرقية انسانة زى البشر كلها فى الجنة عندك غدد عطرية انتى بتبخى عطر طول ما انتى ماشية دى دا غير البرفانات بتاعتك دا دى نوع من انواع النعيم هنتكلم عنه دلوقتى ان انت الحلى والثياب والبرفانات بتاعتك ليه وضع تانى طبعا غير الراجل فى الجنة (ولاضاءت ما بينهما) غير الميكب والكريم الاساس و12 نوع مكياج فى الوش و 6 انواع مكياج فى العين دا لوحدك (ولنصيفها على راسها خير من الدنيا وما فيها) دة انتى لو مغطية راسك وشعرك ما نزلتش فى المسابقة اجمل من ملكات جمال العالم مجتمعات يعنى لو حطوا دول فى كفة وانتى لوحدك فى كفة كل الرجالة هيقولوا لا دى اجمل مليون مرة دى دا لسة الشعر لم ينزل فى المسابقة دى دة وانتى صحية من النوم دى دة جمال كدة ربانى يبقى نعيم الجمال الربانى ادى نوع من انواع النعيم طبعا احنا مش بنتكلم باستقصاء لان الموضوع صعب يا جماعة الموضوع تقيل اما الجمال فى الدنيا محتاج تكاليف الرجالة بيتهم بتتخرب حسبى الله ونعم الوكيل الراجل بس اللى بيفكر ان هو عايز مراتة تبقى جميلة على طول خالص شفلى بقة 10000 جنية كل شهر ومراكز التجميل تكسب حسبنا الله ونعم الوكيل وكل شوية يخترعوا حاجات جديدة والرجالة هتعمل ايه غلابة الرجل يقعد يكسب ويصرف على مراته علشان مش تاكله علشان تفضل حلوة وفى النهاية دة اسمه الجمال الربانى فيه نعيم تانى اسمة نعيم




2-نعيم الراحة

الراحة يعنى ايه؟ نعيم الراحة يا سلام نعيم الراحة ده لا فية عيال تغيريله البامبرز ولا فيه عيال تغيرلهم الهدوم ولا جوزك هيقولك هتتطبخى ايه النهاردة وتقوليله معلش النهاردة خليها دليفرى انتى على طول عايشه دليفرى فى الجنة دليفرى على طول بيتطبخلك انتى وجوزك ولا بعد الاكل قومى يا ام العيال ربنا يعينك شيلى الاطباق واغسلى الصحون ونظفى المواعين واغسلى الهدوم وانشرى الهدوم ولمى الهدوم واكوى الهدوم ورتبى البلورات وطلعى الهدوم الصيفى وطلعى الهدوم الشتوى والولد ده ماشى البنطال بتاعه عامل كدة ليه .... مفيش راحة
انتى عامله فى الجنة زى الباشا نعيم الراحة ده نوع من انواع النعيم ان انتى عايشة ملكة ده تانى نوع من انواع النعيم التى تقدره المراة نعيم الراحة انا مش عارف هنذلكم فى الجنة ازاى ان شاء الله هنشوفلكم حل فى الجنة الواحد كان بيقول هعرف اتحكم فى مراتى بالحور العين اكتشفنا ان مفيش وجه مقارنة بينك وبينها ان انتى اجمل منها فى الجنة بما لا يحصى امال فى الجنة هنتحكم فيكم ازاى ان شاء الله يقينًا فى الله بردو الرجاله لهم اصناف نعيم كتيرة جدا ثلاثة انواع من انواع النعيم




3-نعيم الشوبينج
هى الست اللى عايزة تشترى كل حاجة المهم ان هى ترجع شايلة الى البيت المهم انها شايلة وخلاص المهم انها نزلت واشترت حاجات من المول فيه ستات انا لا اعرف ازواجهم عايشين معاهم ازاى او مستحملينهم ازاى هى وظيفتها الوحيدة انها تنزل المولات وتقعد تشترى وزوجها يا عينى لما يروح عمرة تلاقيه يقعد ينزل اصل هشترى لمراتى هتشترى لمراتك ايه؟ هو لازم اجيب لمراتى حاجات كتير جدا والا لا ترضى ان اذهب الى العمرة
نعيم الشوبينج فيه سوق كل يوم جمعة بيتعمل فى الجنة انزلى بقه اعملى شوبينج حاجات كلها من اصناف الجنة بس الحمد لله المرة دى مش هتخربى بيت جوزك المرة دى ملكة بحق وحقيقى فانتى بتبدلى اصناف النعيم بتاعتك مع اصناف النعيم بتاعة الاخرين حتى نعيم الشوبينج ربنا لم يحرمك منه فيه نعيم تانى جميل اوى فى الجنة




4- نعيم ليلة العمر

يعنى اية نعيم ليلة العمر اللى سمى ليلة الدخلة ليلة العمر يقينًا مش الرجالة لان الرجالة يا جماعة مش فى بالهم الامر ده لان الراجل بالنسبة له فى حاجات كتيرة اوى اجمل من الحدث ده فى حياته فى حاجات تانية مهمة اما الستات فهى مهمة جدا لها وهى بالنسبة لها ليلة العمر هلبس فستان عامل شكلة اية وهقضى شهر العسل فين
لما واحد يبقول لواحد الجواز دة عامل زى البرميل كلة زفت لكن من فوقة شوية عسل وبعد كدة كل اللى فية زفت فقاله يا اخى انا باينى فتحت البرميل ده من تحت دا انا حتى مالقيتش شوية العسل اللى من فوق امال العسل فين اللى فوق ليلة العمر بالنسبة للستات حاجة ضخمة وتخلى ابوها يصرف مية الف جنية لية علشان ليلة الدخلة يا بابا وانا هفرح كم مرة دا ليلة العمر وتتصور وتفضل الصور تفرجها لاولادها لما يبقى عندها سبعين سنةوتعقد تجيب ولادها تفرجهم على ليلة العمربتاعتها اية رايكى ان ربنا مديلك فى الجنة كل يوم ليلة عمرطب الكلام دة جبتوة منين الكلام دة انت جبتة بدليل قال تعالى{مُتَّكِئِينَ فِيهَا عَلَى الْأَرَائِكِ لا يَرَوْنَ فِيهَا شَمْسًا وَلا زَمْهَرِيرًا} انتى عارفة الاريكة اللى هى اية كوشة الفرح يعنى حتى ان بعض المفسرين يعنى لم يشبة الاريكة بكوشة الفرح انما قال ان الاريكة دى زى الناموسية اللى هى زى السرير كدة وعليها حاجة بتغطى طيب وهى زى كوشة الفرح اصلا اللى هى كانوا بيعملوها زمان ان العروسة تقعد على حاجة زى الكراسى العرش كدة وينزل عليهاحاجة كدة مخملية خفيفة كدة تبقى اقعدة جوة الكوشة متكئين على الارائك دى مش فى اول ليلة القرآن لم يقول كدة ولكن على طول انتى عروسة على طول وكل يوم حتى بتعودى بكر بعد كل جماع وحتى الجماع بدون الم لية انتى بكر فى نفسيتك وفى عواطفك ومشاعرك يعنى متعة ليلة العمر اللى انتى عايشة فيها القضية مش مرتبطة بالجماع بس انما زى ما هنتكلم عن الرومانسية فى الجنة عن الحياة نعيم الرومانسية اللى مستنيكى يعنى النوع الرابع اللى اخنا فية دلوقتى نعيم ليلة العمر كل ليلةانتى كل يوم عروسة فى عنين زوجك كل يوم فرحة قلبك زى فرحة العروسة ليلة الدخلة كل يوم سعادتك سعادة ليلة العمر سعادة شهر العسل انتى عايشة فى شهر عسل مستمر فى الجنة تعالوا بقة لما نمسك النوع الخمس





5-نعيم التميز فى الجنة

انا هقارنلك ما بينك وما بين الحور العين فى الجنة هقارنلك وخدى بالك انا هجبلك احاديث واجبلك اقوال العلماء علشان ما تقوليش ايةاحنا بنوعظك وبس قال الامام ابن القيم يقول عن نساء الدنيا اذا دخلت قصرها اضاءت منة كل شى انتى ماشية نور فى الجنةنور بتنورى كل حاجةواذا تحدثت الى زوجها زهد فى الجنة وما فيهااى شغل بها عن الجنة وما فيها لا حور ولا قصور يعنى عايزة تعقدى معة كدةلحد ما قلبة يدوب من حبك من جمالك انتى فى الجنة شخصية تانية عربا يعنى شخصية يعنى عارفة لما يقولك دى البنت دى فريا واستايل والاكسبرشن بتاعتها حاجة خطيرة والمكسانج بتاعتها لو جاءت تعنى لجوزها لالالا دى انتى حاجة تانية فى الجنة دى انتى فى نيولوك فى الجنة لو اقعدتى تتكلمى مع جوزك بس اول ما ينبهر بجمالك وشخصيتك وظرفك ولطفك والاستايل بتاعك ينسى الجنة واللى فيها دة انتى احنا بنتكلم عنك انتى تضيعى النعيم دة باية تزهدى فى النعيم دة لية انتى بتبيعى اية بايةاللى سيبة نعيم الجنة اللى بتتمكيج فى الدنيا تحرمى نفسك من مكياج الجنة لية تحرمى نفسك من برفان الجنة ببرفان الدنيا الحرام فى الشارع لية تستبدلى برفان الجنة ببرفان الدنيا لية تحرمى نفسك من اكسسوارات الجنة لية باكسسوارات الدنيا لية دة لما بتلبسيها بتحرمى نفسك من تبرج الدنيا بتبرج الجنة مش اللى بيشرب الخمر فى الدنيا لا يشربها فى الجنة مش اللى بيلبس الحرير فى الدنيا لا يلبسها فى الجنة انتى لما بتعصى ربنا جهرا اقدم الناس بهذة المعاصى فى الدنيا بتحرمى نفسك منها فى الجنة تحرمى نفسك من النعيم الرهيب دة لية تحرمى نفسك منة ابن عثيمين بيقول (شتان بين من دخلت الجنةجزاء عملها الصالح وبين من خلقت ليجزى بها صاحب العمل الصالح)يعنى صامت وتعبت ولبست حجاب امهات المومنين واتكلمت عن ربنا وداعت الى اللة وربت اولاها تربية اسلامية واستحملت الضغط النفسى ودى تقولها انتى لبسة زلومة اية النقاب اللى على وشك دةودى تقولها انتى لبسة عفريت وعملة فى نفسك كدة لية وامها تضغط عليهاوابوها يقولها خليكى كدةمش هتجوزى ولا حد هيبصلك وهى صبرة وصامدة ومستحملة وعلى باب الجامعة يقوللها لا تدخلى ولا تدخلى الامتحانات طول ما انتى لبسة النقاب وهى وقفة فى المجتمع الاعلام بيحربها وبيتها بيحربها ونفسها فى زوج صالح ويمكن نتيجة ظروف المجتمع اتاخر عنها شوية انتى عا يشة فى حرب

يعنى تعرفى ان انتى وجوزك ليكم حور عين اصلا

انت كمان ليكى وصيفات يعنى انتى عاملة زى الملكة متزوجة ملك شوفى الحديث ده عن الترمذى عن السيدة عائشة(تغنى الحور بصوت عزب لم يسمع مثله قط ياخذ بعضهن بايدى بعض ويتغنين باصوات جميلة "نحن الراضيات فلا نسخط ابدا ونحن المقيمات فلا نظعن ابدا ونحن الخالدات فلا نموت ابدا ونحن المنعمات فلا نباس ابدا ونحن خيرات حسان حبيبات لازواج كرام" وردت عليهن نساء الدنيا فقالو "نحن المصليات وما صليتن ونحن الصائمات وما صمتين ونحن المتوضات وما توضئتن ونحن المتصدقات وما تصدقتن ونحن اللابسات الحجاب فى الدنيا وما لبستين ونحن الداعيات الى الله وما دعوتن ونحن المضحيات فى سبيل الله وما ضحيتن ونحن المربيات للجيل المسلم وما ربيتن" قالت عائشة فغلبتهن والله ) فلا تنفع المقارنة بين نساء الدنيا والحو العين ولا حتى المساوة بينهم لان نساء الدنيا تعبت فى الدنيا وحاربت من اجل دينها وعفت نفسها واستحملت كثيرا من اجل رضا ربنا فكيف تتساوى بمن لا تفعل اى شى من هذا




6-نعيم الزوج فى الجنة

نحن لم نتكلم عن وصف الراجل فى الجنة ووصف الازواج فى الجنة دة شاب جماله جمال يوسف الصديق يعنى لو شفتيه تقطعى ايديكى من جماله طيب ممكن يكون جميل بس ضعيف البنية شوفى بقى طوله وعرضه على جسد سيدنا ادم 60 ذراعا فى السماء الله اكبر يعنى عمارة وبعد كدة ممكن يكون جميل بس انسان جاف مشاعره جافة لالالا ده عواطفة متفجرة قال (فِيهِنَّ قَاصِرَاتُ الطَّرْفِ لَمْ يَطْمِثْهُنَّ إِنسٌ قَبْلَهُمْ وَلَا جَانٌّ . فَبِأَيِّ آلَاءِ رَبِّكُمَا تُكَذِّبَانِ)مش قادرة تشيل عينها من على زوجها وقال مفسرين اخرين يعنى مخلين ازوجهم كتر جملهن مش قادرين يشيلوا عنيهم من عليهم يعنى تخيلى بقى المراة اكتر حاجة تاثيرها ان حبيبها يفضل يبصلها

ويحط عينها فى عنيه ان يقولها كلام الحب
دا وصف جزئى لسة فاضل النعيم السابع نعيم الرومانسية

احب حاجة لقلب زوجك عواطفه قاصرات الطرف يعنى مش قادر يشيل عينيه من عليها طب الرومانسية اللى بينكم لما يرجع بعد سوق الجمعة ويشوفك يقول لكى لقد ازدادتم جمالا على جمال بعدنا حسنًا وجمالا ايه الحلوة دى ايه الطعامة دى كل حاجة فيكى جميلة تخيلى وهو بيقولك كل حاجة فيكى جميلة الحسن ده غير الجمال حسن الملامح الجمال ده جمال المكياج جمال البرفان وجمال حاجات كتيرة فيكى

تتمنى ان انتى تتزوجى مية مرة منه الجواز ده عايز صحة وقوه اوتى قوة مائة رجل فى الطعام والشراب والجماع والشهوة طيب انتى دلوقتى لم تحط الرومانسية مع نعيم الزواج فى الجنة اصل الناس كلها فكرة ان الزواج فى الجنة واحد وواحدة فى جماع على طول مستمر يا اخوانا مين اللى قال التصور الغريب ده علشان كدة النقطة السابعة لسة كمان لم نتكلم عن الحلى للراجل والملابس و الزينة ودلوقتى هنتكلم عن

الرومانسية فى الزواج النوع السابع




7-نعيم الرومانسية فى الجنة

اية يعنى معنى الرومانسية فى الجنة الزواج مش بس متعة جسدية

مش بس ليلة دخلة الجواز فى الجنة علاقة رومانسية مهولة نفسى اقولكم عن نعيم الحب فى الجنة اصل الحب مش حبك لزوجك بس دى قصة كبيرة الجنة دى شىء مذهل يعنى احنا لو عرفنا يعنى ايه جنة هنضحى بكل حاجة من اجل الجنة هضحى بعمرك علشانها مش هيغرك شوية مكياج ولا برفان ولا اسم عريس ربنا كتبه من خمسين سنة وتحطى برفان فى الشارع وربنا يعقبك انتى عارفة النبى قال على اللى بتحط برفان فى الشارع ربنا بيلعنها ليه تعرضى نفسك لكدة ليه سبحان الله العظيم الرومانسية فى الجنة يعنى اية الرومانسية بقة هى زى اية {يُسْقَوْنَ مِن رَّحِيقٍ مَّخْتُومٍ} (يعنى جوزك يقولك انتى مش هتمدى ايدك انا اللى هخدمك انا اللى هشربك بايديا انتو عارفين النبى لما كان يجيب موضع فم السيدة عائشة ويشرب مكانها يعنى يشرب مكان شفايفها فى الكوب ايه الرومانسية دى ايه الجو الرومانسى الرهيب ده كان النبى يتسوك قبل ان يدخل البيت العلماء قالوا بيعطر فمة علشان يقبل زوجته تخيلى بقى دى رومانسية الدنيا اما رومانسية الجنة ايه يعنى الراجل الذى يقول لزوجتة كلام حب بتفضل العاطفة متفجرة على طول فى قلبها وقد عمل الشيخ ابراهيم درويش درس اسمه بحر الحب ولكن من التاثير اللى عمله فى التركيبة النفسية بتاع الملتزمين والملتزمات انا نفسى ان الدرس ده كل الناس تسمعه ازاى الراجل يعيش مراته فى بحر الحب الست بتحب كلام الحب بتموت فى الرومانسية الست بتموت فى الرجل يبصلها بعنيه يعنى الرومانسية ده نعيم تانى بين المراة وزوجها فى الجنة متعة من جو الحب مهولة




8- نعيم الرفاهية
1. ايه نعيم الرفاهية دى ان انت ربنا بيعملك فى الجنة معاملة بنت الملوك بنات الملوك تختلف عن باقية البنات مش كان نفسك تبقى ملكة مش كان نفسك تتعملى معاملة الاميرات ولكن اميرة بقة تشوفى انتسابك لرب العالمين فى الجنة هتاخدى فية اية انتى تعالى نفتح سورة الانسان ونقرا
قوله تعالى {فَوَقَاهُمُ اللَّهُ شَرَّ ذَلِكَ الْيَوْمِ وَلَقَّاهُمْ نَضْرَةً وَسُرُورًا )الست بمشاعرها المرهفة من الاول النضرة والسرور زى بنات الملوك اهاليهم الملوك لا يخلوهم يتعبوا فى شى لا تمدى يدك على حاجة وقوله تعالى {وَجَزَاهُم بِمَا صَبَرُوا جَنَّةً وَحَرِيرًا ) يعنى الحرير دة لبس الملوك لبس بنات الملوك وقوله تعالى {مُتَّكِئِينَ فِيهَا عَلَى الأَرَائِكِ لا يَرَوْنَ فِيهَا شَمْسًا وَلا زَمْهَرِيرًا) يعنى كوشة الفرح انتى عروسة على طول انتى فى شهر عسل على طول وقولة تعالى {لا يَرَوْنَ فِيهَا شَمْسًا وَلا زَمْهَرِيرًا) بنات الملوك لا يمشون فى الحر ولا تمشى فى البرد ويوفر لكى كل شى نحن نهتم بادق التفاصيل وقوله تعالى {وَدَانِيَةً عَلَيْهِمْ ظِلالُهَا وَذُلِّلَتْ قُطُوفُهَا تَذْلِيلا) ان انتى لا تتعبى وان الفاكهة تاتى لحد عندك وقوله تعالى {وَيُطَافُ عَلَيْهِم بِآنِيَةٍ مِّن فِضَّةٍ وَأَكْوَابٍ كَانَتْ قَوَارِيرَا )وانتى فى مكانك ليكى وصيفات لا تعد ولا تحصا وقولة تعالى {قَوَارِيرَ مِن فِضَّةٍ قَدَّرُوهَا تَقْدِيرًا) يعنى انتى قاعدة فى اوبن بوفيه انتى قاعدة والناس كلها بتخدمك اللى بتطلبيه بيقولك شبيك لبيك يا مولاتى انتى فى الجنة ان الكل بيسال فيكى قال تعالى ( وَيُسْقَوْنَ فِيهَا كَأْسًا كَانَ مِزَاجُهَا زَنجَبِيلا) جوزك بيمد ايده مش هتمدى ايدك دى انا اللى هخدمك دى بنات الملوك مش بيتعاملوا كدة قال تعالى (عَيْنًا فِيهَا تُسَمَّى سَلْسَبِيلا) المسارات الساحرة فى الجنة والساحل الشمالى بتاع الجنة وشرم بتاع الجنة وقوله تعالى (وَيَطُوفُ عَلَيْهِمْ وِلْدَانٌ مُّخَلَّدُونَ إِذَا رَأَيْتَهُمْ حَسِبْتَهُمْ لُؤْلُؤًا مَّنثُورًا) حتى عاطفة الامومة مش هتتحرمى منها فى الجنة اولادك فى الجنة ايه الجمال ده ايه الرفاهية دى وقولة تعالى (وَإِذَا رَأَيْتَ ثَمَّ رَأَيْتَ نَعِيمًا وَمُلْكًا كَبِيرًا) اللى اقل منك فى المقام يعنى انتى فوق الملوك كمان يبقى نعيم الرفاهية





9-نعيم الجمال
جمالك اذا كانت الحور العين لو اطلت من السماء لملات الارض جمالا اما انتى جمالك عامل ازاى اذا ضحكت حورية فى وجه زوجها فى الجنة اضاءت له الجنة ، جمالك انتى يعنى شفايف المرأة فى الجنة ابتسامتك ضحكتك كاريزمة المراة فى الجنة عينيها فى الجنة قوله تعالى ( كَأَنَّهُنَّ الْيَاقُوتُ وَالْمَرْجَانُ ) دى الوان دا شوية الوان دى احجار كريمة ومجوهرات اتركبت على بعض وبقوا بنى ادم العنين لون والخدود لون والشفايف لون والجسد لون والشعر لون اذا كان يا اخوانى نعيم الحور العين بيخطف القلب لما تتوصف امال انتى جمالك شكله ايه الجمال عند المراة بيفرق اوى اما الراجل يعنى ممكن نقول ان هو وسيم يهمه ان هو لما شعره يوقع يفضلة شوية شعر فى راسة وخلاص حاجه كدة يعنى الراجل عندة شوية اعتبارات كدة الموضوع مش شغلة لان هو عندة اعتبارات كتيرة تانية فى حياتة انما الست بالنسبة لها الجمال ده كرامة علشان كده النبى علية الصلاة والسلام قال ان من حقوق المراة "ولا يقبح" يعنى اوعى ان راجل يقول لمراته انتى وحشة، حرام عليك انت كده بتطعنها فى كرامتها اما فى الجنة الجمال اللى بحق وحقيقى لما بشوف بنت صغيرة ماهيش جميلة وماشية فى الشارع قلبى بيتقطع عارفين ليه بقول ياه البنت دي فرصتها فى السعادة فى الدنيا لاتقل 1فى المليون عن فرصة اجمل بنت فى الدنيا فى السعادة بس عمرها ما هتفهم كده اللى لو عرفت ربنا عمرها ما هتفهم كده الا لو بقه مؤمنة بالله لا بحق وحقيقى لان ربنا هو اللى خلقك كدة واختار ملامحك كدة وان انا لو خيرونى بين اى ملامح تانية وملامحى مش هختار اللى خلقنى بية الله واللى ربنا اختاره لى لكن انا عارف ان هى مش هتفهم كده وهتطلع معذبه نفسيا وهتنام ليالى زعلانة وتقول ليه مكنتش اجمل من كده ليه مكنتش اطول من كدة ليه مكنتش ابيض من كده واه لو تعرف ان اختيار ربنا ليها هو اعظم حاجة فى الدنيا وفى الاخرة قلبها هيدوب من الفرحة باختيار ربنا ليها جمال المرة ده حاجة مهمة اوى يا جماعة حاجة ويقول ان الحور العين لو تفلت فى البحر لجعلتة عزبا جمال الريق بتاعها العيون الساحرة لما تيجى تتحرك الحور اللى هى شدة جمال العين شدة بياض الجسد تخيلوا اذا كان دة وصف الحور امال هى وصفها ايه؟ امال جمال المراة فى الجنة شكلة ايه؟ يبقى نعيم الجمال حتى جمال صوتك كنتى بتتمنى ان يكون صوتك اجمل من كده وتبقى اجمل من اجمل صوت مغنية فى الدنيا جمال شكلك اجمل من مليكات العالم كلهم




10- نعيم الزينة والحلى والثياب
انتى بالنسبة لك النبى عليه الصلاة والسلام يقول "فيها ما لاعين رأت و لا أذن سمعت ولا خطر على قلب بشر" يعنى اطلبى المجوهرات والماس واللؤلؤ بتاعتك فى الجنة يعنى انتى تشاكيل الازياء بتاعتك فى الجنة اللى فى دولابك كل ثوب لون وشكل غير التانى وموديل واستايل غير التانى كل برفان من برفاناتك جاجة تانية غير التانى خالص يعنى مفيش واحدة زى التانية فى الجنة برفانات الجنة غير برفانات الدنيا برفانات الجنة عطور الجنة تخيلى ان الارض اللى انتى ماشية عليها من اللؤلؤ والمرجان امال انتى اللؤلؤ اللى انتى لبسه والذهب اللى انتى لبسة شكلة اية وذهب الحلى بتاعك يبقى نوع تانى خالص بقى غير ذهب الدنيا ده ذهب من الجنة ده حاجة تانية خالص فى شكلة لما اكسسوارات الدنيا بتخطف القلب امال اكسوارات الجنة هتبقى عاملة ازاى وهيكون شكلها ايه تخيلى الميكب بتاعك على التسريحة بتاعتك فى قصرك فى الجنة هيبقى شكلها ايه؟




11-نعيم الاملاك فى الجنة
يعنى انك ملكة متوجة لبسة التاج على مفرق راسك قعدة على العرش قوله تعالى {عَلَىٰ سُرُرٍ مَّوْضُونَةٍ} سرر معناها عرش عرش الملك موضونة مشغولة بالذهب ، امال انتى لبسك نفسه شكله ايه هى المرأة كمان ليها فى نعيم الاملاك حديث النبى عليه الصلاة والسلام (بشر خديجة بقصر من قصب لا نصب فيه ولا وصب )لاأنها وفرت للنبي عليه الصلاة والسلام بيت لا نصب ولا وصب فربنا أعطاها بيت لانها لم تتعب النبى سابته يتفرغ للدعوة عليه الصلاة والسلام القصب اللى هى جواهر مرصعة باللؤلؤ والمرجان القصر نفسة النبي قال ان قصر سيدنا عمرو بن الخطاب من الذهب قصر السيدة خديجة ذهب مرصع يعنى اعلى من قصور كبار الصحابة انتى ملكة والحور العين وصيفة الحور العين نوع من انواع النعيم انتى ملكة لا تقارنى ده بده انتى اجمل حاجة فى عنين زوجك فى الجنة انتى زوجك بينسى كل حاجة لما يكون معاكى فى الجنة الحور العين ممكن تكون خدمة جبارة ليكى ليه لان لما تتحط جانبك انتى هتبانى بقى يبقى دة نعمة من نعم ربنا عليكى سبحانه وتعالى




12-نعيم تزايد جمال المراة فى الجنة
ان جمالك لايقف يعنى تخيلى واحد شاف واحدة الله دى جميلة اوى قامت رايحة وعامله تسريحة تانية واو بج واو ايه دة انتى بقيتى اجمل بكتير اوى قامت رايحه وحطت عدسة تانية وصبغت شعرها بلون تانى انتى بقيتى اجمل واجمل قامت رايحة ولبسة لبس الالوان بتاعته لايقه مع لون شعرها مع لون وجهها مع لون عنيها انتى بقيتى صاروخ ، فى الجنة بقى انتى طبيعى من غير مجهود انتى قعده تزيدى فى الجمال (لقد ازدادتم بعدنا حسنًا وجمالا)




13-نعيم الشباب
يعنى ايه نعيم الشباب؟ ان انتى تفضلى شباب على طول والمراة فى الدنيا بتكبر وتفقد جمالها وشبابها هى دى سنة ربنا انما فى الجنة الوضع يختلف تماما ان انتى مش هتعجزى ووشك هيكرمش وتوصلى لسن الياس وتبدأى ارتباطك بزوجك هيزيد اكتر ان انتى تبقى شباب على طول وحينما قال النبى للمراة العجوز لا يدخل الجنة عجوز فذهبت تبكى فارسل لها قال لها انتى سوف تعودى شابة هتبقى فى النضارة والشباب وهتكونى شباب على طول جميل جدا




14- نعيم الحب والحياة الاجتماعية
يعنى ايه ده بقى فى سورة الطور قولة تعالى ( وَزَوَّجْنَاهُم بِحُورٍ عِينٍ ) يعنى مش هتنحرمى من زوجك فى الجنة دى حاجة عالية اوى يا جماعة ان الست عندها قيمة مقدسة اسرتها دى قيمة مقدسة ان الست تحب ان تجتمع مع زوجها واولادها كل يوم وكل وقت دى بالنسبة لها متعة انت لما بتهتم بزوجتك انت اساسا بتهتم بنفسك بكرة هتكبر وهتندم ان انت خليت حياتك الاسرية حياة جافة لما هتحتاج العواطف وتلاقي ان انت لم تزرعها علشان تحصدها الست اسعد حاجة عندها ان هى تقعد مع زوجها وولادها فى البيت على طول وده هيكون فى الجنة بعد كده وقوله تعالى (وَالَّذِينَ آمَنُوا وَاتَّبَعَتْهُمْ ذُرِّيَّتُهُم بِإِيمَانٍ أَلْحَقْنَا بِهِمْ ذُرِّيَّتَهُمْ ) ان ربنا مش هيحرمك من ولادك فى الجنة يعنى ان ربنا مش هيحرمك من ولادك فى الجنة يعنى انتي لو فى مقام عالى فى الجنة ربنا يطلعلك ولادك علشان لاتنحرمى منهم ولو هما فى مقام عالى ممكن ربنا يلحقك بيهم ده كرم ربنا سبحانه وتعالى ان انتى هتكونى مع زوجك فى الجنة قمة الحب والرضا والتفاهم والجمال والانس والنعيم والرضا عن الله بس دى حاجة تانية وانتى مع زوجك هتنسى الجنة كلها وهو نفس الامر كانكم مخلوقات جديدة لانك هتتغيرى عن الدنيا تماما وهو كذلك لان ربنا هيقذف فى قلوبكم الحب




15- نعيم العظمة فى الجنة

يعنى ايه نعيم علو المقام فى الجنة انك عندك نفس الفرصة المتساوية مع الرجل فى دخول الجنة اسمع الحديث بتاع النبى عليه الصلاة والسلام حينما يدخل الجنة فيجد مرأة تسابقه فيقول لها من انتى فتقول "انا امراة قعدت على عيالى فى سبيل الله احسنت تربيتهم" انك انتى من الاوائل على البشرية وان فى الجنة التانية على البشرية ممكن تكون واحدة منكم فى الجنة وده النعيم الخاص، فى النعيم العام النعيم العام هو النظر لوجة الله هذا النعيم كل النعيم اصناف النعيم 15 دول نعيم المراة يوجد نعيم الانسانى يوجد فى القران يوجد النعيم المادى النعيم النفسى السعادة تحقيق الاحلام اصناف النعيم التى لاتعد ولا تحصى يوجد أنواع كثيرة من انواع الجنة كل دة نعيم الانثى فى الجنة يوجد نعيم الانسانة ان المراة تتساوى مع الرجال فى كل شى فى الجنة النساء شقائق الرجال انك تتساوى مع الرجل فى الاجر والثواب




الرسائل

1- انتى غالية اوى عن ربنا

2 –اوعى تضيعى النعيم ده باأي متعة من متع الدنيا

3-اوعى بسبب الاختلاط مع الشباب فى الدنيا تضيعى الزواج فى الجنة

4-اوعى بسبب موديلات الدنيا الضيقة تضيعى موديلات الجنة

5- اوعى بسبب برفان فى الشارع حرام تضيعى برفان الاخرة والجنة

6- اوعى بسبب اكسسوار الدنيا تضيعى اكسسوار الجنة

كل ده حلال ونعيم فى الدنيا بس فى بيتك مع زوجك اللى يستاهل ان انتى تضيعى كل النعيم ده علشانه
بتبيعى ايه بإيه؟؟
لما تلبسى حجاب امهات المومنين اصبرى ولكى الجنة اصبرى على قيام الليل ولكى الجنة اصبرى على التوبة من الاختلاط ولكى الجنة
دا مش نعيم المراة انما هو جزء او بعض من النعيم الذى لايعد ولا يحصى

ربنا يجعلكن اجمعين من اهل الجنة
ربنا يبارك لينا فيكم ربنا يبارك للاسلام فيكم
اللهم امين

[*أمة الرحيم*]

رد: نعيم المراة فى الجنة للشيخ حازم شومان

جزاكِ الله خيرًا ونفع الله بكِ

مجهود طيب

[حوراء الجنان]

رد: نعيم المراة فى الجنة للشيخ حازم شومان

جزاكِ الله خيرًا ونفع الله بكِ

[omabdullah]

رد: نعيم المراة فى الجنة للشيخ حازم شومان

جزاكِ الله خيرا
مجهود رائع في ميزان حسناتك بإذن الله

[مشروع ملتزمه]

رد: نعيم المراة فى الجنة للشيخ حازم شومان

جزاك الله خيرا

بارك الله فى عملك

[إيمان عيد]

رد: نعيم المراة فى الجنة للشيخ حازم شومان

جزاكم الله خيرا وبارك فى جهودكم

[bermol]

رد: نعيم المراة فى الجنة للشيخ حازم شومان

اللهم صل على خير الخلق اجمع سيدنا محمد وعلى آله وصحبه وسلم تسليما كثيرا

جزاك الله خير ا اخي

اللهم بلغنا برحمتك الجنة ... آمييييييييييين ...

[بذور الزهور]

جزاكم الله خيرًا ونفع بكم