درس الخشية وتفريغه د/حازم شومان // مفهرس

[رساله]

درس الخشية وتفريغه د/حازم شومان

فكرك انتقام ربنا مش هينزل عليك

بعد كل العظمة دى وبرضه بتعصيه فكرك انه مش هيقدر ينزل انتقامه عليك خاف من انتقامه

شوف قوله"حتى اذا جاء احدهم الموت قال رب ارجعون"

يعنى خلاص يارب تبت اليك

دلوقتى انتا عرفت ربنا

"لعلي اعمل صالحا فيما تركت كلا انها كلمة هو قائلها"

شوفت كلمة كلا زى القنبلة في وشك

هتقول ايه اذا نطقت جوارحك وشهدت عليك

.في ناس مصدقة ان ربنا لو معقبهاش في دنيتها او دراسه او صحة يبقي خلاص معملش حاجة

هو انتا لما تيجى تقف في الصف واللي عن يمينك بيبكى من خشية الله واللي جنبه خاشع.وانتا قلبك حجر مش حاسسس باى ايه

دى مش عقوبه " سلب الايمان من القلب"

وانتى بعد مالبستى حجابك الشرعى ودلوقتى عمالة تقولي انا عملت في نفسي ايه وانا سجنت نفسي.بدرى

.دى مش عقوبة

وانتا بعد مالتزمت عمال تقول انا استعجلت

يبقي دى مش عقوبة

اللي كان صدره منشرح وفجاءة اتقفل

اللي كان بيصلي السنن وهو فرحان دلوقتى بيقوم بعد الصلاة مش طايق يصلي السنة

(صرف الله قلوبهم) دى مش عقوبة

امال ايه العقوبه؟.ان 5 جنيه تقع من جيبك تبقي هي دى العقوبة

خد بالك

اى ذنب في الدنيا كبير او صغير ممكن ربنا يعاقبك بيه

مثال

كان مرة واحد قاسي جدا وكان عنده بنت صغيرة خدامة فكان بيضربها لحد مانظرها راح

ابنه اتجوز وخلف ولدين عمى

وواحد تانى كعبل واحد اعمى استهزاء بيه فمراته ولدت في نفس اليوم والطفل طلع اعمى

مرة كان في واحد سواق تاكسي ففي صلاة الجمعة قابلو ناس وقالوه ودينا المشوار الفلانى وهنديك.مبلغ كبير فاخينا طمع وساب الصلاة وراح يوصلهم

وهو في الطريق كوتشات العربية فرقعت والعربيه باظت المهم صرف علي تصليحها ضعف اللي.دفعوه ليه

الايدز وسارس ده مش من عقوبات ربنا

اللي بياكل الربا ده مش خايف من عقوبات ربنا

-اللي مش بتكلم الا اولاد ومش بتقف غير معاهم مش خايفة من عقوبات ربنا.

- اللي ماشي مع بنات وبيضحك علي دى ودى مش خايف من عقوبة ربنا

-اللي اهتمامه بجزمته اكبر من اهتمامه بقلبه مش خايف من عقوبه ربنا

-دا انتا لو جزمتك اتمهذبت هتلمعها باظت هتصلحها وانتا ثوب الايمان بتقطع في قلبك.ومش بتفكر خالص انك تعمل شىء

يبقي انتقام ربنا ممكن يجيلك في دينك ودنيتك واخرتك

سيدنا انس كان ايامة الدنيا يتغيم اوى لدرجة ان النهار بيبقي شبه الليل فسالوه يانس هل كان هذا.يحدث علي عهد رسول الله

قال: لم تكن الريح تشتد في يوم من الايام الا وكنا نبتدر الي المسجد اينا يدخله اولا

شايفين الرعب كانوا خايفين لتكون من عقوبات ربنا

الرسول كان بيقول خشع لك سمعي وبصري ومخى وعظمى وعصبي وماستقلت به قدمى

يعنى جسمى كله متفتت من كتر الخشية

والرسول كان بيخطب كتير اوى عن عظمة الله

مرة قال صلى الله عليه وسلم

ان الله لاينام ولا ينبغي له ان ينام يخفض القسط ويرفعه يرفع له عمل الليل بالنهار ويرفع.اليه عمل.النهار بالليل وحجابه النور لو كشفه لاحترقت سبحات وجهه ماوصل اليه بصره

مرة تانيه قال صلى الله عليه وسلم:

"وماقدروا الله حق قدره "

فقال صلى الله عليه وسلم ان الله يقول انا الجبار انا العزيز

فيقول الصحابه اينا المنبر يرجف برسول الله

كل شويه خطبة عن عظمة الله علشان تزيد في القلوب فين ياجماعة البكاء من خشية الله لافين.سكينة الايمان علي الوجوه

فين القران في حياتنا الرسول ص كان قران يمشي علي الارض

انتا ايه سورة ولو حتى ايه تمشى علي الارض؟

انتا بتنفذ اد ايه من القران عملي في حياتك

الحجر

"وَإِنَّمِنْهَا لَمَا يَهْبِطُ مِنْ خَشْيَةِ اللّهِ وَمَا اللّهُ بِغَافِلٍ عَمَّا تَعْمَلُون" سورة البقرة 74

الجبل

" لَوْ أَنزَلْنَا هَذَاالْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِاللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ" سورة الحشر 21

. الحجر بيتاثر بالقران وانتا لا

الحجر بتاثر بالكلام عن الله وانتا لا

ولو اتاثرت يبقي قلبك عامل زى الشوال المخروم الكلام بيدخل من ناحية وعمال ينزل.من الناحية التانية يعنى عقبال ماتصحى تانى يوم ولا كانك سمعت حاجة عن ربنا

وممكن تقعد شويه عقبال مالكلام اثره يروح علي حسب مقاس الخرم اللي في قلبك

*الشاب اللي بيخاف شويه وبعدين يرجع للمعصية ده مش من اهل الخشية

اما اللي خوفه خلاه يسيب معاصيه يبقي من اهل الخشيه

اما العلامة المؤكدة لاهل الخشيه

قال صلى الله عليه وسلم :"لايلج النار عبد بكى من خشية الله حتى يعود اللبن الي الضرع"

*قال صلى الله عليه وسلم " احب قطرتين الي االله دمعة نزلت من خشية الله ودم اريق في سبيل الله"

الدمعة اللي بتنزل من عينك دى غاليه اوى عند ربنا يعنى الراجل اللي اتفرم في الحرب ده وانتا.قاعد في بتك وسط اهلك بتبقي زيه

في الاثر ان رجل قضي عليه بالنار فهو نطقت شعرة من جفنه الاسفل وقال يارب انه بكى.يوما من خشيتك فنزلن علي

النبي كان بيدعي ويقول اللهم اقسم لي من خشيتك

باقي الحديث

اللي عاوز اقوله ان الخشية دى ياجماعة رزق لو اجتهدت في تحصيلها ربنا هيمن عليك بيها

التوصيات العمليه

1- عيش شويه مع معنى التسبيح والركوع عيش مع كلمة سبحان ربي الاعلي .وبراحة تصور انك ساجد تحت العرش وربنا مستوى علي العرش تصور ان

تسبيحك بيوصل للسما الاولي مسيرة 500 سنه و500 سنه تانيه تانيه للي بعدها

2- عيش معنى سبحان ربى العظيم واستحضر عظمة اللله وعظمة خلق الكون

3-اعمل ورد استغفار في اول اليوم واخره ولو حتى 100 مرة وبالذات سيد الاستغفار

" اللهم انت ربى لااله الا انت خلقتنى وانا عبدك وانا علي عهدك ووعدك ماستطعت اعوذ بك من شر ماصنعت , ابوء لك بنعمتك علي وابوء بذنبي فاغفر لي فانه لايغفر الذنوب الا انت "

اعوذ بك من شر ماصنعت

.يعنى يارب لاتنتقم منى بذنوبي

فاغفر لي توسل لربنا واستجير به

. هتحس ان الحجاب اللي بينك وبين ربنا زال بس ياريت بحضور قلب.

[ابورقية محمد مختار]

رد: درس الخشية وتفريغه د/حازم شومان

بورك فيك وجزيت خيرا

[جارة فاطمة]

رد: درس الخشية وتفريغه د/حازم شومان

بارك الله فيكم
ونفع الله بكم

[محبة المساكين]

رد: درس الخشية وتفريغه د/حازم شومان

بارك الله فيكم و جعله في ميزان حسناتكم