د . حازم شومان (*) على فين يا شباب(*) // مفهرس

[يمامة المسجد]

الحلقة الأولى :


- يوم حدوث زلزال توسنامي وتحديدا ً قبل حدوث الزلزال بدقائق كان الشباب والبنات على البلاج منطلقين مطبقين من ليلة إمبارح لم تكفهم معاصي بالليل كمان عايزين يواصلوا الليل بالنهار في معصية ربنا ، ولما جت أول موجة عالية محدش توقع أبدا ً أنها زلزال وكله مستمر في فرحته وطلقات البهجة العابثة تملأ المكان ....وفجأة وفي خلال لحظات كل حاجة اتقلبت .. موج ورا موج ... كل موجة أعلى من العمارة .. كل موجة رسالة غضب من ربنا وفي خلال دقائق مكنش فيه ولا واحد على الشط أو في عمارة إلا وجثة هامدة ...



- وهنا هسألك سؤال ... أي واحد من الشباب دول و هو مسافر من بلاده سواء بلاد الخليج أو أي بلد تانية ، لما كان حد هيسألهم على فيـــن يا شبـــاب ؟ كان هيقوله إيه ...أكيد كان هيقوله أنا رايح أعيش واستمتع بحياتي ... وهو مش عارف أنه رايح يضيع ... رايح ينتهي ... رايح يدمر ... ودي كانت نهايته ... وللأسف مكنش مستعد ...



دلوقتي : انا عايزك تعرف وعايزِِِِِِِِِِِِك تعرفي قبل ما تمشوا في أي طريق أنتوا رايحين على فين ... هتمشي في الطريق ده ولا ده ... طريق ربنا ... ولا طريق الشيطان و غوايته ... طريق فاكره كله سعادة ... وهو بنفسه الشقاء ...



- وقفة :-
وقبل ما هتختار .. لازم تقف مع نفسك ... في حد يسيب طريق ربنا ... ؟؟!! ولو هتسيبه هتروح فين ؟؟؟... حد عاقل يختار بنفسه إنه يمشي في طريق آخره ضمة قبر ... يضيق عليه قبره حتى تختلف عليه أضلاعه ... فـي حد عاقل يسيب النظر لوجه الله و أبواب الجنة المفتحة ويختار مقامع الحديد في جهنم ... فـي حد عاقل يختار إنه يقف في حر 50 ألف سنة يوم القيامة ويترك ظل عرش الله و شربة من يد النبي r لا يظمأ بعدها أبداً ...

لازم تختار : بكلمك أنت ... أيوة أنت ... اللي ساب المعصية و لم يتب ... اللي فاكر الالتزام مجرد صلاة ركعتين ... بكلم اللي بيقول.. هتوب ... ولم يتب ...إللي لسة ماشي في طريقه ومش عارف نهايته إيه ... لازم تختار صدقني مش عايزلك إلا الخير ... مش هخدعك ... مش هغشك بالعكس أنا عايزاك تدخل الجنة معايا ...



- على فيــــــن يا شبــــــاب ؟؟؟ :-
على القهوة رايح أسهر وأعيش حياتي ... يا ابني هو انت تقدر تستحمل 5 ساعات نظرة غضب من ربنا ... رايحين على الساحل أنا وصحابي ... عندي ميعاد مع صاحبتي اللي بحبها و بتحبني ...رايح على النادي أعيش حياتي ... رايح عندي سهرة الليلة ... بتبيع الجنة عشان سهرة !! ... رايح رحلة أنا وصحابي و صحباتي ... أو رايح الماتش أحجز مكان قبلها بعشر ساعات ... طيب والصلاة ؟. صلاة ايه !! أنا هصلي على النبي r ... وأنا رايح أشيت على الفايس بوك ولاد و بنات ،...



هو ده حال شباب أمة محمد rr ... عايشين في غيبوبة ... غيبوبة بتبدأ معاك من و انت لسة صغير ... الطفل تلاقي كل حياته space toon و أفلام كارتون بتهدمله عقيدته..... ولما يكبر ويدخل ثانوي ... تزيد الغيبوبة معاه كل حياته مذاكرة و دروس ليل ونهار ... ويدخل الجامعة و الغيبوبة تزيد أكتر وأكتر ... البنت كل همها بدي وبنطلون جينز وبرفان وفتى الأحلام الروش ،... والشاب كل همه البنات والعربيات والشات والأغاني والتدخين والمخدرات ... والأباء كل تفكيرهم في المصاريف ... هيجوز دي منين وهيجوز ابنه إزاي و هيجيب مصاريف ولاده منين ... ولا اهتم بنته لابسه إيه ولا مين بيرنلها ولا خارجة تكلم مين ؟ ولا عمره سأل نفسه ابنه بيعمل ايه ولا سأله ولا كلمه ... والأم كل حياتها في المطبخ والكلام عن دي ودي ... هو ده حالنا ... غيبوبـــة عميقة ... إزاي وصلنا للمرحلة دي ... ؟؟؟؟؟؟؟؟؟



لو من 1400 سنة وقفت وقلت على فين يا شباب ؟ على فين يا أم سلمة ؟ رايحة أهاجر لله ولرسوله ... على فين يا سلمان ؟ أنا سايب الدنيا ووطني وبلدي وطالع أدور على حد يوصلني لربنا ... على فين يا معاذ ويا معوذ ؟ النبي سُب ... أبو جهل سب رسول الله ... طالع في غزوة بدر عشان أنتقم من أبو جهل ... على فين يا ابن عباس؟ أنا هلف الدنيا كلها علشان طلب العلم وأعلم الناس كلها ... على فين يا معاذ بن جبل ؟ طالع على الشام و اليمن عشان أعلم الناس دين ربنا ... على فين ياصهيب ؟؟؟ رايح فين وسايب شقى عمرك وفلوسك في مكة رايح فين ؟ رايح أهاجر لله ولرسوله ... على فين يا خالد بن الوليد ؟ رايح أفتح العالم أزلزل عروش كسرى وقيصر عشان الإسلام ينتشر في العالم و عشان إحنا بكرة نطلع مسلمين ..رضي الله عنهم أجمعين ....


- إزاي وصلنا لكدة ؟؟؟
ياااااااااااااااااااه ياه يا شباب وصلنا لفين بعد ما كنا فين .. إزاي يا أمة محمد r وصلنا للمرحلة دي ... إزاي وصل فكر شبابنا لمجرد وقفة في الجامعة وسهرة بالليل ... وإزاي وصل فكر البنات تمشي بالشميز والبنطلون الجينز في الشارع .... إزاي توصل المقارنة بين عائشة رضي الله عنها وبنت من بنات الأيام دي ... ومقارنة بين شباب الصحابة وشباب الأيام دي ... إزاي الصورة دي اتغيرت ؟ ... ضحكوا علينا إزاي ؟



إزاي وصلونا لكدة ... إزاي أصبح ده تلفزيونا ... تلفزيون أمة محمد r... إزاي اصبحت دي نوادينا ... إزاي أصبحت دي جامعتنا ... إزاي يا شباب ....
عايزين نغير وجهتنا :- بدل مانقول رايحين للنادي والسهرات والقهوة نقول رايحين لأسرة فقيرة نكفلها ... رايح أصل رحمي .. رايح أصلي جماعة ... رايح على إيد أبويا وأمي أبوسها ... رايح على الدنيا والجامعة أغيرها ... على الدروس وحلقات القرآن ... على الجنة ....



- نقلة في حياتك : خذ قرارك الآن :-
لازم تأخذ قرار دلوقتي ... اللي مش محجبة تأخذ قرار ... اللي مش ملتزم يأخذ قرار ... وإللي متردد يأخذ قرار ,,, وإللي بيسوف يأخذ قرار ... إمرأة فرعون أخذت قرارها وتخلت عن كونها سيدة مصر الأولى .. تركت عرشها ومالها و خدمها و حشمها ... ورضت ببيت عند ربنا ... أخذت قرار ... فأصبحت سيدة الجنة الأولي ... امرأة عمران أخذت قرار وقدمت أغلى ماتملك لله قدمت بنتها مريم .. قاتل المائة اخذ قرار و هاجر عشان يتوب ...

أم كلثوم بنت عقبة بن معيط بنت أكبر رأس من رؤوس الكفر أخذت قرار وكانت عارفة لو أبوها عرف كان هيقطعها ... ورفضت كل عريس يتقدملها مهما كانت مكانته علشان إسلامها ... وهاجرت الي المدينة بعد الصلح ... وكانت عارفة ممكن يرجعوها وأهلها يقطعوها ...وتنزل سورة كاملة تأمر المسلمين ألا يرجعوها ويزوجها الرسول r بعبد الرحمن بن عوف من أفضل وأغنى الصحابة ... جوازه مافيش واحدة تتمناها ...
حقاً من ترك شئ لله عوضه الله خيرا ً منه ...



عايزك تبص لصاحبك إللي إلتزم هو أخد قرار ... طيب وانت مش آن الأوان تاخد قرار ..؟؟!!!




- بلى يارب قد آن :-

أيوة قلها .. بلى يارب قد آن ... جه الوقت إللي هرجع لك فيه يارب ... جه الوقت إللي هسيب كل حاجة لك يارب ... خلاص هنسى حياة الاستهتار ..... هسيب كل الشهوات علشانك يارب ...



- وَجَعَلَنِي مُبَارَكاً أَيْنَ مَا كُنتُ :-

إحنا عايزين كلنا نكون نور ... مصابيح ماشية على الأرض ... شخصيات تغيرية ... نغير الدنيا ... وننقذ أمة محمد rr ... عايزين الدنيا كلها تفوق ... كله ينضم لقافلة الإنقاذ ... عايزين نعرف الناس كلها إنها لازم تفوق ... لازم تتغير ... وانتظرونا في حلقات التغير مع :-

على فيــــــن يا شبــــــاب

لتحميل سلسلة علي فين يا شباب لد. حازم شومانwww.way2allah.com

[يمامة المسجد]

رد: د . حازم شومان (*) على فين يا شباب(*)

لتحميل الحلقة في صورة ملف ورد جاهز للطباعة

من هنـــــــــــــــــــــا

أو من هنــــــــــــــــــا

يرجى نشرها في جميع المنتديات وستوضع الحلقات الباقية تباعا ً

[د.منه]

رد: د . حازم شومان (*) على فين يا شباب(*)

جزاكم الله خيرا اختى الحبيبة ونفع بك

[dr_ghieth]

رد: د . حازم شومان (*) على فين يا شباب(*)

وعليكم السلام ورحمة الله وبركاته

ما شاء الله لا قوة إلا بالله ..

كما تعودنا منكم أختنا الفاضلة "يمامة" _أكرمكم الله_مواضيع مميزة وسلاسل هامة ...

بارك الله فيكم وجزاكم خير الجزاء وبارك الله فى الشيخ الفاضل / حازم شومان على ما قدَم وزادكما ربى توفيقاً ورشاداً...

فى إنتظار باقى الحلقات تباعاً بإذن الله وإن كنت أرجو من الله _كما تعلمون_ مراعاة الفرق بين المادة المسموعة والمقرؤة ولكن الله المستعان .....

((موضوع مثبت))

[يمامة المسجد]

رد: د . حازم شومان (*) على فين يا شباب(*)

وإياكم أختي منه

وإياكم دكتور غيث

فى إنتظار باقى الحلقات تباعاً بإذن الله وإن كنت أرجو من الله _كما تعلمون_ مراعاة الفرق بين المادة المسموعة والمقرؤة ولكن الله المستعان .....

هو المفروض الورق كان هيتوزع في الجامعة فكانوا عايزينه كدة يعني هو مش تفريغ ، هو كورقة دعوية للشباب

وأنتظر رأيكم في هذا

جزيتم خيرا ً

[dr_karmen]

رد: د . حازم شومان (*) على فين يا شباب(*)

جزاك الله خيرا اختى الفاضلة
بارك ربى فيك ونفع بك دوما
وفقك الله لما يحب ويرضى

[محمود مروان]

رد: د . حازم شومان (*) على فين يا شباب(*)

[PHP][/PHP]

[dr_ghieth]

رد: د . حازم شومان (*) على فين يا شباب(*)

حياكم الله....

عذراً شديداً أختى الفاضلة "يمامة المسجد" على تأخرى فى الرد على إستفساركم لكن أنسانى الشيطان...

هو المفروض الورق كان هيتوزع في الجامعة فكانوا عايزينه كدة يعني هو مش تفريغ ، هو كورقة دعوية للشباب

فى الحقيقة :: كما تعلمون تحفظى على ذلك أقصد_الكلام بالعامية فى التفريغ_ ولكن أرجو من الله أن يحاول الأخوة أو الأخوات الكرام الذين يكتبون هذه الورقات والحلقات الكتابة بالفصحى السهلة على قدر المستطاع ((وما لا يُدرك كله لا يُترك جُله)) ...والله المستعان....

عذرا مرة أخرى وبارك ربى فيكم وفى انتتظار باقى الحلقات...

[المشتاقة الى رؤية الله]

رد: د . حازم شومان (*) على فين يا شباب(*)

السلام عليكم و رحمه الله و بركاته
جزاكى الله خيرا أختى الحبيبة يمامة
جعله الله تعالى فى ميزان حسناتك

[يمامة المسجد]

رد: د . حازم شومان (*) على فين يا شباب(*)

قصة شاب عادي


قصة شاب عادي ، اتولد في بيت عادي , أبوه وأمه مسلمين من النوع العادي , ولما بدأ يكبر ويوصل لسن المراهقة بدأ يعمل معاصي غير عادية ولكن , في المجتمع العادي ، كل ده شئ عادي ،



وبدأ يكبر في مجتمع حواليه صور المجلات والقنوات الفضائية وبنت الجيران وصاحبة أختي وبنت خالتي ، يكبر وحواليه ألفاظ الشوارع ، حواليه الفتنة والمعاصي في كل ناحية ، ولما وصل لفورة الشباب وصل لدرجة من المعاصي الغير العادية ، وصل من السيجارة للسيجارة المحشية مخدرات لحتة الحشيش لحد ماوصل لكأس الخمر وأول ماشرب الخمر كل الموبقات أصبحت سهلة أمامه، ولما وقع في الموبقات كلها بدأ يشتكي إن الأحوال بأت غير عادية ، صداع مزمن معدش عارف ينام بيفضل 4 ساعات بيتقلب على السرير ، مخنوق على طول ، حاسس إنه مكتئب ومش عارف يعمل إيه،

لكن , صاحبنا فضل يدفن راسه في الرمل ، ويقول لنفسه يومين وهيعدوا ، كل الشباب كدة ، إن الله غفور رحيم ، وبدأ الضغط جواه يزيد ، وفي ليلة غير عادية وهو راجع من سهرة غير عادية ، راجع ماشي ، تايه ، حطام إنسان ، نفسه يبكي ، نفسه في حد يسمعه ويضمه ويفهمه ، نفسه في مكان يحتويه ويحميه من العذاب إلي جواه ، لكنه , مش لاقي ،

وفضل ماشي ماشي وعند الفجر سمع الأذان بيشق قلبه ، هرب مش عايز يسمع الأذن ، مش عايز يعرف هو بعيد عن ربنا أد إيه ، جري بعيد عن الجماع وهو بيجري خبط في واحد كان رايح الجامع ووقعوا الإثنين ولما فاقوا من الصدمة ، قام صاحبنا العادي ، ومد إيديه اللي بترتعش الملوثة بآخر سيجارة شربها ، وبدأ يقوم الشيخ ، بدأوا الإثنين بيبصوا لبعض وهما مستغربين ، صاحبنا بيبص للشيخ وهو بيقول هو وشه منور كده ليه ، ولبسه إللي كله نور ده وريحته الجميلة كأنه جاي من الجنة ، والشيخ بيبصله ، على وجهه الأسود المظلم ، وإيه اللبس ده ، ده ولد ولا بنت ، وإيه الريحة البشعة دي ،





وفضل الشيخ يبص لمنظر صاحبنا باستغراب ، سواد تحت عينه ، سواد حوالين شفايفه ، شعره منكوش ولا دي تسريحة جديدة ، وفضلوا يبصوا لبعض كأن ده من كوكب والثاني من كوكب ، لغاية مالشاب بدأ يقول بصوت منخفض : أنا آسف ياعم الشيخ ، فاء الشيخ وقاله أنت مين يابني ؟ يااااه ، وقعت الكلمة على قلب صاحبنا زي الصدمة ، أنا مين ؟ والله ما أنا عارف ، فضرب الشيخ كف بكف وقاله : مسكين ، فرد الشاب وقاله : لأ , عندك ، انا مش مسكين أنا عارف طريقي كويس ، وساعات بصلي والله العظيم أنا مش وحش ، ، فقال الشيخ ولا كأنه سمع صاحبنا : على فين يابني ؟ ي

اااااه ، تاني خبطة على قلب في نفس الدقيقة ، على فين ؟ والله ما أنا عارف ياعم الشيخ ، انا من 8 سنين كنت لسة إنسان طاهر ونقي ، وكان نفسي أكون سعيد ، لقيت واحد بيقولي إنت عايز السعادة ، خد السيجارتين دول وهتبقى سعيد ، وأول ما شربتهم حسيت إني طاير ، بعد كدة رحعت مخنوق تاني ، قلت هي السكة دي مفيهاش سعادة ولا إيه لقيت صوت بيصرخ في وداني ، لأ هي دي سكة السعادة ، فقلت هي فين ؟ فقالي المحطة إللي بعدها تنزل تعد على قهوة وتشرب شيشة ، وتعد مع الشلة ، نزلت وقعدت وشربت ، يومين ، تلاتة ، أسبوع ورجعت مخنوق تاني ، وسألت نفسي هي السكة دي مافيهاش سعادة ولا إيه ، ، نفس الصوت قالي لأ ، فيها ، إنزل على المحطة إللي بعدها تنزل الجماعة تكلم دي ودي ودي وتعمل علاقات وكدة هتكون سعيد ، نزلت واتكلمت وعملت كل حاجة ، شهر ... اتنين ... ورجعت مخنوق تاني ، هي السكة دي مافيهاش سعادة ، فقالي لأ ، فيها ، قلت طيب هي فين ؟ ، قالي المحطة إللي بعدها تكلم واحدة بس من كل دول تكون حبيبتك وإنت حبيبها ، تفضل تكلمها 6 ساعات طول الليل وأذان الفجر يأذن وانت متقمش تصلي ركعتين لله ، وكدة هتبأه سعيد ، وفضلت سعيد شهر واتنين وتلاتة وستة ، وبعدين رجعت مخنوق تاني ، هي السكة دي مافيهاش سعادة ولا إيه ياعم الشيخ ، كل يوم بتورط في محطة وراء محطة ، وبتخنق أكتر وأكتر ، عندك حق ياعم الشيخ أنا مين ؟ ، انا فين ؟ ، أنا رايح على فين ؟




بدأ الشيخ يبص في وش صاحبنا ، وصعب عليه ، وحس إنه فريسة وقعت في خيوط العنكبوت ، واتلفت حواليها الخيوط ، واتحقنت حقنة سم واتشلت وخلاص هتتاكل ، وهيتنهي ، وعايز حد يمد له إيده من بره ويقطع الشرنقة ويخرجه من الغيبوبة إللي هو فيها ...

[يمامة المسجد]

رد: د . حازم شومان (*) على فين يا شباب(*)

تعالى معايا لطريق ربنا ... تعالى إتصالح على ربنا

مسك الشيخ إيد صاحبنا وقاله بحنان تعالى معايا يابني ، تعالى معايا لطريق ربنا ، قاله على فين ياعم الشيخ ، قاله تعالى معايا على بيت ربنا ، ملاذ التائهين ، تعالى إتصالح على ربنا ، إنت بتصلي ، فقاله : أنا ... آه ... لأ ... مش عارف ، فرجع الشيخ يقوله : تعالى يابني ، تعالى إتصالح على ربك ، وفضل صاحبنا ماشي معاه ورجليه بتترنح على الأرض ، لحد ماوصلوا لباب الجامع واول ما وقف أمامه : قال في نفسه ياااه ، إيه النور ده ؟ إيه الجو ده ؟ ده بيسجد لربنا وكان الملائكة كلها محوطاه ، وده واقف يصلي وكأنه طاقة نور مفتوحة ، وده رافع إديه وبيدعي ، وده قاعد بيستغفر ، وده دموعه نازله من عنيه وكأنها نور ، وده ماسك المصحف ، ياااه ، فقال في نفسه انا دلوقتي لو وقعت في زنقة هينفع بعد كل ده أقول يارب ، ياااه أنا من أد إيه ممسكتش المصحف ، أنا من أد إيه مقرأتش كلام ربنا ، وقال نفسه إزاي انا هدخل من بركة الطين إللي انا جاي منها ، وبدأت الشاشة تفتح ادامه صورة البنت إللي ضحك عليها ، منظر أبوه وخيبة الأمل على وجهه ، منظر الرقص والزنا والمخدرات ، ومنظر ورقة جواز العرفي ، منظر شلة القهوة

[يمامة المسجد]

رد: د . حازم شومان (*) على فين يا شباب(*)

والله العظيم هتقدر



قال لنفسه إزاي هسيب كل ده إزاي ، إزاي هقدر أعيش من غير كل ده ، وقال للشيخ سيب إيدي أنا بكرهك ، أنا بكره كل واحد من صحابي بقى زيك ، كل مابشوفه بفتكر أنا بعيد عن ربنا إزاي ، الشيخ قاله ، لأ مش هسيبك ، ليه عايز تودي نفسك جهنم ، قول يارب وهتقدر ، والله العيظم هتقدر ، فصرخ صاحبنا وقال : لأ سبني أنا جيت قبل كدة ومقدرتش ، فرد عليه الشيخ وقاله : وغيرك جه وموقعش ،






ولكن , صاحبنا نزع إيده من الشيخ واعد يجري لحد ماراح بيته ، دخل مكلمش حد ، وقفل على نفسه باب الاوضة ، وفضل قاعد مش عارف ينام ، فضل يفكر أنا مدخلتش ليه ما الباب كان مفتوح أدامي ، انا والله كان نفسي أدخل ، وكل مابيمشي في الشارع وأشوف باب جماع مفتوح والناس بتدخل ، قلبي بيتقطع ، نفسي أدخل ، وكل مابشوف شاب زي زيه ، بس وسام النور على وشه ، واللحية في وشة ، وماسك السواد في السواك في إديه ببقى قلبي بيتقطع ، هو احسن مني في إيه ، أنا مش قادر أعمل زيه ليه ، هو اخد القرار ده إزاي ، أنا كان نفسي أدخل والله بس أنا هدخل إزاي بالوحل إللي انا فيه ، يارب نفسي أبقى طاهر ونضيف ، انا كنت فاكر إنها سمة هخطي فيها خطوتين وهرجع ، معرفش إني هتورط التوريط ده ، معرفش إن إبليس هيستعبدني الاستعباد ده ، معرفش إني انا هفقد إرادتي تماما وهتشل تماما في الطريق للدرجة دي ، ده انا كنت بحسب الطريق سعادة ، طلع خنقة وحزن ، اعمل إيه ، ؟؟؟؟

وجال بخاطره صورة صاحبه إللي كان وسيم وغني ومات في جرعة مخدرات زايدة، والتاني إللي مات مع صاحبته في عربية وأهله دفنوه حتى من غير ما يصلوا عليه خايفين من الفضيحة ، وصاحبته إللي كانت ملكة جمال وفي لحظة ماتت في حادثة ، وغيرهم ، فرفع راسه للسما وقال : يارب أنا مش عايزة أضيع زي ما ضاعوا ، يارب انجدني ، اغثني ، انا مش قادر يارب أخلص نفسي ، بس إنت إللي تقدر ... يارب أغثني









شاب غير عادي




وتحول صاحبنا من شاب عادي لواحد معدش حاسس بالفسح العادية والنكت العادية والأفشات العادية ، وفي يوم خرج مع أصحابه ، فضلوا يقولوا له ، إيه ياعم الكئيب ، مالك ياعم ، فيه واحدة جديدة في حياتك ولا إيه ، ومنظر الشيخ مابيفارقش خياله وهو بيقوله والله العظيم هتقدر والله العظيم هتقدر ، وهو بيفكر ياترى هقدر فعلا ً ولا لأ ؟ وفجأة قالهم نزلوني نزلوني






فنزلوه ومفكرش يروح لأي مكان ، ولكن جري على المسجد اللي قابل فيه الشيخ ، وفضل يستنى الشيخ ولما افه جري عليه وحضنه وقاله ادعيلي ياعم الشيخ والشيخ بيقوله حمد لله على السلامة يابني ،حمد لله على السلامة ، وصاحبنا بيقوله أنا فرحان ياعم الشيخ ، وحاسس إن صدري كله نور بس خايف ومرعوب لإحساس ده يروح ، معقول ياعم الشيخ ربنا هيفتحلي بابه ، معقول بعد كل إللي عملته ربنا هيقبلني ، انا حاسس إني عدت بحب الصلاة ، بحب الملتحين والملتزمين ، وخايف أرجع ، خايف أقع ، إنت متاكد عن ربنا هيقبلني ، هقدر أتوب ، هقدر أسيب كل إلي كنت بعمله ، هقدر أصلي في الجماعة ، هقدر أكون إنسان تاني

والشيخ بيهز راسه بوشه المنور ويقوله هتقدر ومع كل هزة راس من الشيخ طاقة نور وأمل بيتولد في صدر صاحبنا إللي أصبح من اللحظة دي إنسان غير عادي ....

لحد إمتى ؟؟؟



أخي .. أختي لحد إمتى هتفضل ماشي في سكة مافيش في آخرها غير جهنم ، لحد إمتى واحد جديد يتوب وواحدة جديدة تتحجب ويرجعوا لربنا ... إ


متى هنقولك حمد لله على السلامة ؟؟؟؟؟!!!

[as87]

رد: د . حازم شومان (*) على فين يا شباب(*)

جزاكى الله خيرا اختى ممكن انقلها لمنتديات تانية بعد اذنك

[حنيني]

رد: د . حازم شومان (*) على فين يا شباب(*)

جزاكِ الله خيراً ونفع بكِ أختي الحبيبة

[sniper_first_man]

رد: د . حازم شومان (*) على فين يا شباب(*)

عَنْ مُعَاذِ بْنِ عَبْدِ اللَّهِ بْنِ خُبَيْبٍ عَنْ أَبِيهِ عَنْ عَمِّهِ قَالَ: كُنَّا فِي مَجْلِسٍ فَجَاءَ النَّبِيُّ صَلَّى اللَّهُ عَلَيْهِ وَسَلَّمَ وَعَلَى رَأْسِهِ أَثَرُ مَاءٍ،

فَقَالَ لَهُ بَعْضُنَا " نَرَاكَ الْيَوْمَ طَيِّبَ النَّفْسِ".

فَقَالَ:" أَجَلْ وَالْحَمْدُ لِلَّهِ".

ثُمَّ أَفَاضَ الْقَوْمُ فِي ذِكْرِ الْغِنَى،

فَقَالَ :

" لَا بَأْسَ بِالْغِنَى لِمَنْ اتَّقَى،

وَالصِّحَّةُ لِمَنْ اتَّقَى خَيْرٌ مِنْ الْغِنَى،

وَطِيبُ النَّفْسِ مِنْ النَّعِيمِ ".

رواه ابن ماجه في سننه في كتاب المتاجرات/ باب الحث على المكاسب رقم (2141)، وصححه الألباني في صحيح ابن ماجه (1754)،وفي صحيح الأدب المفرد (231)، وفي صحيح الجامع الصغير (7282)، وفي مشكاة المصابيح(5220)، وفي السلسلة الصحيحة(174).

يقول الامام السندي في "حاشية السندي على ابن ماجه":

قَوْلُهُ : ( ثُمَّ أَفَاضَ الْقَوْمُ ) أَيْ : وَقَعُوا فِي ذِكْرِ الْغِنَى - فِي الصِّحَاحِ : مَقْصُورٌ الْيَسَارُ - .

قَوْلُهُ : ( لَا بَأْسَ بِالْغِنَى لِمَنِ اتَّقَى ) قَالَ السُّيُوطِيُّ فِي " نَوَادِرِ الْأُصُولِ " : الْغِنَى بِغَيْرِ تَقْوَى هَلَكَةٌ يَجْمَعُهُ مِنْ غَيْرِ حَقِّهِ ، وَيَمْنَعُهُ مِنْ حَقِّهِ ، وَيَضَعُهُ فِي غَيْرِ حَقِّهِ ، فَإِذَا كَانَ هُنَاكَ مَعَ صَاحِبِهِ تَقْوَى ذَهَبَ الْبَأْسُ وَجَاءَ الْخَيْرُ .

وَأَمَّا قَوْلُهُ : ( وَالصِّحَّةُ لِمَنِ اتَّقَى خَيْرٌ مِنَ الْغِنَى ) فَإِنَّ صِحَّةَ الْجَسَدِ تُعِينُ عَلَى الْعِبَادَةِ ، فَالصِّحَّةُ مَالٌ مَمْدُودٌ ، وَالسَّقَمُ عَجْزٌ حَاجِزٌ لِعُمْرِ الَّذِي أُعْطِيهِ ، يَمْنَعُهُ الْعِبَادَةَ ، وَالصِّحَّةُ مَعَ الْعُمْرِ خَيْرٌ مِنَ الْغِنَى مَعَ الْعَجْزِ ، وَالْعَاجِزُ كَالْمَيِّتِ .

وَأَمَّا قَوْلُهُ : ( وَطِيبِ النَّفْسِ مِنَ النَّعِيمِ ) ؛ فَلِأَنَّهُ مِنْ رُوحِ الْيَقِينِ عَلَى الْقَلْبِ وَهُوَ النُّورُ الْوَارِدُ الَّذِي قَدْ أَشْرَقَ الصُّوَرَ فَأَرَاحَ الْقَلْبَ وَالنَّفْسَ مِنَ الظُّلْمَةِ وَالضِّيقِ ، وَفِي الزَّوَائِدِ إِسْنَادُهُ صَحِيحٌ وَرِجَالُهُ ثِقَاتٌ ، وَاللَّهُ سُبْحَانَهُ وَتَعَالَى أَعْلَمُ .