نداء عاجل (رمضان فرصتنا مين هيشارك)؟ // مفهرس

[أبو يعقوب]

الحمد لله والصلاة والسلام على رسول الله اما بعد:
كلنا عارفين ان رمضان موسم , أيوه موسم لكل حاجة
بتلاقى أهل الاعلام بيستعدوا لرمضان بمسلسلات وبرامج و.. و....كل ما يقدرون عليه
ومعقول برده اهل الباطل يستعدوا وأهل الحق (الا من رحم الله)
يا جماعة فى بعض الاخوة عرضوا مشروع خاص بالموقع لرمضان
باختصار تفريغ أشرطة د/حازم (الطريق الى القرآن)
عشان تعرض يوميا فى رمضان كل يوم جزء يحمل رقم اليوم
والحمد لله السلسلة 30 شريط
فالدعوة موجهة لكل الأعضاء -أخوة وأخوات- لازم نخلص تفريغ السلسلة
بس الشرط اننا ناخذ المموضوع بجدية لأن موضوع التفريغ اتعرض قبل كده وتوقف!!!!
عايزين نشتغل بجد -الموضوع ده عشان رمضان قرب يعنى لازم ننجز
سيب كل حاجة وركز فى الموضوع ده وانشاء الله نتتكاتف كلنا ونشحن كل طاقاتنا لاتمامه
واهو تبقى حاجة عملناها نهديها للاعلامين واحنا بقول
"معذرة الى ربهم ولعلهم ينتهون"
ملحوظة: الموضوع ده عاوز همم عالية تنجز فيه فهل من مشارك؟؟!!

[أبو يعقوب]

هنا رابط سلسلةالطريق إلى القرآن

[أبو يعقوب]

من أراد المشاركة يكتب لنا ويحدد رقم الدرس الذى سوف يقوم بتفريغه
ما عدا (1-2-3-4-5-6-7-8-9-10-27)تم تفريغهم بفضل الله
حتى لا يحدث تداخل ولتوفير المجهود والوقت
عند انتهائك من التفريغ ضعه فى قسم زاد الداعية
وفقنا الله واياكم لما فيه رضاه

[عبد الرحمن]

تم بالفعل تفريغ اول 10 شرايط من اخ جزاه الله خيرا واخونا ابو يعقوب هينزلهم على الكومبيوتر بإذن الله
والأخت يمامة المسجد فرغت الشريط رقم 27
وان شاء الله التفريغ ينزل فى رمضان يوميا بحيث ان الناس تقراه قبل التراويح الصبح
ياريت اللى هيشارك يكتب رد
جزاكم الله خيرا :( تكريم :

[يمامة المسجد]

:lll:

الله يجازيكم خير

انا بجد كنت حاسة ان المنتدى نايم خالص

وماشجعونيش خالص وقللوا من همتي الا موضوعات معدودة انا اساسا عدت بخش عشانها

ان شاء الله هفرغ 26 واكمل 27

ها من يقول وانا كمان

[أبو يعقوب]

الحمد لله والصلاة والسلام على رسول الله

احنا ليه ما بنشجع بعض على الخير
وده مش معناه ان الذى يشارك مستنى الشكر (إنما نطعمكم لوجه الله ,لا نريد منكم جزاءَ ولا شكوراَ)
ولكن من باب التشجيع قال تعالى (وتعاونوا على البر والتقوى ولا تعاونوا على الاثم والعدوان)
يعنى على الاقل كلمة شكر رقيقة عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح رواه أحمد وأبو داود والترمذي
قال في النهاية : معناه أن الله تعالى لا يقبل شكر العبد على إحسانه إليه إذا كان العبد لا يشكر إحسان الناس ويكفر أمرهم ;
لاتصال أحد الأمرين بالآخر , وقيل معناه : أن من كان عادته وطبعه كفران نعمة الناس وترك شكره لهم كان من عادته كفر نعمة الله عز وجل
وترك الشكر له
انا بدورى أشكر ymamtelmasged
ربنا يثبتكم ويسدد خطاكم وأهمس فى أذن كل من يشارك "لا يبطئنك نفور الناس من عرض الحق, ولا يمنعك عدم الشكر من الثبات والاستمرارية" "
أليس لنا فى نبى الله نوح أسوة(قال ربى إنى دعوت قومى ليلاً ونهارا,فلم يزدهم دعائى إلا فراراً)
ودعوة للاعضاء" فين الهمم؟!!!"
الان باقى من السلسلة الشرايط(11/12/13/14/15/16/17/18/19/20/21/22/23/24/25/28/29/30)
يللا يا شباب هل من مشارك؟

[حامل المسك]

:lll:
جزاكم الله كل خير وبارك الله لكم فى اوقاتكم واعاننا واعانكم على طاعته
انا ممكن اجيب لكم اشرطه مفرغه لمجموعه من العلماء عن رمضان

[SlaveOfAllah]

:lll:


انا بس حبيت اطبق السنه وافشى السلام

[أبو يعقوب]

وعليكم السلام ورحمة الله بركاته
يا SlaveOfAllah
وشكرا لك يا mma80
مرحبا بك وبمشاركاتك طبعا اى محاضرات مفيدة ابعتها ولاتترد
فى قسم ذاد الداعية الشرط: تكون منقحة ومتراجعة يعنى ذكر أرقام الايات والتاكد من الاحاديث
ولكم وافر الشكر

[يمامة المسجد]

:lll:

السلام عليكم ورحمة الله وبركاته

على فكرة ان مش قصدي في ضعف الهمة اني محتاجة شكر من حد

الحمد لله ان في غنى عن ده

انا أقصد ان كتير قالوا هنعمل وملقتش الي قالوا عليه

وانظر كام واحد رأى الموضوع ده وكام واحد رد ومحدش تتطوع انه يعمل حاجة

حسني ظني بيهم انهم مش فاضيين

أكيد ربنا يعينهم مشغولين جداغ في الدعوة وحفظ القرآن والعلوم الشرعيه

و السلام عليكم ورحمة الله وبركاته

[أبو يعقوب]

طبعا الشكر لكل من يشارك
وشكر خاص لمجهودات ymamtelmasged
انا مش قصدى طبعا كده انا فقط حبيت اوضح ان ممكن رد الفعل الفاتر يثبط الهمم
رزقنا الله واياكم الاخلاص
وجعل كل ما نكتبه ونعمله خالصا لوجهه اللهم آمين
انتو فين يا شباب؟!!!!

[أبويحيى]

:LLL:

ماشاء الله

هو ده الشغل يا أبو يعقوب

أتمنى المشاركة لكن لا أعد بها لإنى معرفش ظروف الوقت لغاية رمضان هتبقى عامله إزاى لكن ربنا يوفقكم يارب

[أم حمزه]

:LLL:



جزاكـــــــــــــم الله خيرا وجعل الله هذا العمل في ميزان حسناتكم ونفعنا واياكم به ان شاء الله .

أكيد طبعا هشارك بس عندي دلوقتي مشكله بسيطه وهي ان ال windows media player بقاله يومين مش عايز يشتغل

ولما اجي اشغل درس م الدروس بيكتب" Real Alternative" وبيقول"A General Error has occurred "

ف برجاء لو حد يقولي اعمل ايه او حد يديني لينك اقدر انزل منه media player من تاني .

و في حاجه كمان عايزة اعرفها هو ليه الدروس مابتنزلش بصيغه winampe .

وجزاكــــــــــم الله خيرا

[يمامة المسجد]

:LLL:

السلام عليكم ورحمة الله وبركاته


ممكن تنزليه من موقعغ طريق الاسلام من تحت في الصفحة فيه برامج لازمة هينزلك ريل بلاير


ومتنسيش تنزلي برنامج التفريغ ده http://www.heaven-way.net/software/f.../lsm-setup.exe بجد بجد رائع التاني كان تحفة ومش بيشتغل

[أبويحيى]

:LLL:

ده رابط هيحمل برنامج 88كيلوبايت بيخلى كل الملفات اللى المفروض تشتغل على الريال بلاير تشتغل على وينامب


والملفات بتنزل ريال بلاير علشان الحجم وأكيد فى أسباب تانية معرفهاش

وأى مشاكل عند حد يقولها ونحاول نحلها

لتحميل آخر إصدار من الميديا بلاير 11b

من هنا

http://www.microsoft.com/windows/win.../download.aspx

(( متطلبات النظام بروسيسر 2 او أعلى 64 ميجا رام ))