إعـــــــلان

**قلب معلق بالمساجد** · 12-05-2009, 04:50 AM

رد: إفهم الدين زي ما أنا فاهمه ... و إلا ....

انتوا ممكن تكونوا دلوقت مستغربين من القصة العجيبة دي ....

مين الشباب دول .. و إيه اللي عملوه ده ؟؟؟

إزاي يتورعوا عن أكل تمرة وقعت في الأرض و بيستحلوا دم مسلمين بالشكل البشع ده ؟؟؟

دول يا جماعة .. مجموعة من الخوارج

قال رسول الله صلى الله عليه و سلم فيهم:

" يخرج فيكم قوم تحقرون صلاتكم مع صلاتهم ، وصيامكم مع صيامهم ، وعملكم مع عملهم ، ويقرؤون القرآن لا يجاوز حناجرهم ، يمرقون من الدين كما يمرق السهم من الرمية "

سبحان الله

هل ممكن الواحد يبقى بيعمل حاجات كتير جدا كويسة و خير

و يطلع في الآخر ماشي غلط ؟؟؟؟

هل ممكن يكون فاكر نفسه ماشي في طريق ربنا و بيحب ربنا و بيموت نفسه في الطاعة .. بس الأساس اللي بيبني عليه أصلا غلط .. فيضل و مايوصلش لربنا ؟؟؟؟

هل ممكن يحصل معايا زي ما حصل للشباب دول

أكون باصلي أحسن من الناس كلها "تحقرون صلاتكم إلى صلاتهم"

و باصوم أكتر من الناس كلها "و صيامكم إلى صيامهم"

و باقرأ القرآن

و بعد كل ده أطلع ماشي في طريق بعيد عن طريق ربنا ؟؟؟؟

هل ده ممكن ؟؟؟؟؟؟

آه ممكن ....

للأسف الشديد .....

في ناس كتير ممكن تكون بتتعب و بتجتهد في حاجات .. هما فاكرين إنها بتقربهم لربنا .. و هي بتبعدهم عنه

" قُلْ هَلْ نُنَبِّئُكُمْ بِالْأَخْسَرِينَ أَعْمَالاً * الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً "

زي الخوارج دول مثلا ...

و زي الشيعة الروافض في عصرنا .. اللي بيكفروا الصحابة و بيسبوا أمهات المؤمنين ...

و بيتقربوا لربنا بكده !!!

طيب إزاي كده نقدر نعرف الطريق الصح الموصل لربنا ؟؟؟

و إزاي نتأكد إننا فاهمين الإسلام فهم صحيح ؟؟؟؟

تعالوا نرجع للموضوع من أوله عشان نفهم

.
.
.

**قلب معلق بالمساجد** · 12-05-2009, 04:52 AM

رد: إفهم الدين زي ما أنا فاهمه ... و إلا ....

شوفوا الرسمة دي

هنفترض إن الخط الأخضر ده هو الطريق الصحيح الموصل لرضا الله عز وجل

و الخط الأحمر طريق تاني ... واحد من اللي رسول الله صلى الله عليه و سلم سماهم السبل

" خط رسول الله صلى الله عليه وسلم خطا بيده , ثم قال : هذا سبيل الله مستقيما . وخط على يمينه وشماله , ثم قال : هذه السبل ليس منها سبيل إلا عليه شيطان يدعو إليه . ثم قرأ : { وأن هذا صراطي مستقيما فاتبعوه ولا تتبعوا السبل فتفرق بكم عن سبيله } "

هناخد واحد بس من السبل دي و نركز عليه

لو لاحظتم ... إن الطريق الأحمر في بدايته .. قريب جدااااااااااااا من الطريق الأخضر

و هي دي خطورته ..

إن الواحد في بداية الطريق ده .. بيكون شايف إنه مش بيعمل حاجة غلط ...

و بيعتقد إنه ماتنازلش غير عن حاجات بسيطة جدا و مالهاش قيمة

لكن التنازلات دي .. بتاخده في النهاية لمكان بعيد جدا

لكن للأسف .. و قتها بيكون اتعود على الطريق ده و الصورة اتقلبت بالنسبة ليه

و بقت كده

فبيشوف إنه هو اللي ماشي صح ... و بيشوف الطريق الصح هو الي غلط

نسأل الله السلامة

يعني

ملخص النقطة اللي فاتت دي و الحاجة الأساسية اللي عاوز أقولها

إن الطريق الخاطئ في فهم الدين في بدايته الواحد مش بياخد باله منه .. لكن مع الوقت الطريق ده بياخده بعيد

النقطة التانية

ليه بيحصل كده ؟؟؟؟

تعالوا ناخد قطاع عرضي" T.S " في الطريق الصح ده و نشوفه عامل إزاي من جوه

لو تخيلنا إنه بالشكل ده

إن ده هو الفهم الصحيح للإسلام

ملحوظة : الرسم ده للتوضيح فقط و مش معناه إن دي الأحجام الحقيقية للحاجات الموجودة في الرسم

ربنا سبحانه و تعالى وضع لنا منهج متكامل نمشي بيه و نفهم من خلاله الدين

خريطة

و متوضح فيها كل كبيرة و صغيرة

كل حاجة ليها حجمها و ليها مكانها من الدين

ما ينفعش تزيد أو تنقص

لو حد حاول يغير في الحاجات دي .. هيخرج منهج أعوج مش متوازن

يعني إيه الكلام ده ؟؟؟

يعني لو افترضنا إن مجموعة من الناس حاولت تفهم الدين بطريقة مختلفة

فاختاروا لهم دايرة كبيرة و شكلها حلو

و قاموا عاملين فيها كده

زي ما قلت .. الدايرة اللي هم اختاروها

دايرة كبيرة

و مهمة جدا

و من أهم الحاجات في الدين

" بس مش هي كل الدين "

هم اللي عملوه .. إنهم كبروها جدا على حساب حاجات تانية

مثلا في ناس بتخلي اللحية هي كل الدين .. و في مقابل كده .. ممكن مايهتموش بحاجات تانية زي الأخلاق و زي بر الوالدين و .. و ..

و في ناس بتخلي عمل الخير و الإنفاق على الفقراء هو كل الدين

و في مقابل كده بيبقوا شايفين إن الكلام عن الإختلاط اللي بيحصل بينهم و الحاجات دي كلام ناس متخلفين

و في ناس بتخلي قضية

النهضة الإقتصادية

هي كل الدين .. و في مقابل كده بيتنازلوا عن الهدي الظاهر و بيستهزأوا باللي يتكلم عن اللحية أو الإسبال ....

لا شك إن اللحية من الدين

و الإنفاق على الفقراء و صنائع المعروف من الدين

و نهضة الأمة اقتصاديا من الدين

و لكن مش هم كل الدين

و لازم كل حاجة منهم تاخد مكانها و حجمها الطبيعي زي ما وضحه الشرع بدون التأثير على حاجات تانية

فهمتوني ؟؟؟؟

يعني دول في حد ذاتهم مش أهداف تبرر الوسائل اللي بتوصل إليهم

كل الحاجات دي المفروض تبقى وسائل للوصول لرضا ربنا

فلو كل حاجة اتحطت في مكانها المظبوط

الدنيا هتمشي صح و مش هيبقى في أي مشاكل

المشكلة الكبيرة بقى في إيه ؟؟؟؟؟

إن كل واحد من دول لو كلمته و قلتله إنت ليه سايب الدايرة دي ؟؟؟

مش هيسمع كلامك

هو أصلا مش شايف الدايرة اللي بتتكلم عنها

و شايف إن الدايرة اللي هو مكبرها قوي .. هي الأهم

و شايف إنه عامل إنجاز كبير جدا في الدايرة دي

فإزاي تقوللي إني مقصر و أنا باعمل الحاجة الكبيرة دي ؟؟؟

يبقى ملخص النقطة التانية

إن السبب الرئيسي في الانحراف عن الطريق بالشكل ده .. هو تغيير الخريطة اللي رسمها لنا الشرع في فهم الدين و إعطاء أجزاء منها أكبر من حجمها على حساب أجزاء أخرى ...

النقطة الثالثة ...

إزاي الناس بتختار القدوة اللي يفهمهم الدين الفهم الصحيح ؟؟؟

في كتير بيشوفوا إن مادام الواحد ملتحي و لابس لبس الشيوخ يبقى ده كده فاهم الدين صح و هو ده اللي لازم نقلده

و أدينا شفنا في قصة الخوارج إنهم كانوا ملتزمين بالهدي الظاهر مية مية .. و بيكفروا المسلمين و يقتلوهم .. يبقى ده مش مقياس

و في كتير بيشوفوا إن الداعية صاحب الأسلوب المؤثر اللي بيخلي مشاعرهم تتحرك و بيخليهم يعملوا حاجة .. هو ده اللي فاهم الدين صح ...

و التاريخ حكى لنا قصة فتنة خلق القرآن في أيام الإمام أحمد .. و إزاي المعتزلة قدروا بأسلوبهم الجذاب المقنع إنهم يقنعوا الخليفة بكلامهم و مايسمعش كلام الإمام أحمد و كمان يسجنه و يعذبه عشان بقول الكلام الي هم بيقولوه

و في غيرهم شايفين إن الراجل المجتهد في العبادة و الزاهد في الدنيا هو ده اللي فعلا حسبها صح .. و فهم الإسلام مظبوط

و برضه التاريخ حكى لنا قصة واحد اسمه "عمرو بن عبيد" اللي كان بيجتمع فيه 5 أنواع من أنواع البدع و برغم كده كان ورع جدا و زاهد في الدنيا لدرجة إن الخليفة المنصور كان بيقول " كلكم يمشي رويد ، كلكم طالب صيد غير عمرو بن عبيد "

و في ناس لما بتشوف بعض الناس اللي متبعين منهج معين أخلاقهم كويسة و ناس محترمة و ليها مكانة اجتماعية بيعرفوا بكده إن دول هم اللي على حق

و لما يشوفوا ناس محسوبين على منهج تاني أخلاقهم وحشة و بيعملوا حاجات كتير غلط بيحكموا على منهجهم ده إنه منهج غلط

دي عاوزة شوية توضيح

يعني مثلا لو واحد شاف واحد في الإخوان المسلمين بيدخن أو بيكلم بنات أو كده فبيكره الإخوان و بيقول الناس دي منهجها غلط

و لو شاف واحد ملتحي مثلا أخلاقه وحشة و بيتكلم مع الناس بغلظة و شدة .. بيحكم على منهج السلفية إنه منهج مش بيهتم بالأخلاق و إنه أهم حاجة فيه الظواهر .

و الحقيقة إن الطريقة دي في الحكم على المناهج طريقة غلط جدا

لأن لو حكمنا بنفس الطريقة

هنقول إن الكفار بيتقنوا عملهم و ناس متقدمين علميا دلوقت جدا

و المسلمين متخلفين في كل المجالات

يبقى بنفس المنطق السابق .. يبقى كده الكفار هم اللي على حق و العياذ بالله

يبقى كده ليه المنطق ده في الحكم غلط ؟؟

لأنه بيحكم على الأشخاص مش على المنهج

عاوز تحكم على المنهج شوف المنهج نفسه بيقول إيه

و لو طلع هو المنهج الصحيح يبقى اتبعه حتى لو كان أتباعه بيسيؤا ليه

يعني لو حد قاللك إن المنهج ده أتباعه بيسمعوا أغاني و ناس مش كويسين

قول له : بس دي مشكلة الأشخاص دول مش مشكلة المنهج

المنهج ده ما قالش اعملوا الحاجات دي

خلاصة النقطة دي

إن في كتير مننا بيحكم على المناهج الموجودة على الساحة دلوقت لفهم الإسلام حكم غلط .. بناءا على الظواهر أو على الأسلوب أو .. أو ..

طيب إيه الصح ؟؟؟؟

إزاي نعرف بقة الفهم الصح ده ؟؟؟؟

هي دي النقطة الي عاوز أوصللها من كل الكلام اللي قلته ده ...

و لو حد قال الفهم الصحيح هو الكتاب و السنة

هاقول : كل الناس بتقول انهم ماشيين على الكتاب و السنة

أنا باقول إزاي نفهم الكتاب و السنة فهم صحيح

هو ده سؤال الحلقة

إزاي اخترت طريقك لفهم الدين أو إيه هي الطريقة الصحيحة من وجهة نظرك لاختيار الطريق لصحيح إلى الله ؟

منتظر إجاباتكم ...

و أنا كمان هاجاوب زيي زيكم

بس عاوز أسمعكم الأول

جزاكم الله خيرا

**محمد يحي محمد** · 12-05-2009, 06:21 PM

رد: إفهم الدين زي ما أنا فاهمه ... و إلا ....

السلام عليكم ورحمه الله وبركاته
_____________________
الحمد لله ر بالعالمين خالقنا ورازقنا وبارئنا واليه النشور له الثناء الحسن والحمد الكثير. وأصلى وأسلم على نبينا وحبيبنا وعظيمنا وقائدنا محمد بن عبدالله عليه وعلى اله وصحبه ومن تبعه ونهج نهجه الى يوم الدين . أما بعد
سأوجز لك كلماتى
أولا : جزاك الله خيرا ياأخى على هذا الكلام النفيس .
ثانيا : ذكرنى كلامك بأن يأتى أحد الناس الى الشيخ أو الامام ويسئله سؤال ويكون هذا الشيخ صاحب علم كثير ولكن يخطىء .. ونفهم من هنا أن الفـــقــــه ليس فى كثره العلم وانما فى كيفيه وضع العلم فى موضعه .
ثالثا : أعلم . أعمل .
بمعنى أنك تعلم العلم .. وتعمل بهذا العلم
كتاب الله وسنه رسوله
وكى أكون واضحا فأذكر حديث رسول الله أنه قال (تتفرق أمتى على بضع وسبعين شعبه .كلهم فى النار الا ما أنا عليه انا وأصحابى اليوم) أو كما قال صلى الله عليه وسلم
وهذا محتاج الى : الاستعانه بالله عز وجل
ثم همه عاليه فى فهم كتاب الله والعمل به رزقنا الله واياكم الهمه لانك يجب ان تعلم ان سلعه الله غاليه
يجب ان تعلم من اين تأخذ علمك
وأعلم أن ما قل وكفى خير مما كثر وألهى
والله أسأل أن يهدينا وأياكم الى ما يحب ويرضى ويرزقنا حسن الخاتمه
والله من وراء القصد وهو نعم المولى ونعم النصير

**أبوحمزة** · 12-05-2009, 06:31 PM

رد: إفهم الدين زي ما أنا فاهمه ... و إلا ....

بداية أحييك تحية من أعماق قلبى على هذا الموضوع البنّاء الجاد ... ثانياً دعنى أرد على سؤالك الذى إن دل فإنما يدل على روح المحبة التى تنبثق من قلبك إلى إخوانك لتأخذ بأيديهم من كهوف الضلال إلى نور الطريق المستقيم ...
----------
إزاي اخترت طريقك لفهم الدين أو إيه هي الطريقة الصحيحة من وجهة نظرك لاختيار الطريق لصحيح إلى الله ؟
--------
أنا لم أختر الطريق أخى الحبيب ... وإنما اختاره الله لى ... فلا أنسى أبداً والله عندما من الله علي بالهداية وسألت ولأول مرة أسأل فى دينى لأتعلم .. سألت أخاً لى أسأل الله أن يبارك فيه وفى ولده .. آمين .. قلت له أنى الآن أحاول أن أتوب .. كيف أعرف أن الله قبل توبتى وأنه راض عنى رغم كل ما فعلته من معاصى وذنوب ... قال لى كلمة لن أنساها طيلة عمرى ... قال لى : إقترابك من الله وتوبة الله عليك هى أكبر دليل أن الله اختارك من بين كل العصاة لتكون عبداً له ... كدت أن أطير فرحاً عندما سمعت رده المحفز ... هل حقاً إختارنى الله أنا الضعيف الذًّنوب الذى جاهرته بالمعصية ليلاً ونهاراً وكلما ذكرنى به أحد كنت لا آبه لما يقال لى ... إختارنى الله لأن أكون طائعاً له ومقيماً لشعائره ... أنا لم أكن أعرف أين الطريق الصحيح لم أكن أعرف من هم الشيعة ومن هم السنة ومن هم الصوفية ومن هم المبتدعون ومن هم الملحدون ... لكنى كنت أصلى وكنت لما أريد أن أصلى فى المسجد كنت أتجنب الملتزمين فلا أصلى بجوارهم خوفاً من أن أخطىء فى الصلاة فأسمع منه نقداً وسخرية .. فالخلفية التى كنت أعرفها عن الملتزمين أنهم متشددون ولا يبتسمون ولا يمزحون ... وما إن من الله علي بالهداية وبدأت الذهاب للصلاة فى جماعة حتى انتبه أبى لذلك وكان متعجب من وجودى فى المسجد فهو بفضل الله يصلى فى المسجد دائماً ولكنى كنت أنعزل عنه فكان لا يرانى بالأيام ... الشاهد .. رآنى أبى فى المسجد المرة تلو المرة ... وأنا بدأت أجلس معه فى بعض الأحيان وأرقق كلامى معه وأحاول تصليح ما فعلته به من جحود وعقوق .. وكنت أظن أن أبى سيبدأ باللوم علي لما كنت أفعله لكنى والله وجدت أباً رحيماً عطوفاً .. ضمنى إلى صدره وقبلنى وقال أحمدك يارب أن استجبت دعائى له بالهداية ... أخذنى من يدى وعرفنى بشيخ كنت أراه فى المسجد كثيراً .. قدمنى للشيخ الذى تعجبت أنه يعرفنى جيداً بسبب ما يحكيه له أبى وقال لى الشيخ أبوك كان يدعوا لك دائماً كل يوم بعد صلاة الفجر ... لازمت الشيخ وبدأت أتعلم قراءة القرءان ... كنت أخجل من نفسى وأنا فى هذا السن الكبير ولا أستطيع قراءة القرءان ... إلا أن فضل الله ثم رقة الشيخ وجيه وابتسامته المشرقة وتشجيع وتحفيز أبى الدائم الذى لم ينقطع للحظة حتى الآن يسروا لى تعلم القراءة بفضل الله ... حتى أنى وأبى وبعض طلاب العلم كنا نجلس معاً أمام الشيخ نقرأ يومياً بعد صلاة الفجر .. ولما من الله علي وانشرح صدرى لإطلاق اللحية ... كان أبى أول من شجعنى بل وإنه لم يكن ملتحياً فقال لى سنلتحى سوياً وما قلت له أريد عمل شيئاً إلا وشجعنى له وقاسمنى فيه ... لا أريد أن أطيل أخى الحبيب .... لكن أقول بكل صدق .. أن الله هو الذى وفقنى لطريقه وجعل أبى هو الذى يدلنى على هذا الطريق ... فلا أسجد سجدة ولا أقرأ حرفاً من كتاب الله إلا وأحتسب لأبى مثل الأجر ...أسأل الله أن يبارك فى عمره وأن يحسن خاتمته وأن يحشره مع الحبيب النبى صلى الله عليه وسلم ... وأن يجمعنى به وبأمى مع النبيين والصديقين والشهداء .. آمين

**راجية رضى الرحمن** · 12-05-2009, 11:24 PM

رد: إفهم الدين زي ما أنا فاهمه ... و إلا ....

المشاركة الأصلية بواسطة قلب معلق بالمساجد مشاهدة المشاركة

إزاي اخترت طريقك لفهم الدين أو إيه هي الطريقة الصحيحة من وجهة نظرك لاختيار الطريق لصحيح إلى الله ؟

بارك الله فيكم أخي الكريم على هذا الموضوع الجيد وعلى هذا الطرح المنير.
لا أحد يختار طريقه لفهم الدين الصحيح , فكل شخص إلا من رحم ربي يظن أنه على صواب , وكل جماعة تظن أنها على الحق.
فالله جل وعلا وحده هو الذي يهديك للفهم الصحيح.
أما بالنسبة لي فالدين الصحيح هو
إلتزام ظاهر وباطن , إلتزام مع الله جل وعلا ومراقبة له في الصغيرة والكبيرة.
وهو أيضا إلتزام بالأخلاق مع كل الناس مع الصغير والكبير .
لا تأخد من الدين القشور فقط إنما الدين قشور لباب لا ينفك أحد عن الآخر.
الفهم الصحيح للدين لا يجعلك سلبيا إنما يجب أن تكون فعّال , لا ترى المنكرات حولك وتكتفي بالنظر إليها وتمضي , كأخ يذهب للمسجد ويمر على جاره ولا يذكره بالصلاة.
الفهم الصحيح للدين لا يجعلك تحقر من هم دونك فأنت لا تدري بماذا سيختم لك وله.
الفهم الصحيح للدين لا يجعلك تترك عملك وتتفرغ للعبادة فحسب بل يجب عليك خدمة مجتمعك وأمتك وأن تحمل هم دينك.
الفهم الصحيح للدين لايجعلك تمر على شخص ولا تلقي عليه السلام بحجة أنه ليس من جماعتك.
هذا هو الفهم الذي منّ الله عليّ به فالفضل لله إبتداءا ولشيخي فضيلة الشيخ محمد حسان الذي طالما أصل لنا هذه الأصول العظيمه.

أسأل الله جل وعلا أن يردنا جميعا إليه ردا جميلا وأن يوفقنا لكل مايحبه ويرضاه من الأقوال والأفعال والأحوال أنه ولي ذلك والقادر عليه.
ومرة ثانيه شكر الله لكم أخي الكريم ونفع الله بكم.

**قلب معلق بالمساجد** · 14-05-2009, 04:12 AM

رد: إفهم الدين زي ما أنا فاهمه ... و إلا ....

المشاركة الأصلية بواسطة محمد يحي محمد مشاهدة المشاركة

وهذا محتاج الى : الاستعانه بالله عز وجل

المشاركة الأصلية بواسطة أبوحمزة مشاهدة المشاركة

أنا لم أختر الطريق أخى الحبيب ... وإنما اختاره الله لى ...

المشاركة الأصلية بواسطة راجية رضى الرحمن مشاهدة المشاركة

فالله جل وعلا وحده هو الذي يهديك للفهم الصحيح.

استغربت جدا لما وجدت الإجماع ده على نفس النقطة

النقطة اللي معظم الناس بتغفل عنها ..

و مش بينتبه ليها إلا اللي ربنا بيمن عليه فعلا بفهم الطريق
و بيذوق حلاوة الفقر إلى الله

و الحقيقة إنتوا بردودكم دي وفرتم عليا كلام كتير

أنا لما كتبت الموضوع ده في منتدى تاني قبل كده
كانت الردود غير كده خالص

و لما حاولت إني أتكلم إن الهداية للطريق دي ..
أهم و أول حاجة فيها ..
هي فضل ربنا سبحانه و تعالى ..
و أول خطوة فيها هي اللجوء إلى الله سبحانه
كنت باحس إن الناس بتحبط من كلامي ..

"ماحنا عارفين الكلام ده و عارفين إننا لازم نستعين بالله "

لكن إنتوا بكلامك وفرتم عليا الكلام

من الحاجات اللي اثرت فيا جدا .. تسجيل الأخت اللي كانت نصرانية و ربنا من عليها بالإسلام
هي بعد ما لفت على الدنيا كلها عشان حد يقوللها تعمل إيه
و عملت كل حاجة
و نادت على اللي كانت بتعبدهم
لما كل دول ماردوش عليها

أول ما نادت على ربنا .. و طلبت منه إنه يعرفها الطريق
في لحظتها .. رد عليها سبحانه
شوفوا الموضوع سهل إزاي ؟؟؟

و شوف بقة الجمال في دعاء النبي صلى الله عليه و سلم
"اللهم أرني الحق حقا و ارزقني اتباعه
و أرني الباطل باطلا و ارزقني اجتنابه"

كلمتين خلصوا الموضوع
لأن في نقطة في غاية الأهمية ..
مش كفاية إني أعرف الطريق الحق فين
ناس كتير عارفة الصح .. بس مش بتبعه لهوى

فدعاء النبي صلى الله عليه و سلم .. فيه الخير كله
إني أعرف الحق فين ... و كمان أتبعه
و أعرف الباطل فين و أبعد عنه

جزاكم الله خيرا

**sara2007** · 15-05-2009, 10:24 AM

رد: إفهم الدين زي ما أنا فاهمه ... و إلا ....

بسم الله الرحمن الرحيم
السلام عليكم ورحمة الله وبركاااااااااته

جزااك الله خيراً ..ماشاء الله موضوع قوي جداً
أسأل الله أن ينفعنا به..

وبالنسبه لسؤال حضرتك

إزاي اخترت طريقك لفهم الدين أو إيه هي الطريقة الصحيحة من وجهة نظرك لاختيار الطريق لصحيح إلى الله ؟

ماشاء الله الردود مفيده جداً ولن أضيف أكثر مما قالوه الأعضاء الكرام
وبالنسبه لي الدين الصحيح يكون بتوفيق وإعانة الله عز وجل للعبد فإنه لاحول لنا عن المعصيه ولاقوة لنا علي الطاعه إلا بالله عز وجل..
فعلينا بالدعاء ثم الدعاء ثم الدعاء أن يهدينا الله إلي الطريق الصحيح للوصول إليه عزَّ وجل..
وأنا فعلاً أحب جداً دعاء
اللهم وفقنا لكل ماتحب وترضي
فالأمر كله بتوفيق الله عز وجل وليس لنا من الأمر أي شئ
وعند قول هذا الدعاء وإستشعار معناه فعلاً لن نترك هذا الدعاء أبداً
وفعلاً مثل ما قلت أخي الفاضل عن تسجيل الأخت التي أسلمت فهي والله ما أسلمت إلا بتوفيق الله عز وجل لها..فعلينا دائماً أن نطلب منه وبإلحاح التوفيق لكل ما يحبه ويرضاه وأن يعيينا علي ذكره وشكره وحسن عبادته
وأن نحمد الله دائماً أن خلقنا مسلمين له فهذه الأخت التي أسلمت كانت تقول إحمدي الله يامسلمه إن ربنا خلقك مسلمه فهي لا تستطيع أن تمارس أي أمر من أمور الدين أمام أي أحد ..فوالله نحن في نِعَم كثيييره جدا لا نشعر بها لأننا وُلِدنا فوجدنا أنفسنا هكذا ..ولايشعر بها إلا من فقدها..
والدين الصحيح هو أن تستشعر مراقبة الله لك في كل لحظه وأن تتقي الله في كل نفس تتنفسه وأن تعبد الله كأنك تراه فإن لم تكن تراه فإنه يراك..
وعجبتني جملة أختنا الفاضله راجية رضى الرحمن:
الفهم الصحيح للدين لا يجعلك تحقر من هم دونك فأنت لا تدري بماذا سيختم لك وله.
فقد قال الله عز وجل في سورة النساء:
كَذَلِكَ كُنْتُمْ مِنْ قَبْلُ فَمَنَّ اللَّهُ عَلَيْكُمْ فَتَبَيَّنُوا إِنَّ اللَّهَ كَانَ بِمَا تَعْمَلُونَ خَبِيراً...الآيه 94
كان ممكن أنا أكون مكان أي حد من اللي أنا بأحقر عملهم دول فالأمر والله ليس بشطارتي ولا بمجهودي فهو مِنَه من الله علينا وتوفيق منه سبحانه وتعالي لنا والله أعلم بالخواتيم..فأدعو الله أن يحسن خاتمتنا وأن يهدينا جميعاً ويوفقنا لكل ما يحبه ويرضاه..
وأسأل الله أن يستخدمنا ولا يستبدلنا...
ورزقنا الله وإياكم مرافقة خير الأنام سيدنا محمد صلي الله عليه وسلم في أعالي جنان الخلد..
اللهم ارزقنا الإخلاص في القول والعمل..اللهم إجعل جميع أعمالنا خالصة لوجهك الكريم..
اللهم صلي وسلم وبارك علي سيدنا محمد وعلي آله وصحبه أجمعييين..

اللهم إغفر لي ما لا يعلمون ولا تؤاخذني بما يقولون وإجعلني خيراً مما يظنون

-----------
سبحان الله..الحمد لله
لا إله إلا الله..الله أكبر
لا حول ولا قوة إلا بالله العلي العظيم
اللهم أعنا علي ذكرك وشكرك وحسن عبادتك
اللهم وفقنا لكل ماتحب وترضي
اللهم استرنا فوق الأرض..واسترنا تحت الأرض..واسترنا يوم العرض عليك
اللهم يسر لي الأصلح اللهم اشرح صدري للأصلح للأحب إليك، لما فيه صلاحي في الدنيا والآخره
أسأل الله عز وجل أن يتقبل منا أعمالنا وأن يجعلنا من أهل الفردوس إنه على ما يشاء قدير
اللهم بلغنا رمضان وأعنا فيه علي الصيام والقيام وقراءة القرآن واجعلنا فيه من المعتوقين من النيراااااان
وبلغنا ليلة القدر وارزقنا قيامها إيماناً وإحتساباً...
اللهم آمييييييييين
ياااااااااااااااارب

إعـــــــلان

إفهم الدين زي ما أنا فاهمه ... و إلا ....

إفهم الدين زي ما أنا فاهمه ... و إلا ....

تعليق

تعليق

تعليق

تعليق

تعليق

تعليق

تعليق