خطوة بخطوة لإزالة صدأ وغشاوة القلب

[امة الرحمن/فاطمة]

رد: خطوة بخطوة لإزالة صدأ وغشاوة القلب

الدواء الرابع : القرءان الكريم

مش لاقي مقدمه لهذا الدواء احسن من الأيتين

قال اللَّه تعالى { وَ نُنَزِّلُ مِنَ القُرْءَانِ مَا هُوَ شِفَآءٌ وَ رَحْمَةٌ لِلْمُؤْمِنِينَ }

قال اللَّه تعالى{ الَّذِينَ ءَامَنُواْ وَ تَطْمَئِنُّ قُلُوبُهُم بِذِكْرِ اللَّهِ أَلاَ بِذِكْرِ اللَّهِ تَطْمَئِنُّ القُلُوبُ }

[امة الرحمن/فاطمة]

رد: خطوة بخطوة لإزالة صدأ وغشاوة القلب

القرءان الكريم : كلام الله سبحانه وتعالى نور وطريق هدايه لكل من يتمسك به ، شفاء القلوب من كل الأمراض قال اللَّه تعالى { وَ نُنَزِّلُ مِنَ القُرْءَانِ مَا هُوَ شِفَآءٌ وَ رَحْمَةٌ لِلْمُؤْمِنِينَ } ( الإسراء : 82 ) من مرض الشكّ و النفاق و الزيغ و غيرها من الأمراض النفسية
كما ثبت عن رسول اللَّه صلى الله عليه وسلم بأنّه كان يُرْقِي بالقرآن الكريم من المرض و الحسد و الأذى و الشِدّة و ما شابه .

القرءان الكريم طوق نجاه لكل من بعد عن الطريق وقسا قلبه وتحجرت عيناه ، لكل من صدأ قلبه وقال صلى الله عليه و سلم : " إن القلوب تصدأ كما يصدأ الحديد . فقيل يا رسول الله وما جلاؤها ؟ فقال : تلاوة القرءان وذكر الموت" . أخرجه البيهقى

كلام الله سبحانه وتعالى من عاش على شىء مات عليه وبعث عليه ، يااااه تخيل لما تموت وانت في ايدك المصحف وانت بتقرأ كلام الله ، تخيل وانت في القبر والقرءان نور وونيس لك ، تخيل يوم القيامه والقرءان شفيع لك ، وإن القرءان يلقى صاحبه يوم القيامة حين ينشق عنه قبره كالرجل الشاحب فيقول ـ أي القرءان لصاحبه ـ هل تعرفني ؟ فيقول : ما أعرفك ، فيقول أنا صاحبك القرءان الذي أظمأتك في الهواجر واسهرت ليلك .

عن بريدة رضي الله عنه قال قال رسول صلى الله عليه وسلم: " من قرأ القرءان وتعلمه وعمل به ألبس والداه يوم القيامة تاجاً من نور ضوؤه مثل ضوء الشمس ، ويكسى والداه حليتين لا تقوم لهما الدنيا ، فيقولان : بما كسينا هذا ؟ فيقال : بأخذ ولدكما القرءان ".

[امة الرحمن/فاطمة]

رد: خطوة بخطوة لإزالة صدأ وغشاوة القلب

القلب والقرءان


الزرع او النبته الصغيره بتحتاج كل يوم نروياه بالماء ونعتني بيها ، لأن عدم الأهتمام بيها حايخليها تضعف وتيبس .

كذلك القلب محتاج كل يوم ترويه من القرءان ، علشان كدا الرسول عليه الصلاة والسلام قال ان نختم القرءان على الأقل مره في الشهر يعني لو حسبناه كل يوم جزء من القرءان . كل يوم تروي قلبك جزء من القرءان علشان مايصدأش
لو كل واحد فتح قلبوا دلؤتي ياترى حيلائي فيه ايه قلب ابيض ملىء بالقرءان ، ولا قلب يابس من شدة عطشه قلب ضعيف تاخده شهوه وترجعوا شهوه قلب مليان اغاني وشهوات ومعاصي .

حضرتك بتسمع كل يوم درس وموعظه ولا لأ طب مين الشيوخ الي بتتأثر فيهم وبتبكي في دروسهم

طب ماهو القرءان كلام الله سبحانه وتعالى موعظه
قال تعالى " يـأَيُّهَا الناس قد جائكم موعظة من ربكم وشفاء لما في الصدور "
يعني انت ممكن كل يوم تحضر درس بس درس رباني مع كلام الله سبحانه وتعالى ، يعني الناهرده قرأت ايات عن الصدقه والأنفاق في سبيل الله ، خلاص من النهارده كل يوم حاتصدق . لو قرأت بكره ايات عن خشية الله ، من وقتها تنوي انك حاتخشى الله في الغيب .

المشكله يا جماعه اننا بنقرأ القرءان ذي اي كتاب ، استغفر الله العظيم يعني ، والا كان كل واحد عباره عن نور يمشي على الأرض ، المشكله اننا بنقرأ القرءان وقلوبنا مع الدنيا ، يعني في ايام الدراسه لما مثلا تكون في نظريه بتحفظها في الأول وبعدين ممكن تعمل تجربه عمليه علشان تطبقها او تحل واجب عليها دا في حاجه في الدنيا ، اما القرءان ممكن تكون قرأت كذا ايه عن قيام الليل بس مقصر فيه . المشكله ان قلوبنا اصبح عليها غلاف من المعاصي لما نقرا القرءان مش بنشعر بيه ، ولا قلوبنا بتترحك معاه طب حاتشيل الطبقه دي اذاي اغلبنا بدل مابيشيل الطبقه دي بيزودها .....يجي بعد شهر او شهرين من قراءةالقرءان يقول انا خلاص تعبت انا قلبي مش بيتحرك مع القرءان ويترك القرءان . غـــــــلــــــــط ، الأصل في كل عباده في الدنيا المجاهده ....افضل جاهد نفسك وادعي الله لغايت لما ربنا يرزقك حب القرءان وان يجعله ربيع قلبك ونور بصرك وجلاء حزنك وذهاب همك .
كنت اعرف واحد مليان معاصي وعنده نفس المشكله يقرا القرءان مش يحس بحاجه بس الفرق مابينه ومابين ناس كتير انه ثبت ودعا الله سبحانه وتعالى لغايت لما كنا في رمضان مع بعض بنصلي كان بيبكي من سورة الفاتحه والله كان بيبكي منها سبحان الله الراجل ده ماكنش بتأثر فيه ايات النار ولا عظمة الله سبحانه وتعالى ولا ايات الجنه ، دلؤتي من اي ايه ممكن يتأثر فيها .....المهم المجاهده والتطبيق يعني كل ايه تعدي عليها تعرضها على قلبك وتشوف مافيها من احكام وتحاول تنفذها . احنا كل ده كنا مع ايه واحده
قال تعالى " يـأَيُّهَا الناس قد جائكم موعظة من ربكم وشفاء لما في الصدور " .

عايزين كل ايه نعيش معاها ونفكر بيها ، ذي ما كنا كل كلمه من اغنيه بنتأثر فيها .......

[امة الرحمن/فاطمة]

رد: خطوة بخطوة لإزالة صدأ وغشاوة القلب

ايات ذكر فيها القرءان :

1- قال اللَّه تعالى { ذَلِكَ الكِتَابُ لا رَيْبَ فِيهِ هُدىً لِلْمُتَّقِينَ }
لو تلاحظو في اغلب الأيات الي ذكر فيها القرءان حنلائي كلمة " هدى " طب ما احنى بنقرأ القراءن لكن مش بنشعر بأثر في القلب ، كل ده بسبب جدار المعاصي المحيط بالقلب حانرجع لجدار المعاصي في مشاركه تانيه واذاي نكسره ان شاء الله .

2- قال اللَّه تعالى { إِنَّا أَنْزَلْنَآ إِلَيْكَ الكِتـبَ بِالحَقِّ لِتَحْكُمَ بَيْنَ النَّاسِ }
كلمة " انزلنا " بتأثر في قلبك ولا لأ ...أنزلنا ...يعني من الله سبحانه وتعالى حاسس بعظمة القرءان قال تعالى "وكذلك اوحينا اليك روحا من امرنا" روح من الله سبحانه وتعالى و قال اللَّه تعالى { وَ هَذَا كِتَابٌ أَنْزَلْنَاهُ مُبَارَكٌ فَاتّبِعُوهُ }

3- قال اللَّه تعالى { وَ إِذَا قُرِىءَ القُرْءَانُ فَاسْتَمِعُواْ لَهُ وَ أَنْصِتُواْ لَعَلَّكُمْ تُرْحَمُونَ }
احنا في أغلب الوقت بنشغل القرءان سواء كان شريط او على الكمبيوتر او في الأذاعه لكن لو حسبنا نسبة الأنصات حنلائيها قليله جدا، لأن ناس كتير اصبح القرءان عندها للتبرك يحط قرءان في العربيه في البيت في المكتب انما يحط القرءان في قلبه لأ . يشغل القرءان للتبرك ووو بس نسبة انصاته تكون قليله جدا .

4-قال اللَّه تعالى{ الَّذِينَ ءَامَنُواْ وَ تَطْمَئِنُّ قُلُوبُهُم بِذِكْرِ اللَّهِ أَلاَ بِذِكْرِ اللَّهِ تَطْمَئِنُّ القُلُوبُ }
حانرجع تاني لجدار المعاصي المحيط بالقلب وكل واحد حسب معاصيه يعني في واحد الجدار بتاعه رقيق من اول ايه بتتكلم عن رحمة الله مثلا او الجنه الجدار يتكسر وقلبك يخشع وتبكي على طول وفي واحد جدار المعاصي عنده سميك شويه مش بيتأثر ولا في ايات عظمة الله ولا الجنه ولا النار طب ده يعمل ايه ؟؟؟؟؟ يفضل يضرب الجدار السميك الي على قلبه لغايت لما يتكسر ....يعني هو اخد وقت طول في بناء هذا الجدار معصيه معصيه ....مستكتر على نفسه انه ياخد وقت لغايت لما الجدار يتكسر ..

5-قال اللَّه تعالى{ كِتَابٌ أَنْزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلى النُّورِ بِإِذْنِ رَبِّهِمْ إِلى صِرَاطِ العَزِيزِ الحَمِيدِ }
الفضيل بن عياط كان سارق اول ماسمع ايه " الم يأن للذين امنوا ان تخشع قلوبهم " تاب على طول واصبح من عباد الله كان سارق يا جماعه واصبح عابد ،كمان قصة مالك ابن دينار نفس الأيه واصبح من أشهر التابعين بعد لما كان من اكثر الناس معصيه ...ناس كتير اتغيرت الي النقيض الشاهد ان الناس دي كانت في ظلمات واول ماسمعوا ايه واحده فقط ربنا هداهم سبحناه وتعالى .

يتبع

[امة الرحمن/فاطمة]

رد: خطوة بخطوة لإزالة صدأ وغشاوة القلب

في الأول عايز اوضح حاجه الأدويه الي بنضرب بيها جدار الغفله والمعاصي الي على قلوبنا ...وصلنا لأربع ادويه حتى الأن ....ان شاء الله بعد لما نخلص الدواء الرابع "القرءان " حانتوقف يومين او تلاته .....ذي كده وقفه مع النفس حانراجع على الأدويه وكل واحد يشوف هو بياخد الأدويه ولا لأ وعملت اثر في القلب ولا لسا ...

[امة الرحمن/فاطمة]

رد: خطوة بخطوة لإزالة صدأ وغشاوة القلب

6- قال تعالى (يا أيها الناس قد جاءتكم موعظة من ربكم وشفاء لما في الصدور وهدى ورحمة للمؤمنين قل بفضل الله وبرحمته فبذلك فليفرحوا هو خير مما يجمعون)

الآيات الكريمة بتبين لنا عظمة القران الكريم وانه اعظم كتاب أنزله الله على أهل الأرض ولقد وصفه الله بأوصاف عظيمة فوصفه بأنه كريم وبأنه عظيم وبأنه مجيد وبأنه مبارك وبأنه هدى ونور وفرقان وبأنه ذكر ومبين وبأنه تبيان لكل شئ وموعظة وشفاء لما في الصدور وبأنه مصدق لما بين يديه من الكتب ومهيمن .

7- وقال تعالى: (إن الذين يتلون كتاب الله وأقاموا الصلاة وانفقوا مما رزقناهم سرا وعلانية يرجون تجارة لن تبور ليوفيهم أجورهم ويزيدهم من فضله انه غفور شكور )

عايز بس اقول ايه علاقة بين يتلون كتاب الله وانفقوا مما رزقناهم ، حديث رسول الله صلى الله عليه وسلم في مامعناه كل حرف في القرءان بحسنه والحسنه بعشر امثالها والله يضاعف لمن يشاء يعني لو قرأت مثلا جزء عما مش حاياخد منك تقريا ساعه الا ربع شوف كمية الحسنات الي اخدتها .
الأنفاق في سبيل الله كمثل حبه والحبه انبتت سبعة سنابل في كل سنبله مئة حبه والله يضاعف لمن يشاء ، حديث للنبي صلى الله عليه وسلم يقول " من تصدق بعدل تمرة من كسب طيب فيتقبلها الله بيمينه يربيها كما يربى أحدكم فلوة حتى تكون مثل الجبل او كما قال الرسول صلى الله عليه وسلم .
الشاهد من الموضوع ان دي فعلا تجاره بس بس نوع اخر من التجاره تجاره مافيهاش خساره والمكاسب بتاعتها كبيره جدا ......وفوق كل ده الله سبحانه يختم الأيه بأسم من اسمائه سبحانه وتعالى " الشكور " وهو يجازي عن القليل الكثير سبحانه وتعالى.

[امة الرحمن/فاطمة]

رد: خطوة بخطوة لإزالة صدأ وغشاوة القلب

- قال تعالى : " وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا "

ماهو يا اما القرءان يأتي لك شفيع ونور لك يوم القيامه ، يا اما انت حاتيجي وانت بتتحسر على كل دقيقه وكل يوم ماقرأتش القرءان فيه ، بتتحسر على عتاب الرسول عليه الصلاة والسلام لك .
هجر القرءان ممكن يكون ب
أ- عدم قراءته
ب- عدم التدبر في معانيه ، يعني ممكن تكون بتقرأ القرءان بس بتقرأ قراءه عاديه من غير خشوع ولا تدبر .
ج- عدم معرفة احكامه ، يعني ماتعرفش تقرا القرءان صح ، ماتعرفش يعني ايه اظهار وادغام واخفاء ومد ووو .

9-قال اللَّه تعالى :{ وَ نَزَّلنا عَلَيْكَ الكِتَابَ تِبْيَاناً لِكُلِّ شَيءٍ وَ هُدىً وَ رَحْمَةً وَ بُشْرَى لِلْمُسْلِمِينَ } .
احكام الصلاه حتلائي احكام الصوم حتلائي احكام المواريث حتلائي ، قصص الأنبياء ، اي حاجه عايزه حتلائيها في القرءان ، دائما واحنا ماشين حنلائي كلمة هدى مرتبطه مع القرءان .."وبشرى للمسلمين " بشرى في الدنيا لما يتمسكوا بيه فيأتيهم النصر والعزه بأذن الله ، بشرى في القبر لما يأتي القراءن صديق وونيس لك في وحدة في القبر ، بشرى يوم القيامه لما يأتي شفيع ونور لنا بأذن الله

10- قال اللَّه تعالى { يـأَيُّهَا الَّذِينَ ءَامَنُواْ لاَ تُلْهِكُمْ أَمْوَ لُكُمْ وَ لاَ أَوْلَـدُكُمْ عَنْ ذِكْرِ اللَّهِ وَ مَنْ يَفْعَلْ ذَلِكَ فَأُولَئِكَ هُمُ الخَـسِرُونَ }
تحذير من الله سبحانه وتعالى من ترك ذكر الله ..احنا اتفقنا قبل كده ان القرءان افضل الذكر علشان بس مايحصلش لبس |... لازم يا جماعه يكون في ورد قرءاني كل يوم على الأقل حزب ....كلمة " الخَـسِرُونَ " فاكرين كنا اتكلما ان ذكر الله تجاره وتجاره مكسبها كبير جدا ....في ناس تاجروا لكن تاجروا بالدنيا وخسروا .

11- قال اللَّه تعالى { فَوَيْلٌ لِلْقَـسِيَةِ قُلُوبُهُم مِن ذِكْرِ اللَّهِ أُوْلَئِكَ فِي ضَلاَلٍ مُبِينٍ }
ان شاء الله حانتكلم في مشاركات قادمه عن الأسباب الي تعينا على التدبر والخشوع في قراءة القراءن . اسأل الله لنا العفو والعافيه

12-قال اللَّه تعالى { وَ مَنْ يَعْشُ عَنْ ذِكْرِ الرَّحْمَـنِ نُقَيِّضْ لَهُ شَيْطَـناً فَهُوَ لَهُ قَرِينٌ }
يعني من اسباب قسوة القلب والأقبال على المعاصي ، ترك القرءان و ذكر الله ،كنا اتكلما ان من فوائد الذكر معية الله سبحانه وتعالى للذاكر ، بتبعد عنه الشيطان ووساوسه ، لكن عند ترك الذكر وقراءة القرءان ، الشيطان حايكون صاحبك معاك على طول يعني معاصي كتير وعابده قليله من غير خشوع وتركيز ، وبعد كده نقول اصي مش قادر على نفسي .

[امة الرحمن/فاطمة]

رد: خطوة بخطوة لإزالة صدأ وغشاوة القلب

13- قال اللَّه تعالى { إِنْ هُوَ إِلاَّ ذِكْرٌ لِلْعَـلَمِينَ . لِمَنْ شَآءَ مِنْكُمْ أَنْ يَسْتَقِيمَ }
كل يوم بنقرأ الفاتحه وبنعدي على هذه الأيه " اهدنا الصراط المستقيم "
من تمسك بالقرءان القرءان الكريم وعمل بأحكامه يجد طريق الهدايه والأستقامه .

14 - قال اللَّه تعالى { فَذَكِّرْ بِالقُرْءَانِ مَنْ يَخَافُ وَعِيدِ }
اكتر ايات بنكون فيها في قمة الخشوع ايات النار بعدين ننزل شويه في ايات الجنه بعدين ننزل شويه في ايات عظمة الله ...[عدين عند اغلب الناس مش بيكون في خشوع في ايات الأحكام ...يعني مثلا احكام الميراث ... اقرأها واعرضها على قلبك وشوف اخبار الخشوع ايه عمرك بكيت منها ، مه انها كلام الله سبحانه وتعالى ، الهدف ان احنا نطلع من هذا الدواء واحنا منحنى الخشوع والتدبر ماينزلش ابدا .

15- قال اللَّه تعالى { إِنَّ هَذَا القُرْءَانَ يَهْدِي لِلَّتِي هِيَ أَقْوَمُ }
لو القلب الي اتعود على قراءة القرءان كل يوم تركه في يوم حايحس ان في حاجه غلط ، ذي كده اي حد لما يبتدي يدخل عليه مرض يحس انه تعبان ، كذلك علاقة القرءان بالقلب المعلق بالله لو ماقرأش القرءان في يوم يصبح من غير مناعه ويتعب من الفتن التي تعرض عليه ،قال اللَّه تعالى { وَ نُنَزِّلُ مِنَ القُرْءَانِ مَا هُوَ شِفَآءٌ وَ رَحْمَةٌ لِلْمُؤْمِنِينَ } .

16- (كتاب أنزلناه إليك ومبارك ليدبروا آياته وليتذكر أولو الألباب) (وبالحق أنزلناه وبالحق نزل وما أرسلناك إلا مبشرا ونذيرا) (وقرانا فرقناه لتقرأه على الناس على مكث ونزلناه تنزيلا)
التدبر يا اخواني احنا ساعات بنقرأ والقلب مشغول بحجات تانيه ولو سالت اخر ايه قرأتها كانت بتتكلم عن ايه مايعرفش ، في حين لو كان جريده او روايه او حتى اغنيه قلبوا يعيش مع الكلام ويطلق العنان لأحلامه وتفكيره ويسرح يومين ولا تلاته كل ده في روايه ولا كلام اغنيه وممكن يبكي كمان والله من شدة التأثر ، انما حد يقول ليه التدبر في القرءان اولخشوع يقولك يا اخي قلبي مش ملكي مش قادر اخشع ولا اتدبر القرءان .


كده تقريبا خلصت اغلب الأيات الي بتتكلم عن القرءان وحاولت اكتب تعليق عليها اسأل الله التوفيق ما كان خير فمن توفيق الله سبحانه وتعالى وماكان غير ذلك فهو من نفسي الضعيفه .

[امة الرحمن/فاطمة]

رد: خطوة بخطوة لإزالة صدأ وغشاوة القلب

الأحاديث التي ذكر فيها القرءان

1- قال صلى الله عليه وسلم: ( مثل المؤمن الذي يقرأ القران مثل إلاترجة ريحها طيب وطعمها طيب ومثل المؤمن الذي لا يقرأ القران كمثل التمرة لا ريح لها وطعمها حلو ومثل المنافق وفي رواية الفاجر الذي يقرأ القران مثل الريحانة ريحها طيب وطعمها مر ومثل المنافق أو الفاجر الذي لا يقرأ القران كمثل الحنظلة ليس لها ريح وطعمها مر ).

2- قال النبي صلى الله عليه وسلم: ( خيركم من تعلم القران وعلمه)

3- قال صلى الله عليه وسلم: ( ما اجتمع قوم في بيت من بيوت الله يتلون كتاب الله ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة وذكرهم الله فيمن عنده)

4- قال صلى الله عليه وسلم: ( اقرأوا القران فانه يأتي يوم القيامة شفيعا لاصحابه)

5- قال صلى الله عليه وسلم: ( تعاهدوا القران فوالذي نفس محمد بيده لهو أشد تفلتا من الإبل في عقلها)

6- قال النبي صلى الله عليه وسلم: ( الماهر بالقران مع السفرة الكرام البررة والذي يقرأ القران ويتتعتع فيه وهو عليه شاق له أجران)

[امة الرحمن/فاطمة]

رد: خطوة بخطوة لإزالة صدأ وغشاوة القلب

دي مشاركة إحدي الأخوات

أنا مش عارفة ليه بآجي لحد القرآن ومش بأعرف أتكلم... مش بعرف أعبر عنه خالص...

أنا متابعة معاكوا على فكرة من ساعة بدأتوا في القرآن... بس جيت مرة أكتب حاجة معرفتش..

أنا قلت قبل كدا في موضوع خواطر قرأنية إن أكتر سبب بيخليني أخشع في القرآن هو الإحساس بإن ربنا بيكلمني.. إن الكلام دا نازل ليا أنا.. موجه ليا أنا... الإحساس دا لما كان بيعلى عندي أوي.. كنت بأقعد أقرأ حوالي 3 أجزاء في وقت واحد.. أيام زمان طبعاً...


كنت عايزة أقول على الآيات بعد إذنك أخي محمد...

الآية...

(( لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ ))
(21) سورة الحشر

الآية واضحة طبعاً.... الجبل هيتصدع من خشية الله.. أنا بس عايزة الناس تتخيل بعد ما تقرأ الآية اللي جاية.....

(( قُلْ مَن كَانَ عَدُوًّا لِّجِبْرِيلَ فَإِنَّهُ نَزَّلَهُ عَلَى قَلْبِكَ بِإِذْنِ اللّهِ مُصَدِّقاً لِّمَا بَيْنَ يَدَيْهِ وَهُدًى وَبُشْرَى لِلْمُؤْمِنِينَ )) (97) سورة البقرة

فهمتوا قصدي طبعاً....أنا مش قادرة أتخيل قلب الرسول صلى الله عليه وسلم كان عامل إزاي...؟ بجد مش قادرة حتى مجرد التخيل... وبالتالي مش هأقول حاجة تاني... هأسيب الآيات هي اللي تتكلم... وإنتوا حاولوا تستوعبوا المعاني العميقة اللي في الآيات دي...

هأقول بقى حاجة عشانا احنا... لازم نحاول نستحضر قلوبنا لما نيجي نقرأ القرآن ونحاول نحس بكل كلمة ونحاول نتفاعل مع الآيات ونستعيذ بالنار لما يجي ذكرها وندعو بالجنة لما يجي ذكرها.. على الأقل دا هيخلينا نركز ونصحى..

طبعاً كمان أهم حاجة في موضوع القرآن... القراءة بالتجويد والتغني بالقرآن...

أنا عارفة إن الموضوع بيبقى صعب في الأول وساعات الناس مش بتعرف تعمل دا خاصة "التغني بالقرآن"...

بس والله هي المسألة مسألة تعود لا أكتر ولا أقل... أنا عايزة أقول لو حد مش بيعرف يجود، أنا عن نفسي اتعلمت حوالي 75% من أحكام التجويد بمجهود شخصي... من التليفزيون وكنت بأقرأ ساعات أحكام التجويد... ورحت مرة واحدة درس تحفيظ المحفظة قالتليلي.. إن قرايتي صح والحمد لله... أنا لسة طبعاً مش صح في كل القراية وعايزة أتابع مع حد عشان لو بأغلط في حاجة تتصححلي..

بس هو للأسف كالعادة حظي جميل والدرس ماكملش واعتذروا... بس أنا إن شاء الله هأحاول أتابع مع حد... الحكاية دي مش مهمة في حاجة غير إن عايزة أوضح الفكرة فإن لو حتى المواضيع مش ميسرة معاكوا في المتابعة مع حد ممكن تقدروا تقطعوا مسافة كبيرة جداً في التجويد... وتروحوا بعد كدة ولو حصة في الأسبوع أو الشهر تشوفوا الغلط في القراية....

كل دا ومش بعرف أتكلم عن القرآن.. مش عارفة لو كنت بأعرف كنت هأعمل إيه؟؟؟

آسفة على الإطالة

[امة الرحمن/فاطمة]

رد: خطوة بخطوة لإزالة صدأ وغشاوة القلب

وهذه أيضا

باحثُ عربي عُرِف بإنتاجه العملي الغزير على المستويين العربي والدولي ، وهو أستاذٌ جامعيٌّ ، له وزنه ، اختصاصه في علم فَزْلجة النبات ، وقد اشتهر بتجاربه العلمية الرائدة ، فمِن تجاربه التي ربما لا تُصَدَّق ، إلا أنّ الواقعَ أثبتها ، أنه في عام ألف وتسعمائة وسبعة وتسعين نَصَبَ أربعةَ بيوتٍ مَحْمِيَةٍ في حديقةِ كُلِّيةِ العلوم في جامعته ، وزرَعَ فيها قمحاً مِن نوعٍ مُعَيَّن ، هذه البيوت مُوحّدة بحجمها ، مَلأَها بكمياتٍ متساويةٍ نوعاً وكمًّا مِنَ التراب الزراعي ، وغَرَسَ فيها عدداً موحداً مِن بذور الحنطة على عمق واحد ، وتمّ تسميدُها جميعاً بكميات متساوية مِنْ سَمادٍ معيَّن ، وسمّى اسمه ، وسُقِيتْ جميعاً بِذاتِ العددِ مِنَ السقيا ، وبكميات ماء متساوية ، ثم اختار إحدى طالباته لتقرأَ السورَ القرآنية التاليةَ : يس ، والفاتحة ، والإخلاص ، وآية الكرسي ، مرتين في الأسبوع على البيت الأول ، ولمدة أربعة أشهر ، وفي البيت الثاني ، كلّف طالبةً أنْ تأتي بنَباتٍ ، وأنْ تمزِّقه ، وأنْ تقطع أوصالَه ، وأنْ تُسمعِه كلماتٍ قاسيةً أمام نباتِ البيتِ الثاني ، مرتين في الأسبوع ، ولمدة أربعة أشهر ، وفي البيت الثالث كلّف طالبةً ثالثةً بِضَرْبِ النباتِ وكيِّه ، وتعريضِ وُرَيْقاتِه للتمزيقِ والقصِّ مرتين في الأسبوع ، ولمدة أربعة أشهر 0

ففي بيت قُرِئَ على نباته سورٌ من القرآن ، وفي بيت عُذِّب أمامه نباتٌ ، و بيت تَلقّى نباتُه التعذيبَ ، والبيت الرابع تُرِك لينموَ نمواً طبيعياً ، وأطلق عليه اسم البيت الضابط ، فماذا كانت النتيجة ، وقد عُرِضتْ في مؤتمر علمي ؟ النتيجة أنّ نباتَ البيتِ الأولِ الذي تُلِيَ عليه القرآنُ الكريمُ ازداد طوله أربعةً وأربعين بالمائة عن طول نبات البيت الرابع الضابط ، وازدادت غلّتُه مائة وأربعين بالمائة عن غلّة البيت الرابع الضابط ، أمّا البيت الثاني والثالث الذي تحّمل التعذيب أو رأى التعذيب ، فقد تدنّى طولُ نباتاته خمساً وثلاثين بالمائة نقصاً ، ونزل إنتاجُه إلى ثمانين بالمائة نقصاً أيضاً .

يقول هذا الباحث : النباتاتُ كمخلوقات الله الأخرى ، تشعر ، وتسمع ، وتستجيب سلباً أو إيجاباً لما حولها من مؤثِّراتٍ خارجية 0


(تُسَبِّحُ لَهُ السَّمَاوَاتُ السَّبْعُ وَالْأَرْضُ وَمَنْ فِيهِنَّ وَإِنْ مِنْ شَيْءٍ إِلَّا يُسَبِّحُ بِحَمْدِهِ وَلَكِنْ لَا تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا) .


]لَوْ أَنزَلْنَا هَذَا الْقُرْآنَ عَلَى جَبَلٍ[- لا على نبات حيّ -]لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُون[ .


]وَالنَّجْمُ وَالشَّجَرُ يَسْجُدَانِ * فَبِأَيِّ آلاَءِ رَبِّكُمَا تُكَذِّبَانِ[.


فإذا كان هذا شأنَ النبات مع القرآن الكريم ، فهل يُعقَل أنْ يَغفلَ الإنسانُ وهو المخلوقُ المكرَّمُ ، والمعنيُّ الأول مِنْ هذا القرآن ، هل يعقل أن يغفل عن هذا القرآن الذي يهدي للتي هي أَقْوَم ، حتى يصدق على المسلمين قوله تعالى :

]وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا[.



...منقول ...

[امة الرحمن/فاطمة]

رد: خطوة بخطوة لإزالة صدأ وغشاوة القلب

- قال رسول اللَّه صلى الله عليه وسلم " مَنْ قَرَأَ حَرْفاً مِنْ كِتَابِ اللَّهِ فَلَهُ حَسَنَةٌ ، وَالحَسَنَةُ بِعَشْرِ أَمْثَالِهَا "

عداد حسنات شغال يعني لو حسبنها بمقايس الدنيا ممكن بعد يوم اكون مليونير وبعد اسبوع اكون ملياردير ....ماعرفش بعد المليار ايه الصراحه ....وكل ده والله يضاعف لمن يشاء سبحانه وتعالى .


8- قال رسول اللَّه صلى الله عليه وسلم" يُقَالُ لِصَاحِبِ القُرْآنِ : اقْرَأْ وَ ارْتَقِ وَ رَتِّلْ كَمَا كُنْتَ تُرَتِّلُ فِي الدُّنْيَا ، فَإِنَّ مَنْزِلَتَكَ عِنْدَ آخِرِ آيَةٍ تَقْرَؤُها"
معنى الحديث : صاحب القرآن : أي حافظه أو حافظ بعضه والملازم لتلاوته مع التدبر لآياته و العمل بأحكامه و التأدّب بآدابه . وارتق : أي اصعد درجات الجنة بمقدار ما حفظته من آيات القرآن . و رتل : أي اقرأ في الجنة لمجرد التلذذ إذ لا تكليف و لا عمل هناك .

طبعا اخونا واخوتنا الي مواظبين على الحفظ يفرحوا اوي بالحديث ده ، يارب ثبتنا على حفظ القرءان الكريم

[امة الرحمن/فاطمة]

رد: خطوة بخطوة لإزالة صدأ وغشاوة القلب

دي مشاركة احد الاخوة
القرآن الكريم

الحمد لله رب العالمين، والصلاة والسلام على نبيه الكريم وآله وصحبه أجمعين.. أما بعد..
فلقد أرسل الله تعالى نبينا محمد ليخرج الناس من غياهب الظلمات.. وأكرمه سبحانه بالآيات البينات والمعجزات الباهرات..
وكان الكتاب المبارك أعظمها قدراً، وأعلاها مكانة وفضلاً..

قال النبي : { ما من نبي من الأنبياء إلا قد أعطي من الآيات ما آمن على مثله البشر، وإنما الذي كان أوتيته وحياً أوحاه الله إليّ، فأرجو أن أكون أكثرهم تابعاً يوم القيامة } [متفق عليه].

إنه القرآن.. كتاب الله ووحيه المبارك.. كِتَابٌ أُحْكِمَتْ آيَاتُهُ ثُمَّ فُصِّلَتْ مِن لَّدُنْ حَكِيمٍ خَبِيرٍ [هود:1].

القرآن.. كلام الله المنزل، غير مخلوق، منه بدأ وإليه يعود.. وَإِنَّهُ لَتَنزِيلُ رَبِّ الْعَالَمِينَ (192) نَزَلَ بِهِ الرُّوحُ الْأَمِينُ (193) عَلَى قَلْبِكَ لِتَكُونَ مِنَ الْمُنذِرِينَ (194) بِلِسَانٍ عَرَبِيٍّ مُّبِينٍ [الشعراء:192-194].

أحسن الكتب نظاماً، وأبلغها بياناً، وأفصحها كلاماً، وأبينها حلالاً وحراماً.. لَا يَأْتِيهِ الْبَاطِلُ مِن بَيْنِ يَدَيْهِ وَلَا مِنْ خَلْفِهِ تَنزِيلٌ مِّنْ حَكِيمٍ حَمِيدٍ [فصلت:42].

فيه نبأ ما قبلكم، وخبر ما بعدكم، وحكم ما بينكم.. هو الجد ليس بالهزل، من تركه من جبار قصمه الله، ومن ابتغى الهدى من غيره أضله الله.. وهو حبل الله المتين، وهو الذكر الحكيم، وهو الصراط المستقيم.. هو الذي لا تزيغ به الأهواء، ولا تلتبس به الألسنة، ولا يشبع منه العلماء، ولا يخلق على كثرة الرد.. لا تنقضي عجائبه، من قال به صدق، ومن عمل به أجر، ومن حكم به عدل، ومن دعا إليه هدي الى صراط مستقيم.. لَّـكِنِ اللّهُ يَشْهَدُ بِمَا أَنزَلَ إِلَيْكَ أَنزَلَهُ بِعِلْمِهِ وَالْمَلآئِكَةُ يَشْهَدُونَ وَكَفَى بِاللّهِ شَهِيداً [النساء:166].
أنزله الله رحمةً للعالمين، ومحجةً للسالكين، وحجةً على الخلق أجمعين، ومعجزةً باقية لسيد الأولين والآخرين..

[امة الرحمن/فاطمة]

رد: خطوة بخطوة لإزالة صدأ وغشاوة القلب

نصائح لكيفية تدبر القرءان

1- الــــنــــيــــه : انت رايح دلؤتي تقرأ القرءان ، وممكن ربنا يكرمك وتصلي بالأيات الي حاتقرأها كمان ، طيب دا كلام الله سبحانه وتعالى يبئى لازم تفكر ابل لما تقرأ وتستحضر عظمة الله مش حايخد الموضوع ده كتير بس حايأثر فيك وانت بتقرأ ،.....النيه بأه دي عايزه قاعده قبل لما تبتدي تقرأ يعني عايزين نطلع كذا نيه في قراءة القرءان لأن ده كنز من الحسنات ومجنون الي ياخد شويه ويقول خلاص مش عايز تاني ...ايه المقدمه الطويله دي ماتخلص ياعم
طيب نشوف كذا نيه كده واخواني واخواتي في الله يحاولوا يفكروا كمان

1- حاقرأ القرءان اتباع لأمر الله سبحانه وتعالى .
2- حاقرأ القرءان اتباع لسنة النبي صلى الله عليه وسلم .
3- حاقرأ القرءان بنية اني احاول اكون قرءان يمشي على الأرض ، يعني حاقرأ ايه ايه واطلع منه الحكم لو امر بطاعه اعمله او امر بترك المعيه اجتنبه .
4- حاقرأ القرءان بنية انه يكون لي ونيس ونور ليه في القبر .
5- حاقرأ القرءان بنية انه يكون شفيع ليه يوم القيامه .
6- حاقرأ القرءان علشان يكون معايه على الصراط ينور ليه الصراط .
7- حاقرأ القرءان علشان علشان يزيل الصدأ الي على قلبي ويرجعني للطريق الصحيح .
8- حاقرأ القرءان بنية انه يعلي مرتبتي في الجنه بكم الحسنات .. الحرف بحسنه والحسنه بعشر امثالها .

اكيد في نيات تانيه بس الشاهد انه بعد كل الكم الهائل من الفوائد الي حاتطلعلك من قراءة القرءان ولسا حاتفكر في الدنيا وانت بتقرأ القرءان .

يتبع

[امة الرحمن/فاطمة]

رد: خطوة بخطوة لإزالة صدأ وغشاوة القلب

نتابع نصائح لكيفية تدبر القرءان

2- تكرار الأيات : أي آيه تأثر في القلب نتوقف عندها ، حتى لو كان تأثر بسيط ، اي ايه سواؤ كانت ايات بتتكلم عن عذاب النار او نعيم الجنه او عظمة الله سبحانه وتعالى ، تكرر الأيه حتى تدخل القلب وتعيش معاها وتحس بيها .

3- غسيل القلب : قبل لما تبدأ قراءة القرءان أغسل قلبك ..الغسيل ده ممكن يكون بصدقه تطلعها ، او انك تفتكر ذنوبك ومعاصيك ، ممكن تكون بشريط تسمعه ولو حتى جزء بسيط ، يدي القلب تنشيط ..بحيث انك اول ماتقرأ القرءان يكون قلبك حاضر وخاشع .

4- ضبط مؤشر القلب على القرءان : يعني الي حايبدأ يقرأ قرءان وهو بيفكر مثلا في امر في الدنيا سواء كان مال او معصيه او اي حاجه ، الموضوع ده عامل ذي لما تظبط مؤشر الراديو على اذاعة القرءان ..حاتسمع القرءان ....طب لو عايز اذاعة الشباب والرياضه حاتظبط المؤشر على الأذعه .......طب لو ظبطت المؤشر في النص .....حتلائي وووش ...مش حاتسمع حاجه ، يبقى لازم ننسى الدنيا بكل مافيها قبل قراءة القرءان .

5- تحديد هدف لقرءاة القرءان : يعني مثلا انا حاقرأ انلاهرده علشان اعيش مع ايات رحمة الله وعظمته سبحانه وتعالى ...اكيد اول ماحاتيجي ايه بتتكلم عن المعنى ده ان شاء الله قلبك حايتحرك معاها .

النصائح موجوده في درس د / حازم شومان في سلسة العبادات