◦ღ♥ஓ همسة لكل داع أو داعية على الفيس والمنتديات ஓ♥ ღ ◦°°

[نوّر حياتك]

(((( هـمســــــــــــــــــــــة ))))

((شوفتوا الإخوة والأخوات على الفيس والمنتديات))


شوفتوا الإخوة والأخوات
على الفيس والمنتديات
بيحصل معاهم حاجات وحاجات
ولا في الحواديت والحكايات





تلاقي بعضهم في البداية داخلين
وتبص عليهم تلاقيهم محتارين



هنعمل ايه على الفيس والمنتديات ؟؟
هنعمل ايه على الفيس والمنتديات ؟؟
هنعمل ايه على الفيس والمنتديات ؟؟


حد يفكر هنعمل اييييييييييه ؟؟




((شوفتوا الإخوة والأخوات على الفيس والمنتديات))

نعمل حاجة مفيدة بسيطة
حاجة خير تِجيبلنا حسنات
نكتب كلمات في بوستات
أو نعمل شير على موضوعات



نكتب أحاديث أو آيات
وأدعية كمان وعظات
وصور طيبة وفيديوهات

ونوصّل الخير للشباب والبنات
ونكسب حسنات وحسنااااااات




((شوفتوا الإخوة والأخوات على الفيس والمنتديات))

وتلاقي الشيطان قاعد محتار
عايز يضيَّع الصفقة المكار



ويجمع صحابه اسمعوني يا شطار
عايزين خطط زي النار
ما تخرش الماية بأي معيار
لئيمة كتير وخلوها بنا أسرار



عايزين نضيّع الحسنات
ونجيب مكانها سيئات



هنقسم نفسنا جروبات
وهنشتغل على كل الجبهات
وعايزين تعاون وبلاش تسرعات




((شوفتوا الإخوة والأخوات على الفيس والمنتديات))

جروب منكم مهمته
نية الإخوة والأخوات
فيما يضعوا من حاجات


هو أنا بكتب ليه ؟؟
هو أنا بنسخ ليه ؟؟
هو أنا بشيّر ليه ؟؟



علشان أكسب حسنات
وأكون سبب في هداية
شبااااااب أوبناااااات ؟؟




ولاااا بتسلى في فراغ أوقاتي
لقيت نفسي قاعد فاضي
قلت أدخل وأعمل شئ مش عادي ؟؟




ولاااا إعجاب بلايك وكومنتات
وشكر وثناء ومجاملات



ويقال فلان وفلانة بيضعوا كلمات
جميلة كتير وكذا الصور أو الفيديوهات

وأزعل كتير لما ما ألاقيش
لايك أو كومنت خلاص مافيش

ولا بكتب ومش داريان
من غير نية ولا أنا حيران ؟؟



هو أنا بكتب ليه ؟؟
هو أنا بنسخ ليه ؟؟
هو أنا بشيّر ليه ؟؟

حد يفكرنا دخلنا لييييييييه ؟؟




لحد ما تتلغبط خالص النية
وثواب العمل يقل تدريجيا
لحد ما يبقى صفر بالمية


((شوفتوا الإخوة والأخوات على الفيس والمنتديات))


جروب منكم هيشغلهم
في مسائهم أو صباحهم

فلا ينظروا شويه لنفوسهم
ولا يهتموا كتير بقلوبهم
ولا يحاسبوا أعمالهم على كتابتهم


مش مهم يعملوا بما يكتبوا
المهم أنهم عمالين ينسخوا



عايزهم يقولوا احنا كده كويسين
عايزين بقى نهدى بقية البني آدمين

!!!

((شوفتوا الإخوة والأخوات على الفيس والمنتديات))

جروب منكم هيضيّع الأوقات
أهم شئ تقصير الواجبات



والإنشغال بالمفضول عن الأفضل منه
وجعل المفضول معظم الساعات

بهدف الإنشغال

عن النوافل ثم الصلوات
وكذا وردهم من الآيات

ومش فاضييييين

لصفاء قلوبهم بالأسرار
بالإستغفار في الأسحار
وجلسة الضحى لطلوع النهار



لحد ما يتعفر القلب بهــ الحال
ويغفل القلب ثم ينااااااااام
ويسهل عليه أثر الشهوات



((شوفتوا الإخوة والأخوات على الفيس والمنتديات))

جروب منكم هيدخّل الشات
بين الإخوة والأخوات
بلايك ثم الكومنتات



بكلام جميل وسلامات
ودعوات أحيانا وتساؤلات
وخفة دم مرة ومزحات



وربي الأخت أدب وذوق
وربي الأخ أدب وذوق


شوية تعارف بس خلاص
فيها ايه يعنى انتوا اخوات ؟؟
مش هيحصل حاجة بلاش تعقيدات !!



مجرد تعارف بس خلاص !!
وممكن في يوم تبقى عريس
وأحسن منها عروسة مافيش



((شوفتوا الإخوة والأخوات على الفيس والمنتديات))

جروب منكم هيدخل صورة
بهـ الطريقة والألعوبة



بص بقى يا عم الشيخ
انت راجل مش بنوتة



يعنى الحجاب مش فرض عليك
فيها ايه تحط صورة ليك ؟؟
بس علشان صحابك يعرفوك

بلاش تقولي فتنة من الصورة
هو أنت يعني مافيش غيرك
ولا هن يعني مستنّينك



وأنتي يا أخت يا آنسة
طبعا أنتي رافضة موضوع الصورة



فيها ايه بس تختاري صورة ؟؟
صورة مش ليكي بس لغيرك
صورة محترمة وتكون شياكة



هتقوللي برده فتنة من الصورة
طيب يا ستي صورة مرسومة
من كرتون أوحتى أميرة


شوفت يا أخ حياء الأخت
وشوفتي يا أخت وسامة الأخ

ويفكر الأخ في تلك الأخت
وتفكر هي كمان في الأخ

ويحلم بيها
وتحلم بيه



وينسى الأخ دخل ليه
وتنسى الأخت دخلت ليه



والباقي بقى انتوا عارفينه
طريق تاني غير الطريق



((شوفتوا الإخوة والأخوات على الفيس والمنتديات))

جروب منكم هيقنعهم
يضيفوا بعض أصدقاء لهم
علشان ممكن ربنا يهديهم



ولاااا يأخذوا أي إحتياطات
وده بمساعدة ما هو آآآآت
وخلونا بقى نتفرج على السيئات




((شوفتوا الإخوة والأخوات على الفيس والمنتديات))


جروب منكم هينسّيهم
على الفيس إعداد الخصوصية



فقائمة أصدقائهم للجميع مرئية
والنشر على الوال مش مقفول
عايزه دايما مفتوح على طووول



وأى فيديو أو صورة
قد تم لهم فيها إشارة
من صديق أو حتى صديقة
دوما تكون للناس مرئية


((شوفتوا الإخوة والأخوات على الفيس والمنتديات))

جروب منكم هيحبطهم
خصوصا القلة منهم
على الصراط المستقيم



يا بني مافيش حد بيعمل
يا بنتي مافيش ولا حد بيسمع

هتعقد كده تكلم نفسك
وانتي خلاص ريحي بالك

اهتم بس انت بحالك
وخليكي انتي بس بشئونك
ودعوا الخلق بقى للخالق



((شوفتوا الإخوة والأخوات على الفيس والمنتديات))

وقبل ما أختم هالكلمات
أحب أقول بضع ملاحظات



يوما ما أيها الإخوة والأخوات

ستجدوا دعاة أو داعيات
جداد هم أو جديدات

دووول محتاجين إرشادات
بطريقة حلوة و تشجيعات



ولا تستقل من شأن داع
لكونه صغيرا أو ليس له باع


وترقب الناس للعظات
وادرس الناس والشخصيات
واختر المكان والأوقات
وقدم الأولى من الحاجات
وتدرج معهم في درجات



ولا تكثر عليهم فيملّوا
ولا تنساهم فينسوا

وإن لم تكن حكيما فتحكم
وإن لم تكن حليما فتحلم
واستعن بالصبر والصلاة
فذاك فيه المغنم



((شوفتوا الإخوة والأخوات على الفيس والمنتديات))

تلك كانت حكاية
بعض الإخوة والأخوات
على الفيس والمنتديات
ومكر الشيطان و بضع ملاحظات
حكيتها لكم في كلمات


*جزى الله خيـراااا من أرسلها أو نشرها على المنتديات أو الجروبات *

* نوّر حياتك *


والحمد لله والصلاة والسلام على رسول الله وهذا آخر شئ أضعه هنا لظروف وإن شاء الله تعالى سأضع بعد ذلك ومنها .... ( همسة لوصف الجنة ) ...على الفيس سأضع منها نسخة على حسابي الشخصي _له نفس الإسم بدون شدة على الواو_

وكل عام وأنتم بخير

وجزاكم الله خير

[نوّر حياتك]

رد: ◦ღ♥ஓ همسة لكل داع أو داعية على الفيس والمنتديات ஓ♥ ღ ◦°°

رجاءً ألا تنقلوا الموضوع لقسم الشباب وشكرااا

[*أمة الرحيم*]

رد: ◦ღ♥ஓ همسة لكل داع أو داعية على الفيس والمنتديات ஓ♥ ღ ◦°°

جزاكم الله خيرا

نسأل الله أن يحفظ المسلمين من كل سوء

انه ولي ذلك والقادر عليه ,,,,,