Tweet
يقول الحق سبحانه وتعالى
"لَقَدْ خَلَقْنَا الْإِنْسَانَ فِي كَبَدٍ "
هذه الدنيا
تعب وهم ونكد وقرف وملل وغم والم وحزن
هى كذلك ولو عاش من عاش فيها ملكا متوجا
كل نعمها منغصه
كل راحاتها مؤلمه هى الدنيا كده
اللهم ما اكتب لنا حسن الخاتمه
الخلاصه يا جماعه ان الانسان يريد ان يستريح فى هذه الدنيا من الكبد ده ولكن كيف
قال الله تعالى
لَقَدْ خَلَقْنَا الْإِنْسَانَ فِي كَبَدٍ (4)
أَيَحْسَبُ أَنْ لَنْ يَقْدِرَ عَلَيْهِ أَحَدٌ (5)
يَقُولُ أَهْلَكْتُ مَالًا لُبَدًا (6)
أَيَحْسَبُ أَنْ لَمْ يَرَهُ أَحَدٌ (7)
يقول الانسان لقد اهلكت مالا لبدا يعنى ايه
لقد انفقت الملايين فى دفع الكبد وما اندفع
ايحسب ان لم يره احد
يقول الله تعالى
أَلَمْ نَجْعَلْ لَهُ عَيْنَيْنِ (8)
وَلِسَانًا وَشَفَتَيْنِ (9)
وَهَدَيْنَاهُ النَّجْدَيْنِ (10)
فَلَا اقْتَحَمَ الْعَقَبَةَ (11)
واقف هنا شويه معاكوا
انا عارف ان كلكم حافظين سوره البلد صغار وكبار بسم الله ما شاء الله ونحمد الله على ذلك
ولكنها احبتى فى الله تحتاج الى تامل منا شويه
تحتاج الى قلوب واذان واعيه قلوب تنصت
شوف معايا تانى كده ربنا بيقول ايه
لقد خلقنا الانسان فى كبد يعنى ايه ؟
يعنى اصل هذه الدنيا بنيت على التعب
وزى ما قلت لكم ولو عاش الانسان ملكا متوجا يصرف الملايين عشان يرتاح من تعبها
فمغصه صغيره فى بطنه تقرفه
صداع فى راسه يؤرقه
كلمه تضايقه واحد يقولها له تنكد عليه حياته
مراته مش راضيه عنه تنكد على حياته
تضيع عليه كل لذه فى حياته
هى الدنيا كده كبد
وبعدين ربنا يقول لك ايه
أَيَحْسَبُ أَنْ لَنْ يَقْدِرَ عَلَيْهِ أَحَدٌ (5)
يا مسكين يا ضعيف
قال الله تعالى
(( وَلَوْ شَاءَ اللَّهُ لَأَعْنَتَكُمْ إِنَّ اللَّهَ عَزِيزٌ حَكِيمٌ ) البقره 220
اعنتكم يعنى ايه يعنى اتعبكم
زى ما يكون عندك ابنك او عامل عندك وتقول له ايه
انا اقدر اقرفك اقدر اتعبك
ولله المثل الاعلى يعنى ربنا يقدر ان يتعبكم ولكن ربنا ايه كريم رحيم
والحق سبحانه وتعالى هو القائل
" يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ" البقرة:185
لانه كريم
وقال تعالى
(النساء (آية:28)
" يُرِيدُ اللَّهُ أَنْ يُخَفِّفَ عَنْكُمْ وَخُلِقَ الْإِنْسَانُ ضَعِيفًا "
يقول الانسان اهلكت مالا لبدا يعنى ايه
يعنى انا كلفت الفيلا بتاعتى دى كذا
او اشتريت هذه الشقه بكذا وكذا
او اشتريت السياره دى بكذا وكذا
عشان استريح من الكبد
أَيَحْسَبُ أَنْ لَمْ يَرَهُ أَحَدٌ (7)
ازاى يابنى هو شايفك
ما يكون من نجوى ثلاثه الا هو رابعم ولا خمسه الا هو سادسهم
فالله يراك ولو شاء لاراحك بدون مصاريف قادر
أَلَمْ نَجْعَلْ لَهُ عَيْنَيْنِ (8)
وَلِسَانًا وَشَفَتَيْنِ (9)
يعنى مثلا انتى ممكن تكون ماشى بالسياره وواحد كسر عليك شويه
فتقول له انتى اعمى ما عندك نظر
مش شايفنى
فالله يقول لهذا الذى يقول اهلكت مالا لبدا
الم ترى الذين من قبلك
فلان سرق ملايين وفلان كسب ملايين
وماذا كانت اخرتهم ..؟
القبر الموت
يابنى ادم انتى ما عندك عينين
انتى اعمى
أَلَمْ نَجْعَلْ لَهُ عَيْنَيْنِ (8) وَلِسَانًا وَشَفَتَيْنِ (9)
اللهم ما قنا شر السنتنا
فالله جعل لك لسانا تنطق وشفتين تغلق عليه الحمد لله رب العالمين
اخواتاه
جعل الله لكل حاسه مغاليق تغلقها
اذكر احد اخواننا اصيب فى حادثه وذهبت لازوره ووجدته اصيب فى حاجبه ونزعو له جفن عينه
ورايته نائما وعينيه مفتوحه
اللهم عافى كل مبتلى..يارب
فقلت فى نفسى وانا اراه نائم وعينيه مفتوحه متى عددنا الجفن او الحاجب من النعم التى انعم الله علينا بها
عمرك شكرت هذه النعمه..؟؟؟
ان من كرم ربنا عليك ان جعلك تغلق عينيك
من كرم الله ان جعل لك على اللسان شفتين تغلق بيهم على اللسان
وكمان تساعدك فى الكلام
فكرت مره تشكر ربنا عليهم ...طب اشكر الان
ثم يقول بعد ذلك
(وَهَدَيْنَاهُ النَّجْدَيْنِ )
اراك الله الطريقين
طريق الخير وطريق الشر
وقال تعالى
( وَقُلِ الْحَقُّ مِنْ رَبِّكُمْ ۖ فَمَنْ شَاءَ فَلْيُؤْمِنْ وَمَنْ شَاءَ فَلْيَكْفُرْ ۚ...) الكهف
اخواتاه انا دايما اقول السينما بجوار المسجد
وانت تدخل المسجد مجانا والسينما بفلوسك
فالنار بثمن بفلوس ولكن الجنه مجانا
(وَهَدَيْنَاهُ النَّجْدَيْنِ )
اخواتاه ونحن قبل دخول رمضان يقولون ان هناك رواج فى بيع التليفزيونات والدشات
انت تدفع الفين او ثلاثه عشان تشترى بيهم جهنم
(وَهَدَيْنَاهُ النَّجْدَيْنِ )
طريق للجنه وطريق للنار
فما بينك وبين الجنه ؟؟؟
عقبه
يقول الملك :
فَلَا اقْتَحَمَ الْعَقَبَةَ (11)
بين كل منا وبين الجنه ...عقبه .. عقبه
عقبه تخصه فهناك من بينه وبين الجنه
عقبه اكل العيش والرزق لقمه العيش
هى التى تبعده عن الله
وهناك من عقبته زوجته وحماته واولاده
وهنا عقبته صاحب العمل
واخر عقبته واحده ست يعرفها ومش قادر يسيبها
وناس عقبتهم علبه السجاير
ونساء عقبتهم مجالس الستات والنميمه
وعقبه اخرىمزاجها والموده واللبس وشهواتها وصاحبتها
وفى اناس عقبتهم نفسه وهواه لسانه كسله
كل واحد وواحده فينا عنده عقبه يعرفها هو
لو تخطاها لبلغ الجنه
العقبه تحتاج الى اقتحام
الى قوه قلب وجرأه وتضحيه وثبات
بدليل كلمه فلا اقتحم ..؟
اريد ان اقف هنا مع كل واحد فينا ليقول لى ما هى العقبه التى بينك وبين الله ..؟
وازاى نتخطاها ..؟
ولكن يأتيك الجواب مباشره من الله فك رقبه
انك لو اعتقت رقبه فقد اقتحمت العقبه ؟
قال رسول الله صلى الله عليه وسلم
"مَنْ أعتقَ رقبةً مسلِمَةً ، أَعْتَقَ اللهُ لَهُ بِكُلِّ عضْوٍ منها عضْوًا منه مِنَ النارِ ، حتى فَرْجَهُ بِفَرْجِهِ " صححه الألباني
اللهم اعتق رقابنا من النار كثيرا ما نسمع هذا الدعاء وخصوصا فى رمضان ونقول امين
فما معناها ..؟
ما علاقه الرقبه بالنار ؟
فقد تم طرحها وتوضيحها فى موضوع سابق بعنوان ما هى العقبة التى بينك وبين الله
سامحونى على الاطاله والقاكم ودرس قادم ان شاء الله
تعليق