Tweet
السلام عليكم ورحمة الله وبركاته
اخوتى فى الله:اعلم انكم ترغبون وتودون حفظ كتاب الله فوالذى نفس عبد الله بيده انه ليسير جدا على من يسره الله عليه ..."وَلَقَدْ يَسَّرْنَا الْقُرْآَنَ لِلذِّكْرِ فَهَلْ مِنْ مُدَّكِرٍ ".
انا مصمم انكم تقرؤا كل كلامى.. طبعا دا حسب راحتكم ..لانه عن تجربه وأى تجربه....لعل الله ان يكتب لى السعادة والرضا..
******************
..ركز كدة معايا..
اين الاخلاص؟؟خد باااالك الاخلاص عزيز..واياك تكون ممن يقال فيهم "قرأت ليقال قاريء وقد قيل"
اضاءة:اخلص تخلص.
اييه يبنى الهمة التعبانة دى:لالالازم يبقى عندك همة عااالية جدا جدا جدا.. همة خااااصة فى حفظ القرآن..الكسل دا..مانحبهوش..فى هدففف ..تقول ان شاء الله ساحفظ القرآن كله "وَمَا ذَلِكَ عَلَى اللَّهِ بِعَزِيزٍ "إبراهيم:20
اضاءة:عندك عزيمة قوية.. الحفظ مية المية.
شوف مقدار الحفظ اللى هتقدر عليه واستمر عليه لحد ما ربنا يسهل..ولو يوم فرطت فى الحفظ عوضه ..
اضاءة:اعرف قدر زكاك.. وماتزيدش على مستواك.
ايضا من اهم الاسباب بل هذه اساسيات..التلقين..التلقـــيــين..انا لوقلت لك احكام النون الساكنة كذا وكذا والميم الساكنة كذا وكذا و.......من اول حصة مش هتفهم حاجة..لكن ممكن اخرجك من الحصة باذن الله معظم الاحكام مطبقها ..تلقييييين..
خد باااالك لشيخك ازااااى بيقرأ..انتبهه لفم الشيخ او المحفظ..واعمل زى اللى شيخه دقق معاه على الضاد قالوا اض ..الطريق كله اخده اض اض اض لحد ما الحمد لله "اضْرِبْ بِعَصَاكَ الْحَجَرَ"البقرة:60
اضاءة:احفظ بالاحكام ..عايزين الحفظ تمام.
المراجعة كل يووووم:من اهم اسباب تمكن الحفظ المراجعة اليومية..اياك ثم اياك ثم اياك انت وفى اول الطريق تترك المراجعة..ان كان على الحفظ سهل..
بس احب انبهك!"لو طهرت قلوبكم ما شبعت من كلام ربكم "..يوم ما طهرنا قلوبنا كنا بنراجع بـــ15 وممكن بــــ20 جزء فى اليوم ولا نكل ..ويوم ماتعكرت القلوب ..اسأل الله الهداية..مش عارفين نراجع كلمتين على بعض..ثقل القرآن..لييه؟؟
اضاءة:طهر قلبك من البداية.. لتسعد بالحفظ فى النهاية.
التشكييل:انت يبنى يللى بتحفظ من غير تشكيل صحيح..انتظر ..وقف الحفظ..وخد باالك معايا كويس..تاعب نفسك على الفاضى وتاعب الب المحفظ معاك..انت مش عارف انك لو حافظ عشر آيات قراءة صحيحة احسن من المصحف كله غلطططط.!!.بتكلم بجد انا..دا تحريييف..مش مقتنع؟؟تعالى معايا
"وَأَسَلْنَا لَهُ عَيْنَ الْقِطْرِ"سبأ:12 بكسر القاف أى:النُحاس..لو انت قلت القَطر بفتح القاف أى:المطر..ولوقلت:القُطر بضم القاف أى:الناحية والجانب وجمعه اقطار..وطبعا القَطر اللى بتركبه ويوصلك من القاهرة للزقازيق..
اذا دا تحريييف،وتبديييل وتغييير فى كتاب الله تعالى ..والحكم :آثم..أى:حرام..انت الآن عرفت..
انا صراحة لا اعترف بمن يحفظ القرآن بقراءة خاطئة حافظ لكتاب الله!!! اهم شيء عندى هو الكيف وليس الكم..
تشكيلك ضعيف؟؟حاول تحفظ كل يوم آية صح ..حتى كل يوم سطرين.. حتى وان كان مستواك فى الحفظ جيد..بس بالله عليك ماتحرفش..هتمشى معاك..وانت وبتحفظ خد القاعدة النُورانية.. ممتازة..لحد ما ربنا يسهل..استعن بالله ولا تعجز..
انصح من لديه خطأ جامد فى التشكيل ان يبدأ من جزء "عم" حتى وان كان حفظه جيد..ومش انصح بس ..لا.. دى قاعدة ثابتة عندى رغم انف اصغر واحد عندى ..سامحنى بئى يللى اصغرهم..
اضاءة:الحفظ من غير تشكيل..فى كتاب الله تبديل.
التعاااايش مع القرآن :القرآن لالالاززم يغير حياتك كلها مش هقولك يقلبها لا يعدلها..لدرجة ان الكل يلاحظ.. من غير قصد منك.. انك بتحفظ قرآن..يبنى احلم بالقرآن..رايح جاى دندن ..زين صوتك..عيش اسعد لحظات حياتك مع حفظ القرآن..تعرفوا كنت انام وصوت القراءة فى صدرى يشتغل
لا يهدأ الصوت حتى الانتباه..يارب اعدها هذه الايام..انا لا اذكر ذلك بقصد الرياء لكن لكى اتحسر على حالى الان..مش عارف اوصفلكم اد ايه سعادة المحافظ على القرآن واد اييه تعاسة تارك القرآن.
اصبر.. رايح فييين ..هو انا لسة قلت حاجة....انت ورايح الحصة خد معاك القلم الرصاص..
اضاءة:القلم الرصاص هو الاساس..
أخطأت فى كلمة ..خطط..يبنى دى مسئولية..اشعر يبنى بالنعمة اللى انت فيها ..
"ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا "فاطر:32...ارجوك...اشعر بها هذه الاية..
وانت بتتعلم الاحكام لالازم تشعر انك بتتعلم اعظم العلوم واشرفها لانها تتعلق باعظم الكتب وهو كتاب الله..كتاب الله ياعبد الله.......
حفظك ضعيف؟؟عادى جدا ابدأ من الاخلاص...
اضاءة:ان فى الاخلاص اخلاص عظيم..
يجيلى واحد ..مستواه ضعييف ويقولى:لا..انا عايز ابدأ من البقرة..
البقرة؟؟؟ رايح فين تتوووه..اسمع الكلام..انا عارف مصلحتك..
يجيلى واحد تانى ..يقولى:انا ابدأ من الاخلاص؟؟!!!سبحان الله وايه الغرابة فى كدة..!!!..قال يعنى الاخلاص بتاعة العيال الصغيرين.. يبنى كلنا عيال فى حفظ القرآن ..منا بدأت من الاخلاص .. انت احفظ جزء "عم"الاول ولما اتخلصه محفظك هو اللى هيحدد تكمل ولا تبدأ من البقرة..اصبر..
اضاءة:بالصبرواليقين تنال الامامة فى الدين..
طبعا معروف لازم تقرأ على المحفظ الفاتحة قراءة صحيحة سواء بدأت من البقرة أو الاخلاص..
ماتقولش لية الفَتحة ..تخطفلى الالف وتسكنلى التاء..اسمها: الفاتحة..مد الالف طبيعى ..وكسر التاء..
وماتقولش لية الشيتان..يارئييييييء..شيتان مين ياعم ..الشيططان ..صدء اللى ءال بينا وبينه طار..اكملها انا.. ودخول الجنة او النار.
ماتزعلش كدة اوى لما تاخد اعادة..انا انصح اى محفظ عايز يجد ثمرة وجهده لا يضيع هباء..من يخطأ ثلاث أخطاء..علطول يديله الكرت الاصفر..وهو الاعادة..
اضاءة: الاعادة فيها استفادة.
كرر وماتخفش ..التكرار بن عم الافتكار..مش يعلم الشطار!!!!!
خلى عندك روح المنافسة بين اصحابك..غير يبنى ولا تحسد..
اضاءة:"وَفِي ذَلِكَ فَلْيَتَنَافَسِ الْمُتَنَافِسُونَ ".المطففين:26
الحضووور:جينا بقى للحاجة اللى بتفور الدم..انا من وجهة نظرى ..من يتغيب فى الخمس شهور اربع حصص..يبقى تلميذ مش مواظب ..وبكدة وصلتك المعلومة..
الصراحة لما واحد يكررالغياب جامد عندى بلائى من جواية دعاء شغاااال مش راضى يفصل ..يارب يبطل من عندى ..يارب يبطل من عندى ..علشان كل تعبى معاه بيروح سراب وهو ولا هنا..وفى الاخر بنضطر للـــ......
عارفكم هتقولوا المفروض ادعيلوا بصلاح الحال...حاحاول اصلح النية والدعاء.
*****************
فى سؤال كنت عايز اسالهولكم؟؟ليه دايما اللى بيدفع فلوس على الحصة بيهتم بيها اوى "الحصة" وبيحفظ وبيواااااظب،ولما يكون بيحفظ ببلاش.. طبعا مش الكل.. بيكون فى تفريط واضح ..انا لاحظتها قوى دى..ليه بتخلونا نتنازل عن مبادئنا وناخد منكم فلوس ؟؟؟تركت لكم الاجابة
************************
وفى الاول وفى الاخر... طبعا التوفيق من عند الله بس ماتنساااااااش:
"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ "..فرض عليك تؤمن.."وَمَنْ أَصْدَقُ مِنَ اللَّهِ قِيلًا ".النساء:122
ولما ربنا يكرمك..متنساش بقى محفظك من صالح الدعاء وجانب الحب والاحترام..
اضاءة:من علمنى حرفا..ازددت له ودا....مش صرت له عبدا!!!!! ايه يبنى دا ..احنا عبيد لله فقطططط.
تنبيه:هذه القوانين حسب وجهة نظرى والخاصة بى ومعلش بقى لو القوانين مش مرتبة لانها حسب خبرتى الضئييييلة ..وهذا جهد..طبعا المقل ..وفقكم الله..
واخيرا:
" وَمَا تَوْفِيقِي إِلَّا بِاللَّهِ عَلَيْهِ تَوَكَّلْتُ وَإِلَيْهِ أُنِيبُ "هود:88
والسلام عليكم ورحمة الله وبركاته
تعليق