[منقول] تدبرات من سورة لقمان الشيخ حازم شومان

[om noar]

( سورة لقمان )



من هو لقمان

-قيل أن لقمان كان مصري( عبد أسود ) من صعيد مصر من أسوان

-كان يعمل خياط و لما فتح الله عليه عمل قاضي

-هو رجل حكيم وليس نبي و رغم ذلك وضع الله اسمه على سورة من سور القرآن

- عبَدَ الله و تفانى فى التدبر و التفكر فأحبه الله و قربه و آتاه الحكمة و رفعه و هدى زوجته وابنه للدخول فى الإسلام .

قصة لقمان و فتح الله عليه يعطيك أمل إنك تتعبد إلى الله و أن الله هيحبك و هيقدر عملك وتعبك ويكرمك..

زمن نزول السورة

سورة لقمان رقم ٥٧ فى ترتيب النزول
"فى عد جابر بن زيد "

-نزلت قبل سورة سبأ و بعد سورة الصافات.

-نزلت فى المرحلة الجهرية قبل هجرة الحبشة.

[om noar]

السلام عليكم ورحمة الله وبركاته

مقاصد السورة

السورة هدفها إيه و بتربيك على إيه

1- قوة المجاهدة

( يا ترى عندك قوة فى المجاهدة ؟)

السورة بتتكلم عن مجاهدة لقمان

العبد الأسود اللي جاهد و تعب فى التدبر والتفكر و فى نصرة الدين .

العبد اللي لما جاهد ربنا رفعه فى الدنيا و الآخرة

أُعتق و ربنا وضع اسمه على سورة و ابنه وزوجته المشركين أسلموا .

على قد ما هتجاهد في تفسير القرآن و حفظه

و على قد ما هتجاهد فى تربيه نفسك هتلاقى ربنا هيكرمك ويرفعك....

2-عدم الاختطاف

عارف قول الله عز وجل

"فَتَخْطَفُهُ الطَّيْرُ "

في ألف طير شهوات وشبهات ومشاغل دنيوية

فى ألف طير فى الدنيا خاطف قلبك عشان يتوهك عن الدين و القرآن .

متخليش حاجة تلهيك عن الله

حافظ على قلبك و استرد قلبك تاني لله

ماتبقاش إنسان متخدر بأمور الدنيا

ماتخليش لهو الحديث

الأغاني و السوشيال ميديا والفيس وغيره يخطفك..

3- " وَلا تُصَعِّرْ خَدَّكَ لِلنَّاسِ "

على أحد الأقوال
ماتميلش رقبتك للأغنياء والعظماء ..

سورة لقمان بتعلمك إنك ماتتعلقش بعظيم من العظماء أو غني من الأغنياء أو ذو سلطان
بتعلمك ألا تميل بخدك للناس ذوي المنصب.

ركز مع الله و قلبك يسجد لربنا و بس.

4-الجدية

" وَلَا تَمْشِ فِي الْأَرْضِ مَرَحًا ۖ "

صناعة الشخصية الجادة

فى ناس حياتهم فى الدنيا لهو و مرح مفيش جدية فى حياتهم مش عارفين يسيطروا على حياتهم .

5-فضيحة الغرب

فضيحة كل ما يرد عن الغرب

و الشرائع الغربية بدافع إنها تتوهك عن الشريعة الصحيحة .

فى لحظة من اللحظات كل المناهج هتتفضح

و لا يبقى غير الشريعة الإسلامية ولا يبقى غير الإسلام.

قال الله عز وجل

"وَمَنْ يُسْلِمْ وَجْهَهُ إِلَى اللَّهِ وَهُوَ مُحْسِنٌ فَقَدِ اسْتَمْسَكَ بِالْعُرْوَةِ الْوُثْقَى و َإِلَى اللَّهِ عَاقِبَةُ الْأُمُور "ِ

لازم تعرف الطريق الصحيح السليم القوي علشان توصل إلى الله .

يارب ارزقنا الفهم عنك وعن رسولك

[أبوالمعالـي]

وعليكم السلام ورحمة الله وبركاته
جزاكم الله كل خير
وجزى الله عنا الشيخ حازم خير الجزاء
بارك الله فيكم ونفع بكم

[بذور الزهور]

جزاكم الله خيرًا وبارك فيكم

[مهاجر إلى الله ورسوله]

جزى الله الشيخ الدكتور
حازم شومان خير الجزاء
وجزاكم الله كل خير