Tweet
يللا نحفظ القرآن مع بعض في سنة و 8 اشهرإن شاء الله
ياللا نشجع بعض
خطة لحفظ القرآن في سنة و 8 أشهر بس!..............................................إ زاي؟
القرآن604صفحة يعني 604 يوم و دول يطلعوا سنة و 239 يوم يعني سنة و 8 شهور تقريباً,لو كل يوم حفظنا صفحة و راجعنا صفحة,الحكاية مش حيبقي فيها مشكلة,و اليوم اللي بعده نراجع اللي حفظناه إمبارح مع صفحةجديدة و هكذا لحد مانخلص السورة اللي بنحفظها,و بعد مانخلصها نسمع السورة علي بعضها قبل مانبدأ في سورة جديدة,و مع كتر التسميع حنصم السورة.
- ده بالنسبه للي حيبتدوا القرآن من أوله خالص,لكن بالنسبة للحافظين كمية من الأول,نفس الحكاية لكن هما حيخلصوا في فترة زمنية أقل,بس ورد المراجعة حيزيد,لأنهم إن شاء الله حيراجعواإنشا الله صفحة من اللي كانوا حافظينوا قبل مايبتدوا معانا عشان ماينسهوش.
سواء لدول أو لدول هي الحكاية ماتخودش أكتر من نصف ساعة يومياً و نصيحة إن احنا نحاول نحفظ بدري عشان نقدر نسّمع الورد اللي اتحفظ أو اتراجع في الصلاة فنثبت المعلومة(اللي يقدر),علي العموم حاولوا يكون معاكموا المصحف اللي حجمه صغير عشان تقدروا في
أي وقت فاضي تراجعوا الورد اليومي,لأنكوا تقدروا تخدوا معاكوا في أي مكان.
- أنا عن نفسي حافظة 8 أجزاء و نص,حراجع كل يوم صفحة مع الجديد.
- أنا مش ححدد السورة الجديدة اللي حنحفظها و خليها دي تبع كل واحد,ممكن حد يحب يبتدي بسورة أنا مابتديش بيها,و العكس,أنا عن نفسي حبتدي بسورة العنكبوت و حراجع معاها سورة النور,حفظ صفحة من العنكبوت و مراجعة صفحة من النور و بكرة إن شاء الله أراجع اللي اتحفظ و اللي اتراجع من الإثنين و ازود.
- اللي عايز يبتدي معايا في حفظ العنكبوت أو النور,أو مراجعة أي واحدة فيهم,مع حفظ الجديد ماشي,و اللي عايز يبتدي في سور مختلفة,علي راحتكوا,المهم نبتدي و ربنا يعنا و أنا حابقي معاكوا عشان أعرف وصلتوا لحد فين,و أقولكم أنا كمان بقيت فين.
- علي فكرة عشان تسهلوا الحفظ و المراجعة,السور اللي انتوا شغالين فيها,تسجلوها و تسمعوها كاسيت أو سيديهات بصوت الشيخ اللي بتستريحوا لصوتوا عشان طريقته في التلاوة حتساعد في القراءة الصحيحة و حتسهل الحفظ إن شاء الله
- إنهاردة 22|11|2006إن شاء الله يخلص في شهر 7|2008,ياللا نبتدي مع بعض و نشجع بعض,و اللي حيدخل متأخر يعني بعد النهاردة يحدد سنة و 8 شهور من التاريخ اللي دخل و شاف الموضوع فيه,و برده حانتبعه بإذن الله.
- فضل حفظ القرآن الكريم
الارتقاء في الجنة بقدر ما حفظ المرء.
يلبس الوالدان تاج الوقار.
يؤتي المرء النبوة إلا إنه لا يوحي إليه.
ملحوظة هامة:هو رجاء إن محدش يقول لوالديه إنه بيحفظ,عشان في يوم كدة,يبقوا هما قاعدين لابيهم و لا عليهم,يلاقوا اللي داخل يقولهم أنا حفظت القرآن كله,تخيلوا السعادة اللي حيحسوا بيها(اللي عايز يعني يعملهلهم مفاجأة) وجزاكم الله خيراً و أعنا و إياكم.
رجاء:أن يعرف الإخوة و الأخوات المشاركون معنا في الحفظ و المراجعة,في أي ساحة حيتابعوا معايا عشان الخطة منشورة في كذا ساحة.
سنلتقي اسبوعياً الخميس و الجمعة و السبت,عشان نعرف اللي حفظناه و اللي راجعناه,و اللي حيشوف الموضوع و يبتدي معانا,بس قراه في يوم غير ال3أيام دول يبتدي يحفظ أو يراجع,و يبلغنا و انا حرد بس في ال3ايام دول عشان الظروف الكلية,و لو قدرت ارد في غيرهم حرد,و انتوا كمان تابعوا بعض و يا رب العمل ده يكون في ميزان حسناتنا.
باسم الله الرحمان الرحيم و بالله نستعين و صلي و سلم علي خاتم النبيين و علي آله و صحبه أجمعين
تعليق