Tweet
اخواننا، أخواتنا، أسعد الله أوقاتكم ودمتم بخير
تصدقوا إن ناس كتير جدا من المسلمين عندهم تجزئة شديدة فى فهم الاسلام
و متدينين جدا بس فاهمين الإسلام بشكل ضيق جدا
وقف الاسلام عنده على صلاة و صوم و ده مش تقليل للصلاة و الصوم
احنا عمالين نتكلم عنهم بقى لنا سنين
و علماء بقى لهم مئات السنين و كتب و برامج ورمضان
فمش تقليل للعبادة بس ناس وقفت عند كده
اعتبرت ان رمضان او الحج نقطة نهاية
والاخت اللى اعتبرت ان الحجاب نقطة نهاية
و قالوا خلاص الحمد لله تديننا
ده مفهوم منقوص ده مفهوم جزئى
انا بقه اقول لكم لا لسه في تكملة للتدين و الاسلام الصحيح
يا جماعة افهموا الاسلام صح..الاسلام مش صلاة و صوم فقط
الاسلام نجاح و صناعة حياة...الاسلام الكامل
لذلك انا سأبدأ بآية..انا اعتبرها اخطر آيات القرآن
مستقبل الامة واقف على تطبيق الاية دى
نقرأها كل يوم في كل صلاة فى سورة الفاتحة
يقول الحق سبحانه وتعالى
{ إِيَّاكَ نَعْبُدُ وَإِيَّاكَ نَسْتَعِينُ}
الفاتحة/5
إياك نعبد تعنى الصلاة والصوم و..و.. من العبادات
إياك نستعين تعنى لا أستطيع أن أعبدك يا رب إلا بمعونتك
هذا المعنى فى منتهى الخطورة و القوة
وهو أن الله سخر لنا هذا الكون هو لنا
من حديد,بترول,طلوع قمر,اكتشاف امراض
يعنى نستعين بما أودعه الله فى الكون لنا(النجاح فى الدنيا)
لنقود الدنيا به بمرضات الله
حنستعين بما وضعته يا رب فى الكون علشان ننجح فى الدنيا دى
هذه الآية جمعت الاسلام
ابن القيم له مقولة
ان الكتب السماوية 104 و ان الله جمعها فى 3 كتب
وهم الانجيل,التوراة,القرآن
ثم جمعها الله فى كتاب واحد وهو القران
ثم جمع الله القران فى سورة واحدة الفاتحة
و جمع الله الفاتحة فى آية واحدة
{ إِيَّاكَ نَعْبُدُ وَإِيَّاكَ نَسْتَعِينُ}
الفاتحة/5
كما لو كانت معانى كل ما انزله الله للبشرية فى هذه الاية
اياك نعبد عبادة اياك نستعين
حسخر الكون و استعين به و انجح فى الحياة
بالله عليك عمرك فهمتها كده؟
الشاب الذى يقرأها كل يوم و يخشع فى الصلاة و هو لا يفعلها
لا يستعين بما اودعه الله و لا ينجح فى الحياة
و للأسف هذه الآية اصبحت فى حياة البشر نصفين
نصف يطبق"اياك نعبد" احنا المسلمين الان
ع التدين المتزايد بين الشباب و البنات,بنطبق اياك نعبد والحمد لله
لكن للأسف لا يطبقون "اياك نستعين" مش فالحين فى الدنيا
حتقولى ازاى حقولك
كام واحد يطبق "اياك نستعين كما يحب الله و يرضى؟!!
والغرب نفذ النصف الثانى من الآية
نجح فى "اياك نستعين" لكن للأسف لم يوجهها تجاه "اياك نعبد"
الناس تتعامل مع هذه الآية بأشكال مختلفة
منهم من يطبق الاثنين
يا ترى انت مين من دول
يا ترى بتطبق الاثنين علشان لما تقف امام الله و تصلى و تقول
إِيَّاكَ نَعْبُدُ وَإِيَّاكَ نَسْتَعِينُ
تكون صادق و لا حتكون كذاب
استعنت بالذى سخره الله فى الكون حتى تتفوق فى مهنتك
هناك من طبق الاثنين " إِيَّاكَ نَعْبُدُ وَإِيَّاكَ نَسْتَعِينُ "
و هؤلاء من يستحقون
"صِرَاطَ الَّذِينَ أَنعَمْتَ عَلَيهِمْ"
الفاتحة/6
هم من حقق الفاتحة
هناك من لم يطبق الأثنين
وينطبق عليهم قول الله "
"أُولَئِكَ كَالأَنْعَامِ بَلْ هُمْ أَضَلُّ أُولَئِكَ هُمُ الْغَافِلُونَ "
الأعراف/179
وهناك من طبق إياك نعبد ولم يطبق إياك نستعين وهم المسلمين الان
وهناك من طبق إياك نستعين ولم يطبق إياك نعبد وهم الغرب
وينطبق عليهم قول الله "
"وَقَلِيلٌ مِنْ عِبَادِي الشَّكُورُ"
سبأ/13
يا جماعة الآية مش متطبقة فى الارض الان
ربنا عايز الاثنين على بعض " إِيَّاكَ نَعْبُدُ وَإِيَّاكَ نَسْتَعِينُ"
هى لم تطبق الا مرة واحدة للحضارة الأسلامية
منذ عهد الرسول صلى الله عليه وسلم و لمدة 1300 سنة
لكن الان ليست موجودة و قبل الاسلام لم تكن موجودة
حضارة الاغريق و غيرها طبقت اياك نستعين فقط
علشان كده دائما تسقط الحضارات
و علشان كده احنا مش ناجحين
و حيفضل المسلمين كده مهما تديينوا علشان لازم الاثنين على بعض
يا اهل "اياك نعبد" يالوا عبدتوا ربنا فى رمضان
تعالوا نطبق و نكمل "اياك نستعين"
و على فكرة...عندما فشلنا في إياك نستعين لم نستطع أن نطبق إياك نعبد
جا تقول لى ازاى .. كيف؟؟!!
سجادة الصلاة=> صنع في الصين
الجلبية التي نلبسها للصلاة=> صنع في الصين
السبحة=> صنع في الصين
اياك نعبد بنستعين فيها بغيرنا علشان نعملها
وارى اننى اطلت عليكم اليوم
بارك الله فيكم والقاكم فى درس قادم ان شاء الله
،،،،،،
تعليق