دعوة للعودة ..

[امة الرحمن/فاطمة]

كتير مننا يبقي قاعد بيقرأ في المصحف .. ويحس أنه الآيه دي مش فاهمها كويس ..

طب يعني إيه .. أقوم أجيب كتاب التفسير

نفسك تقولك ياااااااااه لسه .. هتقوم .. تجيب .. كتاب ..التفسير.. من .. المكتبة .. اللي في الأوضة التانية

ياعم كمل و إبقي إفهم بعدين ..

ويتكرر معاك الموضوع .. وبعدين تيجي تشكي .. مش عارف أركز

تيجي تقرأ ومخك في حته تاني

لسانك بس بيتحرك ..

لدرجة لو كنت بتقرأ وحد كلمك ..

تيجي تكمل .. ماتفتكرش إنت وصلت لحد فين ؟؟؟؟؟

وتعيد الصفحة من الأول ..




طب هو الغلط فين .. هو القرآن صعب ..

لأ .. أستغفر الله العظيم .. دا ربنا بيقول " وَلَقَدْ يَسَّرْنَا الْقُرْآنَ لِلذِّكْرِ "

طب إنت مش فاهم ليــــــــــــــــــه ؟؟؟

لإننا بعدنا كتير عن القرآن وعن لغة القرآن ..

إحنا أغلب ألفاظنا في حياتنا لا طايلة عربي ولا طايلة E

أوكيشن .. لخبطيشن .. دراجات اللي هي المفروض جمع Drug

silver ..pink .. sorry .. please

وأذكر مرة دخلت المصلي .. كنت هصلي أن ومجموعة من زمايلي .. فواحدة قالت إستنوا صحبتي عشان هي بتحب صلاة الجروب ..

قولتلها : نعم .. صلاة إيه ..

إنا لله وإنا إليه راجعون

وفي الآخر تيجي تشكي .. القرآن صعب عليّا



إسمع معايا كده ..

يٌذكر أنه مرة إختلف الخليفة العباسي مع والي مصر .. فعقد مؤتمر قرر فيه إنه يستدعيه ويقتله وكان إسمه موسي
فكان فيه واحد من الحاضرين صاحب موسي ده .. فأرسل إليه خطاب كتب فيه " يا موسي إنَّ " بس وخلص

فوصل الخطاب لموسي .. فقعدت يقول يعني إيه .. إنَ إيه مثلا ..
فكان المساعد بتاعه فطن .. فقاله إنه يريد أن يقول لك

" يَا مُوسَى إِنَّ الْمَلَأَ يَأْتَمِرُونَ بِكَ لِيَقْتُلُوكَ "

ففهم موسي .. فأرسل إليه نفس خطابه مضيفاً إلي النون الف فأصبحت

" ياموسي إنَّا " وأرسلها ..

فعلم صاحبه أنه فهم رسالته عندما قرأ قوله الذي يقصد به

"يَا مُوسَى إِنَّا لَنْ نَدْخُلَهَا أَبَداً مَا دَامُوا فِيهَا .."

حب يفهموه ملاقش أبلغ من اقرآن يوصل رسالته ..



فالمطلوب مننا لو عايزين نعيش مع القرآن بجد ..

نكتر من اللغة العربية في حياتنا

جميل لما تقول لوالدك ياأبي .. ولأمك يا أمي

قد يستثقلها لسانك أو تخجل منها في البداية ولكن بعدها تعتاد الأمر

إيه اللي فيها لو قلت الموبايل صامت مش لازم silent ..

ولم ترد علي التليفون .. ليه تقول ألو

وأبدلنا الله بتحية خير منها " السلام عليكم ورحمة الله وبركاته "

ومتستكترهاش لو كانت عايز الثواب حتي لو اللي بتكلمه تنح شويه مستغرب

وهكذا .. خلي اللغة ترجع لينا

عشان ربنا يفتح قلوبنا نفهم كلامه ..



ومتكسلش تحط التفسير جنبك .. لان بجد كل ماتفهم كتاب ربنا .. كل ما يزيد حبك وتعلقك بيه .. كل ما يسهل حفظه

وراقب نفسك وقلبك .. لعل الله يفتح عليك بمعانٍ جديدة يختصك بها

وقل ربِ زدني علما

ولا تنسي النية .. فصلاح القلب بصلاح العمل .. وصلاح العمل بصلاح النية

خاطرة .. لعل الله يأجرنا بها ..

كتبنا الله وإياكم من المخلصين الذين يستمعون القول فيتبعون أحسنه

وصلي الله وسلم علي محمد وآله وصحبه وسلم تسليما كثيرااا...

والحمد لله رب العالمين ..


منقول من منتدي احلي حياة في طاعة الله

[خـادمـهـ لديـن الله]

رد: دعوة للعودة ..

وعليكم السلام ورحمة الله وبركاته
كلمات طيبه أختنا بارك الله فى كاتبها
وصدق فى كل ما ذُكر فهذا حال الأغلبية منا والله المستعان
ونسأله جل وعلا أن يرزقنا حسن التدبر والعمل بالقرآن الكريم
بارك الله فيكِ وسلم نقلك المتميز
ننتظر منك المزيد
وجزاكِ الله خيراً.

[مشتاق لعفوه]

رد: دعوة للعودة ..

بسم الله الرحمن الرحيم
الحمد لله الذي خلق الإنسان وعلمه البيان
الحمد لله الذي يسر القرآن للذكر
الحمدلله يرفع المر بكل آية درجة
وبكل حرف عشر من الحسنات
لكم الشكر على الطرح والنقل المفيد
وما أحوجنا حقا ان نعيش قلبا وقالبا مع كتاب الله عز وجل
تلاوة واستماعا وتدبرا حتى تلين منا القلوب
وتدمع منا العيون
وتقشعر منا الجلود
اللهم رقق قلوبنا بالقرآن
واجعله لنا شاهدا لاعلينا
آمين
وآخر دعوانا أن الحمد لله رب العالمين

********************
"وقل رب ارحمهما كما ربياني صغيرا"

*********************

[امة الرحمن/فاطمة]

رد: دعوة للعودة ..

اللهم آمين آمين آمين

جزانا الله وإياكم كل خير وبارك الله فيكم جميعا

[نحري دون نحرك يادين الله]

رد: دعوة للعودة ..

جزاكم الله خيرًا

[الدرويش]

رد: دعوة للعودة ..

جزاكم الله خير الجزاء وبارك بكم

[palestine_son]

رد: دعوة للعودة ..

بارك الله بكم وجزاكم خيرا

[مهاجر إلى الله ورسوله]

رد: دعوة للعودة ..

جزاكم الله خيراً
وجعل طرحكم هذا في موازين حسناتكم