إزاي نتدبر القرآن و نتفكر فيه و نفهمه صح ..؟

[قـلبي لربي]

الــسلام عليكم و رحمة الله تعالى وبركاته

النهاردة كنت بقرأ كتاب نافع جدا إسمه

حتى تكون تلاوتك مؤثرة .. فقلت نستفيد منه كلنا

و أظن من إسم الكتاب عرفتوا إحنا هنتكلم عن إيه


هنتكلم عن تدبر القرآن و يعني إيه تدبر و أهمية التدبر و إزاي نتدبر في كتابنا العظيم القرآن

الذي لا يأتيه الباطل من بين يديه و لا من خلفه ..

بس قبل ما اتكلم لازم أنبهكم أن تقرؤوا الموضوع للنهاية .. حتى لو قريتوه في أجزاء ..
و كمان حاجة تانية إني أحلل لكم تنقلوا الموضوع دة لكل المنتديات و الصفحات في الفيس بوك حتى بدون ذكر المصدر لأنه مش موضوع إنشاء و لا شعر لأ .. دة موضوع كلنا بنحتاج له في حياتنا و انا أصلا مش جايباه من عندي ..

نجي للفقرة الأولى من موضوعنا ..


يعني إيه تدبر .. ؟



طيب نشوف ابن القيم قال إيه عنه و نجي نشرح كلام ابن القيم :

هو تحديق ناظر القلب إلى معانيه و جمع الفكر على تدبره و تعقله ، و هو المقصود بإنزاله لا مجرد تلاوته بلا فهم و لا تدبر

قال الله تعالى "

كتابٌ أنزلناه إليكَ مُباركٌ لِيَدَّبَّرُوا آياتِهِ و لِيتَذكَّرَ أُولُوا الألباب "
"ص"/29

أولا لاحظوا معايا إن ابن القيم قال تحديق ما قالش نظر .. و طبعا عارفين إنوا التحديق فيه تركيز أكتر من النظر

و ثانيا قال تحديق إيه .. قال تحديق ناظر القلب .. ما قالش تحديق ناظر العيون .. يعني تركز و تشوف معاني القرآن بقلبك مش بعيونك و بس و كمان تجمع فكرك كله و تستعد كدة علشان تدبره و تعقله و تفهم اللي فيه لأن دة هو المقصود في الآية بإنزاله مش المقصود نقرا و خلاص و همنا كله نخلص وردنا علشان اننا خلاص كدة قرينا اللي علينا و خلاص ..!

و نجي للجزء التاني من موضوعنا ..

إيه هي أهمـــية التدبر ..؟




* ترك التدبر بيمنع عننا الخير اللي بيجينا من التلاوة .. زي ما سيدنا علي بن ابي طالب قال

لاخيرفي عبادةلاعلم فيها،ولاعلم لافقه فيه،ولاقراءةلاتدبر فيها





*ترك التدبر هو نوع من أنواع هجر القرآن اللي اشتكى منه الرسول صلى الله عليه و سلم لربنا زي ما جاء في القرآن ..

ابن القيم رحمه الله ذكر أنواع من هجر القرآن و ذكر منها

هجر تدبره و تفهمه و معرفة ما أراد المتكلم به منه
* لما نترك التدبر فإحنا بكدة بنترك المقصود الأعظم من القرآن .. قال ابن النووي رحمه الله :
ينبغي لقارئ القرآن أن يكون شأنهالخشوع

والتدبر



والخضوع،فهذاهوالمقصودالمطلوب،وبه تنشرح الصدور

وتستنير


القلوب،ودلائله أكثرمن أن تحصى وأشهرمن أن تذكر.





* تدبر القرآن دة من أحسن أدوية القلوب .. و هي إيه أمراض القلوب دي .. زي إيه ..؟.. زي الغفلة و قلة الإيمان و ضعفه و كتيير أوي ..

دة كله ممكن نعالجه بالقرآن تصدق ..!!

* التدبر من أطيب ثمرات حفظ القرآن الكريم ..



* التدبر بينقذنا من الغفلة المرض الخطير و يخلي قلوبنا دايما صاحية و قريبة من ربنا بإذن الله ..

و نيجي للجزء الأخير من موضوعنا ..

إزاي نتدبر القرآن ..! .. حاجات ممكن تساعدنا إن شاء الله ..




قراءة




كتبالتفاسير :


و في البداية نستعمل تفاسير مبسطة و سهلة و قريبة لأفهامنا زي تفسير



الميسر و تفسير السعدي

و كلها بنلاقيها بسهولة على النت .. ممكن بس إكتبوا اسمها في جوجل و هتلاقيها مجاناً .. يعني الحكاية ميسرة أوي و الحمد لله ..




تصور




وتفهم مدلولات كل آية :


و دة يا جماعة باب كبييييييير أوي هيبقى صعب علينا اننا نشرح جوانبه كلها في السطور القليلة دي .. بس ناخد مثال :

قال

ابن قدامةالمقدسي رحمه الله: وينبغي للتالي أن يستوضح من كل آيةمايليق بها،ويتفهم ذلك،فإذاتلا قوله تعالى

"



الْحَمدللهِ الَّذي خلق السمواتِ و الأرضَ " فليعلم عظمته، ويتلمح قدرته في كل مايريد،وإذاتلا

"



أفرأيتم ما تُمنُون " فليتفكر في نطفة متشابهة الأجزاء كيف تنقسم إلى لحم و و عظم و عصب و دم ..


سلامة




القلب وطهارته من الأمراض الظاهرةوالباطنة:


زي الحقد و الحسد و الكره و الغل و الغيرة و الشك ..

شوفوا ابن تيمية قال إيه في شرح الآية "

لا يمَسُّهُ إلا المُطَهَّرُون "

فإذا كان ورقه لا يمسه المطهرون فمعانيه لا يهتدي بها إلا القلوب الطاهرة ..



إنزال الآيات على حال القارئ و إتهام النفس بأنها المقصودة




عندكل آيةذم ولوم،وعدم تزكيتهاعندآيات المدح و الثناء


براحة عليكوا شوية صح .. يعني إيه الكلام الكبير دة ..



أولاً دة مش كبير و لا حاجة .. بقولك

لما تيجي آية مثلا بتاعت معصية أو لوم إتهم نفسك و قول دة أنا بالظبط دي الآية دي بتتكلم عني .. و أكيد كلنا عصاة و ربنا يغفر لينا ..

و كمان لما تيجي آية مدح للمؤمنين مثلا ما تقولش دة أنا أبدا .. و ما تغركش و لا تعجبك نفسك .. إنت مهما عملت هتكون فين من اللي هاجروا زمان مع النبي صلى الله عليه و سلم و تركوا أموالهم و احبابهم و كانوا مستعدين في الغزوات إن يقتلوا أحب الناس ليهم من أجل الإسلام .. و حتى دول و إحنا و كل الناس لو جات حسناتنا قدام نِعم ربنا و حتى لو كانت حسناتنا قد جبل أحد هتهدها نِعم ربنا .. محدش بيدخل الجنة بعمله أبداً كلنا بندخل برحمة ربنا ..

إستشعار القارئ أنه يتلو كلام الله جل و علا و أنه يناجي ربه :




يا سلااااام .. يعني و انا داخل اقرا القرآن كدة أحس أني ما بقراش رواية و لا جريدة لااااااا ..



أنا بقرأ كلام ربنا سبحانه و تعالى .. الملك اللي خلقني .. رب الأعاصير و الزلازل و البراكين .. رب الرحمة الكريم ..

أنا بناجيه و عارف إنه هيسمعني و هو أقرب إلي من حبل الوريد ..



حس إن ربنا بيكلمك إنتَ .. أيوا إنتَ .. بيأمرك إنتَ .. بينهاكَ إنت .. بيحذرك إنتَ .. بيبشرك إنتَ ..

في أكتر من كدة يا جماعة .. بالله عليكوا عينينا مش هتدمع .. و لا هي خلاص بقيت زي الحجارة بل أشد قسوة ..




معايشة معاني القرآن الكريم




لما تكون إنتَ داعية للي في القرآن بتشيل هم أمتك .. و بتجاهد في سبيلها بكل ما تملك .. أكيد هيكون وقع الآيات دي عليك أكتر ..

لأنها هتوريك إن كل اللي بتعملوا دة في سبيل الله عز و جل ..

إستشعار




أن الله عزوجل بعظمته وعلوه وكبريائه يستمع للقارئ حسن الصوت


قال عليه الصلاة و السلام :"



الله أشدأذنا - أي إستماعا - إلى الرجل الحسن الصوت بالقرآن من القينة إلى قينته "


يعني ربنا أشد إستماعا للشخص دة من إنسان معين بيسمع لفنانته المطربة ..



يا سلاام .. ما فيش حاجة تتقال أكتر من كدة ..

قراءة الكتب التي عن صفات الله و أسمائه و نعمه و آلائه و تربي على التفكر و التدبر




زي كتب الإمام العالم إبن القيم و خاصة : مفتاح دار السعادة .. و الفوائد و مدارج السالكين ..



و نختم بحاجة أخيرة .. وهي الأهم :

استصحاب




الإخلاصدائماوتجديدالنيةوالبعدعنالعجب


في الحديث الذي رواه مسلم أن من أول الثلاثة الذين تسعر فيهم النار يوم القيامة :

ورجل تعلم العلم, وعلمه, وقرأالقرآن فأتي به فعرفه نعمه فعرفها, قال: فما عملت فيها؟ قال: تعلمت العلم وعلمته, وقرأت فيك القرآن, قال: كذبت ولكنك تعلمت العلم ليقال عالم, وقرأت القرآن ليقال هوقارئ, فقد قيل, ثم أمر به فسحب على وجهه حتى ألقي في النار,



******

و في النهاية أسأل الله أن يوفقنا لما يحبه و يرضاه و أن يرزق كاتب الكتيب " حتى تكون تلاوتك مؤثرة "

منصور بن محمد المقرن كل خير فهذا الموضوع ما هو إلا إقتباس أو إختصار من كتابه أو أخذ روح النص بكلمات أخرى ..





و أتمنى منكم إخوتي أن تنشروه عسى و لعل أن يهدي الله بنا مؤمنا و نشاركه في ثواب قرآته للقرآن بتدبر إن شاء الله





　

　

[دعاء ام عمر]

رد: إزاي نتدبر القرآن و نتفكر فيه و نفهمه صح ..؟

جزاك الله خيرا وبارك الله فيك وجزى المؤلف خير الجزاء ورزقنا الله جل جلاله حفظ كتابه وحسن تدبر آياته والعمل بما فيه

[قـلبي لربي]

رد: إزاي نتدبر القرآن و نتفكر فيه و نفهمه صح ..؟

يا سلام على الدعوات

آميييين يا رب العالمين

[ام سفياان]

رد: إزاي نتدبر القرآن و نتفكر فيه و نفهمه صح ..؟

السلام عليكم ورحمة الله وبركاتة

ماشاء الله لاقوة ألا بالله
موضوع رائع وجذاب

بارك الله بكل القائمين على هذا الصرح الطيب
وجعل الله كل أوقاتكم وجهدكم زخراً لكم يوم القيامة ...

وبارك الله فيكم
حفظكم الله وسددكم ...

جزاكم الله كل خير .

... فى أمان الله ..

[قـلبي لربي]

رد: إزاي نتدبر القرآن و نتفكر فيه و نفهمه صح ..؟

أشكركِ كثيرا يا أختي العزيزة على التشجيع ..

فعلا جزى الله القائمين على هذا الموقع كل خير ..

بارك الله فيكِ و وفقكِ ..

[نحري دون نحرك يادين الله]

رد: إزاي نتدبر القرآن و نتفكر فيه و نفهمه صح ..؟

بارك الله فيكم
أسأل الله أن يرزقنا تدبر القرآن

[قـلبي لربي]

رد: إزاي نتدبر القرآن و نتفكر فيه و نفهمه صح ..؟

أشكركم جميعا جزاكم الله كل خير.. لكن أتمنى من المشرفين تعديل هذا الجزء من موضوعي :

في الحديث اللي رواه مسلم أن من أول الثلاثة الذين تسعر فيهم النار يوم القيامة : قارئ القرآن ليقال له قارئ

و إســــــــــتبــــداله بـ :


في الحديث الذي رواه مسلم أن من أول الثلاثة الذين تسعر فيهم النار يوم القيامة :

ورجل تعلم العلم, وعلمه, وقرأالقرآن فأتي به فعرفه نعمه فعرفها, قال: فما عملت فيها؟ قال: تعلمت العلم وعلمته, وقرأت فيك القرآن, قال: كذبت ولكنك تعلمت العلم ليقال عالم, وقرأت القرآن ليقال هوقارئ, فقد قيل, ثم أمر به فسحب على وجهه حتى ألقي في النار,

لأنني لا يمكنني التعديل لأن الموضوع قديم و شكرا

[نحري دون نحرك يادين الله]

رد: إزاي نتدبر القرآن و نتفكر فيه و نفهمه صح ..؟

بارك الله فيكم أختنا تم التعديل

[~باغية الجنان العلى~]

رد: إزاي نتدبر القرآن و نتفكر فيه و نفهمه صح ..؟

جزاااك الله خيرا كثيرا اختي الفاضلة
ما شاء الله نقل طيب مبارك متميز
نفع الله بكِ وجعله في ميزان حسناتك

جعلنا الله من اهل القرآن

[احلام طه]

رد: إزاي نتدبر القرآن و نتفكر فيه و نفهمه صح ..؟

جزاكي الله خير

[الإسلام ربانى]

رد: إزاي نتدبر القرآن و نتفكر فيه و نفهمه صح ..؟

جزاكِ الله خيراً

["راحلة عما قريب"]

رد: إزاي نتدبر القرآن و نتفكر فيه و نفهمه صح ..؟

جزاكم الله خيرا

[عطر الفجر]

عليكم السلام ورحمة الله وبركاته
جزاكم الله خيرًا وبارك فيكم

[نقابي حياتي 114]

عليكم السلام و رحمة الله و بركاته
بارك الله فيكم و جزاكم خيرا