Tweet
يقـدر قلبـك يكون زى قلوبهــم ؟؟
قلبـك جواه إيه ؟؟
جواه خير وحب لكل الناس ؟؟
ولا جواه غيره وحقد وشر ولعياذ بالله ؟؟
لازم نسأل نفسنا السؤال ده ... قلــوبنا تجاه النااااااااااااس عاملة ازاااى ؟؟
بنحب الخير ليهم زى ما بنحبه لنفسنا ولا لأ ؟؟
لازم قلبـك يكون أبيـــض ميعرفش يعنى إيه كره ؟؟
ميعرفش يشيل حقد لحد أو يحسد حد !!
لازم قلوبنـا تبقى كده ..
طيب ممكن حد يقول ان تصرفات الناس معاه هى اللى بتجبره على إنه يكن
ليهم بغضاء وكره !! انما هو من جواه طيب وبيحب الخير للجمييع ..
أقولك اقرأ القصتين دول عشان تعرف ان حتى لو الناس عاملوك أسوأ معاملة
لازم برضو تحب الخير ليهم ومش تكن ليهم إلا كل خير وحب ..
***
الشيخ بن باز رحمه الله دخل عليه رجلاً فأذاه فى مجلسه ..
آذى الشيخ وسب الشيخ وشتمـــه !!!
>>> معقـــووول ؟!
وفضل الراجل ده يؤذى الشيخ فترة طوييلة فى كل مجلس يدخله الشيخ يدخل
الراجل ده ويتكلم عليه ويشتمه ويسبه !!
>> ده لو حصلت مع حد عادى كان زمان الراجل ده مدفون بقاله 5 سنين !!
وكان الشيخ سافر إلى بلد .. والراجل ده فى بلد تانية وبرضو مش سايب
الشيخ فى حاااله نازل يتكلم عليه فى كل مكان !
إلى أن جاء يوم من الأيام وتوفــى الرجل ده ..
جم عشان يصلوا عليه الجنازة .. الإمام مصلاش عليه ورفض علشان كان
بيتكلم على الشيخ بن باز بكلام سيئ وقال : يصلى عليها غيركم أنا ما أصلى
على رجل عدو للشيخ بن باز ..
وده طبعاً من حبه للإمام الشيخ ابن باز .
سمع الشيخ رحمه الله بالكلام ده ...
يا ترى فــرح بوفاة الرجل ده ؟؟؟
يا ترى عجبه موقف الإمــــام ؟؟؟
اللى حصل أعجب مما تتيخيلوا !!
الشيخ دمعت عيناه وحزن وأسف وعاتب الإمام اللى رفض الصلاة عليه ثم
سافر بنفسه الشيخ بن باز للبلد اللى كان الراجل ده فيها وجاء إلى قبـر اللى
سبه واللى شتمه .. جاء وكبَّـر عليه أربعاً , وصلى عليـه !!
قلبـــك انت بقى عاامل ازااى تجاه من أساء إليك ؟؟؟
ولو الإساءة كانت بالحجم ده كان تصرفـك هيكون عامل ازااى ؟؟
***
طيب نشوف قصة تانية ..
السيدة صفية رضى الله عنها .. كان عندها جارية , يوم من الأيام الجارية دى
وشت بصفية فى عهد سيدنا عمر بن الخطاب رضى الله عنه ..
فراحت لسيدنا عمر فبتقوله : يا أمير المؤمنين ! إن صفية تفعل كذا وكذا ..
قالت عنها إيييه بقى ؟؟
قالت : صفية تحب اليهود وتقدمهم على المسلمين !!!
>> إيه الغــل ده ؟!
قالت : صفية تعظم يوم السبت تحب اليهود وكذا وكذا وكذا ..
كــل عيوب صفية !
فذهب أمير المؤمنين ونادى صفيـة فقال لها : هل الخبر صحيح ؟
قالت : لا والله يا أمير المؤمنين , كنت أحبهم قبل الإسلام لكن بعد الإسلام
أبداً ..
وكنت أعظم يوم السبت قبل الإسلام .. لكن بعد أن أكرمنا الله بالإسلام ,
أعظم يوم الجمعة .
قال : أوَ تحبين اليهود ؟؟
قالت : والله يا أمير المؤمنين لا , لكن بينى وبينهم رحم
>> " صفية بنت حيي بن أخطب "
أصِلهم أما غير هذا فلا !
عرف سيدنا عمر أن صفية برئية وأن جاريتها أوشت بهـا كذباً وبهتاناً ..
فنادت صفية الجارية ..
تتوقعوا كانت هتقول لها إييييييه ؟؟
أكيد مش هتدخلها بيتها تانى ده أقل حاجة !!
صح ؟
طيب نشوف عملت معاها إيه ؟؟
قالت : لم فعلتِ هذا يا جارية ؟ توشين بى كذباً وزوراً عند أمير المؤمنين ؟
قالت : والله ما فعل هذا يا أم المؤمنين إلا الشيطان !!
الشيطان هو السبب !!
عارفين السيدة صفية قالت لها إيه ؟؟
هتعاقبها إزااى ؟؟
قالت لها : إذاً انتِ حرة لوجـه الله !!!
***
قــد إيييه القلب صافى ونقــى ومفيهوش نقطة سودا !!
وقــد إييييه قلوبنا محتاجة علاااج وتطهير كبيير عشان توصل للمرحلة دى !
الله المستعان ..
الشخص اللى بيحب الخير لكل الناس والله تلاقوه مرتاح علطوول ومش شايل
هم حاجة ..
إنما اللى شغال حسد الله ينور وكره لخلق الله بتلاقوه علطول فى مشاكل
وعلطول مهموم .. لأن قلبـه مفيهوش الإيمان والإيمان هو سبب السعادة
والطمأنينة الاتنين مرتبطين ببعض ..
" لا يؤمن أحدكم حتى يحب لأخيه ما يحب لنفسه " الراوي: أنس بن مالك المحدث:البخاري - المصدر: صحيح البخاري - الصفحة أو الرقم: 13
خلاصة حكم المحدث: [صحيح]
طهـر قلبـك ونقيه وسامح أى حد غلط فى حقك لله ..
خلى قلبـك مستودع فقط لحـب الله والإيمان به .. متخليهوش مستودع
للكره والغل !
أسأل الله تعالى أن يُطهر قلوبنا جميعاً إنه ولى ذلك والقادر عليه ..
تعليق