Tweet
أنا هنا مش عاوز أقول إن كل الناس لازم تبقى علماء أنا باتكلم عن الحد الأدنى من العلم اللي لازم يكون موجود عند أي مسلم و الحد الأدنى ده في كتير فاهمين انه عندهم و هو معندهمش عشر معشاره
.. أقوللك ازاي
باختصار .. لازم نعرف إن العلم فيه نوعين فرض عين و فرض كفاية
فرض العين
هو اللي كل واحد لازم يعمله و لو ماعملوش يأثم زي الصلاة مثلا
و فرض الكفاية
هو اللي لازم حد في الأمة يعمله و لو عمله محدش ياخد ذنب و لو مفيش حد عمله خالص كل الأمة تأثم
العلم فرض العين هو اللي بيسمى "علم المعاملة"يعنى أول ما تبلغ سن التكليف بقى فرض عين عليك تعرف أحكام الصلاة و الصيام و المرأة إذا جاءها الحيض و جب عليها معرفة أحكام الطهارة و إذا بلغ مالك نصاب الزكاة و حال عليه الحول بقى فرض عين عليك معرفة أحكام زكاة المال ... إلخ
الكلام ده معناه إننا متأخرين قوي قوي قوي في الموضوع ده وفي حاجات كتير المفروض اننا نكون متعلمينها من زمان
يعنى ماينفعش يبقى عندك
20 سنة مثلا و مش عارف الفرق بين أركان الصلاة و سنن الصلاة
و بالتالي لازم كل واحد فينا يبقى ليه منهج واضح في طلب العلم الشرعي
في
4 حاجات عاوزين نمشي فيها
حفظ القرآن – العقيدة – الفقه – الرقائق
ودلوقت هاقترح عليك شوية حاجات في كل قسم من الأقسام دي
في حاجات هاقولها للناس اللي عندها أعذار و مش هاتقدر فعلا تحضر دروس المساجد دول هايحاولوا ينزلوا الدروس اللي هاقولها على الكومبيوتر أو الـmp3 أو الموبايل ينزل درس و يسمعه و هكذا و فيه امتحانات على الحاجات دي عن طريق النت برضه
أما الناس اللي ممكن تحضر دروس المساجد فطبعا الأفضل بكتير إنهم يحضروا في المساجد
و برضه في حاجة تانية لو انت عندك وقت و بتقعد كتير على النت ممكن تلتحق بمدرسة طلب العلم على الانترنت تحت اشراف الشيخ هاني حلمي على الرابط التالي
اضغط هنا
1-
حفظ القرآن
مش هاينفع في دي بالذات أقوللك نزل على الـmp3 و اسمع لازم تحفظ مع حد
ممكن تكون حاولت قبل كده كتير تمشي في موضوع حفظ القرآن ده و وقفت
.. لكن المرة دي مش هاينفع تقف
للأسف كتير مننا مابيرضاش يسمع نصائح الناس اللي حفظوا و بيقعد يقول أنا هاحفظ لوحدي و الكلام ده كله و يحدد لنفسه ورد كبير و يبدأ فيه فعلا و بعد كده بيقف برضه .. طب إيه المشكلة ؟؟
لازم نعرف أولا إن مفيش إنسان بيفضل على طول في نفس الحالة الإيمانية العالية فعشان كده لازم و إنت في حالة إيمانية عالية تعمل حساب الأيام اللي بتنزل فيها إيمانيا و تلزم نفسك بحاجات تثبت عليها أوقات الفتور و بالتالي لازم تسمع الكلام الجاي ده
أولا لازم تستعين بالله و تكون على يقين بجد إنك مش هاتقدر تعمل حاجة إلا بإعانة ربنا ليك و أكثر من قول "لا حول و لا قوة إلا بالله"
ثانيا لازم تحفظ مع حد
.. شيخ أو حد يكون حافظ أو على الأقل يكون عارف أحكام التجويد و الأحسن من كل ده الالتحاق بأحد معاهد التحفيظ
ثالثا حدد ورد يومي صغير تقدر تعمله كل يوم و اعمل حساب الأيام اللي هاتكون مشغول فيها
و حاول تسمع نصايح الناس اللي حفظت القرآن و ماتستهينش بكلامهم
عاوزين الناس الحافظة تشاركنا بآراءهم و حتى لو مش حافظ و عندك حاجة ممكن تفيد الناس اللي بتحفظ ياريت
و إن شاء الله قريبا هاضيف حاجات تانية مفيدة جدا في هذا الموضوع
-عناوين و أرقام مراكز تحفيظ القرآن
-بالإضافة إلى بغض المعاهد المتخصصة في تحفيظ القرآن مثل معهد أبي بن كعب بالمنيرة
و معهد دار الأرقم
-يوميا على الغرفة الصوتية بموقع الطريق إلى الله الساعة
12 في منتصف الليل تحفيظ القرآن مع الدكتور أحمد
الغرفة الصوتية
ده بالنسبة لحفظ القرآن
أما بالنسبة للـ3 حاجات التانية
فعندك 3 درجات
الدرجة الأولى الالتحاق بأحد المعاهد العلمية و ده ليه ميزة مهمة جدا وهب انك بتكون مرتبط بالمعهد و عندك امتحانات و شهادة إلى آخره فالموضوع بيبقى جد
في معاهد كتير في القاهرة منها
معهد إعداد الدعاة بمسجد العزيز بالله بحدائق الزينون
معهد إعداد الدعاة التانبع لجماعة انصار السنة
وهناك معهد جديد تحت إشراف الشيخ محمد يسري حفظه الله و سيكون إن شاء الله علامة في هذا المجال و قريبا جدا إن شاء سأحضر لكم تفاصيل الاستراك بهذا المعهد و غيره
الدرجة الثانية دروس المساجد و دي طبعا حاجة ممتازة بس المشكلة إن في ناس كتير مابتكملش لان مفيش متابعة
عاوز تحضر دروس في مساجد ... الموقع ده عليه مواعيد غالبية الدروس و مواعيدها و أماكنها
الدرجة الثالثة زي ماقلت في الأول سماع الدروس على الكومبيوتر أو الـmp3 و دي اللي هاتكلم عنها دلوقت
2-
العقيدة
الكتاب المشهور في العقيدة و اللي بيدرس كتير في مصر هو متن
(منة الرحمن في نصيحة الإخوان) للدكتور ياسر برهامي
تنزيل المتن
شرح الكتاب بصوت الشيخ ياسر برهامي حفظه الله
طبعا برضه مش لازم الكتاب ده .. ده مجرد اقتراح
3-
الفقه
من الكتب المشهورة جدا كتاب منار السبيل
تنزيل الكتاب
شرح الكتاب للشيخ أحمد حطيبة حفظه الله
4-
الرقائق
عشان توزن الكلام اللي فات ده كله و تزون حياتك كلها لازم تسمع كلام يخاطب قلبك و وجدانك و حاول دي بالذات تحضر فيها في المسجد
أنا باقترح عليك هذا الدرس
درس الشيخ هاني حلمي في مسجد الشاعر يوم الخميس بعد صلاة العشاء
العنوان
: ثكنات المعادي شارع 199 خلف مدارس الشروق
و دروس الشيخ موجودة على موقعه
موقع منهج
و حاول تقرا في الرقائق و بارشحلك طبعا مؤلفات العلامة ابن القيم رحمه الله و ابن الجوزي و كتاب مختصر منهاج القاصدين لابن قدامة المقدسي
و لمزبد من الدروس في الرقائق
موقع الدروس
مستنى تعليقاتكم و اقتراحاتكم
جزاكم الله خيرا
منقول
تعليق