|تورتة حلب _ اللقاء الأول _ د.حازم شومان|

[آمــال الأقصى]

حــلـــب || صــرخات من تحت الأنقاض || تورتة حلب الجزء الأول.
مع الدكتور/ حازم شومان.
.....
https://www.youtube.com/watch?v=WCY4E3ci9R0
ويمكنكم متابعة د/ حازم شومان أسبوعيًا كل خميس الساعة 9 م توقيت مصر بإذن الله على #غرفة_الهداية_الدعوية.
.....
رابط الدخول المباشر للغرفة (( بدون باسورد أو برامج أو أكواد )):
http://goo.gl/URBqUF
.....
رابط الاستماع للغرفة عبر الإذاعة:
http://mixlr.com/alhedaya-radio
.....
جدول غرفة الهداية الدعوية الأسبوعي:
http://goo.gl/sqIzPG

[آمــال الأقصى]

رد: |تورتة حلب _ اللقاء الأول _ د.حازم شومان|

سلسلة تورتة حلب:
صرخات من تحت الأنقاض _ د/ حازم شومان.
بتاريخ: 22-12-2016.
.....
ترضى إنك تبقى منهم؟!
في اللحظة دي 3000 مسلم ومسلمة تحت الأنقاض في حلب بيصرخوا وبيستغيثوا...ترضى إنك تبقى مكان حد منهم؟!
في اللحظة دي إيران بتنفق مليارات الدولارات عشان باقي الجيوش اللي جاية تقتل مسلمي السُنة في سوريا.
مين اللي مُستيقظ؟ مين اللي حاسس باللحظة دي؟!
في اللحظة دي فيه مأساة في العالم الإسلامي اسمها ... حلب.
أنا مش بقولك ولا بقولِك ايئسي، لأن كل واحد حارب دين الله راح فين؟!
جنكيز خان وهولاكو المجرمين راحوا فين؟!
ريتشارد قلب الأسد ولويس السابع ملِك فرنسا، بابا أروبا كل دول راحوا فين؟!
كلهم راحوا..وفي الوقت ده كان فيه مسلمين إيجابيين مع دينهم، وكانوا رجالة.
أنا مش بقولك ايئس...بقولك إزاااااي؟
إزاااي لما قامت حرايق في إسرائيل العالم العربي كله قاام يطفي معاها!
ولما قامت في حلب ولا دولة مسلمة قامت معاها وساعدتها! إزاي!
إزاي عشرة شباب في فرح في الأفراح يلبسوا جلبية بيضا ولحية ويرقصوا!!!
إزاي حلب تضرب ولا كأن فيه أي شيء!!
إزاي دموع المسلمين تسكَب أمام قبر بريز!!! وحلب تُباد!!
.....
حـــلب تُبـــاد...هان عليك؟!! هان عليكِ؟!!
نفس المشهد ده، صدِق أو لا تصدِق:
الحاكم الأردني بعد الخلافة العباسية بدل ما يتحد على مصر ويهاجموا هولاكو هجموا على مصر!
الخليفة العباسي هولاكو محاصر بغداد وهو قاعد قدام شو روسي أو عراقي بيتفرج على راقصات!
جيوش عربية وقفت مع هولاكو وطلعوا مع التتار يحاربوا ضد قُطز!!
نفس المشاهد دي حصلت زمان.
وكلهم اترموا في مزبلة التاريخ!
إزاي ده حصل ... وإزاي ده جرى؟!
إحنا نايمين في العسل، وإييران تُعلن رسميًا إن الدور على اليمن والبحرين بعد سوريا!!!
إزاااي وصلنا لكده...فين دينا؟!
مش جاي أقولك ايئسي، جاي أقولِك الحقي نفسِك!!
ربنا هيسألك يوم القيامة ليه خذلت إخوانك!!!
اِلحق نفسك قبل ما تُخذل في الآخرة زي ما خذلت إخوانك، وقبل ما عقوبة ربنا تنزل وقبل نسقط في الامتحان، قبل ما النار تيجي عليك.
لنبي صلى الله عليه وسلم 40 يوم يقنت في نازلة من النوازل!
إحنا عملنا إيه تجاه إخواننا؟!! مات ربع مليون في حلب عملنا إيه؟!
صرخات من تحت الأنقاض:
فين الضمير؟ وفين الدين؟!
إزاي وصلنا لهذه الدرجة؟!
اِلحق نفسك، الموضوع مش دمعتين وبس!
خَذِل عنّا ما استطعت.
أول رسالة:
1- اِلحق نفسك قبل ما النار تيجي عليك.
بيت جارك مولع نار، هتقفل الشباك عشان تحمي نفسك؟!
ده غبــاء!
.2- اِلحق نفسك قبل ما تسقط من نظر الله عز وجل...طب ليه؟!
*بسبب الوضع الكارثي في حلب، الستات تنتحر حتى لا تُغتَصَب!
أب يدبح أولاده وزوجته لخوفه عليهم!
*بسبب اللامبالاة أمام الوضع الكارثي هذا، حلب تُباد وأنتم سامدون!
وحفلات رأس السنة والرقص!
الإمارات عاملة مسابقة أجمل جَمل قيمتها سبع مليون درهم والمسلمون مش لاقيين بطانية يتغطوا بيها!
الإمارات سبقت فرنسا وبقت الدولة الأولى في استيرد الخمور!
برج خليفة في دبي ليلة رأس السنة بتتقضى فيه بـ 16 ألف جنيه مصري شاملة الخمور وغيرها!
مصر مستوردة 20 مليون طن متفجرات عشان تضرب بهم حلب، عشان الشباب يضرب بيهم صواريخ في رأس السنة.
أجور الممثلين في السنة في رمضان اللي فاتت 3 مليار جنيه مصري!!!
لو أنفقوا في دين ربنا كنا زمانا أُمة لها كرامة!
التتار لما دخلوا بغداد مفرقوش!
اللي يجنن اللامبالاة، مصر بتستورد كلاب في السنة بقد إيه!
*بسبب إن رد الفعل تجاه غير المسلم ملوش دعوة خالص برد الفعل تجاه المسلم!

• [*=center]سفير روسيا اللي اتقتل الكل وقف له!
  [*=center]طب حلب ولا حد اتكلم!
  [*=center]ربع مليون مسلم يتقتلوا في حلب وسوريا ولا أي صوت!!!
  [*=center]ليه الدم المسلمين عند المسلمين نفسهم بقى صفر!!

*بسبب إن الغرب الدم المسلم عندهم مش سهل! وهما كفار!!
وإحنا حلب تُباد ولا فيه حد بيتكلم!!
3- اِلحق نفسك قبل ما تسقط في الامتحان.
قال تعالى:

" يَا أَيُّهَا الَّذِينَ آمَنُوا اذْكُرُوا نِعْمَةَ اللَّهِ عَلَيْكُمْ إِذْ جَاءَتْكُمْ جُنُودٌ فَأَرْسَلْنَا عَلَيْهِمْ رِيحًا وَجُنُودًا لَّمْ تَرَوْهَا ۚ وَكَانَ اللَّهُ بِمَا تَعْمَلُونَ بَصِيرًا " الأحزاب_9.

ربنا بيقول للمسلمين أنا كنت بشوف هتعملوا إيه؟!
ربنا بيراقب رد فعل المسلمين عند الأزمات!!
ربنا بيكشف حقيقتك قدام نفسك!
اللي بيحصل الآن في نوازل الأُمة دي مراية، امتحان ليك هتسقط ولا هتجاوب صح؟!!
اللي بيستندل مع دين ربنا، متخيل إيه في القبر!!
4- اِلحق نفسك قبل ما ربنا يَخذلك. قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَا مِنِ امْرِئٍ يَخْذُلُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ إِلا خَذَلَهُ اللَّهُ فِي مَوْطِنٍ يُحِبُّ فِيهِ نُصْرَتَهُ ، وَمَا مِنْ أَحَدٍ يَنْصُرُ مُسْلِمًا فِي مَوْطِنٍ يُنْتَقَصُ فِيهِ مِنْ عِرْضِهِ وَيُنْتَهَكُ فِيهِ مِنْ حُرْمَتِهِ إِلا نَصَرَهُ اللَّهُ فِي مَوْطِنٍ يُحِبُّ فِيهِ نُصْرَتَهُ "سُنن أبي داوود.
.....
طب إحنا نعمل إيه؟!!
متعرفيش تزعلي، تدعي ليهم؟!!
تدعي على الظالمين تبيني غضبك من اللي بيحصل؟!!
اِلحق نفسك قبل ما ربنا يخذلك في مالك وأحلامك ورزقك....مَالَكُمْ لَا تَنَاصَرُونَ!
5- اِلحق نفسك قبل ما يكون في ميزانك اغتصاب واحددة من حلب.
انتَ السبب في إنهم اعتدوا عليها!
وأنا مالي دي اللي ضيعت الأمة، مبرر لكل الشباب الآن!
الحريقة اللي في سوريا الآن حريقة في كبد الإسلام.
أهل الباطل بيقولوا الإرهاب إنك تقف مع الدين، مع إن هما لما اتقتل لهم ناس وقفوا إيد واحدة جنب بعض!!
آخر خليفة أندلسي عاش متسول طول حياته فأمه تقول له، ابكِ بكاء النساء على مُلك لم تحفظه حِفظ الرجال...يعني الغرب عنده عقيدة!
إيران وروسيا وهما بيضربوا سوريا أعلنوا قدام العالم كله إنها حرب مُقدسة!! وده اللي يحرق القلب!
الجنود الروس على قناة روسيا بيتعبدوا في الكنائس قبل ما يروحوا يموتوا أهل سوريا!
حرب دينية، ناس عاوزة العقيدة بتاعتها، بيضحوا عشان دينهم ومحدش بيقول إرهاب إلا إحنا!!
بلاد السُنة هي البلد الوحيدة اللي مفيهاش تمن لعقيدتها!
6- اِلحَق نفسك قبل عقوبة ربنا عز وجل.
هو كل الاقتصاد المدمر وارتفاع سعر الدولار لسه فيه انتقام من ربنا؟! ده مش انتقام ده لفت نظر!!
.....
طب نعمل إيـــه؟!!
1*وطنوا نفسكم إن الأحداث القادمة كبيرة، والشهوات والشبهات اللي هتتعرض عليك كبيرة.
مينفعش تبقى صغير، مينفعش الواقع بلامه وآماله يبقى كبير وانتَ صغير!
لازم تعاهد ربنا نك تبقى جندي لنصرة دين ربنا!
2*اِغضَب يا اخي، اِزعل عندما يتطاولون على الصحابة رضي الله عنهم وعلى السلف!!
اِغضَب لما تلاقي حد بيقولك الفتوحات العربية عشان الستات البيضا!! تدليس وافتراء على الصحابة رضي الله عنهم! ليه ساكتين!!
اِغضَب لما تشوف الملحدين بينشروا شبهات ضد دين الله!
اِغضَب لما تلاقي دينك بيتحارب!!
**توصيات:
*لا تيأس.
القرامطة هدوا الكعبة، في قرن واحد من الزمان كان الشيعة بيحكموا العالَم الإسلامي كله، فين هما دلوقت!!
اِستبشر، وتيقنْ أن النصر قادم!
لذا التشكيل هنا:
*إنك لازم تتغير وتقف وقفة مع نفسك.
وَكُلُّ أَمْرٍ مُسْتَقِرُّ.... الصحابة رضي الله عنهم والنبي صلى الله عليه وسلم بياكلوا ورق الشجر والمشركين مبسوطين!نفس الحال الآن!
يا ترى انتَ مع أي طرف، مع المستقرين على الضلال والشهوات، ولا المستقرين على الحق؟!
هو الدين دين الأزهريين والسلفيين والأزهر بس! ولو متكلموش نسكت!
لعل كلمة يُمَكِن الله عز وجل لكَ بها!
إحنا في مأتم يا جماعة، النبي صلى الله عليه وسلم يقنت ربعين يوم في النوازل، مينفعش يبقى دمنا بارد!!
عشان كده قررنا نعمل السلسلة دي سلسلة تورتة حلب! وبدأناها بلقاء صرخات من تحت الأنقاض!
*اوعى تبقى فاشل عند ربنا، اوعي اسمك يبقى عند ربنا فاشلة!
طيب إحنا عندنا امتحانات وداخلين على التيرم!! طيب اشمعنا بتجهزوا للكريسماس ولماتش الأهلي والزمالك!
اشمعنى عند الدين بيكون عندكم ظروف! لازم تقف مع دين ربنا وقفة رجالة!! انتوا جنود المعركة دي، مين ينصر دين ربنا لو انتوا منصرتهوش!!
مفيش إذن ساعة النوازل ساعة النوازل لازم كله يخرج!
على قد ما هتنصر دين ربنا وتسنده ربنا هينصرك ويسندك!
**يبقى قدامك خيار من اتنين:
*إنك تكلم أهل بيتك وجيرانك وكل واحد يقابلك عن نازلة الأُمة!
*يا إما تشيروا الكلام ده في كل مكان، وربنا يستعملك جذر تنقل الخير للدنيا كلها.
خليكوا رجالة إطفاء في هذه النازلة.
اللهم انصر إخواننا في حلب، ربِّ إنَّا مغلوبون فانتصر، اللهمَّ أغثهم يا مغيث.

[جويريه*]

رد: |تورتة حلب _ اللقاء الأول _ د.حازم شومان|

وعليكم السلام ورحمة الله وبركاته
جزاكم الله خيرًا

[muhammed _elamir]

رد: |تورتة حلب _ اللقاء الأول _ د.حازم شومان|

جزاكم الله خيرا

[mohamed gmal]

رد: |تورتة حلب _ اللقاء الأول _ د.حازم شومان|

جزاكم الله خيرا

[آمــال الأقصى]

رد: |تورتة حلب _ اللقاء الأول _ د.حازم شومان|

وجزاكم الله خيرًا مثله.