Tweet
فيه ألفاظ لم تذكر في القرآن إلا مرة واحدة
من الألفاظ التي لم تذكر في القرآن إلا مرة واحدة
لفظ " المنــــافـــســــة "
"وَفِي ذَٰلِكَ فَلْيَتَنَافَسِ الْمُتَنَافِسُونَ " المطففين :26
اللي شدني في معنى المنافسة
إن المنافسة غير المسارعة
يعني لما ربنا قال " وَسَارِعُوا إِلَىٰ مَغْفِرَةٍ "
يعني كل اللي حيجي بسرعة حياخد
كل اللي حيجي بسرعة حيلحق
كل اللي حيجتهد حياخد
المنافسة لما يكون حاجة العدد فيها محدود
مش كل اللي عايزها حياخدها
مش كل اللي حيجري لها حياخدها
يبقى فيه مواقع في الجنة العدد فيها محدود
مش كل اللي حيجتهد حياخدها
مش كل اللي حيتنافس حياخدها
علشان كده
"وَفِي ذَٰلِكَ فَلْيَتَنَافَسِ الْمُتَنَافِسُونَ "
الناس يا جماعة لما عرفت إن الدنيا درجات قتلت نفسها على الدنيا
إحنا لما نعرف إن الجنة درجات مابنجتهدش فيها ليه ؟!!!!!
عايزين نتعلم معنى المنافسة
"وَفِي ذَٰلِكَ فَلْيَتَنَافَسِ الْمُتَنَافِسُونَ "
"وَمَا كَانَ رَبُّكَ نَسِيًّا " مريم :64
من الأيات اللي بتأثر في قلب الواحد أوي
"وَمَا كَانَ رَبُّكَ نَسِيًّا"
اوعى تفتكر إن ربنا حينسالك أي عمل صالح عملته
اوعى تفتكري إن ربناحينسالك أي ليلة قمتيها
اوعى تفتكر إن ربنا حينسالك اليوم اللي كان نفسك تنام فيه وقمت تصلي
"وَمَا كَانَ رَبُّكَ نَسِيًّا "
ربنا ما بينساش الأعمال الصالحة يا جماعة
ربنا مش حينسالكم سعيكم اليه
ربنا مش حينسالكم رغبتكم فيه
ربنا مش حينسالك كل لحظة عشتها علشانه - سبحانه وتعالى -
"وَمَا كَانَ رَبُّكَ نَسِيًّا "
لنستمع سويا لهذا الدرس الراائع
"وَفِي ذَٰلِكَ فَلْيَتَنَافَسِ الْمُتَنَافِسُونَ " للشيخ حازم شومان
للاستماع أو التحميل أو المشاهدة
اضغط هنا
تعليق