Tweet
الدرس الأول من دورة ال icdl
السلام عليكم ورحمة الله وبركاته
الدرس الاول
اول مستوى معانا هو الويندوز .. الويندوز اصلا اسمه ايه ( استخدام الكمبيوتر والتعامل مع الملفات ) طبعا معناها واضح
فى الملف الموجود فى الرابط شرح لازاي استخدم الويندوز وازاى اقدر اتعامل مع الملفات واتحكم فيها ياريت حضراتكم تشوفوه وتتابعوه معاه ولو اي شىء وقف معاكم تبلغونا فى موضوع الاستفسارات
لينا ملحوظات سريعة :
أول حاجة فى الملف هي using windows يعني استخدام الويندوز ازاي اقفل الجهاز ازاي اغير اسم الملفات يعني اشياء من هذا القبيل وطبعا معظمنا عارفها لاننا بنقابلها كتير فى الاستخدام العادي للجهاز
تاني حاجة windows explorer دي معناه التقريبي متصفح الويندوز زي متصفح النت كده وظيفته انه بيبينلي كل الفولدرات الموجودة فى الجهاز بتاعي واقدر اروح اي مكان فى الجهاز بتاعي عن طريقه
ثالث حاجة control panel اللي هي لوحة التحكم الي عن طريقها اقدر اتحكم فى الجهاز بتاعي اقدر مثلا امسح برامج اقدر مثلا اعدل فى التاريخ او اللغة .... الخ
رابع حاجة search يعني البحث مثلا ابحث عن ملف معين مش فاكر اسمه كله اقدر بجزء من اسمه اوصله وهكذا
خامس حاجة وهي wordpad معناها بالعربي يعني الدفتر برنامج عامل زي الورد كده اقدر اكتب فيه ملاحظات مثلا وعادةً بيكون default ( افتراضي ) مع نسخة الويندوز
خامس حاجة وهي wordpad معناها بالعربي يعني الدفتر برنامج عامل زي الورد كده اقدر اكتب فيه ملاحظات مثلا وعادةً بيكون default ( افتراضي ) مع نسخة الويندوز
سادس حاجة antivirus طبعا غني عن التعريف برنامج (طبعا فى اكتر من برنامج ) مقاوم للفيروسات يقدر يتخلص منها ويمسحها من الجهاز وهنشوف طريقة التعامل فى الملف إن شاء الله
كده التعريف بالمستوى ده انتهي ولو في اي حاجة مش واضحة فى الشرح او فى الملف ( البوربوينت الخاص بالمستوى ده والموجود فى اخر الموضوع ) ياريت تنبهونا ليها فى موضوع الاستفسارات ونشرحها بالعربي ونوضحها اكتر فى الدرس التاني يوم الثلاثاء إن شاء الله
وفقني الله وإياكم
روابط تحميل الملف
ولو فى اي استفسار هيكون فى موضوع الاستفسارات إن شاء الله
رابط الموضوع
تعليق