تعلم معنا ولنتعلم معك "مخصص للشروحات"

[zz_189]

رد: تعلم معنا ولنتعلم معك "مخصص للشروحات"

السلام عليكم
ارجو من الاخوات ان يساعدونى فى كيفية تحميل دورة icdl واسئلة الامتحانات الخاصه بها
وجزاكم الله خير الجزاء

[علي منجد]

رد: تعلم معنا ولنتعلم معك "مخصص للشروحات"

جزاكم الله خيراً

[أنا للجهاد]

رد: تعلم معنا ولنتعلم معك "مخصص للشروحات"

اريد تعلم الاوتوبلاي

وجزاكم الله خيرا

ممكن انا بفضل الله اعلمك فماذا تريد وكيف ؟

[Hady_84]

رد: تعلم معنا ولنتعلم معك "مخصص للشروحات"

السلام عليكوم و رحمة الله و بركاتة
الموضوع دة جميل جدا جدا و أحب اشارك معاكم
انا مصمم جرافيك
و أجيد استخدام الفوتو شوب
لو حد عايز أى معلومة أنا فى الخدمة بأذن الله
و اتمنى المساعدة يا اخوانى

[روضـ الحياة ــة]

رد: تعلم معنا ولنتعلم معك "مخصص للشروحات"

السلام عليكم و رحمة الله و بركاته
الموضوع دة جميل جدا جدا و أحب اشارك معاكم
انا مصمم جرافيك
و أجيد استخدام الفوتو شوب
لو حد عايز أى معلومة أنا فى الخدمة بإذن الله
و اتمنى المساعدة يا اخوانى

وعليكم السلام ورحمة الله وبركاته

ممكن حضرتك تشترك فى فريق عمل التصميم والجرافيكس فى المنتدى

https://forums.way2allah.com/showthread.php?p=1059222334

[corabika]

بارك الله فيكم وجزاكم الله خيرااااااااااا

[عمرو حسين1919]

رد: تعلم معنا ولنتعلم معك "مخصص للشروحات"

السلام عليكم
ارجو من الاخوات ان يساعدونى فى كيفية تحميل دورة icdl واسئلة الامتحانات الخاصه بها
وجزاكم الله خير الجزاء

حضرتكم البرنامج يُطلب من صفحة طلبات البرامج

https://forums.way2allah.com/showthread.php?t=66831

و إن شاء الله نأتي لكم بالرابط

[ابو الحارث]

رد: تعلم معنا ولنتعلم معك "مخصص للشروحات"

السلام عليكم
انا اريد تعلم الاتوبلاى
طريقة عمل اسطوانة دروس ذاتية التشغيل

[الراجيه عفو ربها]

رد: تعلم معنا ولنتعلم معك "مخصص للشروحات"

ان شاء الله هنبدا في برنامج الاوتوبلاي من الالف الي الياء

مقسمه على 8 محاضرات

المحاضرة الاولي >>>مقدمة عن البرنامج وخصائصه

المحاضرة الثانية >>>بداية التعامل وتجهيز المشروع

المحاضرة الثالثة >>>استخدام امكانيات البرنامج من ازرار وادوات لتصميم المشروع

المحاضرة الرابعة >>> التعامل مع الاوامر

المحاضرة الخامسة >>>اسخدام النصوص الكتابية في المشروع

المحاضرة السادسة >>> التعامل مع الفيديوهات

المحاضرة السابعة >>> التعامل مع الصوتيات

المحاضرة الثامنة >>>اخراج المشروع بعد الانتهاء من التصميم

اسال الله الكريم رب العرش العظيم ان يجعل هذا العمل البسيط

خالصا لوجهه الكريم

[الراجيه عفو ربها]

رد: تعلم معنا ولنتعلم معك "مخصص للشروحات"

المحاضره الاولـــــــــــــــــــــي

مقدمة عن البرنامج وخصائصه

بعد فتح البرنامج

هتفتح الصوره ده

ونبدا شرحها مع بعض

رقم واحد لو هتبدا تعمل مشروع جديد وده اللي هنختاره

رقم 2 لو هتفتح مشروع موجود عندك علي الجهاز قبل كده

رقم 3 لوهتفتح اخر مشروع كنت شغال عليه

رقم 4 لو هتخرج من البرنامج

بعد اختيار الاختيار الاول هتفتح هذه الصوره

كما هو موضح بالصورة

قوالب لمشاريع كثيرة جدا

* 1 ده اختيارنا الا وهو blank project مشروع فاضي واحنا نصممه

* 2 ده اسم المشروع بتاعك وممكن نغيره من جوه عادي

* 3 نختار الموضوع create new project

بعد كده هتظهر الصورة دي الا وهي واجهة البرنامج الرئيسية ودي اهم صورة في البرنامج نشوف مع بعض

رقم 1 دي قوائم البرنامج العادية اللي في اي برنامج

رقم 2 ده مربع اسمه project explorer وده بنستخدمه لما تزيد عدد صفحات
المشروع ويكبرهتدوس علي اي صفحه هتظهرلك علي طول في مسرح العمليات في
المنتصف

رقم 4 ده مربع اسمه properties وده بيظهرلك خصائص الجزء اللي انت واقف

عليه بالماوس سواء زرار او كتابة زي ما هنشوف بعد كده
رقم 3 و رقم 5 هقولهم مع بعض لان ليهم نفس الوظيفة

لو نظرتم علي الايقونة اللي عاملة زي الدبوس دي اسمها auto hide

وده بيخلي القوائم دي تختفي خاصة لو المشروع مساحة الصفحة فيه كبيرة وانتم عايزين تشوفها كلها فبيوفرلكم مساحة
زي كده

هتلاحظوا اني وقفت علي project explorer فظهرت ولو مشيت هتختفي تاني

المهم نرجع لواجهة البرنامج
رقم 6 و7 و8 اخطر شيء

وانا خليت كل مجموعة منهم في شريط لوحدها علشان نشرحهم بالتفصيل
نبدا بشرح رقم 6 وفيه 8 ادوات

1 تصميم مشروع جديد create new project

open an existing project 2 فتح مشروع كان عندك

3 save project حفظ المشروع

4 قص cut

copy 5 لصق

6 paste

ودول لو هتنسخ زرار ا اي حاجة

7 & 8 undo and redo

ودول لو غلطتم في اي خطوة وعايزين ترجعوا تاني

رقم 7 وفيه 10 ادوات

رقم 1 لو عايز تضيف زرار جديد

رقم 2 لو عايز تضيف جزء صغير تكتب فيه جملة

رقم 3 لو عايز تكتب كتير (يعني باراجراف )

رقم 4 لو عايز تضيف صورة

رقم 5 لو عايز تكتب صفحات زي الووردWordكده

رقم 6 لو عايز تعمل حاجة اسمها Hot Spot بمعني انك تخلي جزء من الصفحة لو
دست عليه يعمل اكشن معين يفتح برنامج مثلا

رقم 7 لو عايز تحط فيديو

رقم 8 لو عايز تحط فلاشة

رقم 9 لو عايز تحط لينك لموقع

رقم 10 لو عايز تعمل slide show يعني تحط كام صورة ورا بعض ويتم عرضهم بصورة متتابعة

نيجي لرقم 8 وفيها 8 ادوات

رقم 1 اضافة صفحة جديدة

رقم 2 حذف الصفحة

رقم 3 خصائص الصفحة

رقم 4 اضافة ديالوج

رقم 5 حذف الديالوج

رقم 6 خصائص الديالوج

رقم 7 عرض المشروع <<<<< لاتنسي

رقم 8 اخراج المشروع بالصور المتاحة<<<< لاتنسي

رقم 9 ده الشريط اللي بتظهر عليه الصفحات باساميها علشان تتنقل بينهم

رقم 10 ده مهم اوي

دول عبارة عن مسطرتين افقي وراسي

بيساعدوك في تظبيط اماكن الازرار بالملي

وده بيزيد من دقة وجمال المشروع

رقم 11 ده مسرح العمليات والشغل كله

رقم 12 ده شريط بيوضحلك مساحة المشروع بتاعك

علشان تعرف هتجيب سي دي 700 ولا 900 ولا دي في دي

تمام كده
الصورة دي زي ماقلت مهمة

وهنشرحها بالتفصيل في المحاضرات القادمة

لانها هي البرنامج كله

كده انت جاهز للشغل بس اعمل زي الصورة دي علشان توسع مسرح العمليات بتاعك

وبكده نبدأ نعمل المشروع

[الراجيه عفو ربها]

رد: تعلم معنا ولنتعلم معك &quot;مخصص للشروحات&quot;

نبدأ تكمله المحاضره الاولـــــــــــــــــــــــــ ـــــي

نبدأ في ضبط المشروع

هنبدا نظبط المشروع من قائمة project نختار setting

هتظهرلك النافذة دي

رقم 1 اختار اسم المشروع او غيره زي ما قلتلكم ممكن تغيروه من جوه

رقم 2 اختار ابعاد المشروع طوله وعرضه

ويراعي انها ماتكونش اكتر من 800 في 640

علشان لو زادت ماتبقاش كبيره اوي علي الناس اللي شاشاتهم صغيرة

انما لو بتعمل حاجة ليكم كبروا زي مانتم عايزين

رقم 3 هتختار ستايل ظهور المشروع

وهاشرحه حالا

رقم 4 بتختار الايقونة اللي هتظهر لما تيجي تفتح الاسطوانة

مكان علامة السي دي اللي بتبقي في ماي كومبيوتر

رقم 5 و 6 مش مهمين اوي

سيبوهم زي ماهما

رقم 7 بعد ماتظبط الدنيا دوس اوكي

نيجي بقي لرقم 3

لو سيبتوا الاختيار

standard

هيظهرلكم المشروع كده

طبعا ابيض لان ماعملناش حاجة

بس قصدي انه هيظهر وفوقيه الشريط الازرق ده

لكن لو اخترت الاختيار ده

kiosk - color

زي الصورة دياللي قلتلكم هاشرحها

رقم 1 هتختار اللون بتاع الخلفية للمشروع كله زي مانا مختاره الاسود

ودوس اوكي زي 2

هتلاقي المشروع يظهر كده لما تظغطم علي شكل الكمبيوتر من فوق

طبعا نتصور لما المشروع يفتح ان

طبعا الزراير وكل شيء في الحتة البيضاء

والخلفية السودة اللي احنا اختارناها

طبعا بعد ماتختار خلفية المشروع ولون الزراير لازم تغير اللون الاسود عشان يكون لون متماشي مع المشروع

كده عملنا الخلفيه

نبدأ بقي في الخطوه الثانيه لو عايزين ندخل صوت او موسيقي للمشروع

هنختار من قائمة

project

هنختار

audio setting

انا فوت الاختيار الثاني بتاع

menu bar

لانه صعب ومش بنستخدمه اوي

هناجله شويتين

المهم لما نختار

audio setting

ده بنظبط منه الموسيقي اللي هتشتغل مع السي دي لما يفتح

هتظهر لنا الشاشة دي

رقم 1 دي قائمة

background music

رقم 2 دي قائمة اضافة التاثيرات الصوتية علي السي دي

هنشرحها حالا

رقم 3 هنا هيظهرلك الصوت اللي هتختاره يكون خلفية موسيقية

رقم 4 ده زرار اضافة مقطع صوتي

ضيف منه اللي انت عايزه

ويلاحظ ان جنبه حبة زراير

من الشمال لليمين هم

زرار

remove

لازالة مقطع الصوت اللي انت ضيفتيه

زرارين مرسوم عليهم سهمين

دول لترتيب المقاطع اللي هتضيفها

زرارين كمان في اقصي اليمين دول تشغيل وايقاف لاي مقطع انت مختاره

رقم 5 عندك اختيارين

الاول هو تشغيل المقاطع الصوتية بنفس الترتيب اللي انت حاطه

الثاني تشغيلهم بصورة عشوائية

اختار اللي تفضله

رقم 6 اختار علو الصوت وماتنساش تعلم علامة صح في المربع اللي جنب كلمة

repeat

علشان يعيد تشغيل الموسيقي بعد ما يشغل كل المقاطع

يتبع
.
.
.

[محمد محمد عبداللطيف]

رد: تعلم معنا ولنتعلم معك &quot;مخصص للشروحات&quot;

بارك الله فى هذا المنتدى وفى الاخوة المشاركين وربنا يجزيكم عنا خير

[أسد الدعوة الاسلامية]

انا عايز ويندز 7 موجود حاليا

ويندز سبعة ممكن تشرح كيف يتم تنزيله

[الراجيه عفو ربها]

رد: انا عايز ويندز 7 موجود حاليا

ويندز سبعة ممكن تشرح كيف يتم تنزيله

تفضل
||| بالصوت والصورة .. طريقك نحو السوفتوير وأنظمة التشغيل |||

[الراجيه عفو ربها]

رد: تعلم معنا ولنتعلم معك &quot;مخصص للشروحات&quot;

نيجي للقائمة رقم 2 اللي هي التاثيرات الصوتية sound effects

هتظهرلك زي الصورة دي





رقم 1 اسمه

High light

وده الصوت اللي بيتسمع لما تقف علي اي زرار او اي حاجة من الادوات اللي هنضيفها


رقم 2 اسمه

click

ده صوت الضغطه هيكون ازاي


رقم 3 ده درجة علو الصوت

غالبا البرنامج بيظبطهم حلو

نكمل تظبيط

من قائمة

project

نختار

start up movie

وده فيديو بداية السي دي

فيديو الواجهه

هتظهرلك الصورة دي




رقم 1 هتعلم صح علي الاختيار ده علشان الفيديو يشتغل في البداية

رقم 2 هتختار فيديو البداية سواء كان فيديو او فلاشة

وهتختاره من علي جهازك


رقم 3 هتختار المساحة اللي هيتعرض فيها الفيديو يعني طولها وعرضها وممكن تخليه ياخد كل الشاشة

براحتك


رقم 4 هتختار حجم الفيديو داخل منطقة العرض اللي انت محددها من رقم 3


رقم 5 هتختار شوية حاجات كده للفيديو


زي الاختيار الاول بيقولك ممكن يتقفل لما المستخدم يدوس كليك عليه

وممكن تختار خلفية للفيديو

يعني انت وابداعك

واوعي تنسي تدوس اوكي


كده المشروع اتظبط وجاهز علشان نصممه

بس ناقص حاجه مهمة هاقولهالكم

المشروع بيتم حفظه اوتوماتيك في المسار ده

My ********s > Auto play media studio > projects

وممكن تغيريه طبعا وانت شغال

تمام

المهم بيكون المشروع عبارة عن 3 فايلات

الاول علي اليمين اللي امتداده



am7

وده بنفتح منه المشروع لو عندنا كذا مشروع يعني

نفتح كل واحد لوحده


اللي علي الشمال ده

اسمه

Auto save

وده بيتحط فيه النقط اللي انت سيفت عندها كل ما تحفظه وانت شغال

علشان لو حبيت ترجع لاي نقطة منهم


الملف اللي في النص

واسمه

CD Root


وده فيه كل الملفات اللي احنا استخدمناها في التصميم

فلاشات او فيديوهات او صور او ............. الخ


ولما نفتحة هنلاقي الفايلين دول



اللي زي السي دي ده

بيعرضلك المشروع تشوفه

زي ايقونة العرض اللي قلنا عليها

رقم 7 في القائمة 8

الثاني اسمه

Auto play

هتلاقي الصورة دي





هتلاقوا ان كل ملفات من نوع واحد

زي الفيديوهات والفلاشات

في فايل لوحدهم

وممكن قبل ماتصمم تحط كل الفيديوهات او البرامج او الملفات اللي هتجمعهم في السي دي

تحطيهم كل واحد في الملف بتاعه

علشان لما تيجي تضيفي اي حاجة تكون موجودة وماتدوريش عليها علي الكمبيوتر وانت بتصممي


وبصراحة دي ميزة البرنامج

انه كل شيء بيكون معاه

اي فيديو تضيفه او صوت بيتضاف علي السي دي

يعني بعد ماتخلصي السي دي

ممكن تنقله لاي كمبيوتر وكل شيء هيشتغل عادي

مش زي الباور بوينت

لما تحط فيديو معاه

وتنقل البريسينتيشن مايشتغلش الفيديو



كده احنا جاهزين للتصميم

عرفنا النهاردة واجهة البرنامج

وظبطنا خصائص المشروع

تمام


عايزين نصمم بقه

ده اللي هانعرفه المحاضرة القادمة