إعـــــــلان

تقليص
لا يوجد إعلان حتى الآن.

المحاضرة الثالثة دورة في برنامج الاوتوبلاي Autoplay Media Studio من الف الي ياء

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    المحاضرة الثالثة دورة في برنامج الاوتوبلاي Autoplay Media Studio من الف الي ياء

    السلام عليكم ورحمه الله وبركاته

    نبدأ

    المحاضرة الثالثة >>>استخدام امكانيات البرنامج من ازرار وادوات لتصميم المشروع

    طيب هنبدا نصمم صفحة صفحة مع بعض

    ونبدا بالصفحة الرئيسية

    من الرسم الكروكي كنت قلت انها هتحتوي علي فلاشة وتحتيها زرار يدخلك علي محتوي السي دي

    تمام

    نبدا مع بعض زي الصورة دي



    رقم 1 هندوس علي ادراج فلاش

    هتفتح النافذة اللي في نص الصورة دي

    رقم 2 هتلاقي الاماكن اللي ممكن تضيف منها فلاش

    اما من البرنامج نفسه من الجاليري

    او من السي دي روووت بتاعك اللي كنا وضحناه في اول محاضرة

    او من اي حتة من جهازك

    واللي هما اخر اختيارين


    رقم 3 هتختار الفلاش وطبعا انا مختاره اي كلام

    وتقولي اوكي


    وبعدين هتلاقي الفلاش نزل في الصفحة

    زي كده






    رقم 1 الفلاشة وممكن تتحكم في حجمها وتعملها تكبير او تصغير من المربعات الصغيرة دي

    رقم 2 لو تلاحظ في شريط بامبي كده علي المسطرة اللي فوق واللي في الجنب

    ظبط بيهم مكان الفلاشة في الصفحة بحيث تكون في النص بالضبط

    تمام


    وبعدين هنضيف الزرار بتاعنا

    زي الصورة دي كده



    رقم 1 هتدوس علي اضافة زرار

    هتفتحلك نافذة اختار منها الشكل اللي يناسبك

    ويراعي اختيار الوان متناسقة

    طبعا انا هاختار اي حاجه


    رقم 2 ظهر الزرار بتاعنا

    تمام


    هنبدا نظبط خصائص الفلاشة وخصائص الزرار

    نبدا بالفلاشة




    كليك يمين عليها واختاري

    properties

    هتفتحلك النافذة دي



    رقم 1 دول 3 قوائم

    setting

    ودي اللي هانشرحها

    Attributes

    مش مهمة اوي

    and Script

    ودي هانقولها مع الاوامر


    رقم 2 ممكن من هنا نغير الفلاشة عن طرق كلمة

    browse

    رقم 3 دي اعدادات مشغل الفلاش بتاع البرنامج

    سيبها زي ما هي


    رقم 4 علم عليها لو عايز الفلاشة تشتغل اوتوماتيك اول ما السي دي يفتح

    رقم 5 ده لو عايز ان الفلاشة تتكرر بعد ماتخلص


    وماتنساش تدوس اوكي

    نظبط بقة اعدادات الزرار

    زي الصورة دي كده

    هنعمل كليك يمين علي الزرار ونختار

    properties



    هتفتح النافذة دي



    رقم 1 القوائم بتاعتنا كالعادة

    ويهمنا منها دلوقتي

    setting

    الاثنين اللي بعديها مش مهمين

    والscript

    دي مع الاوامر

    المرة القادمة ان شاء ربي

    رقم 2 من هنا ممكن تغير الزرار زي ماقلنا في الفلاشة

    هتلاحظوا ان الموضوع متشابه

    رقم 3 هتختار اسم الزرار

    رقم 4 هتختار الخط اللي هتكتب بيه علي الزرار

    ولما تدوس عليه هيظهرلك نافذة زي دي




    طبعا هتظبط منها اعددات الكتابة


    رقم 5 هتختار المحاذاة بتاعة الكتابة علي الزرار اما في النص او يمين او شمال

    رقم 6 دي مش مهمة اوي سيبك منها

    رقم 7 هتختاري اللون بتاع الكتابة علي الزرار في العادي

    رقم 8 هتختاري لون الكتابة لما تقفي علي الزرار

    رقم 9 هتختار لون الكتابة لما تدوس كليك علي الزرار

    رقم 10 لو عايز تستخدم الوان متناسقة علي ذوق البرنامج


    يراعي طبعا ان الالوان تكون متناسقة مع لون الزرار والخلفية


    رقم 11 دوس اوكي بعد كل ده

    هتظهرلك الصفحة في ثوبها النهائي زي كده

    انا اختر صفحه تانيه من عندي بصممها دلوقتي لموضوع جديد







    فلاشة وتحتها زرار يدخلك لمحتوي السي دي

    ************

    نخش علي الصفحة الثانية

    وطبعا هتحتوي علي 5 زراير

    كل زرار هيوديك علي صفحة شكل

    اما فيديو او صوت او ............ الخ

    الاقسام بتاعة السي دي بتاعنا

    وطبعا هنضيف ال 5 زراير ونسميهم ونظبط اعداداتهم زي ما قلنا

    وهيبقي شكل الصفحة كده

    بنكرر ررررررررر مره تانيه احنا خلصنا الصفحه الاولي وده الصفحه التانيه



    يلاحظ ان في زرار روز كده تحت او بنك مكتوب عليه

    BACK TO MAIN

    وده جزء من تخيل السي دي

    انك بتحط نفسك مكان مستخدمي السي دي

    لو هو عايز يرجع للمكان اللي كان فيه يعمل ايه

    فبنحط زراير الباك دي في كل حتة

    طبعا لسه ما شغلناهاش

    ولا شغلنا اي زرار

    بس ده كله سهل ان شاء الله من المرة القادمة

    تمااااااام

    *************

    وبكده خلصنا اول صفحتين

    هنبدا نصمم ال 5 صفح الباقيين


    تااااااااااااااااااااابع



    التعديل الأخير تم بواسطة الراجيه عفو ربها; الساعة 14-10-2011, 09:52 PM.
    ياربى لك الحمد كما ينبغى لجلال وجهك وعظيم سلطانك
    "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
    الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله
    الكلمات الدلالية (Tags): لا يوجد
  • #2
    رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

    ونبدا علي طول في تصميم صفحة الفيديوهات

    زي ما رسمت وتخيلت من الكروكي

    انا عايزه جزء من الصفحة يكون هو شاشة عرض للفيديوهات

    وزراير في الجنب باسم كل فيديو بحيث تدوس علي الفيديو يشتغل في الجزء

    المخصص لعرضه

    تمام

    نبدا مع بعض



    رقم 1 هنختار اضافة صورة

    رقم 2 نختار الشريط البني ده

    وبعدين اوكي

    هيظهرلنا كده




    طبعا يلاحظ ان في 4 زراير خضر علي الشمال انا عاملتهم علي سبيل المثال

    دول اللي هيشغلوا الفيديوهات

    بمعني انك تدوس عليهم يشتغل فيديو معين

    تمام


    وبعدين هنعمل زي الصورة دي



    رقم 1 دوس علي

    new label object

    رقم 2 هيظهرلك المربع ده

    رقم 3 اعمل عليه كليك يمين واختار

    properties

    هتظهرلك النافذة دي




    رقم 1 دي القوائم المعتادة بتاعتنا لاي اداة من ادوات البرنامج

    سواء زرار او فلاشة

    رقم 2 هنختار الكلمة او الجملة اللي هنكتبها في المستطيل مع تظبيط الخط طبعا من

    المستطيل اللي اسمه فونت

    رقم 3 ده محاذاة الكلام جوه المستطيل

    اما يمين او شمال او في النص

    رقم 4 هتختار برده زي الزرار كده

    لون الكتابة في العادي ولما اقف بالماوس ولما اضغط بالماوس عليه

    و تدوس اوكي

    هيظهرلك الشكل ده



    طبعا هنفضل نحرك في الكلمة لحد لما تبقي في منتصف المستطيل البني

    طبعا ممكن تسميها اي حاجة او حتي ماتسميهاش

    براحتك


    فاضل شاشة العرض

    هنعمل الاتي

    زي الصورة دي





    رقم 1 دوس اضافة صورة

    رقم 2 اختار شاشة العرض دي او اي واحدة تعجبك

    ودوس اوكي

    هتلاقي الشكل بقة كده



    طبعا هتفضل تظبط شاشة العرض بحيث تكون قد المستطيل البني


    واعذروني لو انا باختار اي حاجة ومافيش تناسق في الالوان اوي

    ده بس علشان نلحق نخلص المحاضره


    طبعا ناقص زراير الback

    بس هنا في حاجة لو انت مكان المستخدم وعايز ترجع اما للصفحة الرئيسية او

    للصفحة اللي فيها المحتوي

    يبقي محتاجين زرارين


    اتفضل



    طبعا يراعي ان كل الزراير اللي ترجع للصفحة الرئيسية تكون نفس اللون

    وفي نفس المكان في كل الصفح

    ونفس الحجم

    ودي سهلة

    لانك بتظبط زرار واحد وتديله الاكشن بتاعه وبعدين تاخده كوبي وبيست في الصفح

    كلها

    تمام كده


    طبعا ماحدش يسال ويقول

    طب فين الفيديوهات وهاتشتغل ازاي

    لان دي محاضرة لوحدها


    الحمد لله خلصنا صفحة الفيديوهات

    **************

    دلوقتي موعد صفحة الصوتيات

    طبعا عندنا كذا ملف صوتي

    مثلا هنخليه واحد بس

    يبقي عايزين زرار واحد لما ادوس عليه يشتغل الصوت

    اتفضل



    طبعا زي ما ملاحظ زراير الباك محطوطة في نفس المكان ونفس اللون ونفس الحجم

    بناخدهم كوبي وبيست من الصفحة اللي فاتت


    وطبعا ماحدش يسال عن الصوتيات

    لانها محاضرة لوحدها

    الحمد لله خلصنا صفحة الصوت

    ************

    كده فاضل 3 صفح




    تااااااااااااااااااااابع





    ياربى لك الحمد كما ينبغى لجلال وجهك وعظيم سلطانك
    "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
    الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

    تعليق

    • #3
      رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

      تصميم الصفح

      وفاضل 3 صفح بس وسهلين ان شاء ربي

      نصمم صفحة الصور

      طبعا ممكن نعملها كذا شكل

      ممكن نعملها شاشة عرض وزراير كل صورة علي زرار

      زي نظام الفيديو كده

      او ممكن نستخدم خاصية جديدة في النسخة الجديدة من الاوتوبلاي

      الا وهي

      Slide Show

      نشوف كده مع بعض



      رقم 1 نختار ادراج

      Slide Show

      هيظهر عند رقم 2 كده

      كليك يمين عليه وبعدين

      properties

      اظن حفظنا بقة

      هتظهر الشاشة دي




      رقم 1 القوائم بتاعتنا المعتادة

      رقم 2 دي الصور اللي هنحطها تتعرض

      رقم 3 هتلاقي زراير من الشمال لليمين

      Add ده لاضافة صورة

      Add folder ده لاضافة فولدر صور كامل

      وبعديهم زرارين كده لترتيب الصور مين يتعرض قبل مين


      رقم 4 ده لو عايز تختار خلفية للبلاير اللي هيعرض الصور

      مش مهمة اوي دي

      رقم 5 لو عايز تعمل اطار للمربع اللي هيتعرض فيه الصور

      رقم 6 ده مدة عرض الصورة

      اظبطها براحتك

      رقم 7 دي شوية اوبشنز بتدي شكل جمالي اثناء العرض

      resize mode لو الصور مش قد بعض هتختار هل المشغل او مساحة العرض تكبر معاهم ولا لا

      loop ده لو علمت عليه هيعيد عرض الصور من الاول بعد ماتخلص

      shuffle ده هيعرضلك الصور عشوائي مش بنفس الترتيب اللي انت حاطه

      transitions دي فواصل حلوة بين الصور

      no enlarge ده لو علمت عليه مايكبرش مكان عرض الصور معناه انك مش عايز

      تكبير


      دوسي اوكي

      هتلاقي الشكل النهائي



      وزراير الباك سبحان الله

      في نفس المكان ونفس الشكل


      سلايد شو دي حلوة لو عدد الصور قليل

      لكن لو كتير هتبقي مش كويسه

      لان لو المستخدم عايز يثبت علي صورة معينة او يرجع يشوف صورة معينة تاني

      يبقي لازم يرجع تاااااااني يستني لما اللفة تخلص


      طب دي نحلها ازاي

      اما تعمل صفحة الصور زي الفيديو كده او بنسميها photo Gallery





      في حل تاني لو انت مستعجل

      حطهم علي ملف باور بوينت

      وحط زرار واحد يشغلك الملف ده

      حل سريع

      بس مش حلو اوي

      كده خلصنا صفحة الصور

      الحمد لله

      لو عايزين نخصص صفحه للبرامج مع الموضوع


      صفحة البرامج

      سهلة كل برنامج علي زرار

      زي كده



      وزراير الباك هما هما


      في ملحوظتين بس بالنسبة للبرامج

      لو برنامج كبير زي الفوتوشوب

      اكيد هتاخده وتحطيه علي السي دي رووووت

      الملحوظة الاولي انت محتاج زرار يسطب وزرار يفتحلك السيريال

      الملحوظة التانية

      هتعمل في صفحة البرامج زرار اسمه فوتوشوب

      لما ندوس عليه يفتح صفحة تانية

      فيها زرارين

      واحد للتسطيب وواحد لفتح ملف السيريال


      مع مراعاة زيادة زرار باك

      يرجعك لصفحة البرامج تاني

      حد فهم حاجة

      ؟؟؟؟؟؟؟

      الحتت دي بتفتح الدماغ اوي


      او بتكرهها في البرنامج اوي


      خلصت صفحة البرامج

      ************

      اخر صفحة هي صفحة الكتابة

      وعندنا 3 وسائل للكتابة كنا وضحناهم قبل كده في اول محاضرة وهم

      label

      paragraph

      rich text

      وطريقة استخدامهم سهلة

      زي بعض

      دوس علي زرار ادراج بتاعهم هينزلوا في الصفحة علي طول

      زي كده

      label



      paragraph



      rich text




      اخر اداة هي

      hot spot

      وكنا قلنا لو عايزين نخلي جزء من الصفحة يعمل اكشن معين

      وبنعمله ادراج برده زي الصورة دي




      طبعا ماحدش يقولي استخدم النصوص الكتابية ازاي

      لان دي محاضرة لوحدها


      كده خلصنا تصميم الصور

      تااااااااااااااااااااابع



      التعديل الأخير تم بواسطة الراجيه عفو ربها; الساعة 14-10-2011, 10:22 PM.
      ياربى لك الحمد كما ينبغى لجلال وجهك وعظيم سلطانك
      "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
      الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

      تعليق

      • #4
        رد: المحاضرة الثالثة دورة في برنامج الاوتوبلاي Autoplay Media Studio من الف الي ياء
        عايزين نشوف شكلهم هيبقي ازاي علي السي دي

        عايزين نعملهم عرض يعني

        بسيطة

        كليك يمين فوق علي اي صفحة واختار منها

        preview

        زي ماقلنا المرة اللي فاتت

        ونجرب كده نعرض الصفحة الرئيسية


        هنلاحظ هنا ان في عيب قاتل

        لو المستخدم عايز يعمل تصغير للشاشة او حتي يقفلها

        هيعمل ايه



        يبقي لازم نضيف زرارين مع كل صفحة واحد للغلق وواحد للتصغير


        هنضيف زرارين




        هنصغرهم

        ونكتب علي واحد

        X

        والتاني نكتب عليه

        -

        للتصغير

        زي الصورة دي كده



        وناخدهم الاثنين كوبي وبيست لكل الصفح

        زي كده




        طيب انا دلوقتي صممت الصفح

        وظبطتها

        عايزه اشغل الزراير بقة علشان نربط الصفح ببعض ونشغل الفيديوهات ونسطب البرامج



        كل ده واكتر

        في محاضرة الاوامر

        المرة القادمة في المحاضرة الرابعة ان شاء ربي


        التعديل الأخير تم بواسطة الراجيه عفو ربها; الساعة 14-10-2011, 10:24 PM.
        ياربى لك الحمد كما ينبغى لجلال وجهك وعظيم سلطانك
        "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
        الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

        تعليق

        • #5
          رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

          جزاكِ الله خيراً أختى الفاضلة متابعين معكِ بإذن الله ربنا يكرمك

          ​

          ​الْعِلْمُ زَيْنٌ وَالسُّكُوتُ سَلَامَةٌ فَإِذَا نَطَقْتَ فَلَا تَكُنْ مِكْثَارًا

          مَا إِنْ نَدِمْتُ عَلَى سُكُوتِي مَرَّةَ وَلَقَدْ نَدِمْتُ عَلَى الْكَلَامِ مِرَارًا

          تعليق

          • #6
            رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

            جزاكم الله خيرا على المجهود
            بارك الله فيكم

            تعليق

            • #7
              رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

              جزاكم الله خيرا
              ياربى لك الحمد كما ينبغى لجلال وجهك وعظيم سلطانك
              "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
              الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

              تعليق

              • #8
                رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

                سؤال بعد اذنك أختى جزاكِ الله خيراً
                لما أخذ الزرار كوبى وبيست عشان اجعله فى جميع الصفح فى نفس المكان
                فانا بأخذ الزرا كوبى وآجى اعمله بيست فى صفحة تانية ما بينزلش فى نفس المكان فكيف اجعله فى نفس المكان؟ وجزاكِ الله خيرا وبارك فى جهودك

                ​

                ​الْعِلْمُ زَيْنٌ وَالسُّكُوتُ سَلَامَةٌ فَإِذَا نَطَقْتَ فَلَا تَكُنْ مِكْثَارًا

                مَا إِنْ نَدِمْتُ عَلَى سُكُوتِي مَرَّةَ وَلَقَدْ نَدِمْتُ عَلَى الْكَلَامِ مِرَارًا

                تعليق

                • #9
                  رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

                  المشاركة الأصلية بواسطة أمى عائشة الحصان الرزان مشاهدة المشاركة
                  سؤال بعد اذنك أختى جزاكِ الله خيراً
                  لما أخذ الزرار كوبى وبيست عشان اجعله فى جميع الصفح فى نفس المكان
                  فانا بأخذ الزرا كوبى وآجى اعمله بيست فى صفحة تانية ما بينزلش فى نفس المكان فكيف اجعله فى نفس المكان؟ وجزاكِ الله خيرا وبارك فى جهودك
                  بناخد الزرار كوبى وبدوسى كليك على المكان اللى انتى هتنزلى فيه الزرار وبعدين تعملى بيست علشان ينزل فى المكان اللى حددتيه
                  جزاكى الله كل خير
                  ياربى لك الحمد كما ينبغى لجلال وجهك وعظيم سلطانك
                  "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
                  الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

                  تعليق

                  • #10
                    رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

                    المشاركة الأصلية بواسطة الراجيه عفو ربها مشاهدة المشاركة
                    بناخد الزرار كوبى وبدوسى كليك على المكان اللى انتى هتنزلى فيه الزرار وبعدين تعملى بيست علشان ينزل فى المكان اللى حددتيه
                    جزاكى الله كل خير
                    يعنى حضرتك تقصدى ان المكان يكون بالتقريب صح كده ولا انا فاهمة غلط؟
                    يعنى مش بإحداثيات ثابتة بيكون بالتقريب فى نفس المكان بالنظر كده صح ولا لأ؟
                    آسفة انى بأثقل عليكِ أختى جزاكِ الله خيرا وتقبل الله منا ومنكم صالح الأعمال

                    ​

                    ​الْعِلْمُ زَيْنٌ وَالسُّكُوتُ سَلَامَةٌ فَإِذَا نَطَقْتَ فَلَا تَكُنْ مِكْثَارًا

                    مَا إِنْ نَدِمْتُ عَلَى سُكُوتِي مَرَّةَ وَلَقَدْ نَدِمْتُ عَلَى الْكَلَامِ مِرَارًا

                    تعليق

                    • #11
                      رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

                      المشاركة الأصلية بواسطة أمى عائشة الحصان الرزان مشاهدة المشاركة
                      يعنى حضرتك تقصدى ان المكان يكون بالتقريب صح كده ولا انا فاهمة غلط؟
                      يعنى مش بإحداثيات ثابتة بيكون بالتقريب فى نفس المكان بالنظر كده صح ولا لأ؟
                      آسفة انى بأثقل عليكِ أختى جزاكِ الله خيرا وتقبل الله منا ومنكم صالح الأعمال
                      جزاكِ الله خيرا أختى الحمد لله فهمتها من المحاضرة الرابعة (ان الكوبى بيتم بعد ما نعمل الأكشن )
                      بارك الله فيكِ ونفع بكِ اللهم آمين

                      ​

                      ​الْعِلْمُ زَيْنٌ وَالسُّكُوتُ سَلَامَةٌ فَإِذَا نَطَقْتَ فَلَا تَكُنْ مِكْثَارًا

                      مَا إِنْ نَدِمْتُ عَلَى سُكُوتِي مَرَّةَ وَلَقَدْ نَدِمْتُ عَلَى الْكَلَامِ مِرَارًا

                      تعليق

                      • #12
                        رد: المحاضرة الثالثة دورة في برنامج الاوتوبلاي Autoplay Media Studio من الف الي ياء

                        المشاركة الأصلية بواسطة أمى عائشة الحصان الرزان مشاهدة المشاركة
                        جزاكِ الله خيرا أختى الحمد لله فهمتها من المحاضرة الرابعة (ان الكوبى بيتم بعد ما نعمل الأكشن )
                        بارك الله فيكِ ونفع بكِ اللهم آمين
                        اللهم امين واياكم
                        ياربى لك الحمد كما ينبغى لجلال وجهك وعظيم سلطانك
                        "ياالهى اسالك فرجا قريبا وصبرنا جميلا والعافيه من كل بليه والشكرعلى العافيه والغنى عن الناس ولاحول ولاقوة لابالله"
                        الوْصُـولْ إلى رِضَــى آلنـَــآس‘أشـْـــــبَه بــِ طــَريق طَويـْل!يـَنْتهْي‘بــِ لـَوحَة آرشـــــــَآدية.مـَـكـُـتــــوب عـَـلـْـيهـَـا عــــُذراً .الطـــَريـْق‘ مــَـسْدُود فَـلاَ تَنْشَغِلْ إلاَ بـِ رِضى الله

                        تعليق

                        السابق template التالي
                        يعمل...
                        X