فى الموضوع ده إن شاء الله هنعرف ازاى نغير صيغة الملف
لأن بعض الأخوة لما ييجى يرفع ملف ويقول نغير صيغته عشان يشتغل ممكن منعرفش نقوم بالخطوة دى
وبالتالى منعرفش نفتح الملف اللى حملناه
وإن شاء الله هنعرف نحل المشكل دى ازاى فى الموضوه ده
بدايةً
عاوزين نعرف احنا ليه غيرنا الصيغة أصلا
كثير من الناس بيرفعوا على موقع أرشيف لأنه بيدعم الروابط المباشرة
لكن للأسف موقع أرشيف مش بيقبل غير ملفات الصوت والفيديو و التكست فقط
وباقى الملفات بتبقى معرضة للحذف
ومن أشهر الصيغ اللى بنرفعها هى صيغة الملفات المضغوطة rar
وهى مش من الصيغ اللى الموقع بيدعهمها. يبقى نعمل ايه؟
بنضطر ان احنا نغير صيغة الملف من rar إلى صيغة أخرى يكون الموقع بيدعهمها
زى صيغ الفيديو والصوت
زى الصيغة دى مثلا ram
فطبعا الموقع هيقبل الملف على إنه ملف فيديو
ولما ييجى أحد الأخوة عشان يرجع الصيغة تانى إلى rar عشان يفك ضغط الملف ميعرفش
وإليكم خطوات الحل:
لو ده مثلا اسم الملف
qtamy.ram كما بالصورة
كل اللى هنعمله ان احنا هنغير آخر حرف اللى هو الMإلىR
فيصبح اسم الملف كالتالى
qtamy.rar
وزى ما احنا شايفين فى الصورة شكل الملف تغير
ودلوقتى نقدر نفك الضغط عادى جدا
يا سلااااااااام ... سهلة جدا
بس بص يا بطل
مش هى دى المشكلة
أمال؟
المشكلة انك ممكن متلقيش الصيغة موجودة فى آخر الملف
زى كده
قلى بقى يا باشا هتغير الصيغة ازاى وهى مش مكتوبة أصلاً؟
ممممممممممممم
تدفع كام الأول؟
صلى الله على محمد
...
عندنا فى مكان الفولدر فوق كده هنلاقى كلمة tools
هنضغط عليها ونختار منها folder options
تمام؟
تمام .. بس فين الصورة؟
اهى يا سيدى
هنضغط على folder options
فتظهر لنا
نختار منها view
فتظهر هذه الخيارات
هننزل تحت شوية
هنلاقى الخيار ده اللى محدد فى الصورة
معناه ايه؟
معناه إخفاء صيغ أو أنواع الملفات
لو الخيار ده متعلم عليه >>> يبقى الصيغ مش هتظهر
يبقى ايه حل المشكلة .. عرفت؟
اه .. طبعا هنشيل العلامة من الخيار ده عشان ميخفيش صيغة الملف ونقدر نغيرها
تمام
يبقى لما نشيل العلامة من عليها
ساعتها هنقدر نغير صيغة الملف ونقدر نفك الضغط
أى حاجة تانى؟
لأ .. شكرا
.....................
وأتمنى أن يكون الشرح عجبكم
ولا أسمح أبداً باستخدامه فى معصية الله
..................
تعليق