[هام] برامج وتطبيقات من ماركت جوجل بلاى

[جنه الرحمن غايتى]

الموضوع هيكون حجمه كبير اوى فانا هخليه اجزاء وهحط كل جزء فى مشاركات الموضوع
نخش بأه فى الموضوع ... طبعا كل اللى عنده موبايل اندرويد بيبقى نفسه يملاه برامج و تطبيقات و العاب .... امال احنا بنجيب الاندرويد ليه
بس المشكلة ان تكلفة الانترنت بتكون عالية و بناخد وقت كبير عقبال ما ندور على الحاجة اللى احنا عايزينها و نسطبها على الموبايل
و طبعا ممكن البرامج المتسطبة على الموبايل تروح و نحتاج نسطبها من تانى
او واحدة صاحبتك تقولك البرنامج ده حلو اوى ينفع تنقليهولى و لو انتى مسطباه من ماركت جوجل بلاى مش هينفع انك تنقليه
طب ايه الحل ؟
لو عندك مصدر انترنت مجانى ( واى فاى ) انا هاشرح فى الاجزاء اللى جاية ازاى تحملى البرامج و التطبيقات من الانترنت كمصدر ( ملف بصيغة apk الخاصة بالاندرويد ) او انك تخلى البرامج و التطبيقات اللى متسطبة على موبايلك بالصيغة دى ، و دا فايدته انك ممكن تسطبى البرنامج من المصدر ده بعدين او تديه لحد مش مجرد تشغيل البرنامج على الموبايل و كمان تقدرى تمسحى التطبيقات المتسطبة على الموبايل و تسطبى غيرها و بعدين ترجعى تسطبيهم تانى عشان لو الموبايل ما فيهوش مساحة كافية لكل البرامج مع بعض
و لو ما عندكيش واى فاى مجانى متزعليش ممكن تحملى كل التطبيقات اللى نفسك فيها من خلال الكمبيوتر
و الحكاية دى ليها 3 طرق
الطريقة الاولى : التحميل من ماركت جوجل بلاى


وده هوا الماركت الرسمى الموجود فى كل اجهزة الاندرويد و ده طبعا مليان برامج و تطبيقات و العاب و بيتحدث باستمرار و اوقات بتكون فى حاجات فى الماركت ده مش موجودة فى اى مكان تانى و خصوصا التطبيقات العربية ، بس ولا يهمك
فى برنامج اسمه Real APK Leecher و ده برنامج ممتاز انا مجرباه بتسطبيه على الكمبيوتر و بعدين تدخلى فيه بيانات حساب جوجل الايميل و الباسورد و الديفايس اى دى و مكان تحميل البرامج ( يعنى لازم يكون ليكى ميل على جوجل جي ميل ) و ده ممكن تعمليه من على الكمبيوتر عادى زى اى ايميل
طب ايه هوا الديفايس اى دى ده ؟
ده كود موبايلك على موقع جوجل بلاى و الكود ده بتعرفيه عن طريق الاتصال بالكود الاتى من الموبايل *#*#8255#*#*
بس لازم تكونى دخلتى من موبايلك على ماركت جوجل بلاى قبل كده و لو ثانية واحدة عشان يبقالك ديفايس اى دى ( مهم جدا )
بعد ما تسجلى الحاجات دى على البرنامج بتفتحى البرنامج و تكتبى فى السيرش اسم البرنامج او التطبيق او اللعبة اللى انتى عايزاها و هوب تلاقيه ظهرلك تدوسى على الملف كليك يمين و بعدين download this app و بكده هتلاقى التطبيق موجود على الكمبيوتر بتاعك
و ده مكان تحميل البرنامج




كدة نكون خلصنا انهارده و بعدين هكمل شرح البرنامج ده بالصور و باقى طرق تحميل ملفات البرامج و طرق نقلهم من جهاز الكمبيونر على الموبايل و كيفية تسطيبهم

شرح

يتبع

[جنه الرحمن غايتى]

رد: برامج وتطبيقات من ماركت جوجل بلاى

عشان اكمل باقى الموضوع زى مانتو شايفين

انا هاكملكوا الجزء التانى من الشرح ... هنشرح برنامج بالتفصيل

- يجب اولا عمل حساب فى gmail الخاص بشركة جوجل حتى نستطيع دخول ماركت جوجل
- ثانيا بعد تحميل البرنامج من الرابط نقوم بفك الضغط عنه ثم نفتحه


يحتاج البرنامج الى تسطيب برنامج جافا على جهازك ... ان لم يكن موجودا سيقوم البرنامج بتحويلك الى موقع جافا لتحميله
بعد تسطيب الجافا و فتح البرنامج



1- ستقومى بكتابة الايميل gmail.com@..............
2- تقومى بكتابة الباسورد الخاص بالميل
3- تقومى بكتابة device id و ساشرح لكى كيف تحصلين عليه
4- تقومى باختيار مكان حفظ البرامج و التطبيقات
5- حفظ البيانات و الدخول لواجهة البرنامج

------> ما هو device id ؟
هو كود تسجيل الموبايل بحسابك فى جوجل و تحصلين عليه بمجرد الدخول الى بريد gmail او ماركت جوجل بلاى حتى لو لثانية واحدة

------> كيف تعرفين كود جهازك ؟
عن طريق الاتصال بالكود التالى *#*#8255#*#* ( كود داخلى بالهاتف و لا توجد تكلفة مكالمة ) و ستظهر لكى الشاشة التالية



الكود هو الستة عشرة رقم المكتوبين داخل الخانة الزرقاء
بعد حفظ البيانات سيفتح لكى البرنامج و تقومى بكتابة اسم التطبيق او البرنامج او اللعبة كما فى الصورة التالية ثم enter
مثلا سنبحث عن برنامج الفيس بوك



بعدها ستظهر لنا نتائج البحث كما في الصورة التالية



نضغط بالزرار الايمن للماوس على البرنامج المطلوب تحميله ونختار (Download this app) كما في الصورة التالية



ستبدأ عملية تحميل البرنامج وسيقوم بحفظه بالمكان الذي قمنا بتحديده كما شرحنا سابقا



و بكدة نكون شرحنا طريقة التحميل من موقع جوجل بلاى بدون استخدام انترنت الموبايل
يا رب تكونوا استفدتوا و نكمل فى المشاركة الجاية

[جنه الرحمن غايتى]

رد: برامج وتطبيقات من ماركت جوجل بلاى

- الطريقة الثانية التحميل من مواقع التطبيقات

فى مواقع كتير على الانترنت زى ماركت جوجل بلاى عليها تطبيقات و العاب و برامج و كتب و كل حاجة مجانا و تقدرى تحمليها على جهاز الكمبيوتر بصيغة apk ( مصدر برامج اندرويد ) و بعدين تنقليها على الموبايل و تسطبيها عليه
زى المواقع دى :

- 1mobile
- mobile9
- appsapk
- modbile
- ardroid ( عربى )

و فى مواقع غيرهم كتير اوى ، بس خدى بالك عشان فى مواقع مفيهاش تحميل مباشر و لكن بتحولك للتحميل من جوجل بلاى
و طبعا لازم تفحصى اى حاجة تحمليها قبل ما تسطبيها على موبايلك

3- الطريقة الثالثة التحميل من موقع filecrop

يوجد مواقع كثيرة للبحث عن الملفات فى مواقع تخزين الملفات المشهورة ، لكن انا بفضل الموقع ده اسمه filecrop و طبعا مقدرش احط لينك الموقع عشان خايفة من مشرفات القسم ( ربنا يخليهم لينا ) و ده بتكتبى اسم التطبيق اللى انتى عايزاه و جنبه apk. و دى صيغة ملفات الاندرويد و هوا بيدورلك عليه فى اكبر مواقع تخزين الملفات و هى ( rapidshare - hotfile - mediafire - depositfiles - mega - 4shared )
و الموقع ده ليه برنامج ممكن تنزليه على الكمبيوتر او تبحثى من الموقع مباشرة ، و كمان تقدرى تبحثى عن اى ملف مش الاندرويد بس



هيا الصورة فيها 3 مواقع للرفع بس انما الموقع هتلاقى فيه 6 مواقع للرفع
بتختارى الملف اللى انتى عايزاه و هوا بينقلك لموقع رفع الملف و كمان بيقولك المكان الاصلى لرفع الملف عشان لو كان اللى رفع الملف حاططله باسورد لفك الضغط

كده احنا خلصنا الجزء التالت و المرة الجاية هاشرح نقل الملفات للموبايل و تسطبيهم و كيفية تحميل مصادر التطبيقات بصيغة apk للى عندها wifi او مشتركة فى باقة تتيح تحميل ملفات كبيرة للموبايل

[جنه الرحمن غايتى]

رد: برامج وتطبيقات من ماركت جوجل بلاى

بعد ما حملنا كل اللى نفسنا فيه على الكمبيوتر .... و فحصنا الملفات دى من خلال موقع virustotal او من خلال الانتى فيرس الموجود على جهازك هننقل الملفات دى للموبايل عشان نسطبهم

و احب اقول ان فى برنامج اسمه youwave و ده برنامج بيسطبلك اندرويد على جهازك كأن فى موبايل اندرويد على الجهاز ممكن تفتحى بيه التطبيقات و البرامج اللى انتى منزلاهم و تشوفيهم الاول قبل ما تسطبيهم على موبايلك ... لو حد عايز شرح البرنامج ممكن اشرحولها

اما بالنسبة لنقل الملفات للموبايل فى 3 طرق لكده :

1- الطريقة الاولى : عن طريق البلوتوث

بس تعتبر بطيئة شوية

1- الطريقة الثانية : عن طريق وصلة usb

ندخل على setting ( الاعدادات ) ... applications ( التطبيقات ) ... development ( التطوير ) .... usb debugging ( تصحيح usb ) و نعمل جنبها علامة صح
و بعدين توصلى موبايلك بالكمبيوتر عن طريق اليو اس بى هتلاقى رسالة لما تنزلى الستارة مكتوب usb connected دوسى عليها هيظهرلك ذاكرة الجهاز و الميمورى كارد و تنقلى الملفات على كارت الذاكرة الخارجية الميمورى كارد
بس فى ناس اجهزتها ممكن متتعرفش بسهولة و فى ناس بتحتاج برنامج ( انا موبايلى ال جى بتظهر الذاكرة بتاعته من غير برنامج )

2- الطريقة الثالثة : عن طريق جهاز الريدر ( و دى اللى انا بحبها )

فى عند كل بتوع الموبايلات جهاز عامل زى الفلاشة اسمه ريدر



بيكون فى حدود 3 جنيه مش اكتر و فيه مكان بيتحطى فيه الميمورى كارد بتاع الموبايل
و توصليه بالكمبيوتر زى الفلاشة بالظبط و تنقلى كل اللى انتى عايزاه على كارت الميمورى و اسرع من توصيل الموبايل بالكمبيوتر عن طريق اليو اس بى و البلوتوث و بدون مشاكل

و بعدما نقلتى التطبيقات للموبايل تدخلى على ملفات الميمورى كارد من موبايلك و تضغطى على البرنامج هيسألك الموبايل عايزه تسطبيه تقوليله آه و خلاص البرنامج بقى متسطب
و عندك منه نسخة احتياطية على موبايلك و على جهاز الكمبيوتر كمان

الخطوة الجاية هنكمل للى عندها واى فاى اول مشتركة فى باقة تحميل كبيرة

[جنه الرحمن غايتى]

رد: برامج وتطبيقات من ماركت جوجل بلاى



ثانيا : نسيت اقولكوا على حاجة فى الجزء اللى فات و هوا تثبيت البرامج على الموبايل عشان انا عاملاها من ساعة ما جبت الموبايل و هى السماح بتثبيت تطبيقات ليست من الماركت
عن طريق الدخول الى setting ( الاعدادات ) ... applications ( التطبيقات ) ... و عمل علامة صح على unknown sources ( مصادر غير معروفة )
و دى عشان نظام الاندرويد اللى عاملاه جوجل يسمح بتثبت برامج من خارج ماركت جوجل بلاى

انهارده هنتكلم عن اللى عندها مصدر انترنت مجانى ( واى فاى ) او اللى مشتركة فى باقة انترنت بتسمح بتحميل برامج كبيرة للموبايل و مش هاممها المواضيع اللى احنا قلناها دى كلها

ازاى اخلى عندى مصادر بصيغة apk لكل التطبيقات اللى على الموبايل ؟

اولا : تطبيقات تم تثبيتها على الموبايل من الماركت مباشرة :

زى ما قولنا ان الماركت بيسمح بتثبيت التطبيقات على الموبايل فقط و لا تستطيعى الاحتفاظ بمصدر التطبيق : و لكن فى طريقة تستطيعى من خلالها جعل التطبيقات الموجودة على موبايلك تتحفظ كمصدر لهذه التطبيقات و يمكن حذف التثبيت او عمل فورمات ثم تثبيتها من جديد
و ذلك عن طريق برنامج astro

و انا لاقيت شرح موجود على اليوتيوب بالعربى للموضوع ده فقلت ده احسن من الكلام و الصور

ده رابط التحميل ( تم فحصه ) http://www.4shared.com/file/0fngTBVW...TBVW/astro.htm

و ده الشرح
http://www.youtube.com/watch?v=334vS...ature=youtu.be

ثانيا : تطبيقات جديدة تريدى تثبيتها من الماركت

عن طريق الخطوات رقم 2 و 3 فى خطوات تحميل البرامج اللى فى المشاركة الى قبليها

فى طريقة تانية و هيا البرنامج المعروف blackmart و لكنه برنامج هاكر يسمح بتحميل التطبيقات المدفوعة مجانا و هذا لا يجوز و الله اعلم
كما انه يحتاج لعمل روت للموبايل و انا لا افضل ذلك لانه بيخرج الجهاز من الضمان

كمان فى طريقة للدخول على النت من الموبايل من خلال توصيله بالكمبيوتر بكايل usb و استخدام انترنت الكمبيوتر و لكن ايضا تحتاج الى روت

كده نبقى خلصنا موضوعنا ... اى استفسار انا مستعدة .... هتوحشونى كتير يا قمرات