دورة صيانة المزربورد للمبتدئين(تم بحمد الله)

[Ayman_M]

رد: دورة صيانة المزربورد للمبتدئين(تم بحمد الله)

طيب فضلا وليس امرا ارفع اللكتاب عليها واضف اللينكات اول الموضوع

[Abdullah-Albani]

رد: دورة صيانة المزربورد للمبتدئين(تم بحمد الله)

طيب فضلا وليس امرا ارفع اللكتاب عليها واضف اللينكات اول الموضوع

تم اخي الكريم
رجاء قوموا بتغير الرابط في التوقيع ايضا

[tarekmohmed]

رد: دورة صيانة المزربورد للمبتدئين(تم بحمد الله)

الأخوة الكرام في المنتدى ...

السلام عليكم ورحمة الله وبركاته ..

عند اكتشاف تلف موسفت في دائرة البروسيسور ، ما هي القاعدة التي أستند إليها في إختيار البديل المناسب لهذا الموسفت .

وجزاكم الله خيرا .

[Ayman_M]

رد: دورة صيانة المزربورد للمبتدئين(تم بحمد الله)

الأخوة الكرام في المنتدى ...

السلام عليكم ورحمة الله وبركاته ..
عليكم السلام و رحمة الله وبركاته

عند اكتشاف تلف موسفت في دائرة البروسيسور ، ما هي القاعدة التي أستند إليها في إختيار البديل المناسب لهذا الموسفت .
اولا لو متاح لديك برده قديمه مشابهه للصيانه استبدل من نفس الدايره
ثانيا تغير المسفت بمسفت اخر بنفس البيانات الموجوده على سطحه
ثالثا تدور على الداتا شيت الخاصه بالموسفت اللى انت هتغيره وتشوف بيتحمل فولت كام كاقصى حد وتشوف الى انت هتغيره بيه تستبدله يعنى لو نفس الفولتيات او ازيد بمعادل تغير بسيط استبدله بيه

مثال
دى بيانات موسفت k3918
الصوره التانيه للبديل 50n03



الاهم ان الموسفت اللى هتستبدله لو موسفت حمايه يستبدل بموسفت حمايه لو موسفت تغئيه يستبدل بموسفت تغذيه
وجزاكم الله خيرا .

حزاكم الله مثله :)

[Mido El Sayed]

رد: دورة صيانة المزربورد للمبتدئين(تم بحمد الله)

شرح مميز من بشمهندس كبير

[tarekmohmed]

رد: دورة صيانة المزربورد للمبتدئين(تم بحمد الله)

أخ أيمن ... جزاكم الله خيراً لإهتمامك بالتواصل معنا والرد على استفسارتنا وأسئلتنا ..

ولي عند حضرتك إستفسار عن مكان في المنصورة أستطيع من خلاله شراء أدوات صيانة الكمبيوتر ويكون محل ثقة ولو حضرتك تعطينا بعض الإرشادات بخصوص ( الهيتر و مبرمجة البيوس ) وجزاكم الله خيراً .

[Ayman_M]

رد: دورة صيانة المزربورد للمبتدئين(تم بحمد الله)

أخ أيمن ... جزاكم الله خيراً لإهتمامك بالتواصل معنا والرد على استفسارتنا وأسئلتنا ..
جزاكم الله مثله :)
ولي عند حضرتك إستفسار عن مكان في المنصورة أستطيع من خلاله شراء أدوات صيانة الكمبيوتر ويكون محل ثقة ولو حضرتك تعطينا بعض الإرشادات بخصوص ( الهيتر و مبرمجة البيوس ) وجزاكم الله خيراً .

بالنسبه للمحل فى هشام نعمان موجود بعد بن مكرم فى اخر شارع الاتوبيس و انت طالع على مزلقان القطر انسان محترم جدا لو الحاجه اللى حضرتك عاوزها مش موجوده عنده هتلاقيها فى العباسى لكن بصراحه معرفش حد معين لكن ممكن تسال فى هشام نعمان هو هيدلك ان شاء الله
بالنسبه للهوت اير انصحك بالكادا العادى مش الدجيتال لان مفيش فرق بينهم غير الشاشه الصغير اللى بتعرضلك درجة الحراره لكن فى فرق سعر طبعا
اما بالنسبه لطريقة ضبط الحراره فىا لهوت اير بتختلف من جهاز للتانى بمعنى ان فى اهزه بيكون السخان بتاعها درجة حرارته عاليه فى جمي الاحوال انت بتحاول ان الهواء اللى اخرج من الهوت اير يكون قليل يعنى تحس بيه زى النسمه من على بعد 5 سم اما عن الحراره تبص على السخان فى المنفاخ الخاص بالهوت اير لما النار بتاعته تبقى تقريبا زى نار السيجاره

بالنسبه للمبرمجه انا عن نفسى مشترتهاش لان اولا غاليه علشان تجيب مبرمجه نضيفه من اول 1000 جنيه وانت طالع ثانيا مش بتحتاجها كتير الا لو ما شاء الله فى ضغط شغل كبير اوى عندك لكن فى الاول مانصحكش تشتريها

[Ayman_M]

رد: دورة صيانة المزربورد للمبتدئين(تم بحمد الله)

السلام عليكم ورحمة الله وبركاته

تم البدأ فى تصوير الدوره بالفيديو و ان شاء الله سيتم الرفع على قناتى الخاصه على يوتبوب اول باول

[sikon]

رد: دورة صيانة المزربورد للمبتدئين(تم بحمد الله)

الله أكبر ولله الحمد

[hesham9123]

رد: تعليم صيانة المزربورد للمبتدئين(متجدد - ان شاء الله)

السلام عليكم لقد قراءت الموضوع كله وعجبني و شكرا علي مجهودك بس انا عني مشكلة في المزر عندي و اكيد انت تعرف حلها لان المشكلة شبيها بطريقة الاعطا المذكورة في الموضوع انا
انا عندي h61m-s2p
الجهاز عندي يفتح و يعمل باور عادي يس بعد الاستخدام ب 10 هو 20 دقيقة يتباطئ و يحتاج الي اعدة التشغيل ليعمل مرة اخري او عمل لوج اواف انا نزلت CPUID و اعطاني الفولت الاتي [IMG][/IMG]

انا غيرت البور كاه و مع ذلك اعطاني نفس القراءة و انا لمست ال I/O وجته سخن حدا

[Ayman_M]

رد: تعليم صيانة المزربورد للمبتدئين(متجدد - ان شاء الله)

السلام عليكم لقد قراءت الموضوع كله وعجبني و شكرا علي مجهودك بس انا عني مشكلة في المزر عندي و اكيد انت تعرف حلها لان المشكلة شبيها بطريقة الاعطا المذكورة في الموضوع انا
انا عندي h61m-s2p
الجهاز عندي يفتح و يعمل باور عادي يس بعد الاستخدام ب 10 هو 20 دقيقة يتباطئ و يحتاج الي اعدة التشغيل ليعمل مرة اخري او عمل لوج اواف انا نزلت CPUID و اعطاني الفولت الاتي [IMG][/IMG]

انا غيرت البور كاه و مع ذلك اعطاني نفس القراءة و انا لمست ال I/O وجته سخن حدا

اسف على التاخر فى الرد مشكلتك بنسبه كبيرة رامات حاول تغيرها والافضل تشترى استعمال خارج افضل من الجديد فى الكفاءه والافضل اعمل سكان على الهارد ببرنامج hdd regenrator و بعدين غير الرامه لو مفيش تحسن

[إنا باقون على العهد]

رد: تعليم صيانة المزربورد للمبتدئين(متجدد - ان شاء الله)

جزاكم الله خيرا

[Ayman_M]

رد: تعليم صيانة المزربورد للمبتدئين(متجدد - ان شاء الله)

جزاكم الله خيرا

جزاكم الله مثله

[sikon]

رد: دورة صيانة المزربورد للمبتدئين(تم بحمد الله)

الشعب يريد أربع فيديوهات توضيحية عملية : - كارت التيستر - البيوس وشحن البيوس - فك ولحام المكونات الاليكترونية - فك وتركيب الشيب

[Ayman_M]

رد: دورة صيانة المزربورد للمبتدئين(تم بحمد الله)

الشعب يريد أربع فيديوهات توضيحية عملية : - كارت التيستر - البيوس وشحن البيوس - فك ولحام المكونات الاليكترونية - فك وتركيب الشيب

تابع حضرتك الفيديوهات على القناه بيتم اضافه فيديو جديد كل فتره نظرا للانشغال و ضيق الوقت والله المستعان