أسرار برنامج انتر دونلود هتستغرب

[سيف المصرى]

السلام عليكم ورحمه الله وبركاته

البرنامج للتحميل مع الشرح والتفعيل
جميع اسرار برنامج التحميل الاشهر
انترنت داون لود مانجر Internet download manager
شرح كامل لخصائص البرنامج
هذه المعلومات قد يعلمها البعض وقد يجهلها الاخرون فاتمنى ان تستفيدوا منها خير الاستفادة


بعض التساؤلات انا عن نفسى كنت اتمنى انى اعرفها عن هذا البرنامج وسعدت جدا عندما عرفتها
السؤال الاول
ليه البرنامج متوافق مع متصفحات ومتصفحات لا يعنى ليه بعض المتصفحات مش بعرف انزل منها عن طريق البرنامج ده ؟

علشان حاجة اسمها ال INTEGRATION وعشان تضمن انك تخلية INTEGRATE مع كل المتصفحات

*خش OPTION - GENERAL
*علم على USE ADVANCED BROWSER INTEGRATION
*هيقولك عاوز يعمل ريستارت معلش خليها عليك واعمل

[سيف المصرى]

رد: أسرار برنامج انتر دونلود هتستغرب

السؤال الثانى

هل ممكن لما الداونلود يخلص البرنامج يدينى اى اشارة بحيث انى لو مش قاعد عالجهاز اخد بالى بدل ما كل شوية اشوف خلص ولا لا؟

ياسلام بس كده لو عاوزه يزغرد كمان ياسيدى

*خش OPTION-SOUND
*علم عالاختيارات اللى انت عاوزها ونقى الموسيقى اللى تعجبك من على جهازك بس تكون بصيغة WAV
ولو معندكش الصيغة دى حاططلك تحت برنامج بيحول لكل الصيغ اللى تحبها وحاططلك مقطوعتين انا بستخدمهم

[سيف المصرى]

رد: أسرار برنامج انتر دونلود هتستغرب

السؤال الثالث

هل السرعة ممكن تزيد ولو شوية صغيرين كمان ؟

يعنى هيا مش هتزيد قوى بس هتحس بفرق

*خش OPTION-CONNECTION
زود الرقم اللى فى الصورة ل 16

[سيف المصرى]

رد: أسرار برنامج انتر دونلود هتستغرب

السؤال الرابع

هل ممكن احدد السرعة اللى بحمل بيها بحيث ما اثرش على الناس اللى معايا فى الشبكة ؟

طبعا تقدر
-كليك يمين على ايقونة البرنامج اللى جنب الساعة واعمل زى الصور

[سيف المصرى]

رد: أسرار برنامج انتر دونلود هتستغرب

السؤال الخامس

هل ممكن احط اكتر من داونلوود ورا بعض بحيث لما واحد يخلص ينزل التانى تلقائيا يعنى احط اكتر من ملف يتحمل واحد واحد ومش مع بعض ولما واحد يخلص ينزل التانى من غير مانا احطهم فانام بقى واسيبه مع نفسه ؟

سؤال جميل جدا جدا وناس كتير متعرفوش
بس قبل مااجاوبة لازم اقولك حاجتين

ان ده تقدر تعمله مع المواقع اللى تدعم استكمال التحميل وانا عن نفسى بفضل المواقع دى وبفرح اوى لما بلاقيها

زى ال
MEDIAFIRE
IFILE
FILESEND
ADRIVE

-ممكن الحركة دى تعلق معاك احيانا حسب ظروف الموقع خاصة اخر اتنين

المهم ازاى تعملها

*اول حاجة لازم تعطل الخيار ده وانا افضل انك تعطله اول ماتسطب البرنامج اساسا

*لما بتيجى تعمل داونلود بيطلعلك البوكس ده وبتضغط داونلوود على طول هنا بقى هتضغط DOWNLOAD LATER

*عاوز تنزل ملف تانى كرر الخطوه دى مع بقية الملفات مع نفسك ملف اتنين تلاته اربعة المهم DOWNLOAD LATER

*هتلاقى البرنامج فى واجهته الرئيسية بقى كده

هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 652x341.

*هتلاقى فى واجهة البرنامج كلمة SCHEDULERبشكل منبه كده خش فيها

*هتلاقى فوق FILE IN QUEUE خش فيها وقلل الرقم لواحد عشان تحمل واحد واحد مش اتنين او اكتر فى نفس الوقت

واضغط بقى START NOW عشان تبدا الجدول التحميلى وواضح كمان انك تقدر تحدد مين اول واحد ينزل ومين التانى وكده براحتك

[سيف المصرى]

رد: أسرار برنامج انتر دونلود هتستغرب

السؤال السادس

طب ممكن البرنامج يقفل الجهاز لما يخلص الداون لوود ؟

اه عشان تنام بقى وتستريح
نفس الخيار بتاع
SCHEDULER
واعمل زى الصورة وعلى فكرة الخيار ده تقدر تعمله لو حتى انت حاطط داونلود واحد بس بس ابقى اضغط START QUEUE



السؤال السابع

البرنامج مبيرضاش يخلينى احمل الفيديوهات ال RMVB
اعمل ايه؟

سهله دى
*خش OPTION-FILETYPES

هتلاقى صيغ كتيره محطوطه بعد اخر واحد اعمل مسافة واكتب RMVB



السؤال الثامن والاخير

احيانا الواحد يحط داونلود ويسيبه ويخرج او ينام او اى حاجة يجى يبص يلاقيه واقف عند 80% او اى حاجة يجى يعمله resume ميرضاش رغم ان الموقع اللى بيحمل منه بيدعم الاستكمال مش ده حرام بردو ؟







عندك حق احيانا فعلا السيرفرات بتعمل كده لسبب او لاخر او واحد ابن حلال قطع عنك النت لفترة بنت حلال فالسيرفر راح موقف التحميل

المهم هتعمل ايه هتعمل كالاتى

سيب الملف اللى مش راضى يكمل تحميل فى حاله متجيش جنبه اوعى تمسحه من قايمة البرنامجاعمل خطوات انك بتحمل اللينك عادى جدا يعنى كانك هتحمله من اول وجديد لغاية لما توصل لل box ده



اعمل كوبى لل URL كله واتأكد انك عملت كوبى ليه كله مسبتش حرف واحدروح للملف اللى مش راضى يكمل وكليك يمين واختار properties





هتطلعلك النافذة دى شيل اللينك اللى انا مشاور عليه واعمل paste
للURL اللى انت عملتله كوبى ولضغط OK




ارجع لواجهة البرنامج الرئيسية واضغط RESUME للملف اللى مكنش راضى يكمل وباذن الله هيكمل

تم بحمد الله

[نوره الأسلام]

رد: أسرار برنامج انتر دونلود هتستغرب

موضوع مهم جداً جزاكم الله خيراً
تم التقيم ..

[تلميذة حازم شومان .]

رد: أسرار برنامج انتر دونلود هتستغرب

جزاكم الله خيرا واثابكم الجنة
موضوع ررائع

ويستحق التقييم

فى سؤال البرنامج بيقف بعد فترة ولا يتم التحميل ويطلب اشتراك
ماذا افعل

[سيف المصرى]

رد: أسرار برنامج انتر دونلود هتستغرب

جزاكم الله خيرا واثابكم الجنة
موضوع ررائع

ويستحق التقييم

فى سؤال البرنامج بيقف بعد فترة ولا يتم التحميل ويطلب اشتراك
ماذا افعل

جزانا وإياكم وبارك الله فيكم
هو بيقف معانا بعد فتره أيضاً أنا بصراحه بمسحو وبسطبو تانى
ولكن بقالى فتره شغّال بكراك جيد جد جدا بقفل البرنامج وبدوس على الكرك البرنامج بيرجع زى ماكان إن شاء الله هرفع الكراك كمان دقائق

[سيف المصرى]

رد: أسرار برنامج انتر دونلود هتستغرب

اتفضلو الكراك ونظيف والله أنا عملتو سكان وشغّال بيه بقالى فتره وجيد جدا
رابط مباشر

[muhammed _elamir]

رد: أسرار برنامج انتر دونلود هتستغرب

ربنا يبارك فيك
فيهم معلومات كتير مجهولة
جزاكم الله خيا

[سيف المصرى]

رد: أسرار برنامج انتر دونلود هتستغرب

وفقكم الله

[سيف المصرى]

رد: أسرار برنامج انتر دونلود هتستغرب

ربنا يبارك فيك

فيهم معلومات كتير مجهولة
جزاكم الله خيا

على ايه يا أخى لسه إن شاء الله فى معلومات تانى

[سيف المصرى]

رد: أسرار برنامج انتر دونلود هتستغرب

مشكلة شائعة وهي عدم ظهور أيقونة التحميل لبرنامج Internet Download Manager في متصفح Mozilla Firefox




الــحـــل

نفتح برنامج Internet Download Manager


نضغط على ( التحميل ) ثم ( خيارات )




نضع صح أمام ( Mozilla Firefox ) ثم نضغط ( موافق )



الأن نغلق Internet Download Manager

[سيف المصرى]

رد: أسرار برنامج انتر دونلود هتستغرب

نفتح Mozilla Firefox

نضغط على ( الأداوت ) ثم ( الإضافات )





نضغط على ( الامتدادات ) ثم نؤشر على IDM ثم نضغط ( فعل )

حرف I يعني Internet
حرف D يعني Download
حرف M يعني Manager






الآن نغلق الفايرفوكس ثم نفتحه من جديد لتتم التغيرات