إعـــــــلان

تقليص
لا يوجد إعلان حتى الآن.

أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

تقليص
X
تقليص
 
  • الصفحة لـ 3
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • #1

    [جديد] أعجوبة لينكس الإصدارة 5 .. قريباً مع شرح التنصيب (setup) والتعامل مع النظام




    أعجوبة لينيكس هي توزيعة من توزيعات لينيكس المبنية علي نظام ال fedora
    وتم تطويرها عن طريق فريق من الاخوة المطورين العرب في نظام اللينيكس وإضافة بها العديد من الإضافات الهامة التي يحتاجها العرب والمسلمين

    إقتباس من موقع أعجوبة
    لماذا أعجوبة لينكس ؟

    • حُرّية، فلا قرصنة بعد اليوم! استخدم أعجوبة لينكس وقم بتوزيعه للآخرين كما تشاء وبشكل قانوني تماما. إذ لا يتطلب استخدام ونسخ وتوزيع أعجوبة لينكس دفع أية رسوم تراخيص فهو نظام حر ومفتوح المصدر، بل إننا في أعجوبة لينكس نشجعك على فعل الخير ومساعدة الآخرين وتوزيع النظام.

    • أمان، ستودّع الفيروسات مع أعجوبة لينكس! فهذا النظام محمي تماما من الفيروسات. ولا حاجة لمضاد فيروسات، فلقد تم بناء وتصميم النظام بأعلى درجات الأمن والأمان.

    • جَودة، ثبات وجودة عاليين! مع أعجوبة لينكس لن تشعر بتباطؤ النظام مع مرور الوقت ولن تحتاج إلى إعادة تهيئة النظام كل فترة. فأنظمة لينكس تعمل لسنوات طويلة دون كلل وبثبات وجودة لا نظير لهما.



    لمحة من مزايا أعجوبة
    يمكنك تنزيل سي دي النظام من موقعنا يمتاز هذا النظام بأنه يمكنك تجربته دون المساس بالقرص الصلب من خلال الإقلاع المباشر من القرص المدمج الحي LiveCD. كما ويمكنك تنصيب نظام أعجوبة لينكس على القرص الصلب أيضا. ومن أجمل مزايا هذا النظام إمكانية تثبيت النظام علي إصبع USB مستفيدا من ميزة الكتابة وصغر الحجم فتحمل نظامك المفضل وملفاتك أينما ذهبت (إن كان الحاسوب يدعم الإقلاع منها).
    وبالمناسبة فإن من السهل تثبيت أعجوبة لينكس جنبا إلى جنب مع نظام ويندوز، حيث يكون بإمكانك الاختيار بين تشغيل أي من الإثنين لحظة الإقلاع.
    وقد أصدرنا نسخة DVD تحتوي كماً كبيرا جدا من الحزم البرمجية وعلى الكثير من لغات البرمجة والبرامج التعليمية والأدوات الخدمية.
    بعد تنصيب نظام التشغيل أعجوبة لينكس يمكنك تثبيت العديد من البرمجيات الإضافية الأخرى من خلال الإنترنت (الشابكة) والمتوفرة في المخازن الرسمية للنظام من خلال إضافة وإزالة البرامج في قائمة إدارة النظام. حاليا يتوفر أمامك أكثر من عشرة آلاف حزمة برمجية.

    لا تخفلا توجد أي مقالب فالنظام ومصدره متوفران على الموقع.
    • لن نرسل لك إعلانات مزعجة
    • ولا يوجد إشتراكات إلزامية
    • وجميع التحديثات الأمنية تصلك دون عناء

    ------- الإصدارة القادمة رقم (5) -------

    جديد هذا الإصدار

    • تأتي في نسختين 32-بت و 64-بت بنواة 2.6.38.8 مع تعريفات kmod الإضافية لبطاقات الشبكة اللاسلكية Wifi
      • لم يتم ترقية النواة إلى 2.6.40 ريثما يتم عمل kmod-wl لها

    • تحتوي واجهة غنوم 3 الجديدة
    • مشغلات الوسائط والفلاش وعدد من العينات
    • مكتب LibreOffice
    • برنامج التصميم gimp الذي يمكن تشغيله في طور النافذة الواحدة
    • تحتوي برامج أعجوبة التي اعتدتم عليها
      • مركز تحكم أعجوبة
      • ثواب - المكتبة
      • مصحف عثمان
      • هجرة - التقويم الهجري
      • مناجاة - برنامج أذكار وأوقات الصلاة
      • محول الوسائط ojuba-mimic
      • ojuba-virtual-cd
      • خزنة أعجوبة - تشفير المجلدات

    • إضافة برنامج جديد إلى عائلة أعجوبة وهو chmviewkit عارض ملفات chm
    • إضافة ميزة أوقات الصلاة إلى مناجاة وإحالة برنامج منبر على التقاعد




    قريباً إن شاء الله شرح تسطيب التوزيعة والتعامل معاها بشكل شبه كامل وأغلب أسئلة المبتدئين تُطرح هنا

    دمتم بود

    إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
    يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ
    الكلمات الدلالية (Tags): لا يوجد
  • #2
    رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

    التعديل الأخير تم بواسطة mohamedhassan87; الساعة 09-11-2011, 06:12 PM.

    إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
    يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

    تعليق

    • #3
      رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

      جزاكم الله خيرا
      معلومات رائعه
      ولكن أن ناوى إن شاء الله أجربه بس خايف من برامج
      مثلا زى الفوتوشوب وغيرها من البرامج التى أسنخدمها بكثرة ... هل كل برنامج هلاقى ليه أصدار للينكس ....؟!
      سبحان الله عدد ما خلق ، سبحان الله ملء ما خلق ، سبحان الله عدد ما في الأرض والسماء سبحان الله ملء ما في الأرض والسماء ، سبحان الله عدد ما أحصى كتابه ، سبحان الله ملء ما أحصى كتابه ، سبحان الله عدد كل شيء ، سبحان الله ملء كل شيء

      تعليق

      • #4
        رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

        المشاركة الأصلية بواسطة *يارب رضاك* مشاهدة المشاركة
        جزاكم الله خيرا
        معلومات رائعه
        ولكن أن ناوى إن شاء الله أجربه بس خايف من برامج
        مثلا زى الفوتوشوب وغيرها من البرامج التى أسنخدمها بكثرة ... هل كل برنامج هلاقى ليه أصدار للينكس ....؟!
        توكل على الله ومتخفشي اي برنامج عايزه ومحتاجه هتلاقي موجود ان شاء الله
        [SWF]http://ia600309.us.archive.org/30/items/TvQuran.com__Flash/TvQuran.com_04.swf[/SWF]

        تعليق

        • #5
          رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

          جزاك الله خيراً ياعم سيف
          انت نزلت الموضوع بسرعة انا توقعت ان امامك يعني شهر بالميت ^_^
          ربنا يبارك فيك ويجعله في ميزان حسناتك
          [SWF]http://ia600309.us.archive.org/30/items/TvQuran.com__Flash/TvQuran.com_04.swf[/SWF]

          تعليق

          • #6
            رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

            تسلم ايدك
            منتظر الشرح لاني خلااااااااص اتخنقت من الاكس بي
            وبتتطلب امكانيات جهاز ايه لان اللاب عندي مش عالي



            تعليق

            • #7
              رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

              المشاركة الأصلية بواسطة ابن رجب المصري مشاهدة المشاركة
              تسلم ايدك
              منتظر الشرح لاني خلااااااااص اتخنقت من الاكس بي
              وبتتطلب امكانيات جهاز ايه لان اللاب عندي مش عالي

              كويس جداً انك فكرتني بموضوع املتطلبات دون عشان انا ماكنتش حاطه في دماغي
              الموضوع بإذن الله هيبقي متطلبات الجهاز وازاي تعرفها (لو مالكش خبرة -سوابق-)
              بعدين الشرح التسطيب وشرح شوية حاجات كدة لأي يوزر جديد وفي الأخر خالص التحميل عشان محدش يتهور ويبهدل الدنيا

              المشاركة الأصلية بواسطة *يارب رضاك* مشاهدة المشاركة
              جزاكم الله خيرا
              معلومات رائعه
              ولكن أن ناوى إن شاء الله أجربه بس خايف من برامج
              مثلا زى الفوتوشوب وغيرها من البرامج التى أسنخدمها بكثرة ... هل كل برنامج هلاقى ليه أصدار للينكس ....؟!
              كل البرامج اللي بيحتاجها أي يوزر موجوده الحمد لله ومجانية كمان بس انتا اقدر علي المشهور منها -ده لو قدرت تخلصه يعني- وبرضو سيب الويندوز (انتا ممكن تسطب الاتنين مع بعض علي فكرة ومافيش مشاكل تماماً)
              بالنسبة للنظام ممكن تسطب عليه (أرتال) من البرامج واﻷادوات وكل هذا لن يؤثر علي بطء النظام وكدة (زي الويندوز) يقولك نظف الريجستري وتيجي تنضفه تلاقيه خف شوية وبعدين خنقك خالص وبئي لازم تعيد تسطيب النسخة أو ترجعه لو عامل جوست .. وياسلام بئي لو جالك فيرس ليلتك بمبي .. تابع معنا

              المشاركة الأصلية بواسطة علي مُنجد مشاهدة المشاركة
              جزاك الله خيراً ياعم سيف
              انت نزلت الموضوع بسرعة انا توقعت ان امامك يعني شهر بالميت ^_^
              ربنا يبارك فيك ويجعله في ميزان حسناتك
              بس انتوا يكون عندكوا دماغ للي جاي وزي ما قلت في موضوع محمد icdl احذف من رأسك هذه الحروف مجتمعات (ص) ، (ع) ، (ب)
              فلازم يكون عندك طول بال ومرونة وحب فعلاً للمغامرة

              الرد الجاي نتكلم عن المتطلبات
              التعديل الأخير تم بواسطة mohamedhassan87; الساعة 30-10-2011, 01:13 AM.

              إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
              يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

              تعليق

              • #8
                رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                متطلبات النظام System Requirements(الحد الأدني اللازم توافره لتثبيت النظام علي الجهاز)
                • 400 MHz Pentium Pro or better processor (comparable AMD, Cyrix, and VIA processors also acceptable)
                • At least 768 MB memory (RAM), 1 GB recommended for best performance
                • 10 GB disk space / storage
                تفصيل للمتطلبات
                بروسيسور intel او AMD بتردد 0.2 جيجا هرتز (أقل جهاز دلوقتي موجود بينتيم 3 = 1.7 جيجا يعني جهازك يشغله وتمام كمان)
                • Recommended for text-mode: 200 MHz Pentium Pro or better
                • Recommended for graphical: 400 MHz Pentium Pro or better
                الرامات (ياااااااه جيجا لية ياعم!!) ﻻ ماتخفش فيه تفصيل تاني انتا ماشوفتوش
                Minimum RAM for text-mode: 256 MiB
                Minimum RAM for graphical: 640 MiB
                يعني اية الكلام ده ياعم سيف !!
                هقولك ياسيدي .. وانتا بتسطب اكس بي -يااااااااه فكرتنا بالكئيب ده لية؟- فيه شاشة كدة زرقاء تقليدية يادوب اختيارات بالكيبورد ومافيش ماوس خالص وﻻ صور وﻻ أي إفتكاسات كبيرة وهما لونين بس في الأول واحد أزرق والكتابة أبيض ده اللي بنسميه في اللينيكس التسطيب عن طريق ال text-mode وده عايز أقل حاجة 256 رامات
                طيب اطلع معايا كدة للويندوز7 وانتا بتسطبه بيظهر شاشة رسومية كويسة وألوان كتير وحركات حلوة ومنظر (جرافيك) عالي وشيك أوي ده اللي بنسميه التسطيب عن طريق ال الجرافيكال مود واللي عايز أقل حاجة 640 ميجا من الرامات
                وأما التوزيعة نفسها تشغل ال 512 كويس جداً ولو كان أعلي يبقي انتا كدة في الضمان
                وللمصداقية دي صورة من الجهاز بتاعي وانا فاتح ال monitor (شبه ال task manager) في ويندوز

                ملحوظة :: أنا عشان الرام عندي كبيرة يعني (ماشاء الله) فالأخ واخد راحته في ال memory ومش مستخدم حاجة خالص من ال swap
                هوا مين الأخ ده ياعم سيف ؟
                ال swap هوا رامات وهمية إضافية بتتاخد من الهارد في حالة كون الرامات (memory) قليلة عن الحد المطلوب -حاجة كدة شبه ال virtual memory اللي في اكس بي لما بنحب نعمل رامات وهمية إضافية ونكبر سعة الرامات- هي في الحقيقة مش وهمية هوا بيخزن الحاجات اللي هوا عايزها بدل ما بيوديها الرامات بيخليها جزء منها في الهارد
                طيب ياعم سيف سؤال عارض كدة طيب عملوا الرامات لية طالما هيا القصة اننا ممكن نوديها للهارد ؟
                لأنه ببساطة الرامات سرعتها خرافية جداً بالنسبة للهارد في القراءة والكتابة والجهاز مايقدرش يقوم بدونها لأن الهارد شغال بنظام ميكانيكي بعكس الرامات شغالة بأيسيهات وتشبسيهات (دي غير الشيبسي)
                طيب اللي عنده رامات أقل من 256 >> نصيحة ولع في جهازك ^_^

                لاحظ الحتة الجامدة بئي في أخر الصورة اللي فاتت (بيطلعلك إجمالي الأبلود والدونلود اللي تم منذ فتح جهازك لحد اللحظة اللي بتشوف فيها المونيتور)

                بالنسبة للمساحة المطلوبة للهارد وده الجزء اللي مدوخ ناس كتير احنا هنحتاج حد أدني لمساحة الهارد 8 جيجا أو 10 جيجا وللجهاز الكويس 15 جيجا
                وممكن تفضي partition بالكامل للتوزيعة أو لو ماينفعش تترك مساحة فاضية في أي برتشن بمقدار 10 جيجا أو يزيد

                طيب اللي ميعرفش مواصفات جهازه بدقة
                حمل البرنامج ده SIW



                إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
                يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                تعليق

                • #9
                  رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                  ما شاء الله
                  بوركت جهودك أخي الحبيب سيف
                  وجزاك الله خير الجزاء

                  تعليق

                  • #10
                    رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                    بس يا سيف حاليا أن بحمله إن شاء الله
                    بس أنا خايف من حاجة أن شوفت قبل كده من موقع كبير مشهور كان حاطط نسخة لينكس وفى أخر ردود الموضوع ناس بتدعى على صاحب الموضوع لأنه مسح كل اللى على الهارد وناس تانية خليت الجهاز كله برتشن واحد

                    تفتكر يكون السبب أيه علشان محديش يوقع فى نفس المشكلة ديه


                    سبحان الله عدد ما خلق ، سبحان الله ملء ما خلق ، سبحان الله عدد ما في الأرض والسماء سبحان الله ملء ما في الأرض والسماء ، سبحان الله عدد ما أحصى كتابه ، سبحان الله ملء ما أحصى كتابه ، سبحان الله عدد كل شيء ، سبحان الله ملء كل شيء

                    تعليق

                    • #11
                      رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                      المشاركة الأصلية بواسطة *يارب رضاك* مشاهدة المشاركة
                      بس يا سيف حاليا أن بحمله إن شاء الله
                      بس أنا خايف من حاجة أن شوفت قبل كده من موقع كبير مشهور كان حاطط نسخة لينكس وفى أخر ردود الموضوع ناس بتدعى على صاحب الموضوع لأنه مسح كل اللى على الهارد وناس تانية خليت الجهاز كله برتشن واحد

                      تفتكر يكون السبب أيه علشان محديش يوقع فى نفس المشكلة ديه



                      ركز يا عم سيف الله يبارك لك
                      الجهاز عليه حاجات مهمة



                      تعليق

                      • #12
                        رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                        المشاركة الأصلية بواسطة *يارب رضاك* مشاهدة المشاركة
                        بس يا سيف حاليا أن بحمله إن شاء الله
                        بس أنا خايف من حاجة أن شوفت قبل كده من موقع كبير مشهور كان حاطط نسخة لينكس وفى أخر ردود الموضوع ناس بتدعى على صاحب الموضوع لأنه مسح كل اللى على الهارد وناس تانية خليت الجهاز كله برتشن واحد

                        تفتكر يكون السبب أيه علشان محديش يوقع فى نفس المشكلة ديه


                        المشاركة الأصلية بواسطة ابن رجب المصري مشاهدة المشاركة
                        ركز يا عم سيف الله يبارك لك
                        الجهاز عليه حاجات مهمة

                        [/center]

                        ماتخافوش ياشباب من الحاجات دي .. انتوا بس لو عايزين تحملوا حملوا التوزيعة بس ماتسطبهاش إلا لما أشرحها عشان تعرف كل اوبشن ووظيفته اية ومعناه
                        وبعدين فيه مقدمة كبيرة اوي نظري لازم تتقرأ دلوقتي (حتي ولو مافهمتهاش -وده الطبيعي- إلا أنك في المستقبل هتعرف قيمة كل كلمة عرفتها عن نشأة اللينيكس)

                        إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
                        يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                        تعليق

                        • #13
                          رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                          انا مش هحمل غير اللينك اللي انت هتقول لنا حملو منه
                          ثقة يعني وكده



                          تعليق

                          • #14
                            رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                            جزاك الله خبرا
                            موضوع
                            قيم جداااااا
                            فى انتظار الشرح

                            تعليق

                            • #15
                              رد: أعجوبة لينكس الإصدارة 5 .. قريباً مع شرح التنصيب (setup) والتعامل مع النظام

                              المشاركة الأصلية بواسطة ابن رجب المصري مشاهدة المشاركة
                              انا مش هحمل غير اللينك اللي انت هتقول لنا حملو منه
                              ثقة يعني وكده

                              لا دي مش زي ويندوز
                              اللينيكس يمتاز أن له سيرفيرات ومخازن تحميل مباشر والبرنامج نفسه مفتوح المصدر يعني تشوف الكود اللي اتكتب بيه وبالتالي تقدر (لو انتا من المطورين) تعدل عليه وتضيف له مميزات تانية وهكذا

                              غير ويندوز مغلق مصدره وغير مجاني فبالتالي بتكون فريسة للمواقع المشبوهة ويطلعلك فيرس في الطريق أو أي مشكلة لكن في اللينيكس كل توزيعة ليها موقع مميز ومعروف رسمي خاص بيها وسورس خاص برضو بيها .. عموماً هتعرف شوية حاجات حلوة في نشأة النظام

                              إِنَّا لَنَنْصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ
                              يَوْمَ لَا يَنْفَعُ الظَّالِمِينَ مَعْذِرَتُهُمْ وَلَهُمُ اللَّعْنَةُ وَلَهُمْ سُوءُ الدَّارِ

                              تعليق

                              السابق 1 2 3 template التالي
                              يعمل...
                              X