Tweet
في الاول لازم نوضح ان فن الـ خط أو فن الكتابة ده مجاله واسع و داخله تخصصات كتيرة زي الـ Typography , Calligraphy , Lettering و الـ Typeface .
دلوقتي إن شاء الله هنتكلم عن ما الفرق بين التيبوجرافي و الكاليجرافي ( Typography | Calligraphy ) اللي هي تعتبر اشهر فنون الكتابة او الـ خط …
لأن الأمر بيختلط على ناس كتير خصوصًا في الوطن العربي رغم ان فن الكتابة او فن الـ خط ده معروف من زمان عن العرب …
و دي دلوقتي أصبحت جزء او تخصص من تخصصات الـ جرافيك ديزاين .
سبب كتابتي للـ مقال ده ان ملقتش محتوى عربي كويس على شبكات الانترنت موضح الفرق بين التيبوجرافي و الكاليجرافي ( Typography | Calligraphy ) .
عملت بحث في المواقع الاجنبية و حاولت اتحرى الـ دقة و المصداقية في المصادر و يا رب اكون وُفقت في عملية الـ بحث و وُفقت في الـ دقة و المصادقية .
طيب ليه لازم اي مصمم جرافيك يعرف ما الفرق بين الكاليجرافي و التيبوجرافي ؟
لأن اي مصمم جرافيك ممكن يتخصص في الكاليجرافي او التيبوجرافي
حتى لو مش هيتخصص في حاجة منهم لازم يبقى مصمم جرافيك مثقف لو عايز يتميز كـ مصمم جرافيك .
ندخل في المهم و هحاول اختصر الاختصار اللي يوضح ما الفرق السريع او الواضح او الجوهري بينهم .
أولًا التيبوجرافي ( Typography ) :
الـ typography من الآخر هو اللعب بالحروف الموجودة على الكمبيوتر او بمعنى أصح الحروف الجاهزة او مسبقة الصنع .
يعني تمسك الحروف تكبر و تصغر و تطول و تقصر و توسع و تضيق او حتى انك تلعب في المسافات بين الحروف و بعضها و ترتبهم و تشكلهم زي ما انت عايز .
و دي اشكال للتيبوجرافي ( typography ) :
ثانيًا الكاليجرافي ( Calligraphy ) :برضو من الآخر الـ calligraphy هي الكتابة بـ خط اليد بأسلوب مميز و جذاب و زخرفي… سواء بقى باستخدام التابلت او على ورق .و زمان كانوا بيستخدموا الـ calligraphy في كتابة الأوامر و الخطابات الملكية .و دي اشكال للكاليجرافي ( calligraphy ) :
طبعًا الكلام ده له مصادر على شبكات الانترنت و لكن مصادر اجنبية لأن زي ماقولت في الاول ملقتش مصادر عربية كويسة على شبكة الانترنت و اللي انا كاتبه ده نتاج قراءتي للمصادر دي بالإضافة ان كلامي مختصر و اللي حابب يستزيد و يتخصص يقرأ من المصادر …
منقول للاستفادة
هذا رابط المصدر : http://mohamedadesigner.com/the-diff...nd-typography/
تعليق