إعـــــــلان

تقليص
لا يوجد إعلان حتى الآن.

درس عمل تيشيرت اكتر من رائع

تقليص
X
تقليص
 
  • الصفحة لـ 2
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • #1

    [من تصميمى] درس عمل تيشيرت اكتر من رائع


    بسم الله والصلاة والسلام على رسول الله :::
    النهاردة ان شاء الله هنشوف درس ازاى نعمل تيشيرت رائع بطريقة سهلة وبسيطة جدا
    دى النتيجة النهائية للدرس

    ان شاء الله الخطوات هتبقى بالتفصيل الممل ... علشان الناس المبتدئة تقدر تستفيد من الدرس
    ..
    الخطوة الاولى ::
    هنرسم مستطيل باى طريقة سواء من اداة رسم الاشكال .. او باداة التحديد اننا نحدد حدة وبعدين نملاها
    باللون المطلوب ...ثم بالاستيكة قوتها 100 ومقاس مناسب نمسح كما بالصورة .....
    ثم باداة البن توول ... نرسم شكل سيكون فى طبقة مستقلة تحت طبقة المستطيل ... يكون الجزء الظاهر منه كما بالصورة ...وبعدين نضغط على لير الشكل يمين ونختار rasterize..وباداة التحديد
    نحدد الجزء الزيادة من الشكل ونحذفه ليكون مساوى للير المستطيل كما بالصورة .......
    ثم ندمج طبقة المستطيل وطبقة الشكل مع بعض .. نحددهم هم الاتنين من قائمة الليرات ونضغط يمين
    ونختار merge layers
    وينتج لدينا طبقة واحدة فقط .. نكرر هذه الطبقة بالضغط عليها يمين duplicate layer
    او الضغط على ctrl+j
    وينتج لدينا طبقة اخرى جديدة .... يعنى دلوقتى بقى عندنا طبقتين زى بعض بالظبط
    ناخد اللى فوق ونضغط عليها ctrl+t ونضغط يمين ونختار flip horizontal
    وبعدين نحركها لليمين شوية عشان نحصل على الشكل الحالى ..



    وبعدين نعمل مستطيل صغير فى طبقة جديدة ونملاه بنفس لون التيشيرت ... ثم نكرر طبقة المستطيل دى .. ونملاها بلون اخر.. انا مثلا اخترت الاصفر .... ثم باداة التحديد نحدد جزء من الطبقة الصفراء ونحذفه لنحصل على كم التيشيرت كما بالصورة .......
    ثم ندمج الطبقتين ... المستطيل الكامل والمنطقة الصفراء ...... ونحصل على كم التيشيرت
    وبعدين نروح للشكل اللى طلعلنا من الخطوة الاولى ونحاول .. نظبط الكم ده عليه ولما نحصل على
    الشكل المناسب ... نكرر طبقة الكم دى ونضغط ctrl+t ونختار flip horizontal
    وونحركها عشان نعمل الكم الاخر وكده نبقى عملنا الكمين

    وبعدين نعمل زى ما فى الصورة دى

    وكمان اللى فى الصورة دى

    جينا بقى لخطوة مهمة جدا .... نعمل الرقبة بتاع التيشيرت ....
    اولا ندمج كل الطبقات اللى عندنا مع بعض .... فى طبقة واحدة ...... وفى طبقة جديدة تحت الطبقة
    بتاع التيشيرت بالبن توول نرسم شكل يكون الظاهر منه كما فى الصورة ... اللى فوق .......
    ويكون بلون تقيل نسبيا ...... وبعدين نكرر طبقة هذه الشكل ... وننزل الطبقة المكررة شوية ..
    كما فى الصورة الثانية ......ونعملها تاثير gradient overlay
    بحيث يبقى لونها من فوق ابيض ومن تحت رصاصى مثلا ...... ونرسم التيكت الموجودة على الرقبة
    بالبن توول ....او اداة رسم الاشكال ...


    وبعدين فى بحث الصور الخاص بجوجل نكتب فيه كلمة silk هيجيبلنا صور قماش مكرمش
    نختار صورة مناسبة ... وناخدها نحطها فوق طبقة التيشيرت ..وتكون طبقة القماش هى المفعلة
    ثم نضغط على ctrl + المربع الموجود فى طبقة التيشيرت .... زى ما عملنا فوق فى طبقة السحاب ....
    وبعدين نعكس التحديد بنفس الطريقة ثم نضغط delete
    ويتبقى لدينا طبقة قماش مكرمش فوق طبقة التيشيرت .. نغير المود الخاص بها الى multiply
    ونقلل الاوباسيتى الخاصة بها ايضا الى درجة مناسبة..... وفى النهاية .... ندمج كل طبقات التيشيرت الموجودة ثم نطبق الفتر ده filter >>distort >>wave

    وكده نبقى حصلنا على تيشيرت كويس ...
    الكلمات الدلالية (Tags): لا يوجد
  • #2
    رد: درس عمل تيشيرت اكتر من رائع

    ياسلااااااااااااام ع الروعة
    هعمل واحد رابعه :)

    تعليق

    • #3
      رد: درس عمل تيشيرت اكتر من رائع

      جمييييله جدا بارك الله فيكم
      التعديل الأخير تم بواسطة دعــ الإستغفار ــاء; الساعة 20-11-2013, 09:20 PM. سبب آخر: ممنوع الهزار القسم مختلط بارك الله فيكم

      تعليق

      • #4
        رد: درس عمل تيشيرت اكتر من رائع

        جزاكم الله خيرا على المرور ......

        تعليق

        • #5
          رد: درس عمل تيشيرت اكتر من رائع


          فعلا درس رائع و مميز

          بارك الله في كل أعمالكم

          بانتظار المزيد من الدروس


          تعليق

          • #6
            رد: درس عمل تيشيرت اكتر من رائع

            جزيتم خيرا على المرور

            تعليق

            • #7
              رد: درس عمل تيشيرت اكتر من رائع

              يآآه كان نفسي جدا اعرف طريقة التيشرتآت دي .. جزاكم الله خيراااا

              فصبراً               قليلاً ..
              فبعد               العُسرتيسير،
              وكل وقت له               أمر{و} تدبير

              تعليق

              • #8
                رد: درس عمل تيشيرت اكتر من رائع

                ايه فائدة طبقة السحاب ؟
                { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

                تعليق

                • #9
                  رد: درس عمل تيشيرت اكتر من رائع

                  بتعمل اختلاف فى الالوان بين المناطق المختلفة
                  وانتم بتطبقوا الدرس احفظوه مرة بيها ومرة من غيرها وشااهدوا الفرق
                  جزيتم خيرا

                  تعليق

                  • #10
                    رد: درس عمل تيشيرت اكتر من رائع


                    اللهم اغفر لي ولوالدي وللمؤمنين والمؤمنات والمسلمين والمسلمات الأحياء منهم والأموات

                    سبحان الله وبحمده عدد خلقه ورضا نفسه وزنه عرشه ومداد كلماته




                    تعليق

                    • #11
                      رد: درس عمل تيشيرت اكتر من رائع

                      المشاركة الأصلية بواسطة muhammed _elamir مشاهدة المشاركة
                      بتعمل اختلاف فى الالوان بين المناطق المختلفة
                      وانتم بتطبقوا الدرس احفظوه مرة بيها ومرة من غيرها وشااهدوا الفرق
                      جزيتم خيرا
                      طيب هو لازم الخلفية تكون غامقه ؟؟

                      لاني لما بمسح بالاستيكه طبعا بيبان الخلفية الشفافة
                      { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

                      تعليق

                      • #12
                        رد: درس عمل تيشيرت اكتر من رائع

                        اختنا قللوا قوة الاستيكة
                        اوالhardness بتاعها
                        حتى ممكن تخلوه صفر عادى

                        تعليق

                        • #13
                          رد: درس عمل تيشيرت اكتر من رائع

                          جزاكم الله خيرا كثيرا سأحاول التطبيق ان شاء الله

                          تعليق

                          • #14
                            رد: درس عمل تيشيرت اكتر من رائع

                            المشاركة الأصلية بواسطة muhammed _elamir مشاهدة المشاركة
                            اختنا قللوا قوة الاستيكة
                            اوالhardness بتاعها
                            حتى ممكن تخلوه صفر عادى
                            انا حاولت بس فلتر ديستورت مش ظابط معايا ليه معرفش

                            { فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً{10} يُرْسِلِ السَّمَاء عَلَيْكُم مِّدْرَاراً{11} وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً{12} مَّا لَكُمْ لَا تَرْجُونَ لِلَّهِ وَقَاراً{13} وَقَدْ خَلَقَكُمْ أَطْوَاراً }

                            تعليق

                            • #15
                              رد: درس عمل تيشيرت اكتر من رائع

                              جزيتم خيرا
                              يا ريت المتابعة فى صفحتكم الخاصة
                              اولا الخامة كنتم تصغروها لانها من الواضهp انها كانت كبيرة على التيشيرت
                              كمان الفلتر اللى طبقته مش ديستورت انما فلتر wave

                              تعليق

                              السابق 1 2 template التالي
                              يعمل...
                              X