[رأي] موضوع مخصص لاستقبال اقتراحات طلبة المعهد القرآني الدعوي

[آمــال الأقصى]

السلام عليكم ورحمة الله وبركاته
هنا بإذن الله يتم استقبال اقتراحاتكم من أجل تطوير المعهد القرآني الدعوي
................
اللقاء الأخير الخاص بالاقتراحات و تنسيق المعهد - 27-12-2017

[المشتاقة للفردوس (ريهام)]

بعض الأفكار لتطوير المعهد:

1. أن تكون مواد المعهد حصرية للمعهد ؛ لأن الدرس لما بيكون مخصوص لفئة معينة ، الطلبة بتتطلع لسماعه أكثر من غيره.
2. مادة الترابطات اللي كانت في سنة أولى مادة رائعة جدا ، لو أهتمينا بتنظيمها وتنسيقها بشكل جيد ممكن تكون كتيب في علم مناسبات سور جزء عم ( سواء مناسبات موضوعات السورة الواحدة ، أو مناسبات الترتيب بين السور )
3. كذلك مادة الدعوة النظري ممكن تتعمل كتيب للنقاط العريضة ، وتكون مرجع لطلبة المعهد ، والشيخ اللي يدي مادة الدعوة ماعليه إلا أنه يشرح النقاط دي ويبسطها للطلبة زي ما حضرتك شرحت في درس هذا طريقنا و دروس ألتزمت ثم ماذا.
4. بالنسبة للتفسير لابد من وجود كتاب تفسير يكون العمدة لينا في الدروس زي ما كان كتاب مختصر تفسير ابن كثير لأحمد شاكر في سنة أولى أو كتاب الشيخ العدوي جميل جدا.
5. مادة الحب والحياة كل تحدي من التحديات لو نجمع ليه أفكار مميزة في تطبيقه زي اللي نفذتها الأخوات أو أقترحتها وتتجمع في ملف خاص بمادة ؛ عشان الدفعات القادمة تستفاد منها وتضيف عليها كمان.
6. بعد الانتهاء من فهرسة وتجميع المواد الصوتية و تفريغات المعهد ، يتم إعادة ترتيبها وتنظيمها بحيث نكوّن منها منهج منظّم ينفع لدفعة جديدة. والدفعة الجديدة تسمع الدرس المسجل وتذاكر التفريغ ويكون ليهم بث مباشر مع الشيخ أو المربي الخاص بالمادة حول الدرس اللي سمعوه ، والطريقة دي هتفيد في تركيز الطلبة في سماع الدروس ومذاكرتها أولا بأولا عشان البث المباشر التفاعلي ، وهتفيد الشيخ كأنه داخل يراجع معاهم أو يؤكد على معلومة أو فكرة بعينها ويوجيههم. وهتفيد كمان أنه لو الشيخ مشغول ممكن بعد سماع درسين أو أكثر يكون في البث التفاعلي.
7. لما هنجمع المادة الصوتية والتفريغات ، نقدر نعمل نماذج اختبارات على كل مجموعة دروس لعمل امتحانات دورية للطلبة زي اللي كانت في سنة أولى ( ممكن تكون من خلال نماذج جوجل؛ لأنها سهلة في التصحيح).
8. كل لما تكون مدة السنة الدراسية قصيرة يكون أفضل ؛ لأن ناس كتير للأسف معندهاش طول نفس. فلما تكون مادة علمية مركزة في فترة قصيرة يكون أفضل.
9. عند فتح باب التسجيل لدفعات قادمة لابد من عمل أختبار مسبق لإثبات الجدية عشان محدش يشترك إلا اللي عنده همة وصبر ومنكررش اللي حصل قبل كده يسجل 1000 وعند أول امتحان منلاقيش 100.
   
   
   هذه الأفكار كنت مجهزاها قبل اللقاء ، بعضها الشيخ عرضه بالفعل
   ولي عودة آخرى بعد إعادة سماع التسجيل مرة آخرى وترتيب الأفكار والمقترحات إن شاء الله
   نسأل الله السداد والتوفيق

[جويريه*]

وعليكم السلام ورحمة الله وبركاته
أحسن الله اليكم وجزاكم عنا خيرا
من تواضعكم انكم تسألونا عن رأينا ومنكم نتعلم
فى نقطتين بس

1- الاخوات الى مش هيعرفو يحضرو مباشر بسبب ظروف نت او اى سبب ممكن يشتركو فى المعهد؟؟ لانهم بيكونو حريصين على الحضور المباشر بس مش بيعرفو

2- اقترح يكون فى اخ واخت مشرفين مع د احمد طاهر على الواتس وفى الغرفه ويبقى فى جروبين على الواتس واحد للاخوه وعليه المشرف وجروب تانى للاخوات فيه اخت مشرفه
والاخبار المهمه عن المعهد تتنقل للجروبين لان هيبقى فى تفاعل واعتقد الفصل يبقى افضل
وفى الغرفه الاخت المشرفه تبقى مسؤوله عن الرد على الاخوات

[فخورة_بنقابى]

معنديش اى اقتراح بخصوص المواد الدراسية و لكن عندي اقتراحات بخصوص الجانب الاداري

تكوين فريق اداري للمعهد ينقسم تخصصات :
١- شئون الطلبة يقوم بتسجيل الطلبة الجدد و اى امر خاص بالطلبة
يسجل اسمائهم الحقيقية واسمائهم علي المنتدي لعدم حدوث اخطاء او يكون هناك شرط الاسم علي المنتدي يكون نفس الاسم الحقيقي للطلبة
٢-فريق متخصص في تسجيل الدروس ورفعها علي الموقع بشكل منظم وفهرسته علي المنتدي علي القسم الخاص بالمعهد و لو دكتور المادة يسجل من عنده يكون افضل لان انقاطاع النت او ضعفه بيتسبب فى ان التسجيل بعد كده بيكون صوته سئ
٣-فريق للتفريغ وممكن تكوينه من الطلبة نفسهم لكن يكون له ادارة جيدة
4- نظام الورش يكون فيه كل اسبوع قائدة للورشة غير الاسبوع اللى بعده بالتبادل بين الاخوات و يبقى فيه تقرير بده و درجات عملى مثلا لتشجيع الاخوات
( معظم الاخوات بيهربوا من تولى مهام الورشة و ده بيثقل على المشرفة الاساسية لان مهام الورشة بتبقى مسؤليتها طول العام )
5- متابعة الطلبة بحيث اللى حضر مباشر يكتب و اللى محضرش لظروف يستمع للتسجيل و يكتب تم ايضا و يكون على ده درجات تحسب مثلا كحضور و غياب و ده علشان الطلبة يبقوا متابعين المادة من اولها لتحقيق الاستفادة
الاغلب بيركن المواد و بيسمعها كلها قبل الامتحان باسبوع

[*أمة الرحيم*]

السلام عليكم ورحمة الله وبركاته

نظام الحضور في الدرس ياريت لا يكون فقط على الغرفة لأن دا تعسير لا داعي له لأن الغرفة مش بتفتح من الموبايل ومش كل الناس عندها لابتوب - أو يتم تعديل الغرفة بحيث انها تفتح من الموبايل
--------
في مادة الورش الدروس اللي بنسمعها كواجب كل أسبوع لو تكون مرتبطة بخط سير المعهد - يعني تكون دروس متواصلة مرتبطة ببعضها - زي سلسلة الأسماء الحسنى اللي مش كملناها
ولو يتم أيضًا إضافة قراءة كتاب - حتى لا نعتمد كليًا على سماع الدروس ونترك القراءة مع أهميتها
----------
لو يتم تفعيل قسم المعهد على المنتدى بدل من التشتت في الواتس والتليجرام والتسليمات والورش وكل حاجة تكون في مكان واحد

[روعة القران]

السلام عليكم ورحمة الله وبركاته

ياريت يكون فى كل اخر شهر اسبوع مخصص لمراجعة جميع المواد وعمل اختبار لكل مادة
وبالنسبة للورش اقترح ان تكون كل اخت مختصه بمهمه معينه فى الورشه مثلا اخت مسؤله عن الاوراد واخرى مسؤله عن سماع درس الورشه وهكذا تأيد لكلام الاخت فخورة
وبالنسبة للامور الاداريه
....تكون جميع الملفات والدورس كلها موجودة بقسم المعهد فقط ....وده لان كان بيقابلنا مشكلة فى دروس الدكتور حازم انها كانت لازم تترفع بقسم اخر غير قسم المعهد وده كان بيعطل الاخوات ...
وانا شايفه ان موضوع وجود الواتس والتلجرام والمنتدي مفيش منه اى مانع ...وكل اخت عليها ان تختار ما يناسبها
لان فى اخوات لازم تصل لهم الدروس واتس واخرى تلجرام وهكذا
وجزاكم الله خيرا ونرجو من الادارة اعطاء صلاحيات للمشرفات للغرفه اثناء الدرس المباشر

[( أمة الرحمن )]

السلام عليكم ورحمة الله وبركاته

جزاكم الله خيرا على جهودكم معنا واللهم أدم المعهد نعمة في حياتنا وبارك في مشايخنا جميعا وتقبل منهم ..

* بالنسبة للمواعيد أود الالتزام بها ليكون فيه جدية في الامر والتطويل يؤدي بعد ذلك إلى فتور النفس وعدم الاقبال ( أقصد بخصوص السنة الدراسية )

* أود أن يكون فيه اختبارات شهرية كما كانت .. كانت بتساعدنا على المذاكرة وياريت لو تكون اختبارات مقالية للتدريب على امتحانات نهاية العام

* ياريت لو فيه إمكانية لوجود سكاشن كما قبل للتفسير والدعوة .. كانت بتساعد اكتر على فهم المادة وسهولة استيعابها

* ياريت لو كل مدرس مادة يسجل من عنده وبعد انتهاء الدرس يرفع التسجيل الضمان جودة الصوت وايضا السرعة .

بارك الله فيكم ونفع بكم وتقبل منكم