صفحة التواصل العامة لمادة الحب والحياة مع د/ أحمد سعد

[د_احمد ابوسليمه]

السلام عليكم

ايه اخبار التحديات
في حد لسه منتظم علي حاجه منها؟

[* شمروا للجنة *]

السلام عليكم

ايه اخبار التحديات
في حد لسه منتظم علي حاجه منها؟

وعليكم السلام ورحمة الله وبركاته
الحمد لله عدا:
الوضوء الاسبوع اللي فات ضيعته ،، وان شاء الله ارجع انتظم ثاني
والصيام
مثلا تحدي التودد (حجات كتييير انا وامي قدرنا نصلحها قبل كده كنا مش قادرين،، وبفضل الله ومنته فرح اختي كان الفرصة
في لم شمل عيلتنا،، فيه مواقف كانت صعبة جداا وكان فيه خصام لكن في الاخر الحمد للله ربنا ييسر وتجاوزناها
والمفاتيح اللي اخذناها ليها دور) جزاكم الله خير

[د_احمد ابوسليمه]

ما شاء الله
اسعدكم الله بدينه

[((سلسبيل))]

بقدر المستطاع نحاول الاستمرار مع التقصير ايضا

[د_احمد ابوسليمه]

ما شاء الله
شدوا حيلكم

[إسراء عبدالتواب]

بالنسبة لتحدى حسن الاستقبال بفضل الله أقوم به مع الجميع سواء الصديقات أو الأخوات الحافظات في حلقة التحفيظ وكذلك الأطفال الصغار، فأسلم علي كل طفل باسمه وأرحب به عند دخوله، وهذا ما تعلمته من معلمتى، فأفعل كما تفعل هي معنا، ولم أرصد ردود فعل غريبة لأنهم اعتادوا منى على ذلك

بالنسبة لتحدى الاستئذان، الحمد لله أقوم به، فجددت نيتى فيه على أنه عبادة، وانتبهت عندما طلبت منى زوجة أخى أن أحضر لها شيء من غرفتها، أن أذهب للشيء مباشرة دون أن أطلق بصري في باقى أنحاء الغرفة

جزاكم الله عنا شيخنا كل خير، لو تكلمونا فضلا عن خلق الوفاء بالعهد

[* شمروا للجنة *]

** حسن الإستقبال:

كنت شفت فرحت اخوتي وامي بتستقبلهم لما يرجعوا من المدرسة،، حتى لما بقيت استقبلهم معاها بيبقوا فرحانين جدااا

[قدوتي أم المؤمنين خديجة]

أنا بفضل الله متعودة على موضوع الاستئذان ومعودة إخوتي عليه وده فعلا كان له تأثير لأني قبل ماتعود على موضوع الاستئذان ده هما كمان ماكانوش بيستئذنوا
بالنسبة للتحديات اللي فاتت .. قررت أنا وصديقات لي ان احنا نعمل دش بارتي كبيرة لبنات دفعتنا كلها كبديل لحفلة التخرج وكل المعاصي اللي بتحصل فيها و يحقق الفرحة والسعادة في رضا الله وهنبدأ في التحضير قريبا إن شاء الله
وكثير من صديقاتي بقوا بيحكوا لي مشاكلهم وبقيت بنفذ معاهم الactive listening وبقى عندهم ثقة فيا اكثر من الاول الحمدلله
جزاكم الله خيرا كثيرا وبارك فيكم

[آمــال الأقصى]

بالنسبة لموضوع الاستئذان
بحاول أعود عليه ولاد أخواتي من صغرهم والحمد لله مرة ف مرة بيستجيبوا.

موضوع حسن الاستقبال
بحرص فعلًا إني أنفذه، من باب إدخال السرور عليهم وده فرق طبعًا كتير جدًا على علاقتي بمن حولي.

جزاكم الله خيرًا.

[فخورة_بنقابى]

الحمد لله
حسن الاستقبال و الاستئذان بجتهد في التطبيق على اهل البيت زوجي و بناتي و طبعا الاثر طيب جدا
و باضافة حسن الاستماع ليهم كمان فعلا البيت بقى هادي اللهم بارك و مفيش توتر و عصبية و صراخ كتير و خصوصا الاطفال اهدى كتير فى التعامل
و استجابتهم لي و لوالدهم افضل و رفضهم للاوامر بيقل كتير بالاضافه كمان الى قدرتهم على استيعاب دروسهم سبحان الله بقت افضل و ايسر
بالفعل الاخلاق دي احيانا كتير بنتغافل عنها و بنحس انها بسيطه لكن فعلا تأثيرها كبير جدا على نفسياتنا

جزاكم الله خيرا

[المشتاقة للفردوس (ريهام)]

مشاركة أختي أم عبد الملك
بالنسبة لحسن الاستئذان الحمدلله طبقته مع بنتي لاني فعلا لقيت في الاداب رقي وبدأت اعمله عشان يرسخ في ذهنها تصرفي لان افضل للطفل التربية بالقدوة
ده بالنسبة قبل الدخول اي مكان، وحاليا بدأت ندرب انا وهي على الاستئذان قبل اخذ اي شيء

[المشتاقة للفردوس (ريهام)]

بالنسبة لخلق الاستئذان
بفضل الله ده تربيت عليه من صغري
ولكن في اشياء كنت بحسبها مفيش داعي للاستئذان فيها... زي أني اخد فلوس من شنطة والدتي من غير ما اقولها لأنها بتقولنا خدوا اللي انتو عايزينه
ومرة سمعت فتوى للشيخ مصطفى العدوي سؤال يشبه كده وقال ان دي سرقة
ومن وقتها بفضل الله مش بفتح شنطتها غير لما استأذن حتى لو شيء بسيط جدا
وكذلك مع أخواتي ، وأحيانا بيستغربوا من تكلفي ده معاهم

خلق حسن الاستقبال
بطبقه مع أولاد أخوتي ، ولازم استقبلهم بالفرح والاحضان من على السلم ومستناش لحد ما يدخلوا
وهم كمان اتعودوا يعملوا ده معانا

[روعة القران]

بالنسبه لخلق حسن الاستقبال دوما بفضل الله اقوم به
وبالنسبه لخلقك الاستئذان بصراحه بستأذن مع اى حد ما عدا بناتي كنت بدخل عليهم علطول من باب الاطمئنان
اني ادخل في اي وقت دون اذن ....لكن بعد سماع الدرس بدات استاذن ف بنت من بناتي بتقول ايه ده ماما بتستاذن انها تدخل ...قلتلها اعمل ايه المعهد يا حبيبتي قالتي الله احلي معهد ده ولا ايه
جزاكم الله عنا كل خير

[ياسمين مجدي عبد المحسن]

الحمد لله متعوده على الاستئذان وبحاول اركز في موضوع حسن الاستقبال الله المستعان واجمل حاجه هي ابتسامه رد الفعل للاخر ^^

[د_احمد ابوسليمه]

بالنسبة لتحدى حسن الاستقبال بفضل الله أقوم به مع الجميع سواء الصديقات أو الأخوات الحافظات في حلقة التحفيظ وكذلك الأطفال الصغار، فأسلم علي كل طفل باسمه وأرحب به عند دخوله، وهذا ما تعلمته من معلمتى، فأفعل كما تفعل هي معنا، ولم أرصد ردود فعل غريبة لأنهم اعتادوا منى على ذلك

بالنسبة لتحدى الاستئذان، الحمد لله أقوم به، فجددت نيتى فيه على أنه عبادة، وانتبهت عندما طلبت منى زوجة أخى أن أحضر لها شيء من غرفتها، أن أذهب للشيء مباشرة دون أن أطلق بصري في باقى أنحاء الغرفة

جزاكم الله عنا شيخنا كل خير، لو تكلمونا فضلا عن خلق الوفاء بالعهد

ماشاء نفع الله بك
ونتكلم عن الوفاء بالعهد قريبا