:::* بنك الأفكار مع المعهد القرآني الدعوي *:::

[آمــال الأقصى]

السلام عليكم ورحمة الله وبركاته


هنـــا يتم استقبال آرائكم ومقترحاتكم
في تطوير المعهد القرآني الدعوي من كل الجوانب ...

نريدكم شركاء معنا في تطوير المعهد
وننتظر مشاركاتكم المثمرة طلبة وطالبات أولى وتانية معهد بإذن الله ...

[ريحانة المصطفى1]

رد: :::* بنك الأفكار مع المعهد القرآني الدعوي *:::

عايزين اهتمام اكتر بالورش من ناحية تفقد المشكلات اللي بتقابلنا ويبقى في آليه محدد للرد علينا لاننا مش عارفين حتى نسال مين
وعمل شبكة بين الورش وبعضها يبقى فيه تزاور وتبادل خبرات
الابحاث لو تقسم على الورش لان نسبة التواصل بين الاخوات فيها اكتر من التوزيع العشوائي لان في اخوات بتبقى غايبة كتير او مش بتحضر
عايزين نعرف مدة السنة الدراسية وعدد السنين لانه اول سؤال بنتسال عنه من اللي بندلهم على المعهد
وموضوع في المنتدى يكون فيه اسم المواد والمحاضرين والمواعيد الجديده لنفس الغرض برده

[يسرا. أحمد]

رد: :::* بنك الأفكار مع المعهد القرآني الدعوي *:::

عاوزين الإهتمام بالورش وكمان يبقى الدرس مش طويل أوووي يبقى بين وبين لان الكمية بتبقى كبيرة أووي وبرضوا يكون في جدول لإمتحانات بحيث نعرف تإمتى إمتحان ولحد إمتحان برضوا وكم مدة السنة وبرضوا إن يبقى في واجبات عملية تتعمل في الواقع مثلا في دعوة وتبقى عليها نقط

[قدوتي أم المؤمنين خديجة]

رد: :::* بنك الأفكار مع المعهد القرآني الدعوي *:::

عايزين نكون عندنا فكرة اكبر عن المعهد بكل نواحيه لان احنا كل اللي نعرفه مواعيد الدروس والمواد اللي علينا بس لا نعرف المعهد كام سنة ولا مدة الدراسة قد ايه ولا كمان مواعيد الامتحانات متحدة عشان نعرف هتناسب ظروف دراستنا ولا لا
ممكن نزود مادة مثلا مع تقليل كمية المواد التانية يعني الدروس تكون اقل في الوقت عشان نحس ان احنا مش مضغوطين في المادة الواحدة ونقدر نلمها في الاخر يعني نعوض زيادة المناهج بزيادة مادة صغيرة خصوصا للناس اللي متقدرش تحضر دايما لان تقريبا دفعتنا دفعة اولى اغلبها لسه بيدرسوا ووقتهم مش بايديهم
ممكن اي بحث او حاجة الدكتور نفسه يفهمنا تفاصيله لان غالبا بتوع تانية مش بيكونوا فاضيين ربنا يعينهم وكمان لما الدكتور هو اللي يفهمنا هنستوعب اكتر ويكون فيه تقسيم واضح للنشاطات دي من البداية عشان نعمل حسابنا
كمان حاجة عايزين نفهم نظام الورش ونبقى متقسمين بنظام فيها برضه لاني انا مثلا مش عارفة الورش دي ايه ولا انا هدخل فيها ليه ولما بسال مش بفهم المطلوب بالضبط برضه فالمفروض الدكاترة هما اللي يفهمونا الحاجات دي
وجزاكم الله خيرا

[فخورة_بنقابى]

رد: :::* بنك الأفكار مع المعهد القرآني الدعوي *:::

جزاكم الله خيرا على مجهودكم معانا المعهد رائع ما شاء الله واستفدت كتير وفعلا غيرنى كتير .
ينقصنا فقط بعض التنظيم والمزيد من الاشراف
لان بصراحه كل العمل على عاتق اختنا امال جزاها الله خيرا وبارك الله فى اوقاتها . بصراحه كتير مننا فى سنة اولى تايهين خالص
*محتاجين مواعيد ثابتة للمحاضرات لان اكثر من مرة تغيير المواعيد فى اخر لحظات تحدث اخطاء ولا نتمكن من حضور الدرس فى ميعاده وبيروح علينا
*محتاجين اعادة للدروس مسجله فى اوقات اخرى علشان اللى مقدرش يحضر فى معاد المباشر ويبقى فيه تسجيل للحضور لمزيد من الجدية
واللى ميقدرش يحضر الدرس فى معاده يحضر الاعاده
* محتاجين ترتيب لموضوع الورش وتقسيم الاخوات لمجاميع وتحديد غرف للتواصل بينهم و تكليفهم بمهام عمليه (الاخوات متعرفش بعضها بنعرف بعض بالصدفة ) المجموعات التقوية المقامة حاليا ليست مفيدة لعدم تواصل المشرفات من ناحية وعدم تجاوب الاخوات من ناحية اخرى ، اعتقد لازم يبقى فيه مهام جماعية بصفة مستمرة لتواصل الاخوات مع بعضها ويبقى فيه روح للتعاون وروح الفريق


*محتاجين سرعة توفير التسجيلات والتفريغات الخاصة بالمحاضرات لانها احيانا بتتاخر جدا ويا ريت يكون فيه اكثر من مسؤل عن تسجيل الدروس علشان فى مرة حدث خطأ ولم يتواجد احد المشرفين للتسجيل وفاتنا كتير من محاضرة فى سورة عبس لولا ان اخت لينا كانت سجلت المحاضرة مكنش هيبقى ليها اى مرجع اخر

[*جنتي في صدري*]

رد: :::* بنك الأفكار مع المعهد القرآني الدعوي *:::

الصراحة كنت فرحانة وحضرتك بتقول ان الامتحانات هتكون بعد العيد لان المشكلة في كل المعاهد والاكاديميات الاسلامية مقيدة بمنهج ووقت ومش بيفرق عندهم مدي الاسيعاب

واحنا المفروض دخلين المعاهد دي مش اجباري احنا دخلنها بإرادتنا عشان نستفيد ونقدر نوصل اللي بندرسه

اللي انا عايزه اوصله مش مهم اخدنا كم اد ايه المهم اخدنا ايه واستفادنا من ايه وطبقناه ازاي ووصلناه لغيرنا ازاي
___________________

دكتور حازم كان قالنا قبل كده ان هيعملنا ورش ويكون المشرفة عليها زوجته بحيث كل حاجة عايزن نوصله لحضرته ومش قادرين نقولها مباشر نقدر نوصلها لزوجته فياريت يعيد النظر في الموضوع ده

____________________

وممكن لو امكن يكون للأخوات لقاء علي أرض الواقع في المنصورة مثلا بيحيث نتعرف اكتر مع بعض ويكون يوم ايماني علي أرض الواقع اكيد هيفرق كتير معانا

[روعة القران]

رد: :::* بنك الأفكار مع المعهد القرآني الدعوي *:::

تكون في قائمه لجميع اسماء الطالبات لاني دائما
احتاج امنشن لاخوات مش بيحضروا

[*جنتي في صدري*]

رد: :::* بنك الأفكار مع المعهد القرآني الدعوي *:::

وايضا نريد كتب او ملزمة تكون بشرح واسلوب دكتور حازم نرجع اليها بالاضافة الا التفريات وسماع الدروس كمرجع لينا تكون بين ايدينا

[بسمة إيمان]

رد: :::* بنك الأفكار مع المعهد القرآني الدعوي *:::

السلام عليكم ورحمة الله وبركاته
الحمد لله على نعمه هذا المعهد
انا كنت اتمنى انه ادرس فى معهد لاعداد الدعاة وبـ فضل الله
وجدت هذا المعهد امامى
ولكن نريد دروات او جولات على ارض الواقع حتى نتمكن من اسلوب الدعوة اكثر
ولكى نستطيع تغيير من حولنا واقناعهم بـ اسلوب راقى و مقنع مثل اسلوب الدكتور حازم شومان
وانا بـ ضم صوتى لـ كل اراء الاخوات بـ هذا الموضوع

[إسراء عبدالتواب]

رد: :::* بنك الأفكار مع المعهد القرآني الدعوي *:::

جزاكم الله خيرا على ما تقدموه لنا واسأل الله أن يتقبل منكم
المعهد القرآنى الدعوى مشروع عظيم لكنه يحتاج لمزيد من الاهتمام ، ياريت يوجد مسئول متخصص مسئوليته المعهد فقط
كان نفسى يكون فى اهتمام اكتر بالجولات الدعوية اللى بتكون على النت ، لما شاركت فى جولة كنترول فليكس كنت فى منتهى السعادة وكنت حاسة انها بداية شغلى بالدعوة وكنت فرحانة ان ربنا استعملنى فى باب الدعوة
بردو ياريت يكون فى اهتمام بالدعوة على أرض الواقع ونتعلم ازاى نكسر حاجز الخجل ويكون فى متابعة لينا ولا يكتفى بمجرد الارشادات
أشعر إن الجزء القرآنى فى المعهد غلب على الجزء الدعوى
نريد ورش إيمانية صحبة إيمانية ومربية تأخذ بأيدينا للطريق الصحيح عشان فى حاجات كتير تايهين فيها

فى أول سكشن للدعوة د/ محمد جودة كلفنا بواجب عملى ، قام بشرح حديث وكلفنا بنشره بين الناس وعلمنا ازاى ننشره بأسلوب دعوى جميل ياريت ده يحصل فى أخر كل درس فى كل المواد

ياريت إذا حدث ظروف لأحد المحاضرين بدلا من إلغاء المحاضرة يقوم بتسجيلها وعرضها فى وقتها المحدد أو يكون فى شيخ بديل يعطى المحاضرة مكانه حتى نكون أكثر نظاما

جزاكم الله عنا كل خير ، عذرا للإطالة

[مريم أمة الودود]

رد: :::* بنك الأفكار مع المعهد القرآني الدعوي *:::

جزاكم الله خيرا على المعهد هو جميل جدا واستفدنا منه جدا واكثر شيء استفدناه هو معرفتنا كيف نتدبر القرآن والفضل لله أولا ولدكتور/ محمد عبدالرحمن ودكتور/ محمد جوده
لكن غير منظم مقارنة بباقى المعاهد اللي على النت مواعيد المعهد مش ثابتة وبتتغير في اخر لحظة وده بيضيع علينا حضور السكاشن بنعرف ان كان في سكشن بعد ما يكون خلص
المفروض يبقى في حد يسجل اسماء الناس اللي حضرت ميبقاش الاعتماد على ان الطالبات تدخل على رابط وتقول انها حضرت
الحاجة التانية ودي الاهم (الورش والجوالات) د حازم في الليالي القرانية تقريبا كل مرة بيختم اللقاء اننا لازم ننتظم في الورش والجولات واحنا معندناش جولات الجولة الوحيدة اللي اطلبت مننا (كنترول فليكس) ومحدش قيمنا بعدها وبالنسبة للورش فيها غير مفعلة بالمرة احنا عارفين أن مشرفاتنا سنة تانية مشغولين ومضغوطين الله يكون في عونهم خصوصا الاخت امال الأقصى ربنا يؤجرها لكن في المقابل احنا كل علاقتنا بالمعهد اننا بنحضر سكشن الدعوة وسكشن التفسير وسورة العنكبوت واحيانا مش بنلحق نحضر السكاشن نظرا لتغيير المواعيد - في تفاعل في السكاشن لكن مش بنقدر نعمل دعوة على ارض الواقع بتبقى مجرد ارشادات لكن محدش بيتابع معانا
واهم حاجة هي المتابعة الايمانية في بداية سورة العنكبوت د حازم قال اننا لازم نصلي بيها قيام وكده في الأول كنت متحمسه جدا وحسيت ان دي بداية عشان اواظب على القيام واضايق لو معملتش كده لكن بمرور الوقت حصل فتور لدرجة انه بيوصل للتقصير والخلل في الفرائض وبنرجع تاني بعد الفتور وهكذا المهم ان لازم تبقى في حاجات اساسية في العبادات حد يتابعنا فيها لأننا مش هنقدر ندعو غيرنا غير لما نبنى نفسنا
جزاكم الله خيرا

[أم مصعب 94]

رد: :::* بنك الأفكار مع المعهد القرآني الدعوي *:::

السلام عليكم
انا اقتراحى بخصوص ميزه كبيرة أوى فى المعهد بتكون سبب ان ناس تتشجع لدخوله وهى فكرة ان حد يتابعنا من السنه اللى سبقتنا
بس وجهة نظرى ان النظام محتاج تفعيل اكتر واقتراحى للناس اللى بتشتكى من غياب المسئوله ان يبقى لكل مسئوله يوم ثابت وميعاد ثابت واللى يدخل المجموعه يبقى عارفه ويلتزم بيه وفى حالة أى ظروف للمسئوله تبلغ ادارة المعهد واعضاء فريقها يختاروا ميعاد يعوضوا فيه المراجعه عشان ميبقاش فى تفاوت بين الناس كبير
وفى اقتراح بخصوص نشر اخبار المعهد على الفيس ووسائل التواصل الاجتماعى هتفرق كتيير جدا وعدد كبير جدا ان شاء الله هيدخل المعهد ف ممكن يبقى فى فريق اعلامى خاصه فى الاماكن اللى الناس بقت عليها 24 ساعه تقريبا وتوصلهم الاخبار أول بأول

[عزتى باسلامى]

رد: :::* بنك الأفكار مع المعهد القرآني الدعوي *:::

معاد ثابت لافتحلى قلبك و اقترح تسجيل الشيخ للدروس بحيث ان كل دفعة تدرس نفس اللى درسته الدفع السابقة وايضا اذا تغيب الشيخ يكون هناك تسجيل واللقاءات المباشرة تكون فى التدبرات والسكاشن وافتحلى قلبك اما دروس الدعوة والتفسير فتكون لقاءات مسجلة.

[noor alkoran]

رد: :::* بنك الأفكار مع المعهد القرآني الدعوي *:::

الله .بارك الله فيكن ونفع بكن ممكن لو سمحتوا تفيدونى انا عايزة اشترك فى المعهدبيكون امتا او ازاى ؟ هل متاح للجميع

[آمــال الأقصى]

رد: :::* بنك الأفكار مع المعهد القرآني الدعوي *:::

الله .بارك الله فيكن ونفع بكن ممكن لو سمحتوا تفيدونى انا عايزة اشترك فى المعهدبيكون امتا او ازاى ؟ هل متاح للجميع

وفيك بارك الله.
بإذن الله قريبا نعلمكم إن كان فيه دفعة جديدة ام لا.

أرسلت من sm-g530h بإستخدام تاباتلك