[هام] :❤ المعهـــ غيَّرني ــــد ❤: متجدد بإذن الله

[آمــال الأقصى]

....المعهـــد غـيـــرني .....

:::حيــا الله الأخوة والأخوات :::
ومضت السنة الثانية والثالثة سريعًا لأخوات المعهد القرآني الدعوي دفعة سنة تانية
مرت بكل ما فيها من معاني دعوية عالية وتفسير للآيات بطريقة باهرة
مرت بصحبة خير، كانوا دومًا عونًا لبعض على الطاعات، حتى ف فترة الامتحانات ظلوا يدًا واحدة
فجزاهم الله خير الجزاء

وانضم لنا أخوات جُدد، وساروا على الدرب خطىً
وعلى نفس النهجِ صاروا أصحاب هِمَم
صُحبة خير، ف الشدة متعاونين.
وكما سرنا ساروا، وكما سلكنا سلكوا
سلكوا طريق العِلم وجدوا
وأخذوا بأيدي بعضهم البعض ولم يتخلوا

فجزى الله #المعهد_القرآني_الدعوي خير الجزاء ... أن عرفنا وقرب لنا صُحبة هؤلاء الأخيار
نحسبهم على خير ولا نُزكي على الله أحدًا

وجزى الله شيخنا ... د/ حازم شومان عنَّا خير الجزاء
وجزى الله المحاضرين معه خير الجزاء
الشيخ/ أحمد طاهر
د/ محمد عبدالرحمن
د/ محمد جودة
د/ أحمد سعد
م. سعد
الداعية/ أبو حفص
الشيخ/ علي زيادة
الشيخ/ عادل شوشة
د/ محمد ثروت
د/ أحمد شنهاب
وكل من له مشاركة في هذا المعهد
جزاهم الله عنَّا جميعًا خير الجزاء
وجزى الله إدارة المعهد د/ أبو يحيى خيرًا
وجزى إدارتنا الكريمة إدارة موقع الطريق إلى الله خير الجزاء

بفضل الله تعالى أنهينا كَم لا بأس به من المحاضرات في التفسير القرآني والدعوة والميدانية
وكفاية سورة العنكبوت، قد إيه أبهرتنا كلنا، لمعانيها الواقعية، وفتنها الكثيرة التي عانينا منها
ثم تأتي لك بالحل الشافي الوافي للخلاص من أي فتنة وشبهة
معاني جمييييلة جدًا لن ينساها أحد سواء على مستوى منهج الدعوة أو منهج التفسير

وبعد هذه المقدمة الحتمية الضرورية ... كل مشترك ف المعهد يكتبلنا ويقولنا :
المعهد غيرك ولا لأ؟
بمعنى ::
*لقيت الصحبة اللي كنت بتدور عليها؟
*بقى ليك منهج بجد في حياتك محدد وواضح ليك؟
*فعلا بدأت تحس إن الآية دي تقصدك إنت وإنها رسالة من ربنا لييك؟
*بدأت تدبــر بالآيااات ، وتحاول تفهم مقصود الآية إيه؟
*بدأت فعلا تحس إن ليك قيمة ودور مهم جداً في الحياة ، وهو حمل هَم الدين وتبليغه ؟
* اتكون عندك هدف ورسالة ورؤية واضحة؟
*قررت فعلاااا تتغيـــر وتغير في اللي حواليــــك؟
*ماذا أضاف لك المعهد، وما الذي أضفته أنت للمعهد؟
من الآخـــر، عرفنا إيه أهميـــة المعهد في حياتك، وهل له أثر فعلي واضح عليك أم لا؟

في إنتظــار مشاركاتكم المثمرة بإذن الله
جزاكم الله خيـــراً.
:e7m1om:

[روعة القران]

رد: المعهد غيرني ،،،،،،، !

السلام عليكم ورحمة الله وبركاتة
الحمد لله الذي بنعمتة تتم الصالحات
المعهد هو اجمل حاجة فحياتي الان وفعلا غيرني كتير جدا
لدرجة اني كل كلامي مع اصدقائي واقاربي عن المعهد
عن التفسير والسكاشن والدعوة فهو فعلا كان له دور عظيم بفضل الله في تعلمنا الدعوة الي الله
وادعو الله عز وجل ان يكون هذا المعهد في ميزان حسنات كل القائمين علية
وجزا الله الاخت التي رشدتني الية خير الجزاء
واوجهة لكي دعوة من القلب ان يبارك في وقتك ويسكب علي قلبك
الايمان والصبر وكل ما هو يقربك الي الله

[المشتاقة للفردوس (ريهام)]

رد: المعهد غيرني ،،،،،،، !

وعليكم السلام ورحمة الله وبركاته
بفضل الله وجدت الصحبة في غرفة الهداية وكانت أحلى صحبة في المعهد الدعوي أيضا
من بعد المعهد بل ومن بعد دورة بصائر بالأخص تعاملنا مع الآيات بدأ يتغير بالفعل ولا سيما مع آيات الجزء الثلاثين
بدأت أحس إن الالتزام مش إني أعبد ربنا وأغير نفسي بس
ولكن لازم أحمل هم كل آية وكل حديث وكل كلمة أثرت في وأحاول أبلغها وأغير بها غيري
لازم أحمل هم كل حد عايز ربنا ومش عارف يوصل ، لازم احمل هم تبليغ الإسلام للمسلمين وغير المسلمين
أصبح عندي هدف واضح جدا إني لازم أكون داعية بحق
لا شك المعهد أضاف لي الكثير ولكن أكيد أنا لم أضف إليه شئ

[ommazen_1]

رد: المعهد غيرني ،،،،،،، !

السلام عليكم ورحمة الله وبركاته
بصراحة المعهد ده كان نعمة علي من ربنا بجد كنت محتاجاله قوى في وقت كنت خلاص بتوه فيه الا انى لما سمعت المحاضرات والمناقشات في المعهد وبالرغم انى لسة مش مع صحبة المعهد قوى الا انى حاسة انهم بيتى الذي طالما حلمت به جنة الدنيا يذكرونى بالله ويحثونى على طاعة الله ما أجملها من بيئة اللهم دمها علينا نعمة

[*جنتي في صدري*]

رد: المعهد غيرني ،،،،،،، !

وعليكم السلام ورحمة الله وبركاتة اولا احمد الله حمدا كثيرا علي هذه النعمة التي انعم بها علينا جميعا ...... واشعر بتأنيب الضمير اني لم انتظم في المعهد مع اني كنت اعلم عنه من اول انشاؤه وحضرت اولي دروسه ..ولكن هذا قدر الله لانه فعلا غير فيّ الكثير .... والله اسأل ان يجعله الله في موازين حسنات الشيخ حازم وفي موازين القائمين علي الموقع ولله الحمد ففيه الصحبة الصالحة التي تعيننا بفضل الله فكم بحثت عن تفسير للقران بمعني يسهل فهمه ويصل الي القلب والعقل في اسرع وقت وهذا بفضل الله نجده فيه وهذا ما نحتاجه في هذه الايام فكم بعدنا عن التدبر وفهم القران ....وان شاء الله نسعي الي تطبيق فكرة المعهد ولو بالتفسير في المسجد نسألكم الدعاء بالثبات والتيسير وجزاكم الله عنّا خير الجزاء في الدارين

[mona ragab]

رد: المعهد غيرني ،،،،،،، !

بماانى فعلا مشغولة علشان والدتى مريضة ومع ذلك لازم ادخل واسمع واشوف اللمة الحلوة والاجتماع الربانى
ربنا يجمعنا تحت ظل عرشه يوم لاظل الا ظله

[go2allah]

رد: المعهد غيرني ،،،،،،، !

من أكثر الأشياء التي استفدت بها في المعهد الصحبة الصالحة صحبة لله وفقط
لان سبب تعرفنا كان الدين ورغم إننا لم نلتقي إلا أن القلوب مجتمعة وبإذن الله نلتقي بالجنة


إيضا اختيار جزء عم وتدبره ، لأنه هذا بالجزء بالذات حفظناه في الطفولة ولا نتخيل أن نصل لهذه المعاني
المليئة به .

[عزتى باسلامى]

رد: المعهد غيرني ،،،،،،، !

دراسة تفسير الجزء الثلاثين و آيات الجنة والنار اختيار موفق لانه يربطنا بالقرآن والدار الآخرة .

[د/ حسناء]

رد: المعهد غيرني ،،،،،،، !

السلام عليكم ورحمة الله وبركاته

المعهد بالنسبة ليا حاجة كبيرة اوى اتعلمت حاجات كنت اول مرة اعرفها كان دايما بنقرا الجزء الثلاثين الا انى حسيت انى بمر بالايات مرور الكرام ... عمرى ما توقعت ان الايات شايلة كل المعانى دى كلها ... ببقى حاسة بالفرحة ... حاسة بالعجز والكسوف والخجل من نفسى .. هو انا فين من ده ... هو انا ليه مش ليا نصيب فى الدعوة وطلب العلم ... لازم ابدا واحط بصمتى .. لازم ادخل فى المنافسة ومفيش حد يسبقنى للجنة
********
ده بالنسبة للمنهج وازاى أثر فيا
**********
*******
بالنسبة بقى للصحبة
الصحبة فى المعهد ليها معنى تانى كلنا من محافظات مختلفة ومن بلاد عربية مختلفة
هدفنا ازاى نكون ايد واحدة .. نعين بعض مش علشان بينا مصلحة او اى حاجة الهدف بس اننا عاوزين رضا ربنا عاوزين حب ربنا عاوزين جنة عاوزين ظل العرش فى يوم لا ظل له ده هدفنا عاوزين نبقى ماسكين فى ايد بعض فى عصر الفتن
عاوزين نمسك ايدينا فى ايد بعض واحنا داخلين الجنة
ده هدفنا
وفعلا والله صدقا
ان هما اللى بيقفوا جنبى لما يشتد الامر عليهم بالرغم انى لغاية دلوقتى مش عارفة هما بيعرفو ازاى انى فى ازمة الا انى بلقيهم بيكلمونى وبيدعولى بتيسير الامور وده فى حد ذاته شعور ممكن الكل مش يكون جربه الا من كان له صحبة صالحة وبس لدرجة انك ممكن تبكى من دعواتهم واهتمامهم بيا
***********
المعهد بالنسبة ليا
نعمة كبيرة بدعى ربى انه يديم عليا النعمة وانه يجعلنى اصون تلك النعمة
والمعهد بقى حتة منى
بكل اركانه
بقى معظم حديثى عن المعهد والصحبة الصالحة الموجودة بيه
***********
يارب اكون من ضمن الناس اللى اتحط بصمتهم فى المعهد
وبصراحة اتوقع للمعهد مستقبل عظيم باذن الله
بس هو محتاج شوية نشاط من الاخوات لذلك
********
اسفة على الاطالة

[ام يوسف2]

رد: المعهد غيرني ،،،،،،، !

السلام عليكم ورحمة الله وبركاته
الحمد لله فى الاول كنت حاسه ان دماغى مش مستوعبه كل اللى بيتشرح فى المعهد ومستتقلاه

وحضرت منضبطه الى نهاية سورة النبأ ولكن توقفت عن الحضور لفتره طويله

لغاية ما فى يوم كنت واقفه وابنى واقف جنبى بالليل وسألنى عن النجوم وعن السما
لقيت نفسى بقرأ عليه سورة النبأ وبشرحها له زى ما قالها الدكتور حازم
والولد كان مبسوط كأنى بحكيله قصه
ساعتها بس حسيت بالندم الشديد على اللى فاتنى وحسيت ان المعهد غير فى حاجات كتير
وقررت أرجع تانى وكمان الصحبه اللى فيه كلهم بيحبوا بعض من غير ما يعرفوا بعض هو دا الحب فى الله
الخالى من المصالح والمفاسد ربنا يرزقنا الثبات فى الامر ويظلنا تحت ظل عرشه يوم لا ظل إلا ظله
وجزى الله الدكتور حازم عنا خير الجزاء

[بنت الاقصي شرفي نقابي]

رد: المعهد غيرني ،،،،،،، !

المشاركات السابقة ابكتنى بارك الله فيكم المعهد ماشاء الله انطلاقة حماسة من يوم مابدا ودوت فى ارجاء القلب صيحات سورة النبا ودعوتها العظيمة لشىء عظيم وانه يجب ان تهتز القلوب بالنبا العظيم ثم يطغى على الجوارح وعلى اللسان فيبلغ ماعلمه من امر هذا النبا العظيم حيث تدك الارض والجبال وحيث جهنم المرصاد والجنة المفاز امر جلل المعهد غيرنى بسورة عبس سورة تحرج السالك طريق الدعوة تربيه وتعينه ان يربى غيره المعهد غير اسلوبى فى عرض سورة النبا وجارى عرض سورتى النازعات وعبس بطريقة عرض الشيخ وتدبراته المعهد ربنا يبارك في اهله اجمعين ويجعله مدخرا لهم ليوم الدين يلقون به ربهم صالحا خالصا لاتشوبه الشوائب ولا المهلكات والمحبطات- يلقون به ربهم رب الا قد بلغنا الا فاشهد الا يارب هل قبلت ؟معنى غالى تشعر بانك جندى وسط الجنود وعلى فوهة المدفع تطلق مايمليه عليك حتى اذا ماقابلنا ربنا نقول فييييييييييييك يارب وليس لاحد غيرك فاللهم صحح نياتنا واصلح فساد قلوبنا واجعل عملنا كله صالحا ولوجهك خالصا ولا تجعل فيه لاحد غيرك شيئا احساس ان الله يمهد لك ويعينك ويسيرك هو الذى يسيركم سبحان الله يسيرك " بكلمات المعهد "الى الناس و"بتوجيهات المشايخ "الى الناس

[الطائعه لله]

رد: المعهد غيرني ،،،،،،، !

السلام عليكم ورحمة الله وبركاته

اللى اثر فيا غير الصحبه طبعا ...

تدبر القران بفهم .. ويكفينا ان يكون القران لنا اسلوب حياة

[ام يوسف صبرى]

رد: المعهد غيرني ،،،،،،، !

انا اقول شوفو المعهد فى الاول كنت حاملة الهم انتظم ازاى والعياال والبيت لكن والله كله بتوفيق الله الحمد لله حسيت انى باسمع القران وافهم معااانيه لاول مرة وكانى ادخل الاسلام حديثا والله حقا وبالذات معانى الجنه والنار ال كنا مش عرفينها بجد اختلاف كبير ومعانى الايات اصبح لها طعم تانى الله عليها

[حجابي نجاتي]

رد: المعهد غيرني ،،،،،،، !

بصراحة المعهد غيرني جدا

فهمت تفسير جزء عم وحسيت فعلا انه احنا كنا بنقرا جزء عم اللي هو اكتر جزء حافظينه واحنا مش فاهمين معناه

لما درسنا في العظيمتان حبيت اوي الجنة وخفت جدا من النار ربنا يرزقنا واياكم الجنة وما قرب اليها من قول وعمل وربنا يبعدنا عن النار وما قرب اليها من قول او فعل

بالنسبة للصحبة الصالحة فا حبيتهم اوي وحبيت اوي شعور الاخوة في الله اللي احنا فيه حسيت فعلا ان احنا كالجسد الواحد الذي اذا اشتكي منه عضو تداعي له سائر الجسد بالسهر والحمي وجدت الشعور ده فعلا مع الاخوات في المعهد ان احنا دايما متجمعين دايما في الخير والطاعه

اللهم كما جمعتنا في الدنيا فاجمعنا تحت ظل عرشك يا رب يوم لا ظل الا ظلك

[وعجلت اليك ربى لترضى وحدك]

رد: المعهد غيرني ،،،،،،، !

السلام عليكم ورحمه الله وبركاته
رغم انى لسه مبتدئه معكم فى المعهد ولم احضر سورة النبا والنازعات ولكن سبحان الله وجزاكم الله عنا خيرا
فعلا وجدناكم نعم الصحبه وتعم الاخلاق ونعم الاهتمام بنا والحرص علينا
تعلمت بفضل الله منكم الكثير وكنتم سببا جميلا لتحفيزى اكتر وعدم الاستهانه والهوان "وفى ذلك فليتنافس المتنافسون "
فجزاكم الله عنا وعن الاسلام خيرا الجزااااااء
وبالاخص أختنا آمال وحسناء باارك الله فيكم
وفى باقى الاعضاااااااء الافاضل
جزاكم الله عنــا خيراً