:❤ المعهـــ غيَّرني ــــد ❤: متجدد بإذن الله

[ام براء مصطفى]

رد: المعهد غيرني _ مشاركات طلاب الدفعة الأولى والثانية

السلام عليكم ورحمه الله وبركاته
فعلا المعهد غيرنى للاحسن بفضل الله كنت متخوفه من الدعوة الى الله وكنت دايما بقول لنفسى انى مش قد الدعوة الى الله ومعنديش علم كنت باطلب من الله سبحانه وتعالى ان ييسى لى العلم عنه لانى دخلت فى حاجات كتير بس مكنتش لاقيه نتيجه وبفضل الله دخلت المعهد وبفضل الله انطلقت فى الدعوة الى حد ما اعلم الاخوات على النت لانى عندى اطفال ونزول من البيت والغياب لفتىرات صعب فمكنتش متخيله انى اقدر اعلم واتعلم من البيت فلله الفضل والمنه وجزى الله كل القائمين على امر المعهد وعلى راسهم شيخنا الفاضل خير الجزاء واجمل حاجه كمان الصحبه اللى رزقت بيها ربنا يجمعنا دائما على طاعته
والشيج كلامه كثير عن الدعوة واثارها على الداعى لله دنيا واخرة اثر فى جدا وبفضل الله انطلقت فلكم منا جميعا جزيل الشكر

[سمر أسامة]

رد: المعهد غيرني _ مشاركات طلاب الدفعة الأولى والثانية

السلام عليكم ورحمه الله وبركاته
جزاكم الله عنا خيرا
صدقا المعهد غيرني
عيشت بقلبي مع القرآن حسيت لاول مره ان القرآن بيلمس قلبي كان من زمان نفسي اعيش مع ايه سوره العنكبووت فرقت معاايا كتير اووي
الصحبه بجد انا شفت اخوات لم اجد مثلهم تعاون وحب وخوف علي بعض المشاركه بينا ف المراجعه والمذاكره بكون سعيده جدا وانا معهم وبتعامل معهم واسال الله الا يحرمني منهم ومن صحبتهم
المعهد جه ف وقت كنت محتاجاه جدا بديت ولله الحمد الدعوه ومكنتش عارفه ازاي ابداف رزقني الله المعهد الحمد لله وبديت والله ياشيخ مع اخواتي ف المسجد دوره ف تفسير العنكبوت وصورت لهم التلخيصات الي كنت بذاكر منها وهيكون عليها امتحان بعد الانتهاء منها قريبا باذن الله
مهما تحدث فانا لن اوفيكم حقكم
بجد شكرا للشيخ حازم وشكرا لكل المشايخ والدعاه الي معه في للمعهد شكرا لمجهودكم وحرصكم علينا ومساعدتكم لنا والله جزاكم الله خيرا ربنا يرزقكم الجنه وصحبه النبي صل الله عليه وسلم

[قدوتي أم المؤمنين خديجة]

رد: المعهد غيرني _ مشاركات طلاب الدفعة الأولى والثانية

فكرة المعهد من البداية فكرة رااااائعة بفضل الله ومختلفة شدتني جدا وحبيت المعهد من قبل مادخله
قصرت كتير في الحضور والامتحانات بس اول مرة في حياتي اتعلم ان الامتحان مش مهم قصاد الاستفادة اللي هحصلها
مع كل التقصير بتاعي بس استفدت استفادة عظيمة
الجزء الثلاثين علمني حاجات كتير واهمها التدبر في الكون اللي فرق معايا جدا
اتعلمت ازاي اتعامل مع حد غير مسلم
سورة العنكبوت السورة العظيمة واللي تعتبر اكتر حاجة فادتني في المعهد
تقريبا كنت عميا ولما درستها فتحت على حاجات كتير كانت مهمة وانا مش عاملالها اعتبار
عرفت اد ايه احنا مقصرين في حق القرآن وعرفت ازاي الصحابة بقوا كدا وان احنا كل مشكلتنا هي فهم القرآن
سورة العنكبوت كانت طوق نجاة بالنسبالي بجد احساسي وانا بذاكرها حاجة تفوق الوصف
كتاب العظيمتان
مع كل كلمة بسمعها وبقرأها كنت بعيش معاها اتعلمت انه يستحيل يكون فيه تربية من غير ما نذكر الجنة والنار
نصائح د/حازم و شرح د/محمد عبدالرحمن ود/محمد جودة وتحفيز م/سعد رغم تقصيرنا معاه في الحضور والمراجعة كل ده فرق في حياتي جدا
الصحبة الصالحة كل اخوات المعهد وعلى رأسهم اللي كانوا معايا في الورشة واللي اشتغلت معاهم ابحاث بجد نعم الصحبة وكفاية ان احنا كنا بنتكلم عن ربنا وكل كلامنا وعلاقتنا لله وبس
الجولات والمشاركة فيها كمان فرقت معايا اتعلمت منها كتير واكتشفت حاجات جوايا مكنتش هتطلع لو مشتركتش في الجولات
ملف الانجاز مع انه حاجة بسيطة لكن له دور عظيم في كشف الواحد قدام نفسه عشان يعرف يمشي حياته صح بعد كدا
المعهد ده اكبر نعمة ربنا من عليا بيها رغم تقصيري الكبير الا اني حصلت استفادة اكتر من اللي تخيلتها وواثقة ومتأكدة اني هحصل اكتر طول مانا موجودة فيه
جزى الله مشايخنا خير الجزاء على تعبهم ونتمنى يسامحونا على اي تقصير ربنا ينفع بكم ويجعلنا عند حسن ظنكم
وجزى الله موقع الطريق الى الله وكل العاملين فيه خير الجزاء والاخوات اللي ساعدونا وفرغوا وسجلوا وتعبوا معانا
الحمد لله على نعمة المعهد القرآني واسأل الله أن يديم هذه النعمة

[أم مصعب 94]

رد: المعهد غيرني _ مشاركات طلاب الدفعة الأولى والثانية

المعهد مميز جدا يعني فكرة انك تلاقي اللي يشجعك علي الإستمرار في طريق ربنا في زمن بنلاقي اللي يشجعنا لو هناخد شهادة دنيوية ونفس الشخص يحبطنا لو عايزين ندرس علم شرعي ده غير حاجه بالنسبه لي مهمه جدا ومكنتش بشوفها كتير في الملتزمين وهي سمات الشخصيه الناجحه زي القوة النفسيه وطريقة التعامل مع المشاكل ففرحت جدا بأنواع التربيه اللي فريق التدريس مهتم بيها
ده غير ان حسيت فعلا يعني إيه الارتباط القرآن بيحل مشاكل كتير في حياتك وقفتك و وقعتك
ده غير إن أول مرة الواحد يبقي مستمتع بالمذاكرة ومش عايز السنه تخلص وبقي عايز الناس كلها تدخل المعهد وتشوف اللي الواحد شافه بجد ربنا يجازيكم الفردوس الأعلي

[إسراء عبدالتواب]

رد: المعهد غيرني _ مشاركات طلاب الدفعة الأولى والثانية

مشايخنا الفضلاء جزاكم الله خيرا كثيرا على ما علمتمونا فى المعهد ، المعهد غيرنى كثيرا الحمد لله
ربنا يجعل كل ما علمتمونا فى ميزان حسناتكم
جزاكم الله خيرا لصبركم علينا واحتوائكم لينا رغم تقصيرنا الشديد فى الحضور والمذاكرة

اول مرة فى حياتى افهم الجزء الثلاثين ( النبأ / النازعات / عبس ) ، السور دى بالذات بقيت اقراهم وانا عايشاهم
ونظرتى للقرآن عموما كلها اتغيرت بقيت اشوف ان القرآن كله بيتكلم عن الدعوة
ايات التدبر فهمت انها حصار دعوى ، اول مرة افهم ايات الجنة والنار فى حياتى
كنت بستعيذ بالله من النار وانا مش فاهمة يعنى ايه نار ، الحمد لله الذى علمنا

سورة العنكبوت دى كنز ، الناس كلها المفروض تتعلمها ، لما ذاكرتها كنت حاسة ان التفريغات دى عمل تاريخى لم يحدث من قبل

وبفضل الله بدأت اشتغل بسيط فى الدعوة ، لكن مش راضية عن نفسي
ان شاء الله هتعلم اكتر ، وربنا هيكرمنى وانطلق فى الدعوة الى الله

شكر خاص للشيخ حازم شومان ، ما فعلتموه مع أختنا ( محبة الرحمن ) رحمها الله ، أثر كثيرا فى الاخوات وجدد علاقتنا وارتباطنا بالمعهد، اهتمام حضرتك بكل طالبة من طالبات المعهد شيء عظيم جدا ، شعرت بالفعل بمعنى أخوة الدين

اسأل الله أن يبارك فى هذا المعهد ، ويجعله هدى لكل الحائرين

[amal bokra]

رد: المعهد غيرني _ مشاركات طلاب الدفعة الأولى والثانية

السلام عليكم ورحمة الله وبركاته
المعهد بالنسبة لي الكنز اللي كنت ببحث عنه منذ سنوات اول ما خلصت دراستي في الجامعة كنت بتمني يكون لي علاقة بالقران وحلمت بذلك قلت احفظ القران وبحثت وكانت معلوماتي بالدين قليلة وكان فتح لي من الله وبدات اعرف طريق الله ودرست العلوم الشرعية واحفظ القران لكن دائماكنت حاسة اني ينقصني شئ والعلاقة التي اتمناها بالقران مازالت بسيطة ولم يشبعني الحفظ والترديد حتي وجدت المعهد بقدر الله لي واعتبرته الفتح في الدين علي بالرغم اني قصرت في حق المعهد كثيرا بسبب العمل والاولاد والبيت ومشاغل الحياة الدنيوية لكن دعوت اللة اني عرفت قيمة المعهد لما بدات اذاكر بحق وبدات ادعو من حولي بمناهج المعهد وحتي اولادي الصغار بدأت اعلمهم حاجات من المعهد علشان يطلعوا فاهمين ويدبروا القران
انا حاسة اننا ان شاء الله بمعاهد مثل المعهد القران الدعوي سوف يعود علاقة المسلمين بالقران من جديد ويعود مجد الامة واننا طالبات المعهد سنكون بامر الله جنود للدين
واهم شي اضافني المعهد بها اهمية كل ثانية ودقيقة في حياة المسلم انا قرات كتب كتير عن الوقت لكن لم استشعر باهمية الثواني والدقايق الا بعد ما اصبحت طالبة في المعهد القراني الدعوي
اسال الله عزوجل ان يبارك لنا في المعهد ويكون كامبردج للمسلمين ومنارة للقران
ويجزي كل فرد فيه خيرا ويجعل كل لحظة فيه في موازين حسناتهم وينور طريقهم بنور القران في الدنيا والاخرة ويبارك في اعمارهم ويستخدمهم دائما للدين ولا يستبدلهم
اتمني في السنوات القادمة يكون موجود في المنهج كل سور القران تدرس كمادة الليالي القرانية
ونتخصص من سنة تانية

[ذات النقاب الاسود]

رد: المعهد غيرني _ مشاركات طلاب الدفعة الأولى والثانية

وعليكم السلام ورحمة الله وبركاته
المعهد من أعظم النعم اللى ربنا كرمنى بيها
لقيت صحبة صالحة لا تعوض
عرفت يعنى ايه تدبر ويعنى ايه أعيش مع الآيات
بقيت بكلم اصحابى زى ما الشيخ بيقولنا ف الدعوة
الليالى القرآنية عرفتنى الفتن ومصاعب الطريق بشكل رائع
التفسير خلانى بصيت لكل كلمة ف القرآن بمنظور مختلف
ربنا مايحرمنى من نعمة المعهد ابدا ويجعله فى ميزان حسناتكم

[التوبه طريقي]

رد: المعهد غيرني _ مشاركات طلاب الدفعة الأولى والثانية

السلام عليكم ورحمة الله وبركاته
انا بحمد ربنا علي نعمه المعهد واشكر كل القائمين عليه واشكر مشايخنا علي مجهدهم وتعبهم معانا فعلا مكنوش بيسيبو كبيره وصغيره غير لما يردو علينا بارك الله فيكم
وشكر خاص لاختي وحبيبتي اللي شجعتني ودخلتني المعهد
اولا المعهد غيرني تماما كلي وجزئي في حياتي الشخصيه وحياتي الاجتماعيه فعلا انا بحمد ربنا علي الطريق اللي بدأته معاكو وبدعي ربنا انه يديم هذا الطريق ونعمه عليه واشكر الصحبه الطيبه اللي عرفتهم في المعهد بجد حاسه اني اعرفهم من سنين حاسه انهم فعلا اخواتي واصحابي بجد انا مش مصدقه ان حياتي اتغيرت بالشكل ده بارك الله في مشايخنا واخواتي الكريمات وذي مااحنا في الدنيا صحبه في طريق الله ربنا يجمعنا في الاخره صحبه في الفردوس ان شاءالله

[abeer21796]

رد: المعهد غيرني _ مشاركات طلاب الدفعة الأولى والثانية

السلام عليكم ورحمه الله وبركاته . الحمدلله الذي هدانا لهذا وما كنا لنتهتدي لولا أن هدانا الله ) الحمدلله على نعمه المعهد القرءانى الدعوى التى هى محض منه وفضل من الله سبحانه وتعالى الحمد لله على ان من الله علينا بنعمه المربين الصادقين والله مش عارفه احمد ربنا على ايه ولا ايه وطبعا الحمدلله على نعمه الصحبه الصالحه صحبه المعهد احلى صحبه واخوات فضليات حقا ربنا لايحرمنا الرفقه الصالحه ابدا يارب عاوزه اقولكم يا اخوات ان اكتر حاجه اثرت فى قلبى هى انى اكتشفت ان اقوى محرك ايجابى فى حياه اى انسان هو الحب ( محبه الله) بتخليك تكونى حاسه ان فيه قوه دافعه بتدفعك للامام دائما وانك منتهى املك ازاى ربنا يرضى عنى ازاى ربنا يحبنى ازاى ربنا يصطفينى حياه القلب مع الله جنه فى الدنيا لم يعرفها الا من تذوق لذه المناجاه وايضا تاكدت من حاجه انه دايما الشيطان عاوز يحزنك( انما يريد الشيطان ليحزن الذين امنوا) دايما عاوز يقضى على الامل اللى جوا كل حد فينا علشان يحارب ويواجه القوه الدافعه دى اللقوه الجباره اللى نشأت من قوه يقينك وحسن ظنك بربك وعاوز يقطع هذه الصله باى شكل ربنا يارب يثبتنا جميعا على طريقه حتى نلقاه اتمنى من الله سبحانه وتعالى ان يصطفينا جميعا لخدمه دينه وان ييسرنا لليسرى وان يديم علينا نعمه المعهد القرءانى ويبارك لنا فى شيوخنا الربانيين وان يجمعنا جميعا يارب بفضله فى الفردوس الأعلى اخوانا على سرر متقابلين) شكر واجب لاختى وحبيبتى( هبه شاكر) هى اللى حفزتنا على دخول المعهد انا وبعض اخواتى لاننا كنا قلقين شويه من الامتحانات على النت لكن زى ماهى قالت الامر الحمدلله يسير ربنا يجازيكي عنا خيرا ويديم علينا الصحبه الصالحه يااااارب

[رقيه محمد]

رد: المعهد غيرني _ مشاركات طلاب الدفعة الأولى والثانية

السلام عليكم ورحمه الله وبركاته

المعهد من اجمل ما انعم الله به علي في حياتي : )
انا مش متواصله مع الجميع بشكل قوي بس الاخوات اللي عرفتهم فيه كانو فعلا خير صحبه ومن لا اعرفهم كانو من اصحاب الهمم العاليه اللي كانت بتشجعني وتحمسني دايما من حيث لا تدري ،،
فهمت من المعهد اشياء كتيره والقران اصبح اقرب لقلبي من السابق
حاسه اني بقى عندي ماده دعويه ممكن اتكلم بيها ،
شايفه اني هتغير للافضل مع المعهد
جزى الله شيوخنا خير الجزااء ..

[*جنتي في صدري*]

رد: المعهد غيرني _ مشاركات طلاب الدفعة الأولى والثانية

جزاكم الله عنا خير الجزاء في الدارين

بالفعل المعهد غيرنا بالاضافة إلي التغير هذا العام عن العام الماضي

فأصبحنا أكثر ارتباطا بعضنا البعض

وكان من الأشياء التي تضايقني أن المعهد ليس علي ارض الواقع ولكن اصبح له مكانا افضل ممن يوجد علي أرض الواقع

فأكثر ما أثر فيّ هو حرصنا علي بعضنا في الأخرة قبل الدنيا وهذا ما لم نجده في الصحبه علي ارض الواقع

فقد جاءني بعض وساوس الشيطان ان اترك المعهد وكنت قد قررت فعلا ....وفعي يوم عرفات رأيتني ادعوا للمعهد وللآخوات واستغربت انا كيف قررت علي تركه وادعوا لنا بالبركة فيه فأيقنت ان فيه خيرا بإذن الله

فجزاكم الل عنا خيرا فنحن مهما فعلنا مقصرون ونريد منكم ان تكونوا عونا لنا

وأحمد الله الذي جمعني مع هذه الصحبه الطيبة المباركة بإذن الله

فالله أسأل أن يثبتنا إلي أن نلقاه

[((سلسبيل))]

رد: المعهد غيرني _ مشاركات طلاب الدفعة الأولى والثانية

كتبت مشاركة فى ختام سنة اولى وهرجع تانى باذن الله اكتب مشاركة لى بعد سنة تانية عشان اقولكم يعنى المعهد بالنسبة لى ايه او ماذا فعل لى المعهد

[هبة القران]

رد: المعهد غيرني ،،،،،،، !السلام عليكم ورحمة الله وبركاتة الحمد لله الذي بنعمتة تتم الصالحات ثمرة هذا المعهد

السلام عليكم ورحمة الله وبركاتة
الحمد لله الذي بنعمتة تتم الصالحات
المعهد هو اجمل حاجة فحياتي الان وفعلا غيرني كتير جدا
لدرجة اني كل كلامي مع اصدقائي واقاربي عن المعهد
عن التفسير والسكاشن والدعوة فهو فعلا كان له دور عظيم بفضل الله في تعلمنا الدعوة الي الله
وادعو الله عز وجل ان يكون هذا المعهد في ميزان حسنات كل القائمين علية
وجزا الله الاخت التي رشدتني الية خير الجزاء
واوجهة لكي دعوة من القلب ان يبارك في وقتك ويسكب علي قلبك
الايمان والصبر وكل ما هو يقربك الي الله

[هبة القران]

السلام عليكم ورحمة الله وبركاته
الحمد لله على نعمة المعهد
فكانت ثمرة المعهد
1/التربية بالقران
2/ الصحبة الصالحة
3/ الفهم وسؤال الشيخ على الغرفة
4/ تصحيح معنى الالتزام عندى
5/معرفة أسلوب الدعوة
6/ كيفية مواجه الفتن والمشاكل
7/ الخوف على دين الناس
8/ هدفى اصلاح نفسى والناس وانقاذهم من النار
9/ استشعر معنى ان ايات بسيطة اصلى بها القيام من كثرة المعانى التي تحملها الايات
10/ يكون شعارى لولا المربى ما عرفت ربى
فجزى الله عنا خير المشايخ وإدارة الموقع وكل من ساعدنى ف الدخول لهذا المعهد والاستمرار فيه

[جويريه*]

رد: المعهد غيرني _ مشاركات طلاب الدفعة الأولى والثانية

وعليكم السلام ورحمه الله وبركاته
المعهد نعمه وفضل من الرحمن ..فيه الصحبه الجميله الصادقه الى فعلا مجيش حاجه جنبهم بس
اسأل الله ان يجمعنى بهم فى الجنه ، القدوه الطيبه
الى تديك أمل ، الاهتمام من الشيوخ ربنا يجزيهم عنا خير الجزاء ويجعل كل ما قدموه فى ميزان حسناتهم ..
بنشعر بسعاده اننا طلبه فى المعهد ..فى وسط الفتن الرهيبه و الصحبه الى عاوزه تضيعك وتزين لك المعاصى مع الشيطان ..
ربنا يجمع كل المسلمين فيه ويبقى اكبر معهد ويبقى ليه اثر كبير على كل المسلمين ..
فى كلام كتير بس مش هطول جزاكم الله خيرا كثيراً