الجزء التانى و المهم من حملة "لا للإنترنت المحدود "

[أبوهُريرة]

السلام عليكم ورحمة الله و بركاته




طبعا أكيد كلنا غاضبين جداااااااااااً

أنا عارف أن الموضوع مش مشكلة مصيرية في الأول والآخر بس والله العظيم هنضر من الكلام ده والله العظيم

وأكيد الكل زعلان من تجاهل الحكومة و شركات الإنترنت و طبعاً التجاهل الإعلامي اللي حاصل
طبعا إحنا المرة دي حنقوم بدور تاني أو بحاجة تانية فى الحملة بتاعتنا
اللي أنا واثق اننا حنجبر الناس دول بأنهم يلغو القرار الظالم ده


طبعا فى ناس حتقولى انت ايه اللى معصبك كده
حقولك التجاهل الاعلامى اللى حاصل و غير كده شوفت اسعار النت بره كنت عاوز اكسر ايه حاجه ليها علاقه بالشركتين دول
يعنى شوفت نت سعره 15 دولار و السرعه 2 ميجا
حتقولى 15* 5.50 ب 86 جامد كدا
حقولك 15 دولار يعنى 15 جنيه لان فرق العملات ده ميخصناش وكل عمله بتتعامل على اساس انها عمله

يعنى الناس دى كسبانين اكتر من الشركات اللى بره بمراحل كبيره
لا وعايزين يقرفونا فى عيشتنا والبحر يحب الزياده


يلا ما علينا بس بردو افتركت عرض فودافون نرفزنى اكتر
اللى بيقول و بيوضح ان الناس دى شغاله بمزاجها
وعامله الموضوع ده بمزاجها فقط لاغير

وده عرض فودافون اللى اكد ان الناس دى شغاله بمزاجها

# 100جيجابايت لسرعة 1 ميجابت، ثم تنخفض السرعة إلى 256 كيلوبت
# 150 جيجابايت لسرعة 2 ميجابت، ثم تنخفض السرعة إلى 256 كيلوبت
# 200 جيجابايت لسرعة 8 ميجابت، ثم تنخفض السرعة إلى 512 كيلوبت

وده عرض الشركات اللى بيتقال عليها كويسه لنفس السرعات
1 ميجا / ث =40 جيجابايت / شهريا
2 ميجا / ث =60 جيجابايت / شهريا
8 ميجا / ث =120 جيجابايت / شهريا
و سرعتك بتنزل ل 128 كيلوبت
يعنى مفيش غير كلمه واحده فقط حسبى الله ونعم الوكيل

عشان كده انا عن نفسى بتبنى الجزء التانى او المرحله التانيه من الحمله

بس المره دى حتكون اقوى و حننهى فيها على شركتين من اكبر شركات الانتر نت فى مصر

على فكره فى ناس كتير ان حيكون فى زى حمله قويه عليههم يوم 10/8/2009
يعنى يوم الاتنين اللى جاى

و اللى حيصل فى اليوم ده كا التالى
وهو احنا حنطلب اننا نلغى اشتركنا !!!!
حتقولى اشتراك ايه يا عم النت بقى شىء اساسى
حقوله لو وافقنا و سكتنا كالعاده الدوس علينا و تدمير اى حاجه بتسبب للشعب الغلبان السعاده
حتبقى هيه الشىء الاساسى ومش حنقدر نعيش من غيره
يعنى بصراحه و بالعربى حناخد على دماغنا و حنقول ماشى وحاضر وده حيحصل على طول

وطبعا الجزء الاول لسه شغال
بس احنا حناخد حقنا بدرعنا بعد ما الناس رافضه تساعدنا او بتتجنب الموضوع ده تقدر تقول على الاعلانات و اكل العيش المر

طبعا عشان احنا المتضرر الوحيد يبقى لازم نجيب حقنا بأدينا و نفضل نطالب بحقوقنا بردو

و على فكره الجزء التالت من الحمله حتكون اننا حنراسل الشركات الاجنبيه و حنطالب بأنها تيجى مصر عشان يبقى فى منافسه اكتر

زى اللى حصل بالظبط لما دخلت اتصلات سوق الموبايل
ونفس اللى حصل لما دخلت فودافون سوق النت

وفى النهايه ارجو تنفيذ الجزء التانى من الحمله مش عشانك بس
بس مينفعش شركات النت تدينا على دماغنا هيه كمان
مش كفايه المعامله و خدمه العملاء اللى خنقتنا
لا كمان حينضمو الى قبله الناس اللى بتدى الشعب على دماغو


حسبى الله ونعم الوكيل ومتنسوش على الاتنين القادم موعدنا يوم 10/8/2009

منقول للاهمية والمشاركة


الموضوع منقول بتصرف فيه أخطاء إملائية ونحوية كتير أردت أن أصححها صححت الأول

[العابدلله]

رد: الجزء التانى و المهم من حملة "لا للإنترنت المحدود "

لا قوة الا بالله

[hossameldeen]

رد: الجزء التانى و المهم من حملة "لا للإنترنت المحدود "

انا لله وانا اليه راجعون

لا حول ولا قوه الا بالله

[أبوهُريرة]

رد: الجزء التانى و المهم من حملة "لا للإنترنت المحدود "

ربنا ييسر الخير إن شاء الله

[عاشق صلاة الفجر]

رد: الجزء التانى و المهم من حملة "لا للإنترنت المحدود "

بالتوفيق للحمله المقامه ضد هولاء المستغلين وبشكرك على مجهودكم الكبيره وربنا يكرمنا وينصرنا عليهم وبالفعل قانون السوق عرض وطلب محتاجين شركات تانيه اجنبيه وليه لا حيكون عندهم خدمة عملاء على الاقل تحترم البشر مش تتجاهلهم وكمان حيكون عندهم عروض ممتازه لكل الناس نفسنا فعلا نحس اننا نقدر نعمل حاجه ونبقى ايد واحده ولو مرررررررررررررره الله يكرمكم يا احلى شباب
صلوا على الحبيب المصطفى صلى الله عليه وسلم
كل عام انتم الى الله اقرب

[homaas]

رد: الجزء التانى و المهم من حملة "لا للإنترنت المحدود "

جزاك الله خيرا أخى الكريم ..

ولكن مالى أراك مهموماً مغموماً .. (ابتسامة)
ألم تتعود على مبادئ النظام الرأسمالي الجائر فى العالم أجمع (والذي يطبق بأبشع صوره فى مصر ؟؟!!)
أخى الفاضل مبدئياً لنعلم أن المسميات والمصطلحات التالية (الرأسمالية .. الخصخصة .. بيزنس إز بيزنس ..... وغيرها ) أوجه عديدة لعملة واحدة وهي ما تسمى فى عالم البورصة باسم الجشع والطمع .

TeDATA هى كبرى الشركات المصرية المقدمة لخدمة الانترنت فائق السرعة والمعروف اختصارا باسم DSL او ADSL .. وتليها من حيث السعة شركة Link.net وأخيرا EgyNet ..
وبالطبع أفضلهم من حيث الخدمة والكفاءة هى الأولى ..

وعلى كل حال فدوام الحال من المحال وكما أنهم لا يفكرون إلا فى مكاسبهم وفقط فما يلبثوا إلا أن يرضخون لمبدأ التعامل التجاري الذى يسلطه الله عليهم (وهو مبدأ العرض والطلب) مما يجعلهم يخفضون السعر مرة أخرى .. وسبحان من خفض قيمة مكالمات الموبايل بمصر إلى 10 قروش للدقيقة بعد أن كانت .........

وعلى كل حال اصبر أخى الكريم فهذا أهون بكثير من ذي قبل ..
ولو أنك جربت الاتصال بالانترنت عن طريق الدايل أب (بأى من الأرقام التى تبدأ بـ 0900 ) منذ ثمانى أو تسع سنوات وقت أن كانت الساعة بـ 6 جنيهات لشعرت بالخير الذى نحن فيه الآن ..

أينعم سوف يصيبك الإحباط وربما الملل وربما الهبوط الحاد (حفظك الله) لو علمت أن سرعة الانترنت فى ألمانيا للطبقة الوسطى هي 16 ميجا بايت / ثانية ((أى يمكنك من خلالها تحميل سورس برنامج صغير "5 ميجا" قبل أن يرتد إلك طرفك كما قالها عفريت سليمان)) وهذه الخدمة تأتى كإحدى الخدمات المرفقة بالاشتراك فى الخط التليفونى بدون أى زيادة فى تعريفة المكالمات وكذلك بعض الخدمات الأخرى
ولكن اصبر ، والله القائم عليهم وعلى مكرهم .

[M_S_A]

رد: الجزء التانى و المهم من حملة "لا للإنترنت المحدود "

[أبو السائب المصرى]

رد: الجزء التانى و المهم من حملة "لا للإنترنت المحدود "

والله يا ابا هريرة ما عارف اقولك ايه
المشكلة ان اللى بيحصل ده مخطط وزارى من الدرجة الاولى
هتقولى مخطط ايه يا عم دى الشركات شغاله من دماغها
هقولك بس اهدى وافهمنى
انت تعرف ان فيه حكم قضائى بحجب المواقع الاباحية
وان فيه ناس بتجرى دلوقتى عشان تنفيذ الحكم
وان فيه شباب مش ساكتين ورافضين تهرب الوزير
واللى قالك ان مهندسين مصر مش هيعرفوا يعملوا الخدمه دى
او يوقفوا المواقع دى
طبعا مش هقولك انى اساسا مشترك فى خدمه فاميلى نت
ودى اكيد عارف انها لحجب المواقع
يعنى اهو ينفع تتعمل وتتحجب المواقع دى
يقوم البيه بقى عامل ايه مطلع قرار يلهى بيه الناس
عن الخطر الحقيقى واللى فعلا الناس كلها مش واخده بالهم منه
للاسف يا اخوانى احنا فعلا بنستفز بسهولة شديده جداااااا
بيعملوا اللى عايزينه فى الخفاء ويرمولنا حاجه نلتف حواليها وننسى الاصل
اللهم اهلك الظالمين بالظالمين واخرجنا من هذا البلد سالمين

[نهر الجنة]

رد: الجزء التانى و المهم من حملة "لا للإنترنت المحدود "

الله المستعان ولا حول ولا قوة إلا بالله
افي السعودية بتصل السرعة 12 ميجا وفعلا بطرفة عين كان كل شئ بيتحمل
لكن لما في مصر 512 وطبعا الذل كله فى التصفح والتحميل ، والله المستعان
وهناك كان فيه ميزة إن أى موقع يخطر على بالك أو لا يخطر للإباحة محجوووووووووووب
فكان الواحد يترك أولاده للتصفح دون خوف أو قلق
لكن هنا
عيني عليه فى كل لحظة
اللهم هون علينا وأعنا على مانحن فيه وارفع الظلم عنا إنك أنت الجواد الكريم
بارك الله فيك أخى زنحن معك وأعانك الله وقواك

[أبوهُريرة]

رد: الجزء التانى و المهم من حملة "لا للإنترنت المحدود "

جزاكم الله خيراً لمروركم جميعأً أخواني
نهر الجنة،المشتاق لرحيق الجنه،M_S_A، homaas

جزاكم الله خيراً أخي homaas هونت عيلنا كتير بس فعلاً الموضوع مش ناقص يعني السرعة 1 ميجا بالعافية الواحد بيطلع 145 ولما الواحد يجيي يوم 5 مش بيستنوا واقطع النت فهل يكون ده جزاءنا يعني أننا صابرين .... وكمان بتقول في ألمانيا 15 ميجا .... لا حول ولا قوة إلا بالله

أما أخونا المشتاق أنا أظن السبب الأصلي أنهم عايزين يلغوا حوار الشبكات خالص، وجزاكم الله خيراً لمرورك .

وأختنا نهر الجنة ربنا يتولانا برحمته


بس من الآخر ومع الأعتذار الشديد لأي حد مصر أحسن من أي بلد تاااااااااااااني


والحمد لله والله العظيم ما كلام ، أه فيها أخطاء كتير بس ده بذنوبنا وأدينا هنصبر بس في الجملة الحمد لله أني مصري

[homaas]

رد: الجزء التانى و المهم من حملة "لا للإنترنت المحدود "

نعم أخى .. بالنسبة لألمانيا فهذا صحيح بالفعل وهذا ما أخبرني به أحد الأصدقاء الفلسطينيين الذين يعيشون بألمانيا منذ سنوات وكان قوله هذا لى منذ عامين تقريباً أيضا .. فلعل تلك السرعة زادت الآن .. وكما ذكرت أن هذه الخدمة لديهم بلا مقابل لأنها مقدمة أصلاً ضمن خدمات التليفون مع خدمات أخرى مثل الفاكس وغيرها ولا يتكلف المستخدم لها سوى دفع مبلغ الاشتراك الرئيسي لخدمة تركيب خط التليفون لمرة واحدة فى البداية فقط .
مع العلم أنها بأمريكا أرخص من ألمانيا أيضا .

و اصبر كما قلت لك أخى ، فالأمر له سبب سياسي نحن موقنون منه تماماً وهو لا يخص الانترنت فقط ولكن أى شئ من شأنه إلهاء شباب المسلمين وتمييع هويتهم وقضاياهم ..

فكِّر قليلاً ... فى غضون أعوام قليلة جدا كيف هبط سعر الريسيفرات فى السوق المصري إلى هذه الدرجة .. فبعد أن كان يباع ب 5000 جنيها أو 8000 جنيها هبط إلى 200 جنيهاً .. وكذلك الموبايلات الحديثة ذات خاصة البلوتوث والذاكرة الكبيرة ..
الهدف مقروء ومعلوم جداً من لدنا نحو سياسة المستعمر بالطبع .
وهكذا هم سيخفضون الانترنت من أجل أن يتمتع الشباب بالمواقع الإباحية المفيدة ، وحتى لو طبق نظام حجب المواقع الإباحية بمصر كما طبقتها جامعة الملك عبد العزيز (الجهة الرئيسية المسئولة عن الانترنت بالسعودية) فستخرج من لدنهم آلاف الطرق التى ستعلم الشباب كيفية استخدام البروكسي كما تعلمه شباب السعودية إلا من رحم الله .

وأختلف معك أخى في رأيك حول التعصب للجنسية فجميعنا كمسلمين إخوة بغض النظر عن الجنسيات .

ونسأل الله أن يرد كيد الكائدين بالدين وبالمسلمين .. ونفعنا الله بك أخى .

[أبوهُريرة]

رد: الجزء التانى و المهم من حملة "لا للإنترنت المحدود "

فالأمر له سبب سياسي نحن موقنون منه تماماً

ربنا يتولانا برحمته

وجزاكم الله خيراً


وأنا والله العظيم يا أخي على الرغم من اهتمامي بالموضوع شايف أن مش مستاهل


ثانياً المواقع الملحدة والمواقع التبشيرية واليهودية انتشرت بالعربية بصورة مفزعة


وأنا متضااااااااااااايق من هذا الأمر جداً


وصراحة انا زهقت من النت

أنا لأأ أقدم به شيء لديني

بس أخذ فقط وهذ ا لا يكفي