تعليق الأخت التي أسلمت على البالتوك على ردود الأخوة على موقعنا الطريق الى الله

[اخوكم مصعب]

السلام عليكم ورحمة الله وبركاته

هذا هو تعليق الأخت التي أسلمت على البالتوك- ثبتها الله - على تعليقات الأخوة في تسجيلها بموقع الطريق إلى الله
وهي تكتب باسم

رابط تسجيل الأخت
على المنتدى
https://forums.way2allah.com/showthread.php?t=29459

رابط تسجيل الأخت
على الموقع
http://www.way2allah.com/modules.php...iles&khid=2421

jesus was my king

التعليق :

jesus was my king
( الجمعة 1 ربيع الثاني 1430هـ ):
السلام عليكم

لو فضلت اشكركم طول عمري على الكلام الجميل السمعته منكم مش حوفيكم حقكم

قريت كل تعليقاتكم كلها كلها اللي بالعربي واللي بالانجليزي

قريت كل دعواتكم الجميلة ودعيت لكل اللي طلب الدعاء زي ماهو كاتب بالظبط

ربنا يخلي الاخت الطيبة اللي عرفتني بموقعكم ده

بعتتلي الرابط على البالتوك ودخلت وقريت كلامكم وبجد خليتوني ابكي من الفرحة اكتر واكتر

فرحتي انكم سامحتوني على اللي كنت باقوله في حقكم وفي حق دين ربنا

وفرحتي باخويا المسلم اللي بيقول انه تاااااااااب ورجع لربنا وانه انا السبب

بجد فرحتي ماتتوصفش صدقوني


فرحتي كمان اني عرفت اتواصل مع الناس الجميلة دي وارد على كلامهم الجميل



وبرغم انتشار التسجيل بطريقة رهيبة مكنتش اتوقعها ولا كنت عاملة حسابها الا ان باشكر ربنا اني في امان ومحدش عرف انه انا اللي باتكلم



وده ستر من الرب عليا عشان بعد ما شفت الانتشار ده بصوتي فضلت اصلي لربنا واقوله يسترني ويخبيني

وان محدش يعرف انه انا حتى لو امي اللي سمعته



كمان انا كنت بردانه والصوت كان متغير من عند ربنا طبيعي بسبب البرد اللي كان عندي



مش معقولة ربنا يكلمني ويكون معايا ويعرفني طريقه ويسيبني بعدها



يستحيـــــــــــــــــــــــــــــــــــل



انا ايماني بستر الرب و حمايته ليا بيوازي ايماني بوجوده



انا مش خايفة لان معايا اللي خلقني وخلقكم



هل انا لو طلبت من حد فيكم حماية حيتخلا عني؟؟؟



طيب لما اطلب الحماية من الرب اللي عملني وصنعني ونورني هل حيتخلا عني؟



مستحيل



لازم ده يكون جواكم ومتخافوش عليا



حيجرالي ايه؟ حاموت؟



طب مكلنا حنموت



فيها ايه؟ لما اموت وربنا في قلبي احسن ما اموت وانا كنت باشتم على دينه ورسوله بجهلي وغبائي



ده انا باساله قالي قال الله



شفتم عظمته ؟



سالته سؤال جابلي سورة بتقول قال الله



يعني بيكلمني وبيقولي بنفسه الجواب وانا باساله



هل حيسيبني ويخلي البشر يقدروا عليا؟



مستحيل



وابشركم اني باصلي كل الصلوات كلها كلها وليا اودة بتاعتي لوحدي باكون فيها براحتي باصلي فيها وباحفظ القران



ومعايا البنات المسلمات على البالتوك باراسلهم وبيعلموني كل حاجة



وكمان انتسبت لغرفة صوتية بيحفظوني قران



وكمان حفظت سورة النبا والنازعات والمطففين وشوية سور صغيرة



وكمان بادخل مواقع اسلامية وعرفت حاجات كتيرة عن الاسلام كتيرة كتيرة جميلة



ولو كنت عرفت الحاجات دي وقريت عنها كنت اسلمت من زمان من غير ما الف وادور واتعذب واسال



الاسلام طلع جميل مش زي ما كنت فاكراة ابدا



مكنتش باتعلم عن الاسلام غير شبهات وحاجات اكتشفت ان كلها حاجات غلط والمسلمين ردوا عليها رد منطقي ومقنع



واكتشفت ان كله بيكذب عشان يشوه الاسلام الرائع



واكتشفت ان اعظم انسان في الدنيا هو اللي الناس دي بتكرهه وبتشتم عليه وبترسمله صور وحشة



محمد رسول ربنا العظيم البطل القوي الطيب الحنين



العبقري من غير كراسة ولا قلم



ازاي يقول كلام زي ده ازاي وهو مدخلش مدارس ولا اتعلم



ازاي يقول الكلام اللي قريته عن الاعجاز العلمي في القران



والبحر المسجور



ازاي عرف ان تحت مية البحر في نار لوحده من غير مايدخل مدارس ولا يتعلم ولا كان حد يعرف الكلام ده



يااااااااااااااااااااااااااه نفسي اكتبلكم كل حاجة قريتها عنه نفسي نفسي



انا كنت رمز الجهل والتخلف والتعصب الاعمى



انا كنت رمز التكبر والعناد وعما القلب والعقل



بس الكريم العظيم



الرب اللي خلقنا مرضاش يسيبني كده وحن وعطف عليا



مرضيش يسيبني حيرانة وتايهة وتعبانة ومش عارفة اعيش



ساعدني ووقف جمبي وكان يقدر يسيبني جاهلة وتايهة ويموتني وانا بعيدة عنه



لكن لقيته بيحبني



وقبل ما اساله واكلمه ويجاوبني كنت باتابع الاسلام على الفضائيات وعلى المواقع لكن كنت باتعامى عن اللي باشوفه وباسمعه



كنت باسمع اسئلة المسلمين للشيوخ في حاجات في حياتهم والاقي الشيخ رد على المسلم برد مقنع



وكنت باحط نفس السؤال اللي ساله المسلم بس في المسيحية واقول لو انا مكان المسلم ده كنت عملت ايه



وايه الرد المسيحي على السؤال اللي ساله المسلم ده؟



كتير مكنتش بالاقي ردود واضطر امشي من دماغي



عشان كده لما اسلمت حسيت ان ليا رب ممشيلي كل حاجة



مفيش حيرة ولا توهان



اي حاجة في الدنيا ربنا راسمهالي عشان امشي عليها في حياتي وعيشتي ومعاملتي معاه ومع الناس



علمني ازاي اكل وازاي اشرب بطريقة ترضيه



علمني ازاي اناجيه وازاي احبه



علمني ازاي اعمل اللي يرضيه مخلانيش امشي من دماغي

لان الحقائق نسبية ومختلفة عند الناس



واللي اشوفه انا صح ممكن يشوفه غيري غلط



عشان كده ربنا رسم الطريق الصح المباشر اللي مينفعش يتدخل فيه بشر



عرفني ازاي اصلي مخلانيش اصلي بمزاجي وغيري يصلي بمزاجه وكل واحد ماشي مع نفسه



حتى في مساعدتي للفقير عرفني اساعده ازاي وبالتفصيل كمان



اتعلمت عن الصلاة والصيام والزكاة وقريت عن الحج والقران والوضوء والنظافة



عرفت المكان اللي حاكون فيه شكله ايه لو ربنا حبني



ماشية وشايفة الطريق قدامي وعارفة رايحة فين وحيجرالي ايه بعد كده



ايمان غريب واحساس اغرب عمري ما حسيته في حياتي كل يوم بيزيد بيزيد



عمره ما بيقل ابدا ابدا



بقيت كل ما اسمع الادان افتكر رد ربنا عليا



كل يوم خمس مرات اسمع الادان



بقيت استنى الادان واتمنى اسمعه عشان بيفكرني باللحظة الجميلة اللي كنت فيها مع ربنا



بقيت عايشة اتمنى اعيش في بيت مسلم اعلق فيه قران على الحيطة بالسورة اللي باحبها



بقيت عايشة اتمنى اشغل قران بصوت عالي في الكاسيت واسمعه بحرية زي المسلم ما بيعمل



بقيت عايشة اتمنى اقلد المسلمة واشيل مصحف اقرا فيه في المواصلات واقول للناس يا عالم انا مسلمة ومؤمنة بالكتاب العظيم ده



بقيت عايشة اتمنى امشي بحجاب زي البنات المسلمين واخبي نفسي من الارف اللي باشوفه في الشارع



نفسي ومنى عيني اقف في وسط مسلمين كتير في جامع واصلي ونكون كتير زي ما باشوفهم بيصلوا تحت البيت في صلاة العيد وفي رمضان



نفسي اروح الجامع وادخله واحضر فيه دروس زي البنات اللي باشوفهم خارجين من الجامع بعد الدرس



نفسي اقلدهم واكون زيهم مش عارفة



نفسي اعمل رنة في موبايلي بتقول الله اكبر مش عارفة



يا بختك يا اللي اتولدتي مسلمة

مش بتلاقي اي صعوبة في الحاجات دي وبتعمليها براحتك من غير ماتخافي ان حد يشوفك



لكن مهما كانت الصعوبة ومهما كنت مش قادرة اعمل كده علني



الا اني بحبـــــــــــــــــــــــــــــــــــــــك يا رب الكون وربي ورب كل المخلوقات



بحبــــــــــــــــــــــــــــــــــــــك يا رسول الله وبحب كل اللي بيحبك



عشان انت اللي علمت الناس القران اللي جاوب على اسئلتي



مكذبتش ومخبيتش



وبرغم حب صحابك ليك وبرغم اللي سمعته انهم كانوا يتمنوا تراب رجليك الا انك مادعيتش انك اله او رب



كنت تقدر تقول انك اله وانك ربنا لو كنت عايز شهرة وحب اكتر وكانوا حيصدقوك ماداموا بيحبوك الحب ده



لكن انت معملتش كده واديت دورك زي ما الرب طلبه منك



وهمه كمان حطوك في المكانة اللي تستحقها



بجد منتهى العقل والنور حياته وحياة اصحابه



وانا معاك لاخر نفس في حياتي ولاخر دقة في قلبي يا رسول الله



طولت عليكم؟



معلش اتحملوني



لكن مقدرتش ماعلقش بعد ما قريت كلامكم الرائع



وانا حادخل اشارك معاكم في المنتدى ويشرفني اكون اخت ليكم



لكن ليا طلب من كل اللي حيقرا تعليقي ده



انه يدعيلي ان الرب يستر عليا ومحدش يعرف اني صاحبة التسجيل ده لحد ما اموت



لان مهما كنت حاسة اني اسيرة ومش قادرة اعلن اسلامي ومش قادرة اعيش زي المسلمين

الا انه اهون من اني اكون تحت مراقبة او اني ماعرفش اصلي في اودتي او احفظ قران



لان حتى الحاجات البسيطة اللي باعملها دي حاتحرم منها ومش حاقدر اعملها لو حد من اللي حواليا عرف



لحد ما ربنا يتمم خطتي الجديدة على خير واحتمال قريب تسمعوا خبر مفرح بزواج من شاب مسلم في كندا


صلواتكم ودعواتكم معايا


السلام عليكم

[mohamed karkar]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

بيم الله والصلاة والسلام علي رسول الله
ثبتك الله اختنا ولا حرمك الله ستره الجميل واتم الله لك الخير وزادك الله ثقتا في الله وحبا له وابشر كل من يقرأ رسالتي بحديثين اولهما
قال صلي الله عليه وسلم"من سره ان يحب الله ورسوله فليقرأ في المصحف"
والاخر وهو بالمعني (ان الله لايعذب من يحبه)او كما قال صلي الله عليه وسلم

[نداء الحق]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

انه يدعيلي ان الرب يستر عليا ومحدش يعرف اني صاحبة التسجيل ده لحد ما اموت

ماشاء الله ربنا يبارك يارب ويسترها معاها ومحدش يعرف انها صاحبة التسجيل ده لحدماتموت
اللهم ثبتها واحفظها وفرج همها وكربها
اللهم امين

[أبو بكر أشرف الشامي]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

و الله كلام مؤثر و مُبكي...

صدق إيمانها و قوة حبها للإسلام تظهر جليَّاً في كلماتها...

نحمدُ الله كثيراً أنْ هداكم للإسلام و نسأله أنْ يُثبتكم عليه...

اللهم و أنتَ تشهد على ما في قلبها من حب لك فنجِّها من بيت أهلها إلى بيتٍ مُسلم تُظهِر لكَ بهِ شعائرك... اللهم تمم لها الزواج من الأخ المُسلم في كندا و ارزقهما سعادة الدارين و احمهما من كل شر..

و الحمدُ لله يا جماعة .. الناس تدخل في دين الله أفواجا و الله.. كل يوم على مُستوى العالم يُسلم المئات...

جزاك الله خيراً أخي مصعب على النقل... و أبلغ الأخت منا جميعا السلام و اطلب منها أن تدعو لنا.. فوالله هي خيرٌ منا ثبتها الله...

[dr_karmen]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

يا بختك يا اللي اتولدتي مسلمة

ده التمني الحقيقي
جزاها الله خيرا
ربنا يثبتها ويعينها ويملأ قلبها وقلوبنا بحبه
ويسترها ويحفظها اللهم آآمين
ويرزقها الزوج المسلم اللهم آآمين

[أبويحيى]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

اللهم ثبتها ... جزاك الله خيرا اخى على نقل التعليق هنا

[ابي بن كعب]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

جزاكم الله خيرا اخي الكريم علي هذا النقل الطيب وثبت الاخت الكريمه علي الحق وبالفعل هذا التسجيل انتشر بشكل ملحوظ لدرجه اني سمعت احد الشيوخ يتحدث عنها في صلاه الجمعه

[العابدلله]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

نسأل الله تعالى ان يثبتها وان يقر عينها بعبادة ربها جهارا نهارا من غير خوف ولا قلق

ونساله سبحانه ان ييسر زواجها من هذا المسلم وان يرزقهم الذرية الناصحة النافعة للاسلام والمسلمين


اللهم امين

[(فارس الإسلام)]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

أولاً .. أتقدم بالشكر لإدارة الموقع وللأخ الحبيب مصعب.

تقبل الله منا ومنكم ونفعنا ونفعكم ونفع المسلمين بعلمكم وخلقكم وجهدكم.

ثانياً ..

لا أملك إلا الدعاء لأختنا الفاضلة بأن يثبتها الله ، وأن يتقبل منها ويرزقها بزوجٍ مسلمٍ مؤمنٍ يكون عوناً لها على طاعة الله وابتغاء مرضاته ، وأن يمن على أهلها بالهداية إلى الإسلام ، وأن يستعمل أختنا في نصرة الإسلام والمسلمين.

وأهيب بالأخت الفاضلة أن تستزيد من العلم الشرعي فهو النبراس الذي يضيء لها طريق الحياة ، وفيه سعادة الدارين -الدنيا والآخرة- ، وأن تعلم أنها منذ أن نطقت بالشهادتين فمسئولية العمل للدين وخدمة الإسلام أصبحت على كاهلها ، فيا حبذا لو تتعلم العقيدة وترد على شبهات النصارى وتدعوهم للإسلام.

قال صلى الله عليه وسلم : لأن يهدي الله بك رجلاً واحداً خير لك من الدنيا وما فيها .. أو كما قال.

ونسألها الدعاء لنا ، فإني والله أزعم أنها خير منا ، ألم تسمعوا لقول الله تعالى :
إِلَّا مَن تَابَ وَآمَنَ وَعَمِلَ عَمَلاً صَالِحاً فَأُوْلَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُوراً رَّحِيماً

[NAHLA_111]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

Rbna ybark fiky bs w wrzokik alzwg alsalih lma in sha2 allah tsafry kanada mtnsinash a7na m7tagin l7d y3ly alhmam zyk ana b7bik gdan fi ellah wnfsy tb3atily emailk 3lshan ana nfsy akalimk

[أم محمد بنت الشام]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

ثبتك الله
سترك الله
أيدك الله
حماك الله
آمين

[راجي رحمة الله]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

السلام عليكم ورحمة الله وبركاته
نسأل الله أن يثبت أختنا الفاضلة وأن يسترها ويحفظها بحفظه
والحمد لله الذي هداها ونفع بها الإسلام
جزاك الله خيرا أخونا مصعب

[أسماء9729]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

نسأل الله لها الثبات
وان يتمم الله زواجها من الشاب المسلم وأن يسترها ولا يعلم بتسجيلها أحد
اللهم آمين

[حبيب الحبيب]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

بسم الله الرحمن الرحيم
والصلاة والسلام على سيد العالمين وامام المرسلين محمدا صلى الله عليه وسلم
اختي اولا ابشرك بجنة عرضها السموات والأرض وابشرك بأن الله لن يتخلى عنكي ولن يتخلى عنكي يااختي المسلمين فسنكون عونا لكي لما يحب الله ويرضى وثبتك الله في رحاب هذا الدين الجميل وجعلك ربي من ورثة جنة النعيم والسلام عليكم

[شريح لطفى]

رد: تعليق الأخت التي أسلمت على البالتوك على ردود الأخوة على موقعنا الطريق الى الله

اللهم ثبتها على طريق الحق وبارك الله فيكم