اقتراح وعايزة رايكم فيه !!!!!!!!!!!!!!!!!!

[رضاك يارب]

بسم الله الرحمن الرحيم

الحمد لله رب العاملين

والصلاة والسلام على سيد ولد ادم محمد النبى الامى عليه افضل الصلاة والسلام

اخوتى فى الله عندى اقتراح وعايزة اخد رايكم فيه

طبعا كلنا شايفين وعارفين اللى بيحصل فى بلاد المسلمين من قتل وتشريد لابناء الوطن من قبل الغرب وغير ذلك من الاتهامات للعرب بالارهاب وماالى ذلك حتى وصل بهم الحد الى انهم تطاولوا على سيد البشرية عليه افضل الصلاة والسلام .

طبعا اللى بيحصل ده ميرضيش اى مسلم على وجه الارض ، وناس كتير هتقول نعمل ايه واحنا مش بادينا الا الدعاء " ومااجمله من سلاح " وانا لااقلل من اهمية الدعاء لكن الله سبحانه وتعالى جعل لنا فى الارض اسبابا ناخذ بها وعلى الانسان انتقاء الاسباب والاخذ بها .

حينما اسمع فى الاذاعات الغربية او القنوات الغربية او مايقولونه عن العرب وعن الاستشهاديون وانهم يقولون انهم قتلة وارهابيون فده الكل يعرف انه مبنى على الاعلام الذى ثبثه لهم قنواتهم والاعلام هو اللى صورلهم ان العمليات الاستشهادية عمليات انتحارية ومن يقومون بها ارهاب ، وطبعا امريكا واسرائيل مسوقين كويس اوى لده ومفهمين شعوب العالم كله عن طريق الاعلام بانهم ابرياء ونحن القتلة " خسف الله بهم الارض " من هنا هما استغلوا الاسباب ووجههوها صح من وجهة نظرهم هما .

طيب مالاعلام اتعمل لينا واتعمل ليهم يعنى عندنا وعندهم بس الفرق انهم استغلوه علشان يدافعوا عن اعتقاداتهم "" بغض النظر صح او غلط "" بس هما يروها صح ، وااحنا عملنا ايه عملنا قنوات اغانى لكل فرد من الشعب قناة وكليبات عفانا الله واياكم ومسلسلات وافلام وخللى الشعب يفرفش ويفضل فى غيبوبة .

طيب انا بقى هقولكم على اقتراح يمكن يكون صح وممكن يكون غلط عايزة اخد رايكم فيه ، وقومونى ان اخطات.

زى ماالغرب بيستغل الاعلام المتمثل فى التليفزيون والفضائيات والصحف والانترنت فى النشر لافكارهم الهدامة والمغالطة ليه احنا منستخدمش نفس السلاح ده "" بجانب طبعا الاسلحة التانية اللى بتستخدم حاليا "" فبقترح اننا نعمل زى حملة للتعريف بهؤلاء القتلة وتعريف العالم كله مين الصح ومين الغلط مين القاتل ومين المقتول ، وايضا التعريف بديننا ونبينا صلى الله عليه وسلم عسى ان تبيض وجوهنا يوم نلقاه .

طيب هتقولولى ازاى : طبعا بعد مااعرف ارائكم واذا اتفقنا احنا فى ايدينا دلوقتى الانترنت اننا نعمل صفحات على الفيس بوك باسماء تجذب هؤلاء الناس حتى يدخلوا ويقرؤا الكلام ونضع فيها مقالات عن الدين الاسلامى وسيد البشرية عليةه الصلاة والسلام وعن المذابح التى تحدث فى المسلمين مدعمة بالصور والوثائق وتنترجمها لاكبر عدد من اللغات . ايضا ندخل الى مواقعهم ومنتدياتهم ونضع هذه المقالات وبكدة نكون بندعى لدينا الحنيف بالحسنى والموعظة الحسنة ونكون قدمنا حاجة بسيطة اوى لاخواننا المجاهدين والشهداء.

انا عارفة ان ممكن يكون فى كتير هيرفض اقتراحى ده ، بس ده اللى قدرت انى افكر فيه على قدر سعتى وقدرى فى التفكير وقدر ثقافتى المحدودة بس بجد انا كل مااشوف حال المسلمين بتعب جدا من اللى بيحصل فينا واهو شىء افضل من لاشىء .

مستنية ارائكم وان كنت مخطئة قومونى

وسلام الله ورحمته وبركاته على كل من يقول لا اله الا الله

[رشيده]

رد: اقتراح وعايزة رايكم فيه !!!!!!!!!!!!!!!!!!

جزاكى الله خيرا الموضع جميل وتم عمله بالفعل فى حملة من يدفعهم عنا وله الجنه