Tweet
بسم الله الرحمن الرحيم
الحمد لله وحده والصلاة والسلام على من لا نبي بعده اما بعد
الحمد لله وحده والصلاة والسلام على من لا نبي بعده اما بعد
فاكر الصورة اللي شفتها في ميدان التحرير لكل الناس وهي بتصلي جماعة وبتدعي وبتقول يارب انصرنا ..... طيب فاكر الشباب اللي كانوا شيلين اخوهم لما اتصاب في المظاهرات وكانوا بيجروا بيه على المستشفى والرحمة الكبيرة اللي كانت في قلوبهم .... طيب فاكر الشاب اللي طلع فوق المدرعة عشان يبعد خرطوم الميه عن باقي المتظاهرين وازاي كان عنده ايثار انه يتاذى هو على ان غيره ميتأذاش فاكر... و فاكر ... وفاكر
كل ديه اخلاق حلوة اوي كانت موجودة في ميدان التحرير وفي كل المظاهرات في الثورة ربنا فتح علينا بعدها ونصرنا
بس للاسف الاخلاق ديه كانت جوه ميدان التحرير وبس محتاجين نشوفها بره الميدان وبره الثورة عشان التغير يحصل في كل مكان في مصر محتاجين نعمم أخلاق التحرير
وهو ده الهدف من برنامج اخلاق التحرير على قناة الرحمة
للداعية الشاب احمد جلال يوم الثلاثاء من كل أسبوع الساعة عشرة ونصف
بس البرنامج ده بتاعنا كلنا كلنا لازم نشارك فيه , فيه برامج كتير اتعملت عن الاخلاق وراحت واتنست لانها مطبقتش في ارض الواقع لكن برنامجنا ان شاء الله مش هيكون كده
برنامجنا كلنا هنسمعه وننشره بتطبيقنا احنا للاخلاق ديه في نفسنا وفي اللي حولنا وفي عائلتنا وفي كل المجتمع وفي الفيس بوك والانترنت كله ونستفيد ان الناس علا عندها نية للتغير دلوقتي
عشان كده احنا كل اسبوع في اخر الحلقة هنتكلم عن معنى كان موجود في الثورة هنحضر له كلنا عشان نعرضه في الحلقة اللي بعدها عايزين منكم شوية حجات :
1-صور وفديوهات شفتها في الثورة عن المعنى ده عشان نعرضها في الحلقة اللي بعدها
2-مواقف عشتها بنفسك في الثورة وكان ظاهر فيها المعنى ده جدا
3-الايات والاحاديث واثار عن السلف عن المعنى اللي احنا هنتكلم عنه
4- ايه المشروعات العملية من وجه نظرك اللي ممكن نعملها ونطبقها في المجتمع عشان ننشر المعنى ده
5- هنجمع في كل حلقة اهم النقاط حوالين الخلق ده او المعنى ده ننشره بكل ما نستطيع على النت وعلى الفيس بوك وبين اصحابنا وبين عائلتنا وفي كلياتنا ومدارسنا
يلا ياشباب ... يلا نبتدي .... يلا نكمل اللي بدأتوا في ميدان التحرير
تعليق